همسات دافئة

فقط اعطيني الفرصة

2010-10-08T14:21:00.000-07:00

فقط اعطيني الفرصة وأعدك اني سألملم بمهارتي الدموع المختبئة خلف نظرتك القوية وادفنها بين خطوط يدي

فقط اعطيني الفرصة واعدك أني سأضم قوتي الواهنة إلى قوتك المصطنعة لأخفي عن الناس انكساراتك وألمك

قرب وجهك من اناملي قليلا واجعل شعيراتك التي تغفل عن حلاقتها تعبث بخلاياها واستمد من رعشتي ما يفجر به الدفء داخلك

أطيل النظر الى عيني واستمد من لونها ورسمتها ما ترمم به أحلامك المنكسرة وتطلي بها الخدوش التي نقرهاالبشر داخلك

استنشق عطري بعمق حتى يصل الى ابعد ركن مظلم داخلك ويفرشة بالفراشات وألوان قوس قزح والفقاعات الهوائية

انطق اسمي مرارا ولا تمل ابدا من صبه على مسامعي فقد أوصيت كلحرف من حروفة أن يحمل معه الىّ بقايا خوفك ويأسك وكلذكرى مازالت تؤلمك

اجمع لهفتي وخوفي وشوقي ودعائي فى تميمة تحرسك

سأكون في منتهى العجز سندا

وفى قسوة الوحدة سكنا

وفي شدة الحزن مرحا

فقط

ان

اعطيتني الفرصة

شيماء

25/9/2010 .

محاولة

2010-10-01T10:09:00.000-07:00

مرح الصديقات حولي

وبهجة ألوان ملابسي الصيفية

قبلات أمي المبعثرة

ونكهة الشيكولاته الساخنة

رائحة الريحان فى الشرفة

ودعوة جدتي الفجرية

انطلاقة الشعر الحر

وفراشات الحديقة المجاورة

تسابق حبات مسبحة أبي

وقطرات المطر المرتمية على كفي

نشوة الكتابة

وزياراتك القليلة للأحلامي

فشلوا جميعا

في تخفيف مأساة غيابك

شيماء 26/9/2010

حكاية أمي

2010-06-25T00:18:00.000-07:00

دفنت رأسي كعادتي بين قدمي أمي المتشابكة, وأخذت أداعبها بأناملي أتحسس ملامح الجنة القابعة تحتها

نحّت أوراقها قليلاً,وخلعت نظارتها الطبية, وفكت أسر شعري المقيد داخل شريطته وبدأت يدها تسري خلاله تبعثر هموماً متراكمه, وتبعثر أحزاناً باتت راسخة. تطايرت مع أنفاسها الدافئة التي تصطدم بوجهي فراشات ملونه تحوم حولنا ومع نظراتها المتدفقة فقعات هوائية تحتضن قوس قذح وتفرش ألوانه على جسدي. لم تتوقف يدها عن السريان في شعري كما لم تتوقف يدي عن التشبث بقدميها. بدأت تحكي لي حكاية تشعرها بأمومتها وأوقن انها لم تقرر نهايتها بعد ربما نسيت أني لست كبقية الأطفال الذين ينامون قبل أن تنتهى الحكاية. كانت قديما تضطر لوضع نهاية ترضيني قبل أن ترجو الملائكة أن يشبكوا في جفني حلم جميل يؤكد لي صدق نهايتها السعيدة أما اليوم فهي عاجزة عن إتخاذ قرار بشأن نهايتها فهي تعرف جيدا أنني أصبحت أعلم بالحقيقة, وبالنهايات أكثرت من تفاصيلها وأحداثها حتى باتت حكايتها مملة, كانت تصون قلب بطلتها بكل ما أوتيت من تفاصيل, كانت تخشى أن ينكسر أن يحترق, أن يقع في أسر أمير مستهتر لذا أحاطته بروحها, وعلّت حوله أسوار خوفها, وشيدت قلاع حذرها. ظهر الإرتباك على كلماتها فخرجت مرتعشة. أشفقت عليها فسحبت يدها من بين رأسي أقبلها وأضعها على قلبي لأوكد لها أنه ما زال بحوزتي فغرتها حركته وحسبت شهقاته دقات... وصدقت

وتركت حكايتها بنهاية لا يعلمها سواي

شيماء

هل يحق لي

2010-05-19T13:07:00.000-07:00

لم يزف لي هاتفي خبر اتصالك بعد

ولم اتحسس يوما خصلات شعرك القصيرة

لم استنشق رائحة قهوتك المضفلة

ولم تعطيني الفرصة لتجفيف قطرات العرق على جبينك بمنديلي الزهري

لم أشعر يوما بدفء رغبتك في ضمي اليك

ولم اصنع حلواك واشاركك أمنيتك الجديدة في يوم مولدك

لم تكسر ضحاكاتك ونبرة صوتك الخوف الذي يحتويني

فهل

يحق لي

ان

افتقد وجودك

شيماء

أيوة بخاف

2010-03-26T12:14:00.000-07:00

أيوة بخاف

ومتلمنيش.

. عارفة ليه الموجة لما البحر بيرميها بالقسوة ده, وينزعها من جواه

ويخبطها في صخرة قوية فتنزف ملحها الأبيص

وميتبقاش منها غير شوية طرطشة فارغة

بترجع تترمي في حضنة من تاني.

. عشان بتخاف

***

عارفة ليه الصدفة المشرشرة المركونة على عتبة البحر

مبتسبش نفسها لنشوة الغرق في جنون البحر الطايش

وبتغرس نفسها فى الرمل

. .

عشان بتخاف

***

عارفة المطر

حتى المطر تجسيد لخوف الميه اللي قدرت فى يوم تعلى وتكون سحاب

رغم اننا بنطرد في معادها العصافير ونلم الأطفال وحبات الفاكهة

ونسيب راسها تخبط في الشوارع والأرصفة وعواميد النور

من غير ما ندفي قطرتها المرتعشة بايدينا الباردة

. .

بتنزل عشان بتخاف تتخنق جوة السحاب

***

فاكسري لو تقدري حدود الخوف وإلعنيه

خلي الكواكب تثور على المدار وتعصاه

طمني الوليد وامنعي صراخة لحظة خروجة للحياة

فهمي العقارب لما ألمسها فى يوم بحنان ... متقتلنيش

يمكن سعتها تقدري تقطعي شرايين اليأس جوايه

أو تنزعي نبرة الألم من غنايا

أيوة حبيت في يوم ومابحتش ولا خبيت

أيوة اتألمت في يوم ومصرختش ولا بكيت

أيوة بخاف

ومتلمنيش

لومي الكون

عشان علمني

. . أخاف .

شيماء

أشياؤك تعاندني

2010-01-27T13:25:00.000-08:00

أشياؤك تعاندني

لا أدري لما تتعمد إثارة غيرتي

فهذا التبغ الذي أمقت رائحته لما يخرج من أنفك مكونا سحبا فضية لامعة بنكهة الشيكولاته الساخنة,

ومفعما بهذا الكم من المرح الذي يجعله يحوم حولي راقصا ,ويعايرني لأنه لامس رئتيك واقترب أكثر مني من قلبك النابض.

وحبات القهوة المذابة في فنجالك لم تتبرأ من سخونتها بتلك السرعة لتجد الدفء بين شفتيك

بينما فنجالي يظل حارقا لا يدفيني...ولا أَدفئه

وكوفيتك السميكة التي تتشبث برقبتك كما تتشبث ضفائرها ببعضها وتنام باسترخاء على كتفيك الحانتين

,ألا تراها حين تراني تترنح يمينا ويسارا بحجة الرياح لتبرز الفروق الواضحه بين مكانها ... ومكاني

وحبات مسبحتك التي تلتف حول كفك الدافئ لما تدفع كل واحدة منهم الأخرى بهذة القسوة - في سباق لا أشارك فيه - لتستكين لحظات بين أناملك وتنال من لمساتك أكثر مما نالته أخواتها

وحروف الأبجدية التي يعرفها البشر لما تتناثر على اوراقك البيضاء بتلك الروعة بعد أن ترتمي تحت يديك وتسلم لك أمرها لتشكلها وتنسقها وتمحيها وتهدمها

!!لما يحل لهم جميعا ما حرمته الدنيا عليَّ..

شيماء

ويتساقطون سريعا

2010-01-08T13:19:00.000-08:00

ويتساقطون سريعا

حبات اللؤلؤ تلك التي تخرج من رحم عينيك دون صراخ لتنكسر وتتبعثر تحت قدمي.

سقط بعضهم سريعا وتعثر البعض الآخر وتشبث بوجنتيك, ربما ليبوح بسر ما لبقع النمش الساكنة عليهما أو لعله كان يدرب نفسة على الحياة قليلا قبل أن يلقى حتفة تحت قدمي.

مددت يدي أتحسس هذا الحزن المتجسد, وهذا الألم المتنكر فى اللون الشفاف ولكني خشيت أن تظني أني أمسح دموعك فتكفي عن البكاء

نعم...رومانسيتك الحمقاء قد تجعلك ترتكبين هذا الذنب لذا بعدت يدي سريعا واكتفيت بتأمل الخطين اللامعين اللتين نحتتهما قوتك المائية الداخلية.

لا أدري ان كانت عقدة نقص قديمة لأني حرمت من البكاء لأصبح رجلاً أم أن البكاء حقا يحمل كل هذا السحر

.يحمل كل هذا الدفء الذي إحتواني بسبب القطرة التي قفزت على أطراف أناملي حين لمستها وأكاد أسمع قسمها ألا تسقط إلا بعد أن تمتص كل أحزاني وتأخدها معها

إلى أسفل

.أشعر أنك تتطهرين

, أكاد أجزم أني أرى الآن روحك تسمو ,أنك تولدين من جديد امرأه نقية خلعت أحزانها وذنوبها ونسيتها تحت قدمي

ألا ترين أن عيونك قد اكتسبت اللون الوردي ورموشك المبتلة كمن طرحت حبات الندى عليها قد توجته

اأعرفت لما تمطر السماء؟ ولما يصبح الكون بهذا الإنتعاش بعد المطر؟

فابكي

وابكي لي

وابكيني

.شيماء

احساس مسلوب

2009-11-21T01:59:00.000-08:00

هو انا ليه

رغم إني صحيت البطاطين الكسلانه بقالها فصول

وقفلت الشبابيك والأبواب باحكام

ورغم اني شربت الكاكاو وهو سخن اوي عشان احبس جوايا كل بخاره الى كان بيرقص فى الهوا

وفركت ايديا بعنف عشان افجر الحرارة المستخبيه جواهم

ورغم اني كتبت حروف اسم حبيبي ببخار الميه وذكرى المطر على كل المساحات الفاضية من ازاز شباكي

وخليت فيروز تعلى صوتها على اد ما تقدر

وولعت شمعتين عشان يستنشقه البروده اللى فى المكان ويخرجوها دفا وحنان

ليه بقى

لسه بتنفض

وبترعش

وخايفة

ومش حاسة بالدفا

؟؟

وصيتي

2009-09-10T13:46:00.000-07:00

أوصـيك يا إبنـى بالقمــر والزهـور

أوصـيلك بـليل القاهـرة المســحور

وإن جـيت فى بالك .. إشـترى عقـد فل

لأى سـمرا … وقبـرى إوعـك تـزور

وعجبي

وأنا أيضاَ قد اتخذت قراري وسأكتب وصيتي رغم أني لا أضمن أن يتبعها أحد ولكني أشعر برغبة ملحة فى كتابتها بداية لن أتحدث عن ممتلكاتي فى الأموال فحتما كل من سيرثوني سيكونوا أكثر مني ثراءاً أريد أن أتحدث عن ممتلكات أخرى. املاءوا البيت يوم رحيلي بالبخور الذي أعشقه وغسلوني بصابون الإستحمام ذا نكهة الفواكه المنعشة واحذروا أرجوكم أن تدخل بعض المياه في فمي فلكم يؤذيني طعم الكلور, وبعدها ضعوني في تابوت لبنيٍّ كلون السحاب وكفنوني بالأبيض كالسحب. لا أريد أن أسمع نحيبا أو أن تمطروا الدموع على وجهي بل داعبوه بأنامكم وضعوا قبلة باسمة على جبيني ولفوا راحتكم الدافئة حوله وقبلوا وجنتي افعلوا أي شيء لتجعلوني أسمع ضحكاتكم كما عشقت سماعها في دنياي يمكنكم أن تحضروا بعض الأطفال ليمرحوا حولي

فما بكت عليهم السماء والارض وما كانوا منظرين

ربما يكونا هذان الشيئان اللذان أريد أن يمطروني بدموعهم ولكني لا أظن أني استحقهما فلا أظن أن أعمالي التافهه تسحق ان تذكرني السماء والأرض اقطفوا الوردة الوحيدة التي تتفتح عند باب عمارتي ستموت اليوم أو غدا فدعوها تموت معي كما عاشت فما كان أحد يبتسم لها ويداعب خدودها الناعمة بأنامله صباحا سواي استضيفوا فراشات الحديقة المجاورة واجعلوهم يصطفوا حول تابوتي أخبروهم أن جدتهم الكبيرة كانت دوده قز صغيرة في علبة داخل حجرتي وكنت أعتني بها وأضع لها أوراق التوت الشهية فكانت تلك الفراشة التي اخترقت الشرنقة أمامي هي من أنجب هذا الجمع من الفراشات أو هكذا أقنعتني الطفلة الحمقاء داخلي قديماً لا تنسوا أن تضعوا فتات الخبز للعصافير على سور الشرفة لا تخبرهم أني رحلت سيشعرون أن نكهة الخبز قد تغيرت بعض الشيء ولكنهم سيعتادون عليها فلا تجعلوا عصافيري المخلصة تنوح بسببي دعوها تطربني بغنائها حتى آخر رحلتي إلي السماء كتبي التي ملأت بها أدراجي وأرفف دواليبي أحرقوها إذا أردتم لتحققوا حلم أمي فى ترتيب الحجرة أو ضعوها في صناديق واذهبوا بها إلى سور الأزبكية أو معرض الكتب المستعملة واسكبوها أمام هؤلاء الذين يدعون الثقافة ويلتقطون الصور وهو يقلبون صفحات الكتب ويوقعون عليها لم أكن أبدا من هذه الفئة فلا تغرنكم كثرة الكتب واخطلاتي بهم فما زادتني القراءة سوى يقينا بجهلي مدونتي التي لا أظن أني كتبت فيها يوما ما سيطلق عليه علم ينتفع به ولن تكون لي أبدا شفيعا ربما يتذكرني بعض أصدقاء التدوين المخلصين ويضع اسمي تحت عنوان مدونات في ذمة الله ويترحم علي كل من يراني أو ربما وجدتها فتاه رومانسية وأهدت منها بيت شعر أو خاطرة لمن أحبت بالله عليكم لا تجعلوهم يفعلوا فلا أريد أن يعرفني أحد للمرة الأولى بعد رحيلي وما وجدت كلماتي صدى لمن عشقت يوما فقدموها للمحاكم وخذوا حكما بحذفها وجلد خواطرها وأشعارها وشنق كلماتها هذا سيريحني أكثر صدقوني اما من تمنيت أن يشعر بي يوما فدعوه يقرأ كل ما كتبت وأحضروا له مذكراتي التي كتبتها منذ تلاقت عينانا أخبروه للمرة الأولي والأخيرة أن قلمي لم يخط كلمة إلا له دعوه يبكي على فراقي كما أبكاني كثيرا دون أن يقصد أو يعرف هو فقط من أريد أن أستمتع ببكاءه عليَ هو فقط من سيشعرني حزنه أني لم أمت وحيدة كما عشت... حسبكم مازالت التي تكتب بشر لم تتحول بعد إلى ملاك متسامج كحلي العزيز الذي طالما قبل جفوني وأخفى آثار الأرق والبكاء,عدساتي الشفافة التي احتضنت مقلتاي بشدة خوفا أن تهوى,كعبي الصاخب الذي شعرت معه أني امرأة مهمة ومزعجة على الجميع أن يعلم باقترابها عطوري وعقودي هي فقط الأشياء التي ستشعر بالوحده بعدي ولن تجد بديلا لي أما بقية الأشياء والأصدقاء والأحباب سيجدوا الكثيرمن البدائل وطلبي الأخير إليكم بعد أن تصبوا التراب علىّ انسوني جميعا انزعوا رقم هاتفي من داخل هواتفكم فلن يزعجكم مرة أخرى ولكن أكون على صفحات الشات ولن تقابلوني صدفة في أي مكانز فبالله عليكم لا تذكروا محاسني أو مساوئي دعوا سيرتي تبلى كجسدي.

شيماء حسن

10/9/2009

أيقنت أني لست امرأتك

2009-08-09T12:39:00.000-07:00

يعنفونني لما لم ارحل عنك بعد أن أيقنت أني لست امرأتك

لم يعرفوا جميعا أني ما أردت سوى أن أملأ حصالتي بذكريات منك

***

فاذا اصطدمت أناملي بكفك الدافئ دائماً

فصدقني حين أدعي أنني لم أعنيها

وان قابلتني فى أماكن ترتادها كثيرا

فصدق اتساع عيني استغرابا بصدفة لقاءك

ولا تواجهني بفهمك لمكر المرأة داخلي

وان غازلت أخرى أمام عيناي وضربت بقدماي الأرض ثائرةا

ًفلا تفضح غيرتي عليك

أو تصب ضعفي أمام عيناي

***

!ماذا لو التقطنا صورة معا

ًأو تبادلنا اهداءات على كتب ليست لنا

ماذا لو دسست صوتك العالي وبعض ضحكاتك فى هاتفي!!

هلا نطقت اسمي مرارا ومرارا

فكم أعشقه حين تدلـله وتختزل منه أحرف وتضيف أخرى

***ثم ارحل بعدها مع امرأة سواي

واتركني مع حصالتي الممتلئة

واعلم

أن عتمة طريقى بعدك لن يهديني فيها سوى زادي من ذكراك

لو الناس صدقتني

2009-07-14T01:12:00.000-07:00

لو الناس صدقتني لما أقولها

ان الدنيا بتلمم نايها المكسور من جوايا

و بتنفخ على عتبة قلبي الصاخب

ورقة كتشينة خسرانة بتتدارى من خبتها وسط الورق

وطيارة بحبل أبيض شنفها حبل غسيل فى ميدان عام

على مرأى ومسمع من السحب والشمس والعصافير

ودعوات الأمهات إلى في طريقها للسما

والأطفال إلي حضن تراب الشارع نسيج هدومها

عشان تبقى عبره لكل إلي يفكر

يعلن عصيانه على الأرض إلى بتشد لتحت

ويطيـــــــــــــر

****

وكمان بترص حسرة عقد فل كاره البياعة الساذجة

إلي قررت تتخلى عنه عشان نص جنية

جنب ورقة ظل غلبانة محدش فهمها إلا لما الشمس مصت خضارها

وولد شاعر لسه مقتنعش إن الناس كلها مش شعرا

وداير بالقصيدة على مفرش دنتيل يتحايل على كل صحابه يحسوها

****

لو يصدقوني لما اقولهم

إن الدنيا لساها مصرة تنور شمعتها جنب ستاير روحي البريئة

وبتستغرب أوي لنا أتنفض من لسعتها

ودموعي تنزل تطفيني

وكتير بتشيلني هموم مش ملكي

وتصب في عيني دموع متخلقتش ليها

****

يمكن سعتها بس مش هيستغربوا

لما أحط السماعات على وداني

واضغط عليها أوي

مع إني مش موصلاها بمحطة راديو

ولا ب إم بي ثري

بس جوايا أغاني كتير

وقعت في محطة مشوشة

واتمنعت تتذاع برايا

حواري مع مجلة حواء

2009-07-12T11:58:00.000-07:00

اكيد في فبركة صحفية كتير مليش انا فيها خالص

شبح فى منتصف الليل

2009-06-04T04:32:00.000-07:00

فى منطقة وسطى بين الصحيان والنوم ركدت انا,أحسست أن أشياءاً تحدث حولي ولا أدري هل أغمض عيني أكثر لأنه حلم أم أفتحهما أكثر لأنه حقيقة.استرحت للاحتمال الأول وشددت غطائي بشدة فتسرب ناحيتي أنفاسا أحسست بسخونتها على وجهي وبذبذباتها في أذني خشيت أن أتحرك ولم أجرؤ على فتح عيني لو كان لصا لقتلني فليسرق ما يسرق وليرحل عني.

كانت الأنفاس تقترب أكثر ولكني لم أشعر بالخوف فقد كانت مريحة بشكل أثار فضولي وكانت رائحتها تؤنس أنفاسي وتداعبها أخذت اتخيل ان كانت أنفاسي حمراء وتلك الأنفاس صفراء وتداخلا واندمجا كما يتداخلان الآن فحتما سيتصاعد اللون البرتقالي الذي أعشقه ويحوطني ويملأ حجرتي بعطره وبهجته أعجبتني الفكره حقا فابتسمت داخلي وأخذت نفسا عميقا عليًّ استنشق عطر امتزاج الأنفاس.

ترجعت الأنفاس قليلا فبدأت أشعر بالقلق وفجأة انقطعت وأحسست بشئ يصطدم بجبهتي فتزايد قلقي وأخذت قرارا بإزاحة الجفون عن عيني لإنهاء هذا الحلم أو مواجهة الحقيقة.

ربما كان قرارا متأخرا فعندما فتحت عيني وجدت شبحا يبتعد بخطوات عن سريري لم أتبين هيأته فقد كانت الحجرة مظلمة إلا من بصيص ضئيل تسرب إليها من النافذة زادت نبضات قلبى ووجدتني أصرخ

"مين"

فاستدار الشبح وبدأ يقترب مني وقال بصوت هامس

"صحيتك.. أنا أسفة"

سرى صوت أختي الصغيره داخلي فأبطأ دقات قلبي التي تسارعت وأدركت على الفور انها لم تكف بعد عن عاداتها في تقبيلي وأنا نائمة .ظلت واقفة أمامي صامته آآه لو استطعت أن اسلط كشافا الآن على عينها لأرى نظرة الندم والإعتذار التي يكحلها. قلت بمكر:

"في حاجة"

فجاوبتني بنبرة حزينة

"لأ...بس كنتي وحشاني"

اعطيتها ظهري واحنضنت وسادتي واستسلمت للنوم.

***

فتحت عيني مستجيبة لطرقات نور الصباح عليها واستعدت ما حدث فتحسست جبهتي بأناملي المتكاسلة لأتأكد من وجود قبلة أختى مكانها. انها تقبلني كثيرا ولكن لا أدري لماذا أتأثر بتلك القبلة تحديدا ربما لأني أشعر انها أصدق القبلات لأنها لا تبغي التعبير لي عن مشاعرها قدر ما تبغي ارضائها بالتنفيس عنها فهي القبلة الوحيده التي تسعدها حتى ولو لم أشعر انا بها

مررت على حجرتها فدفعني شوقي إلى إدارة مقبضها والدخول على أطراف أصابعي.

يقولون دوما أنها تشبهني سأعذرها إذن ان كنت بتلك الرقة والعذوبة وانا نائمة

اقتربت منها ووضعت قبلتي برفق على جبهتها وابتعدت فوجتها تفتح عيناها ببطء وتبتسم لي فقلت وغمزتي تسبقني

"صحيتك..تستاهلي ... واحدة بواحدة

لما قابلتك

2009-04-15T06:51:00.000-07:00

لما قابلتك حطيت ايدي على ضلوعي اسندها ليكسرها قلبي الهايج ويطير يوزع فرحته على الورد الحزين الى محدش بيشتريه وحبات الفراولة المخنوقة في قفص ضيق وشلة البنات الى زهقوا من لعبه المنديل ويمكن يرقص رقصة سلو مع دخان مشروبك المفضل على أغنية عمرو دياب الجديدة ويخلي السجاير بنكهة المانجا والشيكولاتة ويدهن كريم مزيل للتجاعيد نهائيا على وش كل ست قدام مرايتها حيرانة ويربط رباط الجزم المفكوكة ويحل مسألة الرياضيات الصعبة ويملا الكشاكيل بالنجوم والدرجات النهائية ويلف بشريطة بمبي ديل حصان على شعر كل بنوتة شقية ويملا الدنيا بألوان الطيف وطيارات الورق والبالونات الملونة مش بعيد كمان يفتن عليا لخطوط الشارع البيضا الى محدش بيعدي عليها ولبياع العصير الى دايما بيعاكسني وممكن يتحدى عمود النور ويثبتلة ان نور فرحتة هينور 3 محافظات زياده فتخلص شحنة الفرح الى معاة ويرجع يزود حيرتي بسؤالة هشوفيه امتى تأني!! **** ولما مشيت كان نفسى أوقف همهمات الأشجار وأسكت غنا العصافير وأكتم ضحكة الأطفال كان نفسي أبوظ كلاكسات العربيات وصفارة الشرطي ورنات الموبايلات. .متصدقش اني شريره انا بس كنت عايزة احافظ على صوتك جوه وداني لأطول وقت ممكن **** لما سبتك ضميت ايدي بشدة خفت لتتبخر مني روعة لمستك وتخلي اسدين قصر النيل –بعد العمر ده كله-يتصالحوا ويمسكوا بشوق ايد بعض. ياترى لسه هطول غيابك ولسة هتباعد معاد لقانا لسه ناوي تحرم الكون من كل الفرحة ده؟

لا تثور عليّ

2009-03-23T13:05:00.000-07:00

لا تلومني ان تلعثمت في كلامي أمام عينيك

فحين تنطق اسمي تخرج حروفه راقصة بين شفتيك

فتغار باقي الحروف

وتنتحر الأبجدية

*****

لا تتعجب ان اشتريت يوميا جريدتك المفضلة

دون أن اعي اى خبر نشرته

فانا لست قارئة جيده - كما يظنني البائع المبتسم

انا فقط اداعب سطورها واغازل صفحاتها وألهو مع أخبارها

وانت لا تدري مدي متعتي حين أوقن ان السطور التي لامست عيونك هذا الصباح

هي نفسها التي تلامس عيوني

*****

لا تثور عليّ ان ايقظك هاتفي قبل الفجر

فقد حرمت أن تكون إمامي في تلك الليله

او ان ارتل معك أيات أحفظه

اوانا فقط اتمى ان تتحد نجوانا وانال منك دعوة مستجابه

*****

لا تصرخ في وجهي ان رسمت القلوب الملونة وحروف اسمك المزخرفة

على اوراق عملك الهامة

واتخذت من دفاترك لوحاتي التي

أخط عليها ملامح طفلتي منك وتصميم بيتنا

انا فقط أرغب في تزين أشياءك كما زين وجودك حياتي

*****

لا تغضب ان اسدلت الجفون على عيني وانت تتأملها

فعيني خائنة لا تحفظ سري

ونظراتك اقوى من صمودي أمامها

لا تبادلني افعالي التي تظنها حماقات فقط اريدك

ألا تلومني

او تثور عليّ

او تسخر من ضعفي امامك

أنا أنثى

2009-02-24T11:15:00.000-08:00

عندما تكره المرأه المرآه

أول مشاركاتي المطبوعة فى كتاب أنا أنثى

حفل توقيع العدد الثالث من سلسلة مدونات مصرية للجيب كتاب "أنا انثى "

..لمجموعة من المدوِنات النساء

أول كتاب يناقش اهتمامات المرأة بقلمها ويطرح القضايا للنقاش

المكان: المركز الثقافى الدولى17 ش السد العالى ميدان فينى الدقى الشارع المقابل لشيراتون الجزيرة اقرب محطة مترو انفاق محطة الاوبر االزمان يوم 3 مارس الساعه

4.30عصرا

0121479391

0102298603

:))في انتظاركم جميعا

**** فيس بوك

عليك أن تعرف

2009-02-22T09:10:00.000-08:00

لا تقل انى طفلتك اللاهية

فرغم اني اتمنى ان أضع كفي الصغير على كتفيك واداعب أنفك في دلال

انتظر منك عروستي فى يوم ميلادي أو عقد يتماشى مع فستاني الوردي

اشتاق ان تلتف راحتيك الدافئة حول وجهي وتقبل وجنتي

ان تحملني يوما وتعتصرني حتى تتشابك ضلوعنا

ورغم اني اشتاق لمذاق حلواك والمرح بين يديك

فعليك ان تعرف اني ناضجة بالدرجة الكافية

*****

لا تتهمني بانى مراهقة مجنونة

فرغم انى تأسرني كلمات عينيك وابتسامتك تدوخني

ورغم اني اتمنى أن أتأبط ذراعك أمام الجميع ليعرفوا انك لي وأني لك

أفتش عن عطر تهواه أنفك وتصفيفة جديده ترضي عيونك

أقرأ أقاصص العشاق وأخرج من نبع عيناك قصيدتي

فعليك ان تعرف أني عاقلة بالدرجة الكافية

*****

لا تتخيل انى فتاه حالمة

فرغم اني انتظر اللحظه التي يأخذني فيها والدي ويعطيني لك

وأحلم باليوم التي سينساني فيها الكون عندك وسأرتجف يوم تأتي هذه اللحظة

ورغم أني أضع يدي على أحشائي يوميا أدعو ربي ان ينفخ فيها روح منك

فعليك أن تعرف أني واقعية بالدرجة الكافية

*****

لا تظن اني امرأه تغار عليك

فرغم انى اغار من الهواء الذي تفضلت عليه وفتحت له رئتيك

والدماء التى افتخرت انها جرت داخل اوردتك

وقطعت الشيكولاته التي استمتعت وهي تذوب فى فمك

وتلك الوردة التي استنشقت انفاسك وتعطرت بها

فعليك ان تعرف انك لا تعنيني بالدرجة الكافية

*****

اعترافات الجزء 6

2009-01-30T00:14:00.000-08:00

ان يسألوك عنى يوم فلا تكذب أو تصبغ الألوان على صورتي العتمة قل لهم انى من حطمت قلبك ورقصت عل أشلائه أخبرهم انى من غرست أظافرى فى أوردتك أمزقها وأتخذت من صراخك وأنناتك لحنا لغنوتي الجديدة جعلت عشقك لي جريمة ولففت مشنقتي الشائكة حول رقبتك.

لا تخجل وانت تعترف لهم أن الدموع عرفت الطريق لعينك وانت تستبقينى وأن توسلاتك ما كانت لترويني أخبرهم عن رسائلك التى أحرقتها وهداياك التي فتتها أمام عينيك

ثم اتركهم يلعنونني ويمزقون جسدي بسبابهم

لا تدافع عنى كعادتك وهم يتهموني بالخيانة والكذب

لا تحمينى من صفعاتهم ولا تستبدل هجاءهم لي بقصيدة مادحة

كم أود ان تنضم إليهم وتكرهني مثلهم كم أشتهي سبابك وصفعاتك كم أتمنى أن أشعر بجلداتك فأنا أقوي على أكثر من ذلك ولكنى أهون وأضعف من أن أرى مصيرك يتعلق بجسد سوف يبلى فى عدة شهور لو عرفت سر مرضي ما تركتنى وسيتحول عشقك لى إلى شفقة

وأنا سأتحمل ألمي وأتحمل مرارة الدواء أرى أمام عيني تلك المشارط اللعينة التي ستتحرك فى جسدي قريبا والتي ربما تفنيه ولكني أبدا لن أتحمل أن أرى حبك يتحول إلى عبء عليك يلزمك أن تظل بجواري فى محنتي

يانبض قلبي عذرا فقد حملت حبك فى قلب هزيل جعلتك تسري فى أوردةٍ عاجزة وأسكنت روحك فى جسد لا يليق بطهارتها

فعذرا

تحت المطر

2008-11-05T12:11:00.000-08:00

بجرى عشان يلاقينى أول واحده تستقبله

افتح دراعى بشوق استنى أحضانه

مش هممنى ثورة أمى لما هتلاقى هدومى اتبلت

ولا هممنى دور البرد الى هيسيب صدور الناس ويخترق صدرى

إغسل يامطر قلبى ذى ما بتغسل أوراق الشجر

احيي فيا الأمل ذى ما بتحي الزرع والزهر

دوب الحزن جوايا باصرار ورقه ذى ما بتشق الحجر

خلى الدمعة على عتبة عينى تحتضر

نفسى اغتسل تحتك من ذنوبى وتغتفر

قطراتك بتعزفلى لحن من غير عود او وتر

والبرد بيمسك ايدى ويرقص معايا

وانا جسمى بيتنفض

وبترعش

بس مش هاكون ذى العصافير

تجرى تستخبى فى العشش

هأقف استقبل المطر

وأضحك للسما

لإنى رغم البرد الى محاوطنى

قلبى حاسس بالدفا

صدفه فى المترو

2008-10-23T23:51:00.000-07:00

ردوا ردت الميه فى ذوركو

أى حيوان أو حيوانة هتنطق فيكو هاجبها من شعرها تحت جزمتى

لم أتذكر عندما وقعت عيناى عليها صدفة فى المترو سوى كلامها الجارح وقسوتها علىًّ وعلى زملائى فى المدرسة كدت أصرخ واستغيث بمن حولى بسبب ألم ضرباتها التى بُعثت فى يداى من جديد

لم اتذكر اسمها ولا اى كتاب كانت تشرح ولكن محفور فى ذاكرتى نهرها لنا وانتقامها الللا سببى منًّا

حسبى مش تفتحى انتى مش شايفانى واقفة وراكى عميتى ولا حاجة

قالتها بصوتها المزعج الذى كاد يصيب العربة كلها بالصمم لفتاه تقف أمامها ولا أعلم لما لم ترد عليها علها أدركت انها سليطة اللسان ففضلت الإنسحاب فبل بدء المعركه التى حتماً ستكون فيها خاسره كم كنت أتمنى ان تكون الفتاه أشجع وتصفعها الفتاه على وجهها أو تبصق عليها ولكنها للأسف نزلت فى هدوء.

اشعر بالإختناق لمجرد وجودها معى فى مكان واحد انها كما هى لم تتغير هذه العيون الضيقة الحاده والملامح الجافة التى ما تعرف معنى لكلمة ابتسامة وذلك الجسد الممتلئ لم ينقصها اليوم سوى عصاتها التى كدت أقتنع انها خُلقت ممسكة بها

أوقعنى حظى السئ بجوارها ياالهى.. لقد صرت فى طولها تقريباً لم يعد جسدى ضئيل بالنسبة لها كما كان وما عادت تستطيع ان تؤذينى وددت لو صرخت فى وجهها بكل الألم الذى سببته لى ولزملائى قديماً

"بكرهك .... بكرهك"

ولكن وللأسف أيضاً خرجت كلمتى فى حدة

"عدينى.. عايزه انزل"

وما زلت أشعر بالإختناق

ومازالت كرامتى تؤلمنى

ومازلت لم أتذكر اسمها

95% حقيقة

صاحب الطيارات الملونه

2008-10-13T11:48:00.000-07:00

خبر اسعدنى

حلقت طائرات المدون العزيز مصطفى السيد سمير

واستيقط أخيرا ببطء على حلم طال انتظاره

حفل توقيع كتابه الأول هيكون يوم الجمعه ان شاء الله

17/10

في مكتبة البلد اللي قدام الجامعة الامريكية

الساعة 7 بالليل

ربنا يوفقك يامصطفى يارب وعقبال بقيه كتبك ان شاء الله

لغه الصمت

2008-09-06T11:21:00.000-07:00

أصبح الصمت هو ابلغ اللغات بينهما حتى قل ان ترن فى بيتهم كلمة فهى تعرف جيدا عدد ذرات السكر فى فنجاله الصباحى وهو يعرف جيدا

عدد القطرات التى تفقدها يدها المرتعشه قبل ان يصل الفنجال اليه

. يعرف كيف تثيرها الجريده الملقاه على الأرض كل ورقه فى جهة وتعرف طريقته الغريبة فى القراءه لم يكف يوما عن طريقته كما لم تكف يوما عن تعبيراتها الغاضبة

. اعتادت صوت شخيره وأصبح النوم لا يأتيها الا على عزف منخاره واعتاد طريقتها الحمقاء وهى تسقى الورود التى يزرعها كلما أحست انها عطشى ولا تعرف ان لكل شئ قوانينه

تأقلمت على تشبثه بالريموت وقناه الجزيرة التى لا تتغير اعتادت عيناها على صور الحروب والدمار حتى انها اليوم ان ترك لها الريموت لن تأتى سوى بقناته المفضلة او لعلها نسيت ان هناك قنوات أخرى

. تأقلم على طريقتها الفاشلة فى صنع الباشامل أو لعله استطعمها أخيراً

. عجز كل منهما أن يفاجأ الآخر بهديه فكل منهما كان يعرف نوع الهدية ولونها وطريقة تقديمها

لم يكن ما بينهما يوما حب او عشق بل كان امتزاج,انصهار ذات باخرى كيان واحد يسرى فى جسدين انصهار يصنعه الزمن او ما يطلقون عليه العشرة. ولكن اليوم سيختلف بعض الشئ فهو يوم يأتى مره واحده فى العام انه عيد زواجهما ولا تذكر كم مر من الأعوام فما عادت الذاكره تحسب او تعى سوى هذا التاريخ الذى نقش على خلايا العقل مند بدء التكوين

. أصرت ان تصنع الترته بنفسها وبنفس المقادير التى وجدتها فى أحدث الكتب لأشهر الطاهيات.لعب نظرها الضعيف ويديها المرتعشتان دوراً بارزاً فى فشل الترته فكوب الدقيق اصبح كوبا ونصف والأربع بيضات سقطت منهم اثنتين خارج الإناء دون ان تعى ولكنها أصرت على استكمال مهمتها ووضعتها أخيرا فى الفرن لتنضج ثم هرولت الى الفريزر لتخفف من آثار الحروق

أخرجت الترته من الفرن وهى تبتسم ابتسامه أختفت معها عيناها وأبرزت بوضوح تلك الخطوط الحمقاء التى تلتف حولهما ثم بدأت فى تزينها بالشيكولاته التى يعشقانها.نقشت بها خطوطاً هلامية كان الهدف منها تكوين كلمه أحبك ربما يستطيع هو قرائتها فقد صار بينهما لغتاً لا يفقهاها سواهما

. وضعت الشمعتان الكبيرتان فوق الترته ووضعتها على المائدة وجلست امامها بعد ان أغلقت كل الأنوار وظلت تنتظره وترجوه أن يخرج من هذا البرواز الذهبى الذى دخل فيه منذ شهر ولم يخرج من وقتها

انتفضت من مكانها وجرت ناحيه حجرتها فقد نسيت ان تتعطر بعطره المفضل وتلبس اول خاتم أهداه لها ثم عادت وعاودت انتظاره ان يخرج من بروازه ويتحسس اناملها ويقبلها كعادته ويستمتع بطعامها

ظلت الشمعتان تحترقان

وتقصران

وتبكيان

وهى تقلب نظرها بين الشمعتان وبين البرواز لقد كانا يوماً مثلهما ينيران معاً ويتراقصان معاً فلماذا انطفأ هو قبلها امتزجت دموعها بدموع الشموع وهوت قطرات الشموع على الترته فتجمدت وخربت

وأغلق الستار على برواز يحتضنه صدر كف عن الحراك وبقايا شموع على ترته غير متزنه المقادير.انطفأ كل شئ وعم الظلام فحتما عندما يأتى موكب الرحيل....سيحملهما معاً

تصفيفه ابنتى

2008-07-22T13:40:00.000-07:00

هرولت طفلتى بخطواتها المعوجه قابضه بكفها على فرشاه الشعر وباليد الأخرى ممسكه بشريطه ورديه اللون يتوج رأسها الصغير بعض الخصلات المتناثره كبدايه لشعر اسود يناسب عيونها التى أخذت رسمتها منى ولونها من ابيها وترتدى هذا اللفستان القصير المنقوش عليه فراشه كبيره تحمل نفس لون الشريطه التى تحملها.أتعجب كثيرا كيف تأخد ابنتى أدق تفاصيل حياتى واذواقى فى اختيار الألوان . وصلت أخيراً فراشتى الصغيره بعد مشوار وعناء الى الكرسى الذى اجلس عليه وارتمت تلتقط انفاسها بعد ان اسندت رأسها على قدمى فوضعت ابر التريكو جانباً وحملتها وأجلستها على قدمى وأمطرتها تقبيلاً وضماً فكم هو رائع ان ترى نفسك فى شئ ضئيل وبرئ هكذا رفعت عيناها متوسله: "ممكن تسرحيلى شعرى وتحطيلى الشريطه ده فى النص هنا" وأشارت بكفها الصغير على خصلات شعرها الرقيقه فضحكت فى داخلى مسترجعه صورى فى ألبومى عندما كنت فى عمرها فقد كانت تصفيفتى المفضله كيف عرفت !! يبدو انها حقا انيقه كأمها أمسكت بالفرشاه والشريطه وبدأت امارس مهنتى المفضله فهتفت قبل ان تستقر فى حضنى احكيلى حدوته وبدأعقلى يقلب فى الحكايات القديمه سأحكى لها سنووايت فكم انا عاشقه لهذه الشخصيه ولم امل حتى اليوم من مشاهده رسومها المتحركه سأجعلها تلعب معها بالحمامات وتمرح معها وسط الورود الحمراء ستنتظر معها كثيرا هذا الفارس الذى سيعيد اليها حياتها بعد قبلته الساحره ويأخذها بجانبه على عربته المزينه بكل انواع الورود التى تعشقها لا لا سأحكى لها سندرلا فقد اندمجت فيها حتى اننى استطيع ان اجزم انى أحسست بيده التى تقبض على يدى بقوه وتنزعنى من اميرات الحفل سأجعلها تشعر بيده التى ستلتف بقوه حول خصرها وعينيه التى تغوص حتى ترتوى من عينها سأجعلها تفزع عندما تعلن الساعه الملعونه ان الليل قد انتصف وعليها الرحيل فلتنتظر هذا الذى سيفتش عنها ويتفرغ لعمليه بحث تفوق ضباط المخابرات الأمريكيه للبحث عن قدمها ...أقصد عنها لا لا سأحكى لها الأميره النائمه لا بل الأميره ذات الشعر الطويل

نظرت الىّ وانا غارقه فى ترددى نظره حزينه حمقاء وقالت

انتى ليه مش حكتيلى الحدوته

فأخذت نفسا عميقا وأخرجت معه كل الألم والحزن الذى أحمله ثم قلت لها بجديه لم ترها منى من قبل مش هحكيلك حواديت لأن الحواديت كدابه كلها وانا مش هكدب عليكى من النهارده هحكيلك حقايق صادقه اسمعى حكايتى انا

وانا قدك كنت بحلم اكون فنانه

وأرسم بيت وسط جنينه كبيره

بخطوطى أدى لكل بنوته فستان شيكوأعملها تسريحه جميله

أخليها تعد على دكه وسط الجنينه

تستنى فارس على ركبته يقف قدامها

يديها ورده لون فستانهاويخدها بين ايديه ويرقص معاها

على مزيكا بعزفها من بره اللوحه

ولما كبرت بصيت للوحتى بمراره ورمتها

اأصلى اكتشفت ان الفستان داب

والأشجار دبلت

وأوتار العزف اتقطعت

والفارس لسه مجاش

عرفت يومها ان زمن الفوارس انتهى

معدش فيه فارس بيلاقى اميرته ولا أميره بتستنى فارسها

ثم أعدت تصفيف شعرها من جديد وجدتنى اقسمه ثلاثه أقسام وأبدأ فى غزل ضفيرتها الصغيره

صدقينى ياطفلتى الحبيبه فقد خدعونى قديماً ولن أخدعك مثلهم فتحت دولابى وارتديت احلى فستان عندى ووضعت كل الشرائط الأنيقه وانتظرت كثيرااا فما أتى عدت الى رواياتى ومزقتها علىّ أجده بينهم فما خرج يكذبون جميعا فصدينى انا زمن الفوارس والأميرات انتهى فلا تكررى خطئى

اكملت الضفيره جانبا وأخبرتها ان ما فعلته فى شعرها هى التصفيفه التى تناسبها فنزلت من على قدمى فى استسلام وانحنت تلتقط ضفيرتها وبخطوات متثاقله دخلت حجرتها لابد انها الآن حزينه فقد حرمتها حتى من الحلم الذى حلمته ولكنه أفضل لها من أن تستيقظ على كابوس مزعج ربما تكون ضفيرتى قاسيه ولكن الأيام والدرس الذى ستتعلمه ان غرقت فى بحر انتظار فارس رحال تحتضنه الأساطير سيكون أشد قسوه

نسيت باب حجرتها نصف مغلق فتسللت خلسه واسترقت النظر اليها كنت فى حاجه لرؤيه تأثير كلامى عليها فوجدتها امام مرآتها وبكل الضجر تمزق ضفيرتها وكأنى اسمعها وهى تهتف بغضب

سأحررك من أسر تلك اللعينه

لن أسمح لها ان تقيدك مره اخرى

فطر واستسلم لنسمات الهواء

الهو مع الفراشات وطفو على صفحه الماء

اجرى خلفى وشاركنى ضحكى ومرحى

فانطلق ياشَعْرى لقد حررتك من أسر الضفيره

ساصنع لك بيدى عقدا من الياسمين ازينك به

فانزل ستائرك على وجهى وكتفى

وتوجنى بخصلاتك المتناثره فى عبث متناغم

اعزفلى باوتارك لحنا يغازلنى

فانطلق ياشعرى لقد حررتك من اسر الضفيره

سأهبك للشمس كى تزيدك لمعانا

سأعطيك لحبات المطر فاشتعل صخبا وجنونا

سأسلمك للرياح فكن كالجواد بلا لجاما

فانطلق ياشعرى لقدحررتك من اسر الضفيره

فابتسمت داخلى وسعدت لأنها لم تسمع لنصيحتى فكثيرا ما نقول كلاماً ونتمنى ان يحدث غيره ثم فتحت الباب عليها بعنف فانكمشت فى مكانها وبدأت ملامح الخوف ترتسم على وجهها فدخلت بنظره ثاقبه وأمسكت فرشاتها بقوه و ....وضعت الشريطه فى المكان الذى ارادته نظرت الىّ نظره بابتسامه متردده فابتسمت لها وقبلتها بشده ثم خرجت وأغلقت الباب خلفى لأتركها

. تنتظره

جريمه مشروعه

2008-07-07T06:41:00.000-07:00

صدرت الأوامر ولا يوجد فرار انا من سينفذ الجريمه اليوم وفى المعاد المحدد

.انطلقت اجهز اسلحتى وأتأكد من حدتها ووجودها كامله ثم لبست سترتى ودخلت الحجره بنظراتى الصارمه فوجدت ضحيتى ترضع من ثدى امها اللبن ومن عينها الدموع.وعندما رأتنى الأم تثلجت اطرافها وارتعشت يداها الحامله لطفلها وتجمد اللبن فى ثديها فصرخ الطفل صرخه لا ادرى معناها ربما كان اشد منها خوفاً او ربما كان يطمئنها بصوته ويخبرها بصرخاته الضعيفه انه معها ليهدئ من روعها ويحميها منى ومن اتباعى.بصوتى الصارم قلت لها لازم ناخده دلوقتى

حاولت ان ترد ولكن الكلمات لم تتجاوز حلقها وباستسلام شديد أعطته لأتباعى وهى راضيه بعد ان قبلت يداه وجاوبها بصرخاته الحانيه

انا الذى سيمزق جسد هذا الرضيع انا الذى سأشق جلده الشفاف باسلحتى الحاده انا من سيبدل ضحكاته البريئه الى صراخ قاتل مؤلم وبدأت فى تنفيذ جريمتى حسب خطه محكمه ومهاره بارعه

انفجرت الدماء من جسده تلعنى وضعفه امامى يحتقرنى استسلامه لقسوتى يهد كيانى ودموعه التى بدأت تجف على خديه تعصرنى ألماً ولكن هذه أوامر وقواعد الحياه وعلىّ التنفيذ بدون كلمه او رعشه يد

. كم تمنيت ان اركع تحت قدميه متوسلاً اليه ان يسامحنى كم تمنيت ان أحمل صراخه وألمه وأدفنهما فى قلبى انا كم تمنيت ان تؤلمنى أسلحتى الحاده بدلاً منه

نظرت الى يدى الملوثه بدمائه الطاهره التى لا تعرف ابجديه القسوه بعد وبدأ قلبى ينزف ودموعى تتمنى شق عينى طالت نظراتى الى آثار الدماء على يدى حتى انتشلنى صوت أحد اتباعى

مبروك يادكتور العمليه نجحت حضرتك كنت فى منتهى البراعه

بابتسامتى الباهته جاوبته وانفجرت تساؤلات داخلى بلا اجابات

لماذا يكون الألم والجراح هو الحل الوحيد لإستمرار الحياه ؟

كيف يصبح مشرطى الحاد هو سبب شفاؤه ؟

لماذا يكون الإختيار اما مشرطى المؤلم او الموت الأشد الماً؟

بخطواتى البطيئه اقتربت واسترقت النظر اليه من خلف الزجاج فرأيت ضحكه امه وصداها على شفتيه فابتسمت داخلى وعرفت الجواب....انها الحياه

فدوما تجعل الألم هو السبيل الوحيد للسعاده

توقف

2008-06-23T07:13:00.000-07:00

توقف

انقطاع

تقوقع

رغبه فى الإنفراد بالذات

اعاده الحسابات

اطلاق سراح الدمعات

علىِّ ألملم الأوراق المبعثره من دفاترى

علىِّ ارتب الأوزان المفقوده من قافيتى

علىِّ أجد نفسى التى تاهت

وارمم أحلامى التى نسيتها او ...نسيتنى

علىِّ اقاتل اليأس الذى احتل قلبى

وابدأ فى غزل حياتى بخيوط من الأمل

لذا سأتوقف مؤقتا

اطلالك تطاردنى

2008-06-13T13:13:00.000-07:00

أمر على الديارِ ديار ليلى .. أقبل ها الجدار وذا الجدار

وما حب الديار شغفن قلبى .. ولكن حب من سكن الديار

نصحوهم قديما أن يكفوا عن الوقوف على الأطلال كى لا يزداد داخلهم ألم الفراق فحسدتهم لأنهم دائما ما يجدون لحبهم أطلال ان ارادوا النسيان كفوا عن الوقوف عليها أما انا فخبرنى ماذا أفعل وكل ما حولى أضحى لحبك أطلالاً لا استطيع الخلاص منها

فكيف اتخلص من مخدتى التى حلمت بك عليها يوماً

كيف اتخلص من القمر الذى انتظرناه حتى اكتمل شهراً

كيف اتخلص من قلبى الذى يضخ قبل الدم فى شرايينى عشقك

كيف اتخلص من هاتفى الذى سرى فيه دفء صوتك

كيف اتخلص من عيونى التى تشرق فيها كلما أغمضتهما صورتك

أنزل الى الطرقات دوماً لألملمك منها أتامل وجوه الماره لأجد ملامحك تتجمع امامى فعين هذا تشبه عينك وابتسامه ذاك تذكرنى بابتسامتك وصوت هذا قريباً من صوتك.... خبرنى كيف اتخلص من ملامحك التى انتشرت فى وجوه البشر حولى ....لماذا اصبحوا جميعا انت لا ابحث مثلهم عن اطلال أقف عليها فقد أصبحت انا.....

لك طلل

رحل الحب

2008-06-02T13:35:00.000-07:00

سألنى يوما

لما لم تتمسكى بحبك للنهايه؟

ضعف منك ألا تثورى أو تتمردى

أن تقبلى الرحيل وله تستسلمى

ويصبح عشقك-على الألسنه-مجرد حكايه

فجاوبته متسائله

وهل حاسبتم الورده حين ذبلت؟

هل لمتم الشمعه حين انطفئت؟

هل تمسكتم بالشمس حين غربت؟

فالحب عندى هو أريج الورده الذى ينتهى بعد أن يسرى فى خلايا جسدى

هو تلك الشمعه التى تفنى بعد أن تنير ظلام ليلى

هو شمس تغرب بعد أن تطهرنى وتسمو بروحى

وعندما ينوى الحب الرحيل

لا أستبقيه

أو ألومه

او أحاسبه

الأبجديه الحمقاء

2008-05-06T07:37:00.000-07:00

حرف ال ح لن يسبق بأى حال من الأحوال حرف ب

وحرف ال

لن يُكتب باى حال من الأحوال بجانب حرف ال

تلك قوانين الأبجديه وقوانين الحياه الثابته

هكذا علمونى

فثرت وغضبت وبعثرت حروف تلك الأبجديه الحمقاء ومزقت ترتيبها

ثم صنعت غيرها بقلم جديد وحبر جديد ودفتر جديد

رسمت بخطى المعوج قلب صغير وغرست فيه سهما حادا

وحفرت ال ح قبل ال ب وقرًّبت ال

جداً من ال

وبعدت الدفتر عن عينى قليلا ثم نظرت اليه بفخر

نعم تلك هى الأبجديه الصحيحه

ما أسخف تلك الأبجديه العقيمه التى يعلموها لنا

أعترف انى أصغر منهم سنا ولكنى أنضج عقلاً وأطهر قلباً

ذهبت بقوه وفخر الى معلمى الذى لم يزل يحافظ على ابجديته الباليه

فنهرنى بقوه وألقى بدفترى صريعا بين قدمىّ وقال بصوت صعقنى

حرف ال ح لن يسبق حرف ب

وحرف ال

لن يسكن بجانب ال

كأى طفله عنيده صرخت فى وجهه وقلت هذه هى الأبجديه الصحيحه وهذا قانونى

فحذرنى قائلاً ان لم تتعلمى قوانين الحياه الآن ستعلمها لك الحياه غداً

فضربت بقدمى الأرض وهتفت سأعلمكم أنا كيف تصنعون أبجديتكم

وصرخت ليتعلم الناس الأبجديه الصحيحه ما زلت أحاول ان أقنعهم أن ال

سيجد ال

ويسكن بجانبه فى ظل ال ح التى تسبق ال ب

ما زلت ألعن تلك الأبجديه الحمقاء التى تجبر الحب أن يكون بح وال

الا تقابل ال

حتى ايقنت انها انتشرت فى دفاتر الأطفال الملونه, ونقشت على رمال البحار الثائره, وحفرت على غصون الأشجار الراسخه

فهل سيفهم هذا المعلم الأحمق قانوننا الأبجدى أم سأكتشف انا انها أبجديه خرافيه تتعارض مع قوانين الحياه

!!!

علمونى الخوف

2008-04-28T17:20:00.000-07:00

تقريبا كل التعليقات الى فى البوست الى فات بتقول اننا المفروض نتحدى الخوف ونخليه يدفعنا للأمام مش يرجعنا خطوات حتى محمود(رئيس جمهريه نفسى)قال جمله جميله اوى -الخوف خلق لنستشعر لذه التغلب عليها_طيب انا معكم وموافقه بس نعمل ايه بقى فى الى علمونا اننا نخاف

أيوه انا عن نفسى اتعلمت انى أخاف من كل حاجه ومن كل الناس الى أعرفهم قبل الى معرفهمش

علمونى انى مكلمش حد معرفوش لإنه حتما هيئذينى رغم انى كنت بحب اتكلم مع كل الناس من غير أى حساب وفى موقف صغير كده من اسبوع بالظبط كنت راكبه فى المواصلات جنب ست وطلعت علبه لبان تشكلتس وخدت منه وبعدين عزمت عليا ابتسمتلها وقلتلها مرسى مش عايزه بس هى أصرت ,خدها ومثلت انى كلتها وحطها فى الشنطه وقعدت أحرك فى بقى لحد ما صدعت أصلى خفت أكلها البنت ده هى الى من سنتين بالظبط كان يوم مطره ومفيش حاجه كانت راضيه توصلنى وبعد فتره عربيه ملاكى فيها ست وبنتها وقفتلى بحسن نيه ومن غير ما أحسب حاجه ركبت والست كانت طيبه جدا ووصلتنى لحد البيت بس قبل ما انزل رمتلى جمله قالتلى انا لو بنتى عملت الحركه الى انتى عملتيها ده كنت بهدلتها لما حكيت الموقف ده لصحابى بهدلونى وقالوا عليه مجنونه وان الست كان ممكن تعمل وتعمل وتعمل

أيوه انا علمونى انى أخاف من الناس رغم انى عمرى ما كنت بخاف

وعلمونى أخاف من صحابى قالولى احذر عدوك مره واحذر صديقك ألف مره لربما انقلب الصديق عدوا

علمونى اخاف أركب مواصلات لإنهم بيتحرشوا بالبنات هناك

علمونى أخاف أكلم ولاد أو اسمح لحد يقولى بحبك لإنهم كلهم كدابين وبيضحكوا على البنات وأخرت انى ادى مشاعرى لحد ده حاجتين ياما هيرمينى ويكسر قلبى بعد ما يزهق منى يااما ورقه عرفى مالهاش اى احتمال تالت

علمونى أخاف اقرا عن الجنس لإنى هبقى بنت مش كويسه ولما سألت ماما جابت ورقه ورسمتلى كل حاجه وشرحتلى وأول ما خلصت راحت مسحاها بالأستيكه ورميه الورقه وقالتلى لو عايزه تعرفى حاجه اسألينى انا اوعى تعرفى من حد غيرى فخفت اتفرج على فلم أو اقرا أى كتاب

علمونى أخاف من دكتورى فى الجامعه ومفتحش بقى قدامه رغم ان كان لسانى طويل وانا فى ثانوى وعمرى ما سمحت لمدرس انه يقول كلام انا مش مقتنعه بيه او يفرض عليا رأى بس فى الجامعه لاء خوفونى لإنه ممكن يضيعلى سنه من عمرى

علمونى أخاف امشى فى الشارع لوحدى وقلعت خاتمى الدهب, خفت من كل الناس الى ماشين فى الشارع ليسرقونى اويئذونى لدرجه انى أكتر من مره واحد قالى متخافيش كده والله العظيم ما هعكسك

قبل ما أعمل اى حاجه كانوا بيقولوا خلى بالك والكلمه ده المعنى الى وراها خافى عشان تسلمى يارتهم كانوا أجبرونى معملش كل الحاجات الى ذكرتها ده كنت أكيد هعملها من وراهم لكن لما اخاف اصلا يبقى كده ضمنوا انى عمرى ما هعملها

الخوف اتزرع فينا احنا أصلا متولداش وهو جوانا ولا احنا الى صنعناه

لسه سؤالى ملقتلوش اجابه ايه الى ممكن ينزع الخوف ده من جوايا؟ هل انا كنت زمان صح ولا كده؟ صح رغم كرهى للخوف الا انى اول المعترفين انا بخاف

الخوف

2008-04-19T15:55:00.000-07:00

وقفت أمام البحر فاذا به يرسل أمواجه الىّ لتنادينى تقبل قدمى أن آتى الموج يزداد توسلاً وأنا جامده

أرى كائن صغير يقترب منى يريد يلمسنى,يزداد اقترابا وانا أتقهقر أرجع للوراء فى سرعه لأصتدم بالرمال

أجدها تجذبنى اليها تغوص فيها قدمى فتتثبث بها وترفض أن أرفعها ولكنى بقوه أنزعها

ألمح ضوء القمر يراقبنى من بعيد,يبتسم لى بدلال,يغازلنى بمهارته فبدون أن أجيب ابتسامته أخفض بصرى

أيها البحر:كم أشتاق الى حضنك,كم أتمنى أن يراقصنى موجك ولكنى أخاف أن تقسى علىّ فتغرقنى

أيها الكائن الصغير: الذى لا أدرى حتى ما اسمه أشعر بداخلى شئ يدفعنى نحوك,يجعلنى أتمنى أن أحمل جسدك الضئيل بين يدى المرتعشه ولكن ما ادرانى ربما تكون مسوما فتبث فى يدى سمومك

أيتها الرمال: كم أنت ناعمه ودافئه اعرف انك ستدفين جسدى البارد بين حباتك الذهبيه ولكن هل سأستطع الصعود مره أخرى أم سينتهى عمرى دفينه

أيها القمر: يامؤنس وحدتى وهادى طريقى آه لو استطع ان أغمض عينى وأفتح يداى كالأجنحه وأصعد وأصعد لآجد نفسى بين يديك يحتوينى نورك وتلفنى استدارتك ولكنك ربما لن تستطع حملى فأنزل صريعه على الأرض مفتته

يزداد الموج اصرارا والكائن اقترابا والرمال جذبا والقمر دلالاً وانا ما زلت جامده كالثلج كعروسه من البلاستك لا تخرج عن اطارها لا أفعل سوى الهروب من كل شئ أخشاه

لماذا نخشى فعل كل شئ نريده لماذا تمنعنا توقعاتنا المستقبليه عن الإستمتاع بحاضرنا؟ ياالهى من يزيل هذا الخوف داخلى

الهى

... حتى انت اخشاك رغم حبى لك ويقينى من حبك لى فهل خلق الخوف ليستوطن قلوبنا أم خلقنا لنصارع هذا الخوف كى نعيش؟ أم نحن الذين خلقنا الخوف وكبرناه حتى أصبحنا نخشى ما صنعت يدانا؟

أشياء تتحدث عن نفسها

2008-04-09T18:28:00.000-07:00

انا من تصفون به أجمل النساء,انا من تتركون معالم الكون بأسرها وتنتظرون قدومى اسمع شكواكم وأخفف من ظلمه ليلكم تهدونى سلامكم وبسماتكم تأمنونى على أسراركم وأبدا لم تخجلوا يوما من دموعكم التى تزرفونها فى أحضان شعاعى الصغير,ما عرفت يوما ان أجرح وما عرف بدرى يوما ان يذبح,انا أكثر الأجسام فى السماء لمعانا بفضل ضوئى الذى استمده من الشمس...انا القمر

ظننى الكثير إلها ولازال من يعبدنى الكثير ,ذكرنى ربى فى كتابه 27 مره وخصص سوره كامله باسمى باللغات الساميه يطلق علىّ سنين وهو الإسم الذى اشتق منه شبه جزيره سيناء وجبل صنين بلبنان

لى وجهان وجه يواجه الأرض وهو عباره عن وديان منبسطه من الصخور المغطاه بطبقه رقيقه من تربه صخريه ومعظم الأجزاء التى تبدو لكم رماديه هى فى الحقيقه مناطق جبليه تكثر بها الوديان أمّا الجزء البعيد فهو من الأراضى المرتفعه ولعله لو ظهر ذلك الوجه لأختلف شكلى كثيرا وربما امتنع الشعراء عن وصف محبوباتهم بى والتغنى بجمالى وشعاعى وربما كرهتنى كل فتاه توصف بى فها هى الإكتشافات العلميه قد نزعت عنى ثوب الجمال والبهاء والألوهيه الذى ظننتم انى اتمتع بهم قديما

فهل سيتغير احساسكم بعد أن عرفتم حقيقتى ؟

هل ستأنسون بصحبتى كما كنتم ؟

هل ستتحدثون معى بهمس العيون كما كنتم؟

أم سيتغير مع العلم كل ما أحسستم به معى؟

*********

إهداء خاص للذئب الغالى محمد

أشياء تحدثت قديما

الشمس

الشجرة

طائر

زجاجه عطر

2008-03-19T12:56:00.000-07:00

ما يهمنى ان كنت أذكى العطور

فى أفخر الزجاجات

فوق أعلى الرفوف

داخل أغلى المحلات

ان لم تمتد اليك يدك لتأخذنى

تلفنى بين راحتيك وتضغط علىّ

فتحيلنى الى ذرات تتطاير فى الهواء

ألتف حولك لأحتويك بعطرى وأحرسك بحبى وأرافقك أينما ذهبت

فأغمض عينيك...واستنشقنى مع انفاسك

ألا يكفيك أن اضمك بمشاعرى وبأريجى أحتضنك

ألا يكفيك أن يطير قلبى كالفراشه ويحط مستكينا بين كفك

فشكرا

يامن أخرجنى من سجنى الزجاجى

يامن عرفت حين وجدتنى معنى الحريه

يامن انزلنى من برجى العالى

وحررنى من ماديه الكون ومنطق العقل الى نسيم الروح وقمه الجنون

يامن أخرج كل ما بداخلى وأزال عنى خوفى

قد ينفذ يوما عطرى ولكن فضلك علىّ سيبقى

يامن علمنى ان أحب

اللقاء الأول

2008-03-05T04:59:00.000-08:00

عفوا ايها القمر عذرا أيتها النجوم.رغم انى كنت انتظر اليوم كله حتى ألقاكم أعيش معكم أحلم بصحبتكم وأرى خيالى يطوف حولكم الى أن يبدأ النوم يغازل جفونى فأترككم على موعد قريب فى اليوم الذى يليه .لم أذكر انى أخلفت يوماً موعدا فكما حافظتم عليه حافظت انا عليه

أرجوكم.. لا تحزنوا منى اليوم فانا لا اتمنى الآن سوى رحيلكم أريد ان تخلو السماء منكم أريد الصباح سريعا.انه أول موعد لى وانتم أكثر من تعرفون كيف انتظرته وكيف اعددت له كل شئ جهزت كلامى وهمساتى,نظراتى وسكتاتى,حتى ملابسى وعطرى ولم يحول بينى وبين ما حلمت به اليوم سواكم

فبحق الصداقه وبحق كل دقيقه سهرتها أؤنس وحدتكم فى ظلمه الليل ابتعدوا الآن اسمحوا للفجر ان ينقشع سريعا وللصبح أن يأتى قريبا

فانقشع الفجر

ورحل الليل

وحان الموعد

ولكنه

لم يأتِ

وها انا أعود اليكم وقد تبدلت أحلامى كوابيسا,ومناداتى مناجاه جئت ليحمل الليل عنى همى فازداد ظلمه وسواداً, لجأت للسحب فذابت امامى من فرط الامى, وتلك النجوم أطفئت بريقها أحزانى

فعذرا أيها الليل

تحديث:مجرد خواطر من وحى الخيال

توقف..باسم الحب

2008-02-24T15:11:00.000-08:00

توقف.......باسم الحب

باسم الكلمه التى طالما قدستها

وادخرت مشاعرى احتراما لها

لا تقلها ان كنت أقل من حروفها

توقف.......باسم الحب

لا تجعلنى بحثا عن جزء منك أتحسس بطنى

لأجد الخنجر المسوم قد انغرس فى ظهرى

ودمائى تسيل لتثبت للكون حماقتى

والجميع يقول..حذرناكى ياصغيرتى

ان كنت تنوى البعد....لا تقترب منى

توقف.......باسم الحب

لا تلقى اللوم يوماً على القدر

لا تسب الحياه أو تلعن الدَهر

لا تحمٌل ذنوبك الأرض وحبات المطر

ان كان الهجر طريقك والفراق منهاجك

ان كنت من المقاومه أضعف

والى الإستسلام أقرب

ان كنت عاجزا على الإحتفاظ بمشاعرى

لا تغوص فى عينى او تلامس أناملى و

توقف.......باسم الحب

توقف قبل ان تحطمنى

قبل ان تفتت قلبى وتبعثر أشلائى

ثم تحمل الىّ كلمه اعتذار

وذكرى داخل قلبٍ منهار

وحُكم الن يكون لحبك نهار

توقف

واستدر

وابتعد

باسم الحب

Happy Feb

2008-02-18T06:56:00.000-08:00

بجد أجمل شهور السنه وكل ايامه هابى نبدأ بالأحداث سريعا

10/2 كأس الأمم الأفريقيه

طبعا فرحت ذى كل المصريين رغم انى مليش فى الكوره خالص وأول مره أتفرج على متش بس عندى 3 ملاحظات 1 -لما شوفت التقرير الى اتصور فى بيوت اللاعبين لاحظت ان كلهم ناس بسيطه جدا عمال وفلاحين وده معناه انهم وصلوا للى هم وصلوله ده من غير وسطه ولا امتحانات متفبركه ولا عشان ابن مين ويعرف مين كلهم فعلا كانوا كفء وعندهم اراده وهدف مقعدوش على القهوه يشربوا سجاير ومخدرات ويشتموا فى ام البلد ويقولوا ما هى بايظه بايظه ولو نيلك يامصر صلصه

2- أتمنى ان ذى ما الحكومه والشعب دعمت الناس ده اوى كده تهتم بالمثقفين ربع الإهتمام ده اتمنى بجد ان الأبحاث الى مرميه فى الأدراج لحد ما الفران قربت تاكلها تخرح للنور بدعم وتشجيع ذى ده

3- صحيح اللاعيبه فرضوا على كل العالم احترامهم وكانوا فى منتهى الذوق والشياكه فى التعامل وأجبروا الخصم انه يثقفلهم بس بجد الى حصل عندنا شىء مؤسف ليه الشوارع تتقفل بالشكل ده ليه الناس الى راحت شغلها متعرفش ترجع ليه مش بنعرف نفرح بذوق وشياكه برضه!

*******************

2/14 عيد الحب

الدنيا الى احمرت والورود الى انتشرت والهدايا الى غليت بس ما علينا مش هقول بدعه وغلط ومفروض ومش مفروض بس الفكره بقى ان ليه دايما بنكون محتاجين مناسبه عشان نعبر عن حبنا واى حد بيجبلنا هديه اول سؤال بنرميه فى وشه قبل شكرا حتى (ايه المناسبه؟)يمكن اليوم ده يكون تلكيكه عشان تعبر عن مشاعرك ويمنعك من انك تسأل عن مناسبه
**************

2/16 عيد ميلادى

أكيد أهم يوم فى حياتى وبالذات السنه ده لأنى أكملت 21 عام وأصبحت رشيده ومعترف بيا فى المحافل الدوليه وتعتمد امضتى دلوقتى و بقيت مهمه
*************
2/20
عيد بلوجى

وده تانى أجمل تاريخ فى حياتى وبجد أحلى حاجه حصلتلى السنه ده بقالى معاكم سنه بشارككم مشاكلكم وبنتناقش ونتخانق وضحكت لفرحكم وبكيت لحزنكم حسستونى كتير انى أخت وصديقه وحبيبه وأم وطفله بجد انتم العالم الى اتمنيت انتمى اليه والناس الى على يقين انى مش هلاقى ذييها تانى وتعرفونى أكتر من ناس كتير سمعانى وبتشوفنى كل يوم انا حبيتكم أوى بجد وربنا الى يعلم

شكرا لكل كلمه فى تعليق اتكتبت عندى وشكرا للإحساس الى حسيته من كلامكم وشكرا لصحبت عمرى الى دخلتنى العالم الرائع ده وربنا يقربنا من بعض أكتر وأطفى معاكم شمعتى التانيه لو كان ليا عمر ان شاء الله

love letter

2008-01-28T13:59:00.000-08:00

تحديث :تم اعاده الكتابه فى البساط السحرى

بعد الإحتفال بالذكرى الثانويه لوفاه (فوجى)الى حصلت من سنتين بسبب حادثه حصلتله وهو بيتسلق الجبل راحت (هيروكو)خطبته لبيت والدته وهناك والدته جابتلها ألبوم الصور بتاعه والصوره الجماعيه بتاعت التخرج من المدرسه فتحت هيروكو الصوره الجماعيه وجابت منها العنوان الى كان ساكن فيه أيام المدرسه وكتبته على ايدها ولما رجعت البيت كتبت جواب بسيط جدا عله يخفف شويه من ألم فراقه وحطت عليه العنوان الى كتبته وهنا كانت المفجأه ان الجواب اترد عليه بالفعل جواب من نفس العنوان ونفس الإسم

. وده بدايه فلم يابانى من اخراج شونجى ايواى اسمه رسائل الحب

فى ايام الدراسه كان فيه بنت ليها نفس الإسم فوجى هى ده الى وصلها الجواب وهى ده الى ردت عليه وفى الفتره ده كانت تعبانه جدا هتلاقوها دايما لبسه الكمامه وبدأت الجوابات تتبادل بينهم وبعتت فوجى ل هيروكو خطبته صورتها وكان الشبه الى بنهم غريب فعلا وفى كل جواب كانت فوجى بتحاول تفتكر أيام الدراسه والى كان بيحصل خلالها مثلا لما كان المدرس بيديله ورقه الإجابه بتاعتها ويوبخوا على الدرجه السيئه الى هى درجتها أصلا وهو مكنش بيتكلم ولما كان الولد بيتخانق مع زمايله الى كانوا دايما بيلمحوا انه بيحبها أكتر حاجه فى المدرسه حصلت مميزه انها كانت متعينه كأمينه للمكتبه وهو دايما كان بيروح يجيب كتب محدش بيلمسها تاريخ قديم وأدب وحاجات من الى محدش بيقراها ده والغريبه انه كان بعد ما بيستعرها كان بيرجعها بسرعه فبديهى انه مكنش بيقراها راحت خطبته المدرسه ودخلت المكتبه وفتحت الكتب الى فوجى قالتلها انه كان بيقراها ولقت ان فى كل كتاب كان بيستعيره كان بيرسمها فى كارت ويحطه فى الكتاب ده بس للأسف هى عمرها ما فتحت الكتاب بعد ما يرجعه عشان تشوفه وخلص الفلم على صدمه فوجى انها اكتشفت ان فوجى الولد كان أد ايه بيحبها

بس صدمه هيروكو كانت أكبر بكتير انها اكتشفت بعد الحب دا كله وبعد سنتين حزن عليه انه لما كان بيقلها بحبك كان بيقصد واحده تانيه كل الى كان بيحبه فيها انها تشبه حبيبته

أكان ذنبى انى اشبه من أحببت
أم خطئى انى لحبك أخلصت
وفى فراقك دموعى أسكبت
واغتلت سعادتى يوم ضعت
بالله عليك أخبرنى اى جرم اقترفت

****

كى تعشق ملامحى وتنسانى

كى أشتاق اليك وتتحاشى اقترابى

كى تنادينى هاتفا باسم غيرى

وانا اسامح ولك كل الأعذار التمست

بالله عليك أخبرنى أى جرم اقترفت

****

قضيت عمرى فى انتظارك

أتلهف الى كلماتك

استرق ما تهب لغيرى من بسماتك

كنت تبخل فى كل شئ سوى نظراتك

وانا أكتفى بظنى انى لقلبك قد سكنت

بالله عليك أخبرنى أى جرم اقترفت

كان فى واحد صاحب فوجى الولد بيحب هيروكو خطبته وهى كانت عارفه ولما اترد على الجواب مكانش فى غيره تلجأله وحكتله وكان هو دايما بيحاول يقنعها انه مات لحد ما أخدها ورماها على الجليد قدام الجبل الى خطبها مات وهو بيتسلقه وقالها اندهيله اصرخى
وفضلت تنده وتصرخ لحد ما وقعت على الأرض وصدقت انه..............مات

فى صله ولا لاء

2008-01-14T11:01:00.000-08:00

المشهد الأول

انا قاعده على السفره وفرشه الورق حوالايا وماما واقفه على بعد بتلمع جزمتها

ماما:الله يرحمك ياحمد يابن عمى عمرى ما شفته الا وكانت جزمته بتبرق كأنه كل يوم بيجيب واحده جديده

أنا:الله يرحمه

****************

المشهد التانى

كلنا قاعدين بنتغدا مع بعض وبابا رايق شويتين وعمال يقول نكت وماما كالعاده مش بتضحك

بابا:الله يرحمك ياخالتى هى الوحيده الى كانت بتضحك على نكتى البايخه

أنا::)الله يرحمها

***************

المشهد التالت

فى محاضره الترجمه

الدكتور:.......ونفس الإعتقاد عند اليابانين لما البنت تنجح وتروح تقول لمامتها كان نفسى بابا يكون معايا فى الوقت ده الأم ترد تقولها هو أكيد حاسس بيكى وفرحان معانا كمان نفس الرد الى بترده الأم المصريه

انا:يعنى هو ده مش حقيقى

الدكتور:لأء طبعا هو فى عالم واحنا فى عالم تانى خاااالص

انا: يعنى مفيش صله بين العالمين دول؟

الدكتور لأء ياشيماء مفيش دا مات يعنى لا احنا هنحس بيه ولا هو هيحس بينا

انا:طيب ما احنا عندنا فى الدين لو انت زرت حد متوفى وسلمت عليه بيرد عليك السلام وبيأنس بوجودك وبيكون عارف انت مين وفى كمان حديث عن الرسول صلى الله عليه وسلم فيما معناه يعنى انك لما تحجله او تقراله قرآن او تدعيله الثواب بيوصله والميت بيلاقى رحمات بتنزل عليه فبيسأل الملايكه جات منين بيقولوله من فلان

الدكتور:ممممممم ايوه بس اكيد مش عارف مين نجح ومين اتجوز ومين مات ومين لسه عايش

انا:امال ليه لما الواحد بيكون فى كرب عظيم بيقول انه بيشوف اهله الى ماتوا بيزروه فى المنام ويخففوا عنه؟

ايمان:أيوه مظبوط انا اختى لما خلفت كان ابنها عنده مرض خطير فى القلب وكانت دايما بتقول انها حاسه بخالى الله يرحمه وهو بيقولها متخافيش عمر هايجى معايا هيكون معايا متقلقيش رغم انها كانت كارهه انها تسمع الصوت ده بس كانت دايما بتحس بيه وابنها مات فعلن وهو فى العمليه

فى بلوج محمد الراقص مع الذئاب الجمله ده مكتوبه إذا كان هناك شخص اتمني ان اكون في مثل شخصيته فسيكون سيدنا عمر رضي الله عنه حتي اني رأيته يوماً في منامي وانا أسقيه لبن دا حتى الناس الى ماتوا من زمان بيكونوا حاسين بمين الى بيحبوهم اوى وبيزوهم

ها

يبقى فيه صله ولا اتقطعت؟؟

متى سيؤمر سياف العشق

2008-01-01T09:49:00.000-08:00

يقولون ان من العشق ما قتل ولكنهم لم يحددوا ميعاد القتل فانا لا أعرف كم سيكون عمرى عاشقه ومتى سيؤمر السياف بقطع رقبتى ولكن قبل موتى اريدك ان تعرف كل شئ لذا أكتب اليك الآن وسأصف كل شئ حتى تأتينى وترى بعينيك كل ما سأصف أو يأتينى السياف فتقرأ خطابى هذا.

حجرتى بابها فى لون فستان العرائس مقبضها أنيق ذهبى اللون يصر دائما أن يعلن عن وجوده فيصدر صوتا كلما حركته. أول ما سيقع عينيك عليه هو مكتبى أحبه كثيرا فهو معى منذ كنت طفله فاذا سحبت كرسيه وجلست ستجد لوحا من الزجاج فوقه تتوسطه آيه قرآنيه صغيره وقديمه جدا جدا ومتهالكه ولكنى أعشقها فقط أهدتها لى مدرسه الدين وانا فى الصف الثالث الإبتدائى عندما حفظت ما علينا من القرآن ويسارا ستجد العديد من وجوه الأطفال الضاحكه فأنت تعرف كم تأسرنى ضحكه الأطفال

وعلى اليمين تتناثر بعض الكروت تختلف أشكالها وألونها ولكنها تتفق جميعا فى وجود ولد وبنت يرسمهما فنان ماهر فكم تمنيت أن أكون خطوطا يرسمها هذا الفنان ويرسمك بجوارى فلا نفترق أبدا.الى أعلى ستجد صور كرتونيه معلقه تصر على وجودها تلك الطفله البلهاء داخلى
. والآن من حقك أنت وحدك ان تفتح أكبر أدراجى وتنتقى النوته الورديه فتلك مفكرتى الصغيره التى عانت معى أيام انتظارك وشاركتنى فى حبى وشوقى اليك افتحها وستجد نفسك محفورا بين سطورها تحتضنك حروفى وتدفئك كلماتى ويرسمك حبر قلمى وستصادف بعض الأوراق المبعثره بلا هويه ربما لتثبت لك اهمالى ستتعجب ياحبيبى كيف لا تتهاوى أخشاب هذا المكتب الصغير من فرط هذا الحب والحنان والشوق الذى يحمله اليك
والآن قم واستدر يمينا ستجد دولابى الكبير يتقدمه مرآتان كبيرتان وانت تعرف عشق المرأه للمرايا فتلك مرآتى التى صادقتنى دوما فكم رأتنى وانا أتفنن فى ترتيب خصلات شعرى وأضع الأربطه يمينا ويسارا كم شاهدت حيرتى وانا أحاول أن أصل الى التصفيفه المناسبه التى أكون على يقين أنها سترضيك ثم ابتسم ابتسامه المنتصر.اسألها عنى ان شئت فهى تعرفنى جيدا ستخبرك عن حزنى ودموعى التى كادت تنطلق عندما بدأ يزحف حب الشباب الى وجهى وكم كنت اتابعه بالدواء وأتمنى زواله ويوم موافقه أمى ان أكتحل وكيف اشتريت قلم الكحل الأول بنقودى التى ادخرتها وهرعت اليها أزفها الخبر وأبشرها انى أصبحت فتاه جميله وسينطق بجمالى عينى المكتحله وانت بذلك لن تنظر لأخرى لأنى أصبحت أجملهم...يالحماقتى انا لست أجملهم ولكنها أفكار ترضينى لذا دوما أصدقها
تحرك خطوتين وستجد سريرى الساكن فى هدوء يستقبلنى دوما ويأخدنى بأحضانه ويلفنى بغطائه ويطمئنى انك ستأتى يوما وتأخذنى منه وتلك المخده تعرفك جيدا فلطالما شاركتنى فى رسم ملامحك وكم أحرقتها بدوعى الساخنه فجاوبتنى بلامساتها على خدودى.هى دائما مخلصه مطيعه تأتينى وقت احتياجى اليها كأنها تقول لى لن أكن مثل حبيبك الغائب
فليأتى السياف اليوم أو غداً حتى وان أصدر العشق أمرا بقتلى فهل هناك من يستطع ان يقتل العشق !..سيظل حيا فى دفاترى,ستظل مرآتى تعكسه,ومخدتى تحميه وكما قالوا وما همنى ان خرجت من الحب حيا وما همنى ان خرجت قتيلا أنا الآن اطوى ورقتى ولكنى لن أضع طابع البريد أو أكتب عنوان فليس سوى ورقه زائده أضيفها الى مفكرتى الورديه التى أوقن انها ستكون بين يديك يوما ما

كلنا مدخنين

2007-12-25T17:55:00.000-08:00

الفلبينيات

أتحدى ان الى جاه فى دماغ اى واحد قرا الكلمه ده انه قال انى هتكلم عن الشغالات.معزورين...دا حتى الست دلوقتى لما تتخانق مع جوزها تقله انت كنت فاكرنى الفلبنيه الى جبتهالك الست والدتك وصلت لدرجه ان الفلبين احتجت على دوله عشان كتبت فى القاااموس بتاعها ان شغالات معناها فلبنيات حكمتوا على شعب كاااااااامل عشان فئه قليله جدا

ما المصريين بيروحوا يشتغلوا فى اوروبا وامريكا وياعينى الناس الى غرقت وهى رايحه ايطاليا ده كانت هتروح تشتغل ايه وزرا ولا سفرا ما بيشتغلوا كناسين وزبالين وشحاتين يبقى كده خلاص اى حد يشوفهم هناك يبقى المصريين كلهم زبالين وشحاتين

******

عندنا بقى بنت كده تتجرأ وتقول لأهلها وهى بتاعت ستاشر سبعتاشر سنه انها عايزه تشتغل تلاقى الرد الحتوم ليه هو احنا مش قادرين نصرف عليكى تقلهم لاء قادرين بس انا عايزه اعتمد على نفسى وكل البنات الى فى الدول الى بتفهم بيشتغلوا فى اى مطعم او كافى وهم بيدرسوا ...بس وهنا تبقى الطامه الكبرى وتسمع الصرخه المتينه والعيون الى تتفتح متر كماااااااان عايزه تشتغلى فى مطعم الناس تقول ايه وواحد بقى تعجبيه يقوم.....وتديهملها بالكلام المحفوظ من ايام اجدادنا ده ولو البنت عملت ايه محدش هيغيرلهم فكرهم الى للأسف شربهولنا وبقى مننا كتير شايفين ان البنت الى بتشتغل جرسونه او فى السياحه او رافضه الجواز انها بنت مش كويسه

******

اهلك عندهم خبره اكتر ويفهموا عنك -انا أبوك أو امك ولازم تسمع الكلام لأنى ادرى بمصلحتك

من الآخر بقى فكره ان انت بابا تبقى عارف كل حاجه ده انتهت لأن دلوقتى وكلنا بنشوفها فى بيوتنا ان الأولاد بيعرفوا أكتر من أهاليهم والأهل لما بيتزنقوا فى حاجه فى الموبايل ولا الكمبيوتر بيلجأوا لولادهم الأهل على عينى وعلى راسى عندهم خبره فى الحياه أكتر وحقهم علينا اننا نبرهم لكن مش من حقهم يختارولنا الطريق الى نمشى فيه ولا يشغلونا الشغلانه الى تناسبنا من وجهه نظرهم ولا يدخلونا الكليه الى هم شايفنها صح لأن مش الى هم شايفينه دايما بيكون صح

********

خلايا الجسم بتتغير والفصول بتتغير المخ سرعته اكتر من سرعه الضوء وبيخزن 2مليون معلومه فى الثانيه بذمتكم عملته ايه بالقوه ده غير انكم ملتوها افكار عقيمه

الى بيدخن مثلا مش عارف اد ايه دا غلط وحرام مش عارف انه لو عمل اشعه على رئته هيلاقيها سوده من النكوتين مش عارف ان زائد كل الذنوب الى بياخدها على ايذاء نفسه بياخد ضعفها على ايذاء غيره مش عارف ان كل نبته خصراء بتشتكيه لربنا وبتدعى عليه لأنه بيديها هوا ملوث ومع ذلك برضه بيشرب وواحد مره قالى مسمعناش كلام اهالينا واحنا صغيرين هنسمع كلام التلفزيون أهو ده عمره ما هيبطل لآنه مبيسمعش غير كلام نفسه وبس اشرب سجاير ذى ما انت عايز بس مره كده اصحى الصبح وافتح شباكك وخد شقييييق وخلى الهوا فى جسمك شويه وبعدين خرجه هتحس باحساس تحفه انزل الشارع قبل ما تولع فى نفسك او تولع سجارتك وامشى خمس دقايق بس فى هوا نظيف وبعدين اعد جنب واحد بيدخن وشم رحته ورحتك يوم ما تفتح المجال لرئتك انها تشم هوا نظيف وقتها بس هتعرف تقارن بين الكويس والوحش ووالله هتعرف تختار صح كلنا بندمر مخنا وحياتنا بسجاره الأفكار السلبيه ذى ما المدخن بيدمر جسمه بسجاره النكوتين

كلنا مدخنيــــــــــــــــــــــــــــــــــــــــــــــــــــــــــــــن

وذى ما المدخن يفتح المجال لرئته افتح انت المجال لمخك انه يستقبل افكار غير الى علموهالنا

روح الفلبين وانت هتفاجأ ان مش كلهم شغالين فيهم دكاتره ومهندسين وطلبه ذينا بالظبط والمصريين مش شحاتين اليابانيه مش الست الى بتترمى تحت رجل جوزها عشان تحييه اتعامل مع الجرسونات والمرشدات والبنات الى رفضه الجواز والمطلقات واتحداك لو لقتهم كلهم بنات وحشه

كان فى مدون(اسامه, كلام لوجيك) كاتب جمله رائعه

لا تمشى على الخط المرسوم سابقا لأنه سيقودك الى ما وصل اليه الآخرون

غير الخط ,غير الأفكار الى جابت الناس لورا يمكن لعل وعسى تعمل الى هم فشلوا فيه

فوق السطر

2007-12-18T15:58:00.000-08:00

فى المدرسه

اكتبوا فوق السطر

العبوا فوق السطوح

جاوبوا بصوت عالى

ارفع ايدك لو عايز تقول رأيك

خلى طيرتك أعلى طياره

****

فى الجامعه

اوعوا تمشوا فى المظهرات

اوعوا تعلوا صوتكم على حد مسئول

اسمعوا الكلام وانتم ساكتين

امشوا جنب الحيط مش عايزين مشاكل

****

بقينا بنكتب بالحبر السرى,مشينا جنب الحيطه لحد ما اتخرمت وبقينا وراها,دفنا الطياره فى الرمل وبقينا نلعب فى الجراج

ده خطأ فى التربيه؟

ولا جبن مننا؟

ولا جبن من أهلنا؟

ولا الدنيا هى الى اتغيرت؟

الدنيا الى كانت زمان ملكنا بسماها وارضها والى كنا عايزينه كنا متأكدين اننا هنوصله رغم ان حجمنا كان صغير اوى

دلوقتى حتى اوضه النوم بتعتنا بنحسها وسعه علينا اوى

اعترافات هى الجزء 6

2007-12-08T16:12:00.000-08:00

كفاك ياقلبى دقا ...سيسمعك وانت تنادى على اسمه

كفاك ياجسدى رعشا...سيهتز أرجاء المكان حوله

وانت ياعينى كفاكى بوحا بحبه

لابد أن يعرف ولكنى لن أعترف لن أستطع ان أكون انا الباديه ولن أتحمل ان يرفضنى

ربما قال انتى لى كأختى أو لعل أخرى تشغله

ولكن

من المحتمل انه لم يرانى بعد,عله مجروج وجرحه يخفينى عنه,عله لا يعرف كيف سيداوى حبى جراحه,كيف سينشر أريج الزهور, كيف يشق فى ظلام اليأس النور,كيف يضرب كالماء الصخور.

سأبوح اليه كما تفعل الفتايات فى دول أخرى حين يكشفن عما بداخل قلوبهن لمن يحبون دون احساس بالإهانه ويقبلها الرجل دون ان يشعر انها سلبته دوره سأثور على مجتمع متحجر التفكير دوما يقيم الفروق بين هو وهى

ولكن

هذا مجتمعى وهو شرقى وحتما سيكره من تسلبه دوره.لا..لن أستطع أن يكرهنى أهون علىّ أن اعيش بحبى خفيا من أن أخرجه فيصفعه بلا رحمه

سأخفى عنك مشاعرى,وسأكتم أنفاسى الفاضحه سأدفن عينى فى نظارتى السوداء لتخفى نظراتى ودموعى المتراقصه على لحن الكتمان

لن أعترف بل سأعيش على أمل أن تشعر..أنى أحبك

هى

كل ما اكتبه من اعترافات ليست فى الواقع تخصنى ولكنها قضايا و أفكار أحاول ان اعرضها بصيغه المتكلم

الزائر

2007-11-26T14:01:00.000-08:00

بعث حبات المطر تعزف على شباكى لحنا منتظم.. يرجونى ان افتح بصوت الرعد نادى على اسمى, وبنور البرق انار حجرتى المظلمه اغرانى بمشروبى الساخن ودخانه المتراقص على نغم الرياح ذكرنى برعشه اطرافى وحمره انفى وسريرى البارد يحتضن جسدى المنتفض فيصارعه غطائى الثقيل لتدفئتى

رفع مظله السحب فوقى لتحجب عنى الشمس وتحمينى من اشعتها الحارقه

واسقط اوراق الشجر جميعا فغزل لى بساطا اسير عليه

فهل املك سوى ان اقول

مرحبا بك أيها الشتاء:)

لو خيروك

2007-11-19T14:25:00.000-08:00

لو خيروك تعيش مع واحد انت بتحبه أو واحد بيحبك أيهما تختار؟

لن أشتاق اليك

2007-11-03T16:55:00.000-07:00

سألنى يوما أتشتاقين الىّ؟ فجاوبته لا

بغمزته قال انكِ تكذبين فلابد أنكِ كما اشتاق تشتاقين

ضحكت ساخره وقلت يالك من مغرور

فأنت رجلاً كالباقين دوما تظنون أنفسكم فرسانا ولنا آسرين

قال بابتسامته الواثقه

وانتِ امرأه كالباقيات تخفين مشاعرك وان كنت من الشوق تحترقين
أخفيت اقتناعى بكلماته الصادقه
واستفززته بسؤالى الى متى تخدع نفسك أيها المسكين؟
قال وقد بدأ الشك يشوب نظرته
وانتِ متى بحبك وشوقك الى تعترفين
جاوبته لن أعترف بما لا أشعر
فقال عذرا ياسيدتى أخطأت حين كنت-بما لا ادرى-على يقين
خيمت سحب اليأس على ملامحه وانتحرت الثقه من عينه ووجدت دمعه ترجوه ان تنطلق فأدار عنى وجهه الحزين وتركنى ورحل

مهلاً ياسيدى

فكيف اشتاق اليك وصورتك قد نقشت على جفونى؟

كيف اشتاق وانت تسبق البسمه الى شفتى,والفكر الى عقلى,والنغم الى وترى؟

كيف وانا آخذك كالشهيق الى رئتى؟
كيف وانت تذوب كالسكر فى فنجالى؟
ما اشتقت يوما ولن أشتاق فأنت معى شئت ام ابيت,وحبك قد استوطن قلبى بعيد كنت عن عينى ام اقتربت
ما اشتقت يوما
.
.
ولن أشتاق

سؤال

2007-10-31T14:15:00.000-07:00

خبر قريته وعايزه أعرف رأيكم

عازف بيانو اسمه دانيل بارينوم يهودى اسرئيلى

لم يكتفى بادانه سياسه بلاده واعتبرته الحكومه معادى للساميه ومنعته من ممارسه عمله فى اسرائيل فتحداها وأقام حفلاته للفلسطنين برام الله وهو اليوم يعيش فى برلين وأنشأ ورشه عمل موسيقيه سماها الديوان بالتعاون مع ادوارد سعيد تضم تلاميذ عرب ويهود وألمان وكون فرقته التى تحيي الحفلات فى عواصم العالم

**************

بصرف النظر عن هويه الراجل ده وجنسيته وديانته. اعتبروه واحد من أهل بلدكم

هاتشفوه صح ؟هل الولاء والإنتماء هو انك تمشى تبع بلدك بصرف النظر عن الى بتعمله ولا انك تمشى مع الصح الى انت شايفه ومقتنع بيه حتى لو كان ضد بلدك؟

هل ينفع انك تطرد من بلدك وتعيش بلا هويه عشان تعمل الى انت شايفه صح؟

ولا انك تصبر وتسكت وتمشى مع التيار

التيار الى انت عمرك ما اختارت تمشى فيه

ولا ايه؟

هلا عرفت

2007-10-22T14:43:00.000-07:00

كلما اقتربت روحى من روحك كلما بعدتك المسافات

كلما زاد فى قلبى حبك كلما قل حظى من رؤيــــاك

فكتبت قصائد شوقى على قمر الليالى علك تقرئها

أرسلت همسى مع رقه النسام علك تحســــــــها

قلت ترانيم العشق مع تغريد الطيور علك تسمعها

وبعثت دموعى مع الندى على الورد علك تمسحها

سأشهد الكون على حبى فلن يفهمنى البشر

سيكون غرامك سرا أبوح به للقمـــــــــر

واناجى به العصافير واوراق الشجـــــــر

سأنقشه على السحب وحبات المطــــر

لم أختارك انا قد كنت اختيار القــــــــــدر

فاحيينى بحبك ورقه كلماتـــــك

انتشلنى من الحزن ببسماتـــك

اشعلنى بدفء صوتك وحنانــــك

حبيبى لن أمل من انتظــــــارك

اعترافات 5 حمقى

2007-10-03T23:25:00.000-07:00

استيقظت من نومى على حلمى المزعج المعتاد وقمت من سريرى بسرعه محاوله ترك اى أثر لهذا الحلم.أنفاسى ظلت تتسابق وقلبى يؤلمنى دقه أسمعها بوضوح كناقوس فى رأس السنه وضعت كلتا يدي عليه محاوله كتم دقاته أو تهدئته وظل لسانى يردد بعض الأذكار التى تجرى على ألسنتنا بطريقه عفويه كلما شعرنا بالخوف حتى بدأيهدأ تدريجيا

أغمضت عينى دقيقه ثم فتحتهما فاذا بنور الصباح بدأ يطرق على شباكى ولكنى لا أريد أن أفتح رغم كرهى للظلام واحتياجى للنور ما زال صدرى منقبض وشباكى مغلق.مغلق كحياتى وقلبى الذى ظل عمره مغلق وظلت دقاته بلا مجيب.قد ضاع عمرى وأنا أبحث عن كيان لى أستمده من نجاحى فى تفوقى وعملى

قمت من مكانى بعدما بدأت أن أهدأ ومشيت بخطواتى البطيئه المنهكه وغسلت وجهى بالماء الفاتر ثم رفعته ببطء لأجد المرآه تعكسه على حقيقته بتلك الخطوط البلهاء التى تصر أن تثبت وجودها تحت عيونى وتلك الصبغات الملعونه التى ينتهى تأثيرها بعد يومين.أخذت فتورى وبدأت فى وضع الكريمات المستحضرات الغاليه التى دوما ما تثبت كفائتها فى اخفاء عيوب الوجه,ولبست فستانى الأزرق الجذاب الذى يندر أن تجده عند أحد وان وجد فلن يناسب جسدى كجسدى الذى كادت أن تجعله أشهر مصمموا الأزياء مثالا لآزيائهم سأبدأ يوم جديدا يوما كباقى الأيام عيون ترمقنى باعجاب وعيون تلهبنى من الحسد عيون بريئه تجعلنى قدوه وعيون تخشانى وتكتفى بمراقبتى من بعيد كشمس لن تستطع لمسها ولن تجرؤ على الإقتراب منها

فتح سائقى باب السياره وفى هدوء ركبت وبدأت صور الناس والشوارع تتحرك أمامى هذه سيده تصرخ فى طفلها لإقترابه من السياره وتدعى عليه وعلى نفسها وأخرى انتفخت بطنها واعوجت مشيتها وتكاد تصرخ من الألم وتلك تركها زوجها ومشى امامها وهى تكاد تجرى وراءه ويبدو انها ملت من لفت انتباهه الى انها ليست معزه يجرها وان عليه المشى بجوارها, وجده تتثبث بيد حفيدها وهو يشدها حتى تكاد تسقط وبوجهها المتكرمش ترسم جزعها واعتراضها

حمقى ...حمقى.. كيف يظنون أنى سعيده؟ كيف يحسدونى على جمالى ورشاقتى؟كيف يبهرهم نجاحى وتفوقى؟يعودون كل يوم ليجدوا أزواجا بجوارهم وأطفالا يؤنسون وحدتهم وأحفادا يداعبوهم يجدون من يداويهم فى مرضهم ويتفقدوهم ان تأخروا ويمسحون دموعهم اذا بكوا.وأعود أنا الى فراشى أتقلب عليه حتى أدوخ وياتينى النوم مصطحبا معه كل الكوابيس والأحلام المزعجه فاصرخ لأجد الصدى جوابى

لو يعرفون ما بداخلى لكرهوا جمالى وأحبوا وجوههم المهمله,لزهدوا فى رشاقتى وعشقوا اجسامهم التى ضاعت ملامحها ,لكفوا عن التفكير فى النجاح والمال وأحبوا الفقر والفشل خرجت من سيارتى بثقه ونظرات لأعلى أتلقى التحيه بفتور وأتجاهل النظرات والهمسات حولى لا تكبر منى ولكن لإيمانى أنهم حمقى

عجبت

2007-09-22T14:17:00.000-07:00

اسطوره هنديه فى البساط

عجبت لكى ...تملكين النظره والإبتسامه السحريه التى تأسر العشرات من الرجال فى آن واحد

وعجبت لمن تجعليه يتنازل لك عن عرش قلبه ويسكنك بين ضلوعه فيظل هو شريدا فى مملكته التى اسلمك مفاتيحها

تبلغين من العلم والمنصب ما يجعلك تقودين الكثير بالحكمه والهدوء وتثورى ان تناثرت بعض الشعيرات على جبينك

تنسى الدنيا ان ابتسم لك طفل وتتقهقرى بالعمر سنوات لتكونى فى مثل سنه او ربما أصغر فيستمتع باللعب معك

لم يزل يأسرك الفستان الأبيض وتهرعين لتكونى اول من يحظى بورود العروسه

تجلسين فى أهم الإجتماعات وأخطر المناقشات محاوله ان تكونى أجمل وأشيك الفتايات

****

حتى وان قاومتى هذا الشعور داخلك

حتى وان ظنك الرجل تافهه وكل ما يشغلك ليس له قيمه

فهل ينكر الرجل ان طبيعته نرفض ان تكونى غير ذلك؟

فراعى ايها الرجل فى المرأه كبريائها مهما تواضعت بين يديك

والتمس العذر لكذبها ان أخفت مشاعرها عنك

وأحبها ان بالغت فى غيرتها فمن دون رجال الكون اختارتك

وان بكت بدون أسباب لا تسألها... فقط اجعلها تشعر بيديك

وان اجبرتك على مشاهده افلام الحب بدلاً من مباراتك المفضله فهى فقط تريد فى تلك اللحظات مشاركتك

فاعذرها

واشكرها

وأحبها

اعترافات الجزء 4

2007-09-10T01:48:00.000-07:00

يقولون ان الدموع حزنا وألم. كذبوا جميعا فحتما لم يروكِ وانت تبكين.ما أروع وجهك الحزين وعيناكِ الغارقه فى دموعها كقطره ندى على ورده زابله. ابكى ان لم يزل فى عينك دموع واصرخى ان لم يزل لك صوت مسموع واذكرى

.... اذكرى يوم جئت اليك بباقه الورود التى كنت دوما تعشقيها ألم تنظرى لها جيدا؟ ألم تشعرى انها كانت تختلف عن كل الورود التى تملأ القاعه؟ كانت تماما مثل الورود التى توضع بجانب الموتى علها تخفف من حده المأساه وانا ايضا جئت اليك بورودى لنفس السبب لأضعها على مقبره حبى وأخفف من مأساه زفافك

. ملأت الكون يومها ضحكا وفرحا وراقصك هو على غنوه من اختيارى وتمايلت معه على لحن كنت انا عازفه وأسمعك هو شعرا كنت انا منظمه.لف يده اللعينه حول خصرك, وجذبك اليه بعنف غاص بعينيه القاسيه داخل عينيك ,ورسم بريشه الشماته ابتسامته .ألقى فى وجهى نظره المنتصر لم تستمر سوى لحظات, فالمهزومين أمثالى لا يستحقوا حتى الوقت الذى ينظر فيه اليهم,رفع يده بحنانه المصتنع ليزيل بعض شعيراتك المتناثره على عيونك.... ياالهى حتى حركاتى سرقها منى

. وانا أيضا كان يراقصنى الألم كان يعتصرنى فيسيل منه نهر معاناتى يتدفق, وسبحت عليه الآهات صارخه مستغيثه. كنت أتمزق رغم ثباتى كنت أبكى دما رغم نظراتى الصارمه كنت أنهار رغم قامتى الممشوقه.وما شعرتِ... أكملت رقصتك وظللت تدورين. انغرس كعبك العالى فى قلبى ,أصبح فتاتا وتناثرت أجزاءه وانت فوقها ضاحكه

وعدت وعودا لن تستطيعى الوفاء بها ,تخيلت عن اسلحتك ورفعتى رايتك البيضاء ,أنهيت الحرب سريعا وحددت الفائر والخاسر. فلتبكى لقد جاء دورك انها لعبه القدر الحتميه

تاجى التانى

2007-09-04T01:39:00.000-07:00

لماذا نقرأ القرآن

عارفه انى اتأخرت ومرسى على سؤالكم بس مش عارفه ليه مش عارفه أكتب حاجه المهم يعنى قلت أجاوب على تاجات هم تقريبا سبعه جبت اتنين وهاكمل انشاء الله أول واحد بتاع أيات والتانى بتاع محمد المصرى

هل كنت طالب شاطر فى المدرسة ؟

شاطر؟لاء انا كنت شاطره لاء كنت متفوقه وبطلع من الأوائل وكده لحد ما دخلت الجامعه وانحرفتJ

ايه كانت احب مادة و اكره مادة ليك فى المدرسة و الكلية؟ فى المدرسه كنت بحب الرسم واللغات والجيولوجيا وعلم النفس وبكره الكيمياء والفزياء وكنت أدبى عشان كده الكليه بقى النمره غلط لأنى مبدرسش غير ماده واحده وبصراحه باحبها أصل انا وكليتى واخدين بعض عن حب

كنت عايز تتطلع ايه وأنت صغير ؟ وانا بتاعت ابتدائى كده كنت عايزه أطلع فنانه وافتح أتيليه وكده ولما كبرت شويه كنت عايزه أكون ويتر فى كافى (طموحه من صغرى) وبعدين مذيعه وبعدين مرشده سياحيه وبعدين صاحبه شركه وبعدين واخده جايزه نوبل(فى ايه معرفش)وما زالت الأحلام مستمره

********************

اسم مدونتك؟

واحده من الناس

لماذا اخترته..وماهي نيتك من وراء اختياره؟

بصراحه مفكرتش كتير فى الإسم بس حاسيت انى بنت عاديه بس بتعرف شويه تخرج الى جواها ويمكن أغيره مش عارفه لسه

هل فكرت في إغلاق مدونتك؟..والسبب؟

لاء خالص مهما حصل أقفلها ليه وابطل أكتب ليه لاء مظنش انه هايحصل

صورتك في المدونة..رمزيتها؟ آه أهى الصوره ده بحس انها انا بنت لبسه أبيض وقاعده لوحدها بس بتبص قدامها ومبتسمه مستنيه حاجه حلوه أكيد هاتيجى عندها أمل فى المستقبل

لماذا دخلت عالم التدوين من الاساس؟

لأنى حسيت ان فيه حاجات كتير عايزه اقولها واخلى الناس تعرفها او حاجات عايزه اعرف رأى الناس فيها أو أحس بتواصل مع الناس فى الحاجات الى بحس بيها وطبعا لقيته عالم رائع استمتعت بيه جدا والبركه فى أيات تعبت معايا كتير عشان تدخلنى

احلى جمله قيلت لك فى وصف مدونتك؟

كل حرف اتقال عزيز عليه جدا بجد مش هاقدر أحدد بس يمكن اول واحد كان له طابع مختلف كان بتاع محمد الراقص مع الذئاب وكان

السلام عليكم بقولك ايه من غير مجاملة او مداهنة اجمل مدونة شفتها منذ فترة بجد اسمحي لي في إضافة مدونتك الي مفضلتي فهي تستحق

التعليقات بالنسبه لك ..اهميتها؟

بحس ان فى حد سمعنى بيئيدنى أو بينتقدنى أكيد حاجه مهمه انا الحاجات الى بكتبها عشان اكلم نفسى فيها مش بنشرها

مااحلى بوست كتبته ...ضع اللينك ..ثم اذكر لماذا؟

مش هاعرف أقول أحلى واحد بس هاقول أول أحلى واحد كان يارب ييجى انا بحبه قوى

أحلى مدونة قريتها؟

مدونه واحده؟لاء صعب يمكن المفضلات عندى الى حطه لينكاتهم

حد قل ادبه في التعليق؟عملت ايه؟

ولا حاجه ممسحتش غير كومنت واحد زمان ومكنش قليل الأدب بس كان اسلوبه سخيف

ايه اللي حيصل لإيميلك لما تموت ؟

هايموت معايا أصلى مفتكرش ان حد هايورثه يعنى

اديت الباسوورد لحد قبل كده ؟

آه أختى

اسمك؟

شيماء

اسم الدلع المشهور وسط أصحابي؟

كتير كل واحد بيدلعنى بطريقته بس الأغلب شيمو ومشمشه وشوشو

مجال دراستك؟

لغات

شخصيتك نوعها ايه؟

مبحبش النكد بس سعات بتنكد مكدبش عليكوا, حالمه جدا, متفائله, عندى امل كبيير ان الى جاى أحلى, بحاول أطور نفسى وأكون أحسن مممم والباقى استشفوه من كلامى بحب أخرج وأشوف ناس جديده مبحبش أتعامل مع الآلآت

بتعمل ايه في وقت فراغك؟

بخرج أو بقرأ أو الكمبيوتر أو كتير بسرح أو بدور على حاجه أعملها:)

السفر بالنسبة لك؟

ياه دا أكبر حلم ليه دلوقتى نفسى ألف العالم

الأكلة المفضلة؟

الأكل الإيطالى بكل أنواعه والحلويات الشرقيه وكشرى ماما

الصفات اللي اخدتها من بابا؟

تفكيره المنطقى

الصفات اللي خدتها من ماما؟

رومانسيتها

أكتر 6حاجات بتكرها؟

الكدب

الظلم

الإستغلال

النكد

الإستسلام

الضعف

اكتر 6 حاجات بحبها؟ ابتسامه الأطفال

مكتبى

الشروق

صندوق الذكريات بتاعى

ألبوم صورى وانا صغيره

الورد

الشغل بالنسبة لك ؟

كيان وتحقيق للذات وتحمل مسئوليه واعتماد على النفس

ايه الكمبيوتر والنت بالنسبة لك؟

وسيله لحاجات كتير علميه واجتماعيه

تمرريه لمييين؟

فى ناس اساسيه ذى ايات عشان ترحمنى شويه

ومهند عشان ميردش عليه

وسليم عشان يركنه لحد ما انساه
وناس جديده واحد
شمعه أمل
حدوته
ميدو
ممكن
انكسارات
حاتم

غازى

اعترافات هو وهى الجزء-3

2007-08-20T12:37:00.001-07:00

سامحنى

لم تكن مشاعرى بيدى وما كان قلبى يوما ملكا لى.أعرف انك تحبنى وأعرف أنه من حقك أن أبادلك هذا الحب ولكنى لن أستطع لم تكن أنت من أحلم به وأدخر له كل ما بداخلى من أحاسيس تقول لى أعطى لنفسك فرصه كى تجربى حبى. لا ياعزيزى فالحب ليس فرصه تعطى وليس قلبى هين علىًّ هكذا لألقيه فريسه تجربه قد تنجح وقد تفشل

الحب هو أن تهدم قلاعى وتدك أسوارها بنظره حانيه

هو أنفاسك الحارقه التى تطفىء لهيب شوقى اليك,هى تلك الإبتسامه التى تنسينى ليالى الإنتظارك فكأنك معى منذ ولد بداخلى الحنين اليك

. الحب ياعزيزى هو أن تستولى على كل أسلحتى وتهزمنى على أرضى ثم تشعرنى أنى أنا المنتصره

هو أن تجذبنى من العالم وتضعنى فى روايه تقوم فيها بكل الأدوار الملك,العبد,الزوج,الحبيب,الصديق,الزميل,القريب

وأنت ياقلبى... لا تخف سأحميك سأرويك بدمى وأحفظك بين ضلوعى فأنت أمانه عندى لمالكٍ لم يأتِ بعد....وسأصون الأمانه

بالصدفه قابلتها

2007-08-17T05:20:00.000-07:00

فى مدونه بالصدفه قابلتها

دقيت على بابها وفتحتها

قبل ما أقرا كلمه كلمه قلبى ارتحلها

كان صحبتها اسمى على اسمها

****

بدأت تمشى على السطور عيونى

كان أول كلمه لقتها وحشتونى

وتانى جمله أنا مريضه ادعولى

والتالته كانت بدعاكوا خففتوا عنى وأسعدتونى

****

حسيت بجسمى انتفض ذى الطير

وأنفاسى كأنهافى سباق خيل

وكل شىء بيصرخ ان الى جاى مش خير

****

أنا أحمد أخو شيماء

شيماء رحلت عند رب السماء

وتدفق الدعاء بالرحمه بدل الشفاء

****

القصه انتهت أنا جيت فى أخرها بس جوايا ابتدت سرحت بخيالى بعيد ياترى هى زعلانه من كام واحد وكام واحد زعلان منها ياترى نامت وهى ناويه تصحى تصالح مين؟كنت أعرف واحده اتخانقت خناقه عاديه مع والدها وقالت لما أشوفه فى الفجر هاصالحه وأعتذله ومشفتوش ....للأبد

آسف شكرا بحبك

أصعب كلمات فى الدنيا وليها وقت واحد تتقال فيه لو اتأخرت بيكون ملهاش معنى مبيقلهاش غير انسان قوى وعارف أد ايه الدنيا ده حقيره أحقر من الحزن والغضب والعتاب. محدش بيفكر فى الى ممكن يحصل لنا أو لحد غالى علينا فى الثانيه الى جايه

هى وصّت أخوها يبلغ الناس الى هى عارفه انهم هايسألوا عليها بس أكيد فى ناس تانيه ملحقوش يعرّفوها. ذنبهم مش ذنبها

مش كل حاجه هانقدر نعملها بكره

ياريت نصفى قلوبنا ونحافظ على الناس الى بيحبونا والله ممكن يختفوا أو نختفى فى لحظه

هاسيبكوا مع بوست قديم لأنى مكتبتش حاجه

صندوق هديه

شيماء أيتها الرقيقه رحمك الله كنت اتمنى انى أكون عارفاكى بس جيت متأخر

بتشبهى علىَ

2007-08-06T23:50:00.000-07:00

يمكن الشعر العامى بيوصل للقلب أسرع وأغلبيه الناس بيفضلوه لقيت قلمى قرر يخوض أول تجربه ويكتب أول خاطره بالعاميه

**************************************************

بتشبهى علىَ...حاسه انك تعرفينى

بصيلى كويس هتلاقى صورتك

فى جسمى وروحى وكيانــــى

راح تلاقى سواد ليلك

صبغ لون عيونـــــى

وشعاع القمر على نيلك

كحل على جفونـــــى

ورفعة راس نخيلك

ورثاها من جدودى

****

ذى مئذنة جوامعك بصوت الحق ناطقة ومتمسكة

وذى بخورك الى يحرقنى أردهاله بريحه طيبة

واخده من صيادك الصبر وعلى ربى متوكلة

ومن فلاحك واخده الإبتسامة ولو فى مليون مشكلة

****

أنا ذى بحر اسكندرية شقية

وذى نيلك صفيه ونقية

ولا عمرى أنام وفى قلبى كره وأحقاد مستخبية

بالحب عايشه ودايما بالسماح والسلام مبتديه

أنا منك يابلدى وانتى منى

عرفتينى......أنا مصريــــــــــــــــــــــــــــة

أشياء تتحدث عن نفسها ......3

2007-07-27T10:25:00.000-07:00

لن أستطع أن أقف كباقى الأشياء وأقول لكم اسمى بكل كبرياء لأنى أوقن أنى اذا قلته لن تقف حتى نمله تسمعنى

أملك من الوفاء ما قل أن تجدوه فى مجتمعكم أنا أخلص لزوجتى وأدافع عنها وعن مسكنى حتى موتى ولا أتزوج باخرى إلا فى حالتين ان فشلت فى الإنجاب وذلك للحفاظ على نوعى أو عند موتها وذلك لشعورى بالوحده

لا أنسى الإساءه والتعدى على مملكتى وحقى سآخذه وان طال عمرى علمت أن الإتحاد قوه هذا المبدأ الذى نسيتوه وفعل فيكم ما فعل فأعيش فى جماعات وان رأى أحد منا غريب سارع باصدار نبرات صوتيه نفهمها جميعا ونسرع للتجمع والقضاء عليه وان ادعى بعضكم أنى أتعدى على أفراد قبيلتى فهذا صحيح ولكن فى حاله واحده ان أصابه مرض وخشينا أن ينتشر مرضه ونهلك جميعا

لونى اسود وأنتم تتشائمون من اللون الأسود وصوتى قبيح وأنتم تتنافرون من الصوت القبيح دائما تخدعكم المظاهر والكلمات المعسوله ولكن ذكائى فى رأسى الأسود فاق ذكائكم فأنا أول معلم فى تاريخ البشريه وصاحب أول درس على الأرض

أنا الغراب الذى علمكم كيف تدفنون موتاكم أيها البشر ولكنى للأسف فشلت أن أعلمكم كيف يكون الوفاء

أشياء تتحدث عن نفسها 2شجره

2007-07-20T01:15:00.000-07:00

جذورى فى الأرض متغلغله وفروعى الى السماء متطلعه,فرشت على الأرض ظلى وأنزلت ستائر أوراقى فبنيت لكم فى منتصف الطريق بيتا هادئا ومكانا آمناً زينته بورداتى ووضعت فيه ثمراتى

ما أسعدنى حين تجرون نحوى وتقفون خلفى كطفل خائف يتثبث بذيل فستان أمه لأحميكم من حراره الشمس تجلسون تحتى وتسندون على جذعى ظهوركم وعرقكم يتصبب وأنفاسكم تتسابق فتهدئون وتنظرون الىّ بابتسامتكم الشاكره التى تأسرنى ثم تقفون.منكم من يتطلع الى ورداتى ومنكم من يتطلع الى ثمراتى وبكل صعوبه تمدون يدكم لتنالوهم ياليتنى كنت أستطع أن أنحنى لأهبكم اياها وأقوم بواجب الضيافه على أكمل وجه ولكنى لن أستطع ستتعبون قليلا معى فاعزرونى أتعرفون عندما يأتينى الخريف وتتساقط منى أوراقى أشعر أنى قطعه خشب مغروسه فى الأرض تشغل حيزا بلا فائده ويتسرب الحزن الى نفسى حتى يأتينى أحدكم بريشته ويرسمنى بفنه فيحيلنى الى لوحه مبدعه تتنافسون على اقتنائها آه لو تعرف أيها الفنان كم تبعث الروح الى خلايا جسدى وتروينى باحساسك

أعزائى... ان لم يعد ظلى ينفعكم,وورداتى تسعدكم,وثمراتى تشبعكم فقد وهبتكم نفسى لتقتلونى فأعرف انكم ستأخذون خشبى لتصنعون بيوتكم وسفنكم وسأظل بجانبكم لن أحزن أو أتألم صدقونى ولكن ما يجعلنى أعتصر من الألم هو ذلك المقص المميت الذى يقترب منى بكل قسوه ويقتص فروعى أتدرون معنى أن تقطفوا ريش عصفوره أن تحلقوا رأس فتاه جميله صدقونى الموت أهون علىّ

يومها فقط سأشعر انى عديمه القيمه بل أؤذيكم وهذا الذى لن أسامح فيه نفسى أبدا.ً

أشياء تتحدث عن نفسها 1_الشمس_

2007-07-14T03:45:00.000-07:00

بدونى الكون لن يكون أنا النور, أنا الأمل, أنا قاهره الظلام, ونبض الحياه, قوتى عظيمه تغرق الكون فى الدفء والضياء حتى الأعمى سيشعر بى وان لم يرانى والقمر ما أضاء يوما الا بسبب انعكاس ضوئى عليه ومع ذلك لم أجد من ينصفنى دائما تذكرون القمر, وجماله ,ونوره الذى يشق الظلام, يصفه الشعراء فى قصائدهم, والعشاق فى مغازلتهم يمدحه من سار ليلا ويقول انه هاديه تصبون عليه شكركم مع انى أنا أولى بهذا الشكر فهذا القمر يكسر حده الظلام بشعاع صغير قدر حجمه أما أنا فأكسر ظلام الليل كله وأحيله من ظلام قاتم بائس الى نهار سعيد ملئ بالأمل والضياء لا أخفى جزاء وأضىء آخر أمن أعطاكم شعاع صغير مدحتوه ومن أضاءت لكم الكون هجرتوها أمن هو ضعيف قاتم ينتظر نورى كل يوم شكرتوه ومن حطمت الظلام كله جحتوها تقولون ان القمر يسمح لكم بالنظر اليه والتأمل فيه يسمع شكواكم ويزيل همومكم وأنا أحرق كل من حاول النظر الىّ تبررون فعلكم أنه سمح لكم أن تدوس أقدامكم عليه وأنا لم أسمح حتى بالإقتراب منى مترا واحدا الى كل من ظلمنى لن أتخلى عن عملى ولن أبخل على العطاء حتى القمر سأعطيه شعاعى كلما اشتاق فما أفعل هذا انتظار شكرا منكم أو جزاء طالما تتفتح الأزهار فى وجودى وتدفأ الكائنات فى حضن شعاعى طالما عرف الأمل من تأمل شروقى وانتظرنى الخائف لأحميه فهذا يكفينى أنا لا أستر جبانا أو أخفى شيئا أنا ابين كل شىء على حقيقته بطوله وعرضه ولونه وارتفاعه ومساحته لا أكذب ولاأنافق واليوم لن يهمنى من تمدحون ومن تذمون

كلنا كالقمر له جانب مظلم ولكن من منا يستطع أن يكون كالشمس

اعترافات هو وهى الجزء 2

2007-06-25T15:53:00.001-07:00

كيف تُرى المرأه جميله؟ يحكى البساط

أولا اسمحولى أعتذر لكل حد البوست الى فات ضايقه أو فكره بحاجه جرحته أنا والله مكنش قصدى ياريت تقبلوا اعتذارى

هى:يبدو فى عينيك حزن عميق

هو:اننى أتضرع من الألم أكتم فى قلبى صرخه لو خرجت لملأت الكون أحزاناً وأحبس فى عينى دمعه لو انطلقت لشقت فى الأرض أنهارا

هى:ولماذا تتحمل كل هذا فلتصرخ ولتبكى لتستريح

هو:أجننتى....أنا أبكى!ماذا تظنين فىَّ؟أنا رجل ياسيدتى والرجال لا يبكون ماذا سنترك اذن للنساء والأطفال

هى:مهلاً علىّ ياسيدى فما عدت أفهم لماذا ينتقص البكاء من الرجوله؟.ان الله حباكم كما حبانا فى أعيننا دموعا لنعبر بها عن الألم والحزن

. هو:هكذا تعلمنا منذ أن كنا أطفال كانت المعلمه تضربنا وتترك البنات تبكى ثم تأتى بجانبنا وتحبس دموعنا بقولها اننا رجال والرجال لا يبكون.وعندما كان أبى يعاقبنى أنا وأختى كانت تجلس هى لتبكى أما أنا فكنت أرتب على كتفيها لتهدئتها أو لعلى كنت أحسدها على التنفيس عن نفسها وأحبس دموعى لأنى لابد أن أكون رجل لم أكن وقتها رجلاً كنت طفلاً وتحملت وانت تريدينى اليوم أن أضعف وأبكى؟

هى:عجيباً أمركم تظنون البوح بالحزن والألم ضعفاً وعيباً يشينكم مع أنى أوقن أن فى قلوبكم ما يوازينا من المشاعر والأحاسيس ونحن نبكى ونصرخ بلا أى احساس بجرح الكرامه.أعرف ما كان يحدث ولكنى أعتبرها كأى خرافه قديمه ليس لها قيمه سوى أن تهدئ الطفل ليسكت وينام أنت اليوم لست طفلاً كما قلت فلتقل لى رأيك ولتنسى أنك رجل وأنى امرأه

هو:حسنا فالرجل يملك من المشاعر والأحاسيس ما يوازى المرأه أو ربما أقل لطبيعتها العاطفيه يتألم ويشعر بالحزن مثلها رغم أنه يفتقد البوح لذلك يقال أن المرأه أطول عمرا من الرجل.ولكنى أصدقك القول كثيرأ أو دعينى أقول كل الرجال يبكون عندما يختلون بأنفسهم ويتأكدون من احكام غلق الأبواب وخلو المكان حتى من ذبابه تطيريسكبون الدموع حتى يكادوا يغرقون فيها ولكنهم لا يصرخون لآن الصوت يعبر ألف بابٍ محكم

هى: عدت لطبيعتك ياسيدى وقلت كثيرا من الرجال دون أن تعترف بأنك منهم

صوب الىّ نظره كادت تسحقنى وتركنى ورحل لقد شعر انه اعترف لى بجرم وأنا أسخر منه وسأعيره به ولكن أبداً لم يكن ذلك مقصدى فقط أردت أن أفهم لماذا يحرم البكاء على الرجل وينتقص من رجولته وأغلب ظنى انى لن أفهم طالما يحتفظ الرجل بسر بكائه ويخجل من كشفه متى أرى دموعك أيها الرجل؟لا للشماته والله فقط أردت أن أريحك من الكتمان حتى لا تغرق وحدك فى دموعك ربما أستطع أن ابنى سفينه وأحملك معى لتسير فوق دموعك وأحميك من الغرق

فمتى ياسيدى؟

صندوق هديه

2007-06-21T11:28:00.000-07:00

قصه جاتلى على الميل معرفش ايه أصلها كانت بتقول

ان فى بنت قالت لمامتها أنا السنه ده هاجبلك هديه فى الكريسماس وكل شويه كانت بتقولها ده هديه حلوه أوى؛انتى بتحبيها؛انتى محتجالها وكلام كتير خلى مامتها تشتاق للهديه ده أكتر من أى حاجه تانيه وفى يوم الكريسماس البنت حاطيت صندوق الهديه تحت شجره الكريسماس جريت الأم عليها أول حاجه وشالت ورق الهدايا وفتحت الصندوق وصدمتها انها لقته فاضى كشرت وزعلت وزعقت وضربتها

وقالتلها أنا ضربتك عشان أعلمك متعشميش حد بحاجه وانتى مش هاتعمليهاله البنت قاعدت تعيط وتقولها الهديه مش فاضيه بصلها كويس ياماما الأم مفهمتش حاجه فالبنت فى وسط دموعها وألمها

قالتلها أنا مليته من حبى وقبلاتى حطيت فيه 2 مليون بوسه انتى ازاى مش شايفاهم ياماما نزلت الأم على ركبتها وقاعدت تعتذرلها على الأذيه ده وقالتلها ده أجمل هديه جاتلى وتستحق أستناها العمر كله. البنت ده ماتت فى حادثه والأم مصبرهاش على فقدانها غير الصندوق الى مليان قبلات بنتها كل يوم كانت تفتحه وتاخد منه الى يصبرها على فقدنها

القصه انتهت

كام حد وهوه بيسلم عليك ضمك أوى ودقق فى عنيك عشان يحس بوجدك؟

كام حد بكى على مخدته لما لقاك فى يوم حزين؟

كام حد اتلكك وجاب حجه هبله عشان يكلمك ويسمع صوتك ؟

كام حد فرح بجد لنجاحك ودعالك من قلبه واتمنالك الخير من غير مقابل؟

كام حد حافظ تاريخ عيد ميلادك ونمره تليفونك أكتر من نفسه؟

كام حد عدى جنب محل ولقى شيكولاته انت بتحبها افتكرك وجبهالك؟

كام حد مسك المبايل بتاعه وحضنه لما لقى اسمك عليه؟

أكيد مش كتير

صعب انك تشوف الحاجات ده كلها صندوق فاضى والأصعب انك تقدمها والناس تشوفها فاضيه بس المميت والقاتل انك تقدمها وتتضرب بعديها أما انك تقدمها وتتضِّرب ويستخسر فيك حتى كلمة اعتذارفده الإحساس الى مش هاتوصفه كلمه. ياريت نبص فى الصندوق كويس قبل ما نجرح ونبّكى ونضرب مش عارفه احنا الى بنخسر الناس والا هما الى بيخسرونا بس الى أنا عارفاه ومتأكده منه ان الصندوق مش فاضى

طرق التحيه عند الشعوب

إعترافات هو وهى_ الجزء 1

2007-06-13T16:01:00.000-07:00

رحله البساط الأولى

هو

أخطأت نعم أعترف بخطأى حين أسكنتك قلبى وكتمت دقاته كى لا تسمعيها وحين وقفتى أمامى فأدرت عينى لا ترى صورتك فيها ثلجت مشاعرى كى لا تنصهر أمام سحرك وقاومت قوه الجذب التى تدفعنى نحوك فرجعت للوراء خطوات حبيبتى لا ألومك.فأنا من يستحق أن يلام بل ويعاقب وهل هناك أقسى من هذا العقاب! أن أراكى مع غيرى يرفع عينه فى عينك حتى تخفضيهما خجلاً ويقولها مرارا ومرارا دون أن تملى من سماعها. كل هذا بسبب خجلى,وحمقى تركتك تتسربين من بين يدى والآن أشرب كئوس الندم على فقدك.يكفينى اليوم أن تعرفى أنى أحبك.انه حقك الذى سلبتك اياه وأردت اليوم أن اعيده ورغم أن هذه الكلمه ربما تكون فقدت معناها داخلك. من حقك اليوم أن تطردينى أو تثورى فى وجهى ولكن ليس من حقك أن تكذبينى أو تستهينى بمشاعرى وأرجو منك ألا تمنعينى.فلتتركى نهر حبى يتدفق اليك حتى تجف دمائى أو يمل قلبى من التحرك. يكفينى اليوم أن تعلمى وتسامحينى فقد ظلمتك مره ثانيه بتركك لغيرى وأنا على يقين أنه لن يحبك مثلى وظلمت نفسى بفقدانك يا نبض قلبى

. هى

أسامحك؟؟!! لا ياعزيزى فلن أستطع ليت الظروف هى التى حالت بينى وبينك لكنت تحملت وحافظت على حبك فى قلبى.ولكن أنت الذى جنيت علىًّ وعلى حبى.مددت يدك بكل قسوه ولففتها حول رقبته حتى اختنق من انتظارك.أخذتنى كلمات عينيك الى أعلى الى جوار النجوم وصمتك صفعنى وهوى بى الى سابع أرض.وأنا لا أقبل اليوم فى قلبى عزاء. عندما أتانى وبدأ يحدثنى كنت أغمض عينى كى أرى صورتك وأنا أسمع صوته ولكن هذه خيانه وما كنت أبدا خائنه وأكره من جعل منى خائنه.طويت فى قلبى حبك ودفنته وفتحت عينى لأرى الحقيقه التى ما تمنيتها أبداً. أحببته كما أحبنى وأعطيته كما أعطانى وروى عطشى الى الحب.الحب الحقيقى الذى يطير ويواجه الدنيا . نعم... بطل سحر الكلمه التى تمنيتها زمناً.وما أثرت فىّ فأنا سعيده فى حبى الجديد وحياتى الواضحه, ونهر حبك هذا مهما تدفق فلن يجد له مصبات عندى. وداعا ياعزيزى فكيف آسى على من سلبنى حقى. الحب نور أنت تحب فى العتمه فلتظل فى عتمتك
مجرد أراء ومبادئ معترضه عليها ملهاش علاقه بيه كلها خيالات

تاجى الأول

2007-06-10T16:06:00.000-07:00

لبسنا التاج الحمد لله وفاضلى شويه كماليات يعنى عرش صغير كده على أدى وشويه خدم وحشم وجوارى على حته مملكه صغيره وبالمره حبه ناس أحكمهم. بسيطه خالص....الاَ هو انتوا سمتوه تاج ليه؟

أنا عاجبنى فكره التاج ده أصل المدونين عندى ذى الممثلين الى بيعجبونى وبحب أعرف أرائهم و شخصيتهم الحقيقيه

مرسى بجد لروزا وشيرمين انهم مررهولى وأسفه على التأخير الكبير ده

أحب شخص لقلبك في الدنيا؟

ازاى يعنى هايكون شخص واحد انا كل حد قابلته حبيت فيه حاجه ومحبتهاش من حد غيره ناس حبيت شقاوتهم وناس هدوءهم ناس أحب أغلس عليهم وناس أحب أهزر معاهم بس ده ميمنعش ان فى ناس بحب كل الى فيهم مهما كان وحش أو حلو دول عيلتى الصغيره وجدتى وخالى وجدتى التانيه وأيات وهند وايمان ونهى صحابى

*** إنسان مستعد تضحي بحياتك - ركز فى كلمة حياتك - عشانه؟

أى هدف أو انسان أؤمن بيه وأحس ان حياته هاتكون أفضل من حياتى

*** إنسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي
غليل قلبك؟

أى حد أذى مسلم أو مسلمه ظلم سواء يهودى أو عربى أو مسلم ذيه

*** ما هو:اسم أجمل كتاب كتبه بشر قرأته ومحتفظ به حتى الان؟

هبى ياريح الإيمان لد/خالد أبو شادى

*** اسم كتاب - كتبه بشر برضه - انت متعلق بيه وبتقرأه كل فترة؟

لا تحزن لعائض القرنى

*** أهم جهاز منزلى أنت متعلق بيه أو بتستخدمه كتير؟

الكمبيوتر

*** شيء تحس بالراحة النفسية عندما تنظر إليه؟

سجاده الصلاه والمصحف

***

مكان تحس فيه بالحنين الى شيء لا تدرى ماهو و ذكريات جارفة الى لاشيء؟

النيل النيل النيل النيل

*** مكان تحس بالراحة عندما تدخله؟

أى مكان فيه أشجار وورد

*** اجمل مدينة زرتها داخل مصر ؟

اسكندريه ***

نوع هاتفك المحمول؟

Nokia connecting ppl

*** سرعة بروسيسور جهازك؟

أهو أنا فى البى سى ده معرفش أعمل غير 4حاجات أفتح سى ديهات- أدخل على النت- أكتب على الورد- واخربه ومش ناويه أعرف .أصلى مره طلعتلى مستج بتقول ان السى مليان قلت لازم أعمل ذى ما الناس بتعمل وأفهم فى السيستم وبتاع دخلت فى السى لقيت فولدر مفهمتوش كده اسمه ويندوز حسيت انه ملوش لزمه وعملتله ديليت الكمبيوتر قفل ما فتحش ومهندس الكمبيوتر كان هايجيله هارت أتتاك.... مش عارفه ليه؟

*** حجم ذاكرة -هارد- جهازك؟

انظر الإجابه السابقه وكفايه احراج بأه
*** المساحة التى تشغلها المواد الاسلامية على جهازك؟
وبعديييين
*** نفس المساحة السالف ذكرها فى قلبك -الإجابة لنفسك عشان الرياء يا اخواننا -؟
اللهم اجعلنى خيرا مما يظنون واغفرلى ما لا يعلمون
*** أهم هدف انت واضعه لحياتك الآن؟
السؤال الى بكانى وسرق النوم من عينى ليالى حاليا يعنى نفسى ألف العالم وأفهم العالم الثقافه المصريه والإسلام صح مش عايزاهم يزوروا بلدى ولا يخشوا فى دينى بس عايزاهم يفهموا صح
*** مواصفات فتى \فتاة الأحلام بالنسبة لك؟
يعاملنى ذى ما الإسلام بيقول, يحبنى, طيب, واقعى, صريح, جرئ, مش بيشرب سجاير, متفائل ومبتسم دائما يدخل أى انترفيو يسد علطول:) مش عايزاه غنى ولا عنده فيلا وعربيه وبتاع عايزه نبتدى حياتنا مع بعض أشتغل وأكبر بيه ومعاه. غاويه شقا بأه أعمل ايه:)
*** صف ما يأتى:شعورك لما بتسمع كلمة مصر ؟
باشتقلها رغم انى فى حضنها باشتاق لمصر الى فى كتب التاريخ وحديث الرسول الى باشوفها فى الصحف القوميه والقنوات المحليه أصلى الى بانزل من بتنا ألاقيها ده حاجه تانيه خالص
*** شعورك لما بتسمع كلام عن اليهود؟
احساس أسد مسجون والمفتاح فى ايد حشره حقيره
*** شعورك لما بتشوف ظابط شرطة؟
ولا حاجه عادى طالما معمليش حاجه ولا عمل قدامى لحد حاجه هاحس ناحيته بحاجه وحشه أو حلوه ليه
*** شعورك لما بتشوف الكناس العجوز فى الطريق؟
الحسره وبفتكر حقوق الإنسان الى حرمته من حقوق أحقر الحيوانات
*** افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
هو حر فى لبسه بس ميقولش سنه ولو قال هاقوله متركبش عربيه عشان الرسول مركبهاش وروح حج بالجمل الرسول سنته تتبع فى الدين مش فى الدنيا هو نفسه قال أنتم أعلم بشئون دنياك أو كما قال ص
*** إحساس يراودك فى إشارة مرور مغلقة بسبب مسئول كبير؟
بحمد ربنا وبفرح انى صغيره ومحدش بيدعى عليه ولا بيكشر بسببى
عايزه أمرره ل
أيات
مهند
سليم
زحل الفلكى
كلام لوجيك
جىجى
الغزالى

وأى حد عايزه والى مش عايز يرد عادى

نداء صامت

2007-05-11T17:03:00.000-07:00

أنا واقف فى صفوف غريبه لا يعرفونى ولا أعرفهم

أنا مع أناس لا يفقهون لغتى

أنا معلم بلا عصا أو تلاميذ

أنا من ينير بلا طاقه أو مصابيح

أنا مبدع بلا جوائز أو تصفيق

أنا فنان بلا معارض أو لوحات

أنا بحر بلا شاطئ أو أمواج

أنا من امتصه الزمان حتى أصفر لونه ثم جلس يضحك علىَّ,يعايرنى بالهجر الذى مزقنى

أنا وحيد

...يتيم

...ضائع

...تائه أتوق الى يد تلمسنى

.. الى عين تنظر الىّ

الى فم يبتسم لى

الى مالك أرتمى بين يديه

أنا محتاج الى أحد يقتحمنى
.. ينهل منى

يكتشفنى

أنا كتاب فى ركن مكتبه مهجوره

فهل من قارئ مقتحم؟

! هل من محظوظ مكتشف؟

سأهبط من سماء التدوين وسأحبس قلمى وأغلق دفاترى مؤقتا ياريت تدعولى أخلص على خير وعايزه لما أرجع ألاقى بوستات كتيره أعلق عليها هتوحشونى أوى بجد

سلام:)

رساله الى وردتى

2007-05-05T18:12:00.000-07:00

وردتى الجميله ما أروعك! وما أروع ورقاتك الملفوفه فى دقه تدوخنى أدور معها فالى عالم السحر والرقه والجمال تأخذنى. كم تحملين من معا!!ن وكم تملكين من قدره توصيل المشاعرالتى يعجز عنها أبلغ الشعراء وأعذب الألحان وأرق النظرات.رائحتك تسرى فى خلايا الجسد فتذيب برود المشاعر وتفجر نهرا للحب ولونك ينعكس على العين فيضبغها بلون السعاده والجمال.من يدقق النظر اليك ينسى الدنيا وينخرط فى ذاك العالم المسحور الذى تنسجيه يذهب مع كل ورقه فيك ويرجع بحلم جديد ومعنى جديد واحساس جديد. وأنا فى رحابك الامس خدودك الحريريه ويضمنى عطرك ويأسرنى شكلك أغمض عينى فأجد نفسى فوق أعلى سحابه فى الكون أحتضن السماء وأغازل النجوم وأرتمى على صدر القمر فأنظر الى أرض البشر من بعيييد فأراها صغيره دقيقه جدا ما أتعس هؤلاء البشر كيف يعيشون على تلك الكره المتعوجه أما أنا ففى أعلى وأسمى وأكبر ما أسعدنى بجوارك ياوردتى فتحت عينى بعدما نزلت على الأرض لأجد الماء قد هجرك وترك أوراقك جافه لن تتحمل أكثر من لمسه لتتفتت وردتى الحبيبه...لن أقبل فيك عزاء أعرف أن عمرك قصير ولكن ما يفيد طول العمر طالما أديت دورك والآن ترحلى بهدوء وان زعموا انك مت فلن أصدق ما زلت حيه فى ابتسامه الطفل حين رئاكى وفى هديه المحب حين أهداكى وفى قطره الندى التى سلمتيها خدودك وفى الفراشه التى أتعبتيها لعبا ورقصا فلماذا أطالبك بالبقاء الحياه ياحلوتى لا تحسب بالسنوات ولكن بما فعلناه فى تلك السنوات وداعا ياحلوتى

عاشقتك

الذى حمل السعاده والشقاء

2007-04-24T07:44:00.001-07:00

أصبحت اتلهف الى العوده الى حجرتى أفتح "الكمبيوتر"اضغط على ازراره بطرقه آليه وأدخل على موقع الشات تتحرك خلالها أصابعى دون النظر الى "الكيبورد" كأن الحروف هى التى تحفظ مكانها الى اصابعى بدأت انسى كل ما حولى ومن حولى سوى هذا الجهاز المضاء الذى هو وسيلتى الوحيده اليه واستمرت العلاقه وتوطدت داخل قلبينا حتى بدأنا نخرج عن حدود علاقه الصداقه التى اوهمنا انفسنا بها كنت احس ان معدن هذا الجهاز سيذوب من حرقه الأشواق التى نتبادلها قضيت فى رحابه الساعات دون ملل وكنا نفترق بمنتهى الصعوبه والألم عجبا فما اسهل الضغط على زر الإغلاق ولكنه كان بالنسبه لى كزناد المسدس صعب الضغط قاتل التأثير ومثل ما كان يرد الىّ روحى زر الفتح كان يقتلنى ألما الإغلاق أشتقت الى فارس أحلامى واحببت ان اراه وعندما فتحنا الكام وجدته كما تخيلته وجهه عيناه أنفه شفتاه كله طبقا لما كان فى خيالى ولم ينقصنى شىء سوى ان احس بيده وهى تتحسس يدى ويطوق اصبعى دبلته حدث سريعا لا أدرى كيف ووجدتنى فى فستانى الأبيض وحولى الورود والإبتسامات كأنى ملاك تتأهب للصعود الى الجنه ودخلت جنتى ونسيت جهازى فماذا أريد منه الآن؟ وقد اضحى حلمى حقيقه ولن يستطع زر الإغلاق أن يفرقنا كما كان من قبل.وهبت عشى السعيد ما استطعت من راحتى وجهدى ليظل سعيد وأضحى دليل سعادتى يتحرك فى أحشائى وفى تلك الفتره تعبت كثيرا ولكن كل صرخه اكتمها كانت تزيد من حبى لزوجى ومن منه مرت ايام حملى صعبه مؤلمه حتى جاء يوم اشتد على الألم وايقظنى فتحسست زوجى بجوارى فلم اجده تحاملت على نفسى وطفت ابحث عنه واناديه فلا مجيب ولكنى سمعت صوته يضحك ويتكلم تتبعت الصوت حتى وجدته وآه مما وجدته عليه.... ياالهى انها نفس الجلسه نفس الضحكات والنشوه والشوق أكاد اجزم انه نفس الكلام أيتركنى أعانى بسببه ويضع السماعات على اذنه حتى لا يسمع صرخاتى اشتد بى الألم ففلتت صرخه رغما عنى علها اخترقت سماعته لم افق بعدها الى وانا فى المستشفى وقد اخبرونى ان حملى سقط. أجهضوا طفلى كما اجهض هو حبى وعنما بدأت عتابى له واخبرنى انه ليس من حقى ان اتدخل فى حياته كاد يقتلنى بروده حتى هممت ان أصرخ فى وجهه فنهرنى واتهمنى انى أفعل فعلته كما فعلتها معه من قبل وكيف أفعل وقد حقق لى كل أحلامى؟! كيف انتظر كلاما معسولا من أحد سواه ؟ولكن كيف يصدقنى وما عندى دليل أدافع به عن نفسى وأثبت برائتى؟ وعدت...عدت الى حجرتى بورقه طلاقى ونزيفى الداخلى والخارجى انسانه محطمه ضائعه أبصرت جوانب الحجره التى طالما حلمت فيها بحبيبى فوقع بصرى على الكمبيوتر فهرعت اليه وأخذت ادكه دكا وحطمته.....كما حطمنى

من وحى خيالى

أمثال شعبيه الجزء التانى

2007-04-21T23:46:00.000-07:00

عشان الواحد يقول الى ليه واليه عليه مش كل أمثالنا الشعبيه سيئه وبتسىء لينا بالعكس فى حاجات كتير أوى تدل على الحكمه والعقل حاولت اجمعلكم منها شويه وبصراحا كده قاعدت جنب جدتى لا نت ولا كتب ولا بتاع ذى مثلاً

يدلقوا القهوه من عماهم ويقولوا الخير جاهم

فعلا ليه كل ما ندلوق القهوه نقول خير دايما بنحاول ندارى على أخطائنا ومنعترفش بيها وياريت بس بندارى دا احنا بنقول لنفسينا انها حاجه كويسه وخير

غسلت وشى واستحميت أهو كله قضيان حاجه فى البيت

حاجات كتير بنبذل فيها مجهود كبير وهى تافهه ومالهاش لزمه ولما نلاقى نفسنا تعيبنا نقول آه دا احنا انجزنا واحنا فى الأساس معاملناش حاجه أكتر من اننا قتلنا الوقت أو بمعنى أصح .....هوه الى قتلنا

أمشى أهز كتافى واحد حنين وواحد قاسى

ده من نعمه ربنا علينا ربنا لما بيصيبنا بمصيبه هنلاقى جواها شىء جميل مش بنشوفه غير لما تنتهى تقريبا عشان بنكون تحت تأثير الصدمه بس تلاقى ربنا بعتلنا صديق يقف جنبنا أو صبر يعينا على التحمل أو ايمان يزيد وذى مثل تانى برده

يقطع من هنا ويوصل من هنا

قلبى على ولدى انفطر وقلب ولدى عليه حجر

لا تعليق اللهم اغفر لى خطئى وعمدى وكل ذلك عندى

أمثال شعبيه

2007-04-18T18:03:00.000-07:00

فى أمثال شعبيه باكره أسمعها جايبانا بجد لورا

الى نعرفه أحسن من الى منعرفوش

أد ايه بنضيع على نفسنا فرص طول ما احنا ماشيين على المثل ده.جايز أوى الى ما نعرفوش يكون أفضل 100 مره من الى نعرفه ليه ميكونش عندنا روح المغامره وتقبل الهزيمه فى سبيل اننا نعرف الى منعرفوش.ليه يضيع عمرنا كله واحنا عايشين فى جهل بسبب خوفنا من احتماليه تحمل بعض الخسائر واحنا بنجرب الى منعرفوش

من يتهيب صعود الجبال يعيش أبد الدهر بين الحفر

لاتقرصينى يانحله ولا عايز منك عسل

أكيد حلاوه العسل تستاهل انى أتحمل القرص عشانها. ليه أقضى عمرى من غير ما استمتع بيه عشان مش عايزه أدفع ثمنه

لا تتجوزى الأقرع ولا تأخدى منه نصيحه لو كان ربنا بيحبه كان خلى راسه صحيحه

شىء سخيف انى أحكم على الإنسان بمظهره .الإنسان بشخصيته وأفكاره ده غير انه حرام وتدخل فى خلق الله أستغفر الله

للحديث بقيه

قصه حيرتنى

2007-04-11T23:37:00.000-07:00

قصه غريبه أثرت فىّ جدا حتى كادت دموعى تقفز ثائره او رافضه أو متسائله أو ربما الثلاثه معا شاب فى السابعه والعشرين من عمره وفتاه فى الثالثه والعشرين جمعت بينهما الصدفه أو دعونى أقول القدر "وكل شىء عنده بمقدار"وشاء ايضا أن يجذب هذا الشاب اهتمامها وأن يبدأ فى عزف أول لحن على أوتار قلبها البرىء.بدأت تحس بدقات قلبها المتلاحقه كلما حادثها أو اقترب منها.بدأت تنسج الأحلام وتبنى بخيالها الصافى عالمها الجديد وتدير شئون مملكتها السعيدة.ولكن سريعا وبلا مقدمات جاءها خبر كالصاعقه أطاح بكل الأحلام فى لحظه انه خبر خطبته على غيرها فتوقف القلب المتلاحقه دقاته واعتصر ألما وقالت "مبروك" دون أن تعى أو تقصد أى حرف من حروفها.عرفت أنه لم يعد حتى من حقها مجرد التفكير فيه.انزوت وبكت ونست أو تناست. وكأن القدر الذى جرحها لم يهن عليه أن يتركها دون أن يطيب فعلته فرده اليها نعم جاءها بعد أن أنهى علاقته الأولى.جاءها ومعه أمل جديد.جاء يحمل حلمها البرىء مع باقه من أجمل الورود.وطلبها من والدها ورحبت الأسرتين بهذه الخطبه وكأن القدر أصر أن يلقيها فى بحر أمواجه متراطمه ترفعها الى أعلى حتى تكاد تلمس السماء ثم تسحقها أرضا. فقد صارحها بجمله تتكون من ثلاث كلمات تحمل الهموم والمآسى من جديد "أنا عندى السكر"وقفت أمام أهلها ضعيفه كالجندى الذى فقط كل أسلحته وأصر على التواجد فى أرض المعركه. ولكن هيهات حملت رأسها أسئله كثيره وتناقضات عده.هل هذا ذنبه؟ وما ذنبى أنا وذنب أولادى؟ هل سيعيش كثيرا؟ وهل يضمن أحد فينا عمره؟هل ستعوضنى بقيه مميزاته عن مرضه؟ طافت الأسئله فى رأسها كجلاد كل سؤال جلدته أقسى من الذى سبقه وحبست جريحه فى سجن الحيره وراء قضبان من الأسى قد لا تتحمل فراقه ولكن هل ستتحمل العيش معه؟ جريت الى أبى الطبيب وأخبرته قال بكل حسم بلا فرصه للتفكير أو مراعاه لمشاعر قد بدأت تُولد "لا" حاولت أن اشرح له منطق مختلف فلم يتزحزح عن موقفه وقال انا أدرى بمستقبل هذا المرض منك ومنها.انه ليس كأى مرض آخر وما زلت فى حيرتى سأخبركم بالنهايه بعد معرفة رأيكم

مفيش مساواه

2007-03-23T06:04:00.000-07:00

راجل وبنت واقفين على باب الأسانسير الباب يتفتح تلاقى الراجل رجع لورا خطوتين وقالها اتفضلى.......حلو فى المواصلات الدنيا زحمة ومفيش مكان والبنت ركبت وهى عارفة انها هاتوقف تلاقى ياعينى الراجل قام وفضل واقف طول السكة عشان الهانم تقعد مش باقول إن الرجاله كلهم دلوأتى بيعملو كده وفى كتير مش بيقفوا غير للبنت الى بتعجبهم ما علينا..... مش ده القضيه القضيه ان لسه البنات بتطالب بالمساواه وحقوق المرأه "ويوم المرأه المصريه ده كمان".لو كانوا أصلا مؤمنين بالمساواه مكانوش وافقوا ان الراجل يدفعلهم حسابهم فى المطاعم والكافيهات أو يقفلهم فى المواصلات أو حتى يدخلهم قبله ladies first فى اليابان أكثر حاجه تدايق البنت ان الولد يتبع معاها نظام

ساعتها هاتعتبرها اهانة ويبقى يومه بمبى بكل صرامة هاتقوله ان فى مساواه وذايها ذايه يعنى على باب الأساسير الى واقف الأول هايدخل ولو مفيش غير مكان واحد هايتدافعوا عليه وساعتها برده مش هايبقه الولد قليل الذوق ومش

gentel

بالعكس عادى جداَ ذى ما هى مستعجله وتعبانه هو كمان تعبان ومستعجل ولو هى مش حمل البهدله خليها قاعده فى بيتها ايه الى نزلها؟؟؟

لو البنت المصريه تقدر تعمل كده تبقى تطالب بالمساواه مش عايزه بس تبقى رئيسة فى العمل والمرتب والحاجات الكويسه وتيجى فى الجد وتقول هوه الراجل أنا مش من اليابان أنا مصريه وأبويا مصرى وسمارى ولونى مصرى ومنكرش ان رغم رفضى للفكره ده بأبقه مبسوطه لمَّا حد يعملها معايا لان الراجل والبنت من الحاجات الى مينفعش تتقارن أو تتساوى ذى ما هوه ماينفعش أقارن بين الحبر والقلم كل واحد ليه دور ومحدش يقدر يشتغل من غير التانى كل واحد منهم لوحده كائن ناقص ووجودهم مع بعض بس هوه الى بيعمل التكامل

صورة

2007-02-22T16:04:00.001-08:00

كتير شايفينى غلط لما بأكلم الناس إلي معرفهمش فى الشارع خصوصاً الناس إلي بيعودوا جانبي فى المواصلات رغم إنى بتكلم معاهم فى حاجات عامه مش باحكيلهم عن حياتى الشخصيه ومش بافتكرهم أصلن. بس فى منهم ناس عمري ما هانساهم ذى بنت كده مرة قاعدت جانبها وأنا راجعا من الكلية .أنا قولت لنفسى مش هاتكلميها وبصراحة كنت تعبانة وهى شكلها مكانش مشجع. المهم البنت دى طلعت صورة فوتغرافية 4×6 وأعدت مبحلقة فيها وقت طويل مكانش عندي الفضول إلي يخليني أعوز أعرف دى صورة مين عاملت مش واخدة بالى وبصيت الناحية التانية لقيتها بتقولي: "لو سمحتِ معاكي مرايا" ابتسامتلها وإدتها المرايا ولقتها مسكت المرايا فى إيد والصورة فى إيد ونظرة هنا ونظرة هنا بصراحة شدتني, شكيت فيها, وحسيت إن فيها حاجة غلط بس بردة أعدت أقول "اسكت يالساني خليك حصانى"وبعدين هى إلى اتكلمت وقالتلي "لو سمحتِ هى دة (وتشاور على وشها) هى دة (وتشاور على الصورة)" بس كده الصورة وضحت. دة فعلن مش طبيعيه لإن الصورة كانت صورتها فعلن أعدت أفكر أقولها ايه لأنها كانت مستنيه منى أى رد غير" آه" قولتلها

"المصوراتى هوه إلى غلطان كان المفروض يزود الإضاءه ويجيبك, يمين شويه, ومكانش المفروض يلون عينيكى". طلعتلها العجب فى الصورة وشويه شويه كنت هاحكم على المصوراتى بالإعدام شنقاً حتى الموت وسبحان الله البنت ارتحتلى وقلبها اتفتحلى اتبسطت أوى إن إلى فى الصورة دة مش شابها مع انها كانت هى. وسيبنا الصورة والمرايا والمصوراتى الغلبان إلى أنا بهدلتوه ده وأنا لسه على مبدأى بس لقيتها لوحدها بتحكيلى عن حياتها وأد ايه اخواتها مش بيتكلموا معاها ومامتها سايباها وهى خجوله جداً ونفسها تتعامل مع زميلها بس مش بتعرف. بصراحه صعبت عليه وأعدت أقولها كلمتين علم النفس إلى بقراهم دول وعلقت على جملتين "حاولى-لازم تبقى أقوى" والحظ بيلعب هنا دوره الطريق كان زحمه والسكة واقفة وفضلت أسمع فى مأساتها وقت طويل وقبل ما أنزل لقتها بتسألنى

"انتى فى سنة كام؟" قولتلها ثالثة وياريتنى ما قولتها. عينها اتفتحت متر ورجعت لوا من الصدمه ووشها احمر وقالت بصوت عالى فرجت عليه أُمة لا إله إلا الله

ثالثة ...ثالثة... يعنى انتى أصغر منى وسايبانى أحكيلك وأشكيلك وعماله تنصحينى وتكلمينى وتطلعى فى الآخر أصغر منى

على جنب لو سمحت وروحت نطًّه من قدامها

أجمل حاجة إن الفلم إلى عملته ده عشان هى أكبر منى بسنه واحدة بس برده أنا قدرت ظروفها أكيد مش لاقيه فعلن حد تتكلم معاه ويوم ما لقيت يطلع....أصغر منها....

يارب ييجى

2007-02-22T16:02:00.000-08:00

"يارب ييجيي......أنا بألى كتير مستنيه بس لسه عندي أمل رغم ان المعاد فات من ساعه وربع بس هاييجي يعنى هايروح فين؟؟؟!!!!"

جذبني هذا الصوت بشده ...لم أكن أعرف مع من كانت تتحدث الاّ أني أحسست فى صوتها شوقاً لهذا الغائب أثَّر فىَّ لدرجة أنّى بدأت أتعاطف معها وأدعو لهذا الغائب أن يعود اليها. استدرت لأراها سيده قصيرة القامة,نقشت التجاعيد على وجهها لتعلن عن عمرها,يكسوها جلباب أسود كاد أن يبيض لونه من كثرة الاستعمال ,وعلى رأسها طرحة من نفس لون الجلباب مربوطه حول رأسها فى لامبالاه واضحة,بجانبها حقيبة كبيرة تساوي السيده تقريباً فى الطول ,مسبلة العين,مقطَّبة الجبين,تنظُر في اتجاه واحد كأنها واثقة أن من هجرها لن يأتي إلآ من هذا الطريق ,تملأ عيناها اليأس والملل مع بصيص من أمل.

تأملتها في اشفاق....لم تأخذ بالها مني أومن أي شىء حولها ؛كانت كل ما تفعله هو النظر الى الطريق والتمتمه بالدعاء. ولكن من يكون هذا الغائب؟أهو ابنها؟...أو لعله زوج أو حبيب!!! لا أعرف ولكني أُقون أنه غالِ ٍِعليها لدرجة كبيرة. بدأت أتخيل اللقاء هى تجري نحوه هاتفه باسمه وهو يجري نحوها بابتسامته العريضة ثواني وتبدأمرحلة الإصتدام أو ما يسمونه الضم كم سيكون قويا عنيفا حتى سيخيل لكل من يشاهد هذا المشهد أنهما إندمجا وأصبحا جسدا واحدا ....ياله من مشهد يستحق أن أنتظره وأخلف لأجله موعدي !!!

ولكن كيف يتركها فى إنتظاره كل هذا بجانب الحمل الثقيل فى منتصف النهار وأشعة الشمس تكاد تذيب وجهها......ووجهى

. نسيت كل شىء سوى التحملق فيها.جلست على مقعد ووضعت كتبي على قدمي وأسندت ذراعى عليها لا أدري كم مر من الوقت وأنا أتأملها ولكنى أَُدرك تماماً أني ظللت أدعو معها أن يعود من هجرها....

وفجأة إنكسر تقطيب جبينها وتهللت أساريرها فطار من الفرحة جسدها النحيل.حملت الحمل الثقيل بكل رشاقة ووضعته على رأسها كملكة تتتوج وفى سرعة وجدتها تهرول فى نفس الجهه التى كانت عيناها معلقه عليها وهى تمسك بيدها زيل جلبابها كي لا يؤخرها. كم كان شوقي أن أعرف ذلك المنتظر الذى دعوت له ولم أره .ظللت أُراقب خطواتها من بعيد. ويالصدمتي ......يالوقتى الذى ضاع وميعادى الذى أهملته أهذا هو المنتظر... الأُتوبيس قمت من مكانى مغلوله فألقيت عليها نظرة أخيرة فاذا وجهها أشرق كمن شرب الماء البارد بعد ظماٍ شديد ولقى الأحبة بعد غياب طويل فسعدت لسعادتها وترجمت إبتسامة قلبى شفتي ومضيت فى طريقى

إجابة تائهة

2007-02-22T15:59:00.000-08:00

"نفسى أموت "

تسللت هذه العباره إلى أُذني كما تسلل دخان السجائر إلىأنفي ورغم كرهى الشديد للسجائر وحرصى على ألا نجتمع فى مكان واحد إلا أن هذه العباره جذبت انتباهى بشكل غريب .أعرف أن كثيراً من الناس يقولوها فى أوقات ضعفهم عندما يقعون فى مشكلة أو فى المرض ولكنهم يقولوها هكذا عفوياً دون رغبة حقيقية فى الموت إلاُّ إننى أحسستها صادقه جداً فى تلك اللحظة ورغم أن الفضول ليس طبعاً فىًّ إلا أننى تسمرت فى مكانى أُقلب صفحات الكتاب الذى تقبض عليه يدى ولا أقرأ أو أعي منه كلمة واحده فاستطرد قائلاً: "عارف إن السجائر بتموت بس مش بسرعه هنمرض وندخل المستشفى ونتعذب شوية وبعدين نموت أنا عايز أموت بسرعه مش لاقى هدف أعيش فى الدنيا عشان أحققه .جربت أعمل حاجات كتير عشان ألاقى نفسى .جربت كل أنواع المخدرات وحاولت أتدين وأبقى كويس بفكر دلوأتى أقتل ,أسرق من أجل التجربه بس يمكن حاجه منهم تخلينى أتمسك بالحياه وأنا صغير كنت عايز أتعلم السباحه واتعلمتها من غير مدرب بس عشان قررت مخافش من البحر وفضلت أحاول واستمريت لحد ما أتقنتها بس عشان قررت أعمل حاجه عملتها

دفعتنى رغبة قوية أن أرى ذلك الشخص فتحركت عيناى ببطء من على صفحات الكتاب واستدرت لأراه شاباً طويلاً قد يتعدى العشرين بعاماً أو اثنان مقطب الجبين تكاد نظارته السوداء تخفى تقريباً نصف وجهه يتحدث مع صديقه وهو ناظر فى اتجاه مختلف عله يكون الإتجاه الذى يظن أن الإجابه ستأتى منه فربما يكون قد فقد الأمل فى صاحبه الذى لم يتفوه بكلمه واحده وخوفاً أن تلتقى عينانا أدرت رأسى سريعاً وأغلقت كتابى وقمتُ بحسرتى ولكن قبل أن أمضى ألقيت نظره على الجهه التى كان ينظر إليها فما وجدت إجابه قادمة غير الإجابات التى تزيد الأمرتعقيداً

علماء الدين" لعبادة الله وعمارة الأرض" وعلماء النفس "إجعل بحثك عن هدف هو هدفك واسعى لإيجاده" ,وأهلينا "احصل على شهادتك أولاً ثم افعل بعدها ما شئت " لم أُحاول أن أتحدث معه ربما لأنى أُعانى مما يعانى منه فقد أدركت أنها ليست مشكلتى وحدى ولكنها مشكلة جيل بأكمله ولست أدرى من السبب؟ ومن أين يأتى الجواب؟ ولكنى أدركت أن زمن العلماء والأدباء والفنانين قد ولًّى وأتى زمن تتجه فيه المستشفيات والأطباء والدخل لإصلاح الحاله النفسيه والإجتماعيه للشباب وعلاجه من الإدمان ولكن شيئاً آخر قفز إلى تفكيري ماذا يحدث اذا أصبحنا آبائاً وأمهات لجيل آخر فما سوف نعلمه لأولادنا؟؟

إليك

2007-02-22T15:56:00.000-08:00

الى من يعرف مدى شوقى له ولا يزال بعيد

لن أمل من إنتظارك حتى يمل قلبي من التحرك. رغم أنى لم أراك يوما ولا أعرف لك اسماً أو وطناً أو حتى ملامح... إلا أننى أوقن أن فى وجهك شقت عينان يفيضان دفئاً وحنان؛ تحرسهما رموشاً غاية فى القوه والعنفوان. أكاد أشعر بأنفاسك الحارقة على وجهى ولمساتك الرقيقة على خصال شعري. أحس وكأني غريقة فى أحضانك لا أبحث عن شىء ينقذنى فقد أحببت الغرق فى بحرك رغم كل ما يحمله من أمواج تهزنى, ودوامات تدوخنى .ستجدنى بين ضلوعك فريسة؛ تلك الضلوع التى إحتوتنى وأرغمتنى على رفع الرايات البيضاء, أمرتنى أن أُحبس فى سجنك أنت وحدك وعجباً أنى أشعر أنى أملك أملاك العالم رغم إفلاسى وكأن قوة الجبال فى يدى رغم أنى أُشبه الريشة فى الضعف وكأنى سابحة كالحمامة فى الفضاء رغم قيودك التى تلُف جسدى. فياعشى الحنون... لن أُحاول البحث عنك أو معرفة أرضاً لك. واذا جمعنا قدراً أو وجدتنا صدفة فان كيانى سينصهر فى كيانك ,ستندمج روحى بروحك, ستتوحد المشاعر والأحاسيس وستتشابك الأيادى وتتوه بينهما الأصابع حتى يكاد الرائى يعجز عن التفريق بينهما سنصبح كالجرح حين يلتئم وتتداخل خلاياه ولا تظهر بعدها علامه لأى فراق كان. سوف تعرفنى وأعرفك بلا إشارة أو دلالة وأما الآن فلن أفعل سوى الإنتظار. ومن يدرى ربما ضاع عمرى بأكمله فى إنتظار وهما أو سراباً وربما بقيت مشاعرى سجينة القلب وحُرمت التنفُّس حتى موتها. ففداك....... لن أنتظر سواك ......سأنتظرك

فرصة للدفاع

2007-02-22T15:51:00.000-08:00

كانت ضعيفة هزيله يكاد عظم وجهها يندفع من الجلد ثائراً عليه وتكاد رموشها لا تُرى من كثرة البكاء. شقت التجاعيد وجهها بطريقة عشوائية فغطته. حاولتُ أن أمسك كتفيها لأنى حسبتها ستقع أمامى ولكنى تراجعت سريعاً لأنى كنت على يقين أنهما سينفصلان عن باقى الجسد. قالت بصوت خافت وصل الى أُ ذنى بأعجوبة " أتعرفين سقراط ؟" اتسعت عيناى عجباً وقلت بنصف ابتسامة وهل يوجد من لا يعرفه؟!! لقد كان أول من قدر العقل وأعطاه مكانته؛ جعل الناس تفكر وتنقد وتؤيد بعد أن كانت مثل الحيوانات تأكل, وتشرب, وتتزوج, وتؤمر فتُطاع. يكفى أنه حين حُكم عليه بالإعدام جائته الفرصه لكى يهرب ويفوز بحياته لكنه رفض قال انه على حق ولا يهرب صاحب الحق. أثًّر فى تاريخ البشريه عندما..... بترت كلامى بكفها صاحب العروق الزرقاء البارزه وقالت: "أتعرفين زوجته ؟" "ياااه لا تذكرينى انه خطأ جسيم أن يكون زوجاً لتلك السيده لا بل انها جريمة قرأت عنها كثيراً لقد كانت سليطة اللسان كانت دائماً تتشاجر معه وتهينه وتلقيه بالماء القذر على رأسه أمام تلاميذه. يالها من حمقاء!! لم تدرك قيمة زوجها التى تقدرها البشريه كلها حتى يومنا هذا. لقد ظلت تصرخ فى شوارع أثينا مؤكدة للناس جنونه عندما حُكم عليه بالإعدام.أتعرفين أن كثيراً من الرجال يتخذوها رمزاً للزوجة السيئه لقد ظلمت من النساء بعدها بـ.... بترت كلامى ثانية بصرخة عنيفة لا أدرى كيف أتت من ذلك الجسد قائله: "كفى....كفاكم ظلماً لى. لماذا لم تفكروا أبداً فى إعطائى فرصة للدفاع عن نفسى؟ لربما وجدتوا لى عذراً .أنا زوجة ذلك السقراط الذى طالما نمت أنا وأولادى ونحن نتمزق من الجوع. كم كان يؤلمنى صراخ أولادى جوعاً حتى يقهرهم النوم .أفكرتم لحظة فى إحساس زوجة تمد يدها لتلاميذ زوجها ليصرفوا عليها وعلى أولادها وهو لا يزال حياً. نعم صرخت فى شوارع أثينا مرحبة بإعدامه, صرخت بملابسى المهلهله ومعدتى الفارغه وبأولادى الذين لا يعرفهم. فأصبح هو رمز العبقريه وأنا رمز الزوجة السيئه التى لم تمل بعد أيدى الرجال لعناً وتجريحاً فيها. لعلَّه كان عظيماً معكم فعلاً ولكنه لم يكن كذلك معى