Wednesday, March 5, 2008

اللقاء الأول

عفوا ايها القمر عذرا أيتها النجوم.رغم انى كنت انتظر اليوم كله حتى ألقاكم أعيش معكم أحلم بصحبتكم وأرى خيالى يطوف حولكم الى أن يبدأ النوم يغازل جفونى فأترككم على موعد قريب فى اليوم الذى يليه .لم أذكر انى أخلفت يوماً موعدا فكما حافظتم عليه حافظت انا عليه

أرجوكم.. لا تحزنوا منى اليوم فانا لا اتمنى الآن سوى رحيلكم أريد ان تخلو السماء منكم أريد الصباح سريعا.انه أول موعد لى وانتم أكثر من تعرفون كيف انتظرته وكيف اعددت له كل شئ جهزت كلامى وهمساتى,نظراتى وسكتاتى,حتى ملابسى وعطرى ولم يحول بينى وبين ما حلمت به اليوم سواكم

فبحق الصداقه وبحق كل دقيقه سهرتها أؤنس وحدتكم فى ظلمه الليل ابتعدوا الآن اسمحوا للفجر ان ينقشع سريعا وللصبح أن يأتى قريبا

.

فانقشع الفجر

ورحل الليل

وحان الموعد

ولكنه

.

.

لم يأتِ

وها انا أعود اليكم وقد تبدلت أحلامى كوابيسا,ومناداتى مناجاه جئت ليحمل الليل عنى همى فازداد ظلمه وسواداً, لجأت للسحب فذابت امامى من فرط الامى, وتلك النجوم أطفئت بريقها أحزانى

فعذرا أيها الليل

تحديث:مجرد خواطر من وحى الخيال

36 comments:

قلب ينبض لله said...

السلام عليكم

خليني أقولك ان كلامك مؤثر اوي وله وقع قوي في القلوب والمشاعر

الفكرة نفسها عجبتني
دا غير الاسلوب والرموز اللي في البوست زي القمر والنجوم والسحب والليل

MKSARAT SAYED SAAD said...

فرحة اول لقاء
تجعلنا نريد ان نسابق عقرب الساعات والدقائق نتمنى ان نغمض جفوننا ونفتحا لنري موعدنا مع المحبوب قد بدأ
احساس جميل ومتعب في نفس الوقت
لكن الاصعب هو عدم لقاء الحبيب
ونرجع بخفي حنين
مدونتك جميلة سعيد بزيارتها
انا ضفتك عندي
دمتى بكل ود وسعادة
سيدسعد

sendbad said...

صاحبة الافكار الجديدة والجميلة دائما تحياتي لاسلوبك الرائع والسلس
بوستاتك دائما صاحبة لمسات وهمسات ومعاني جميلة
تحياتي

Bedo_pasha said...

فكرتك حلوة أوى وبسيطة أوى
وانتى عبرتى عنها بذكاء شديد
سواء فى مفرداتك او فى ايجازك الغير مخل
تقبلى تحياتى
ودمتى بكل ود
وأكيد أكيد هعدى هنا كتير
سلاااااااااااااااااااام

الحصان الأسود said...

thanks for passing by my blog, i was away for long time, your blog is awsome, i ll be here from now on

regards

arabicya said...

كلام جميل
تقبل مرورى

ذو النون المصري said...

سعيد بالتعرف علي مدونتك و التي ازورها للمرة الاولي
تحياتي

زى الهوا said...

موقف صعب فعلا , من خلالك خليتينى عيشته معاكى , وتألمت معاكى , اسلوبك جميل

همسات دافئه said...

قلب ينبض لله
وعليكم السلام:)
قولى كل الى يعجبك لأن بجد كل كلامك بيسعدنى أشكرك جدا ياعزيزتى:)

************
مكسرات
نورتنى:)
فعلا موقف صعب سعيده بتعليقك جدا وانت كمان مدونتك تحفه تتكرر الزيارات ان شاء الله:)

*************
سندباد
بحارى الغالى ده يشرفنى ان ده يكون رأيك بجد احنا هنروح جنبك فين
أسعدنى مرورك:)

همسات دافئه said...

بيدو باشا
ياأهلا ياولكم
ياريت ياريت تعدى هنا كتير:)
ومستنيه اشوف كلامك على فكره انا مش بجامل
شكرا لمرورك وكلماتك اللطيفه:)

*************
الحصان الأسود
فى انتظار معرفه رأيك دايما
مرسى اوى على وجودك:)

***********
اربيكيا
:)
مرورك بيشرفنى مرسى اوى على رأيك

همسات دافئه said...

ذو النون المصرى
انا الى سعيده بالتعرف عليك بجد واتمنى زياراتك تتكرر ان شاء الله:)

***********
ذى الهوا
مبسوطه انى خليتك تعيشيه معايا وأسفه لو كنت ألمتك
بس انتى اسعدتينى بتعليقك وكلماتك أشكرك جدا:)

احساس لسه حى said...

عزيزتى

ما احلا ما فى الموعد الاول من انتظار بشغف وحلم وحب

ما احلا ما بيه من تخيل وتحضير وتجهيز

لاكن دائما الموعد الاول بيه برائة المشاعر والاحساس

ودائما البراءه فى هذا الزمن تضيع مع ناس معندهاش اى مشاعر ولا احساس

فاجعلية تجربة ودرس

وواجعلى القمر والنجوم شهودا عليه

ان لهفتك لاى موعد

لن تكون كلهفت الموعد الاول

احساس جميل

احيكى يا جميل على كلماتك

سلااااام

momken said...

اه ما اقصى مشاعر الاحباط
وما اقصى مشاعر الانتظار

لعبتى بمشاعرى جدا
كنت اتلهف مع حروفك بزوغ الفجر وانشاع الظلمه والليل رغم عشقى له

الا انه حين جاء النهار وظهر النور صدمتينى
بان موعدك لم يتحقق

البوست حلو اوى
لكن الحاله صعبه اوى

تحياتى لاسلوبك الجميل

والله يسمحك على التلاعب بمشاعرى
انتى ايه معندكيش اخوات ازاز


تحياتى

رئيس جمهوريه نفسى said...

جامده قوى وبجد روعه تفاصيلك فى رسم لحظات الاعتذار للقمر والنجوم ولحظات الاشتياق لاول لقاء وانكسار الامل فى لحظات

مجداوية said...

عزيزتى
هى أول زيارة لى لمدونتك فقد أعجبنى تعليقك فى مدونة ما علينا ,,وما عرفتى به نفسك لا عجب أن اتخذت مدونتك اللون الوردى ,,وحقيقة أنا أفرح عندما أجد الشباب أمثالك متمسكين بهذا اللون المشع بالتفاؤل وقد يكون هروبا من واقع أعرفه بأنه أسود من قرن الخروب وقد يكون أملا حقيقيا فى غد أفضل ,,أتمنى أن تحتفظى بكل شفافيتك وبهذا اللون الجميل حتى ينجلى هذا الليل قريبا باذن الله ,,

همسات دافئه said...

احساسى لسه حى
حسااام:)
مش ممكن عليك بجد رائعه كل كلمه بتكتبها انا بستنى تعليقك فعلا بحسك صوت العقل الى بيرد على صوت المشاعر
أشكرك جدا على كلماتك الرائع:))

*************

ممكن

هههههههه
بس ايه رأيك بنعرف نلعب يعنى...أى خدمه ياباشا:)
ملناش غير الليل والقمر متتطردش النجوم تانى بس:))
أسعدنى تعليقق جدا مرسى اوى:)

*************
رئيس جمهريه نفسه

ياااه متتصورش تعليقك ده بسطنى اد ايه وانا مكتئبه انا قلت تشابه أسماء ولا حاجه بس الحمد لله طلعت محمود الى انا أعرفه حمد لله على السلامه نورتنى من تانى:))

****************
مجداويه
ياأهلا ياولكوم فى مملكتى الصغيره ده الحمد لله انى لقيت واحده متفائله ذيى بدل السواد الى مالى البلوجات ده بس لسه فى بصيص نور رفيع داخل السواد حاولى تتمسكى بيه معايا وهنحقق الأمل:)
أشكرك جدا ارجوا التواصل الدائم ان شاء الله:)

مصطفى السيد سمير said...

همساتي الدافئة

خليكي حنينة شوية
على روحك

عارف ممكن تقولي إية
روح قول للحب يبقى حنين شوية

تحياتي

زُمُرده said...

آآآآآه يا قلبي

ايه الكلام الجامد ده يا شيمو

مش هقولك وصفك رائع
لأنه بالفعل اكتر من رائع

بس بيني وبينك انت اللي غلطانه
تبيعي النجوم والقمر بالبساطه دي
من غير ما تملكي القادم

الاحساس ده صعب اوي

كتيييييييير نحلم باشياء ونتمادى في الاحلام وتطول لحظات الانتظار

وعندما يحين الوقت تذوب الآمال

ربنا يصبرك يا عسولتي
ويكرمك

sendbad said...
This comment has been removed by the author.
الأستاذ said...

وليه كدة؟
ده جزاء النجوم يعني؟
بس على العموم تتصالحوا قريباً
في انتظار اللقاء الثاني إن شاء الله

همسات دافئه said...

مصطفى
:)أقول ايه لواحد بيسأل السؤال ويرد على نفسه طيب انا:))
ده مجرد خواطر عابره
انا الى تحياتى لمتابعتك ليا:)

***********
زمردتى
سلامة قلبك:)
شوفتى ادى جزاه الى يطرد النجوم من السما:)
مرسى اوى لكلاماتك هو دا بالظبط الى كنت عايزه اوصله:)

**********
الأستاذ
تانى؟
لاء كفايه عليا كده هههه
مرسى اوى على زيارتك الجميله ده:)

عاليا حليم said...

عذرا ايها التمنى

كم جلسنا سويا
فى الليالى نتسامر و نتحاور

حتى نكسر ما يدعى الانتظار
و نراه قادما فى النهار

لكنه لم يات

----------------------

موضوع رائع بدون مجاملة

3abdo me7tas said...

ياااااااه
موقف صعب
بس تصدقى
لما يكون الانسان بيحب الانسان اللى قدامه والانسان اللى قدامة يعمل الموقف ده معاه مرة واتنين وتلاته
:D
لا تعليق
:)

أنا مش موافق said...

عزيزتى

تعليقك عل تعليقى

اخجلنى

بس ليه كلمة

فاجعلية تجربة ودرس

وواجعلى القمر والنجوم شهودا عليه

ان لهفتك لاى موعد

لن تكون كلهفت الموعد الاول

هتعرفى تعملى ده وتقدرى

ولا تفتكرى صعب لان كل موعد المشاعر فيه اللى بتحكمه مش العقل

تحياتى
سلام

mohand said...

الانتظار
يشغل البال
ويخلق الامال
فهو درب من الخيال
وطريق المحال
ما اصعب الانتظار
وما اجمله حين اللقاء
نشعر انه اصوب قرار

تحياتي

همسات دافئه said...

عاليا
عذرا أيها التمنى:(
ربنا يكرمك على كلماتك الجميله ده
وزيارتك اللطيفه ده
:)

***********
عبده محتاس
أيوه صعب
بس مره واتنين وتلاته ليه الى اتلسع من الشربه ياعزيزى ههههه
أشكرك جدا

**********
انا مش موافق
بجد انا الى أحرجنى ذوقك
بس انا مختلفه معاك العقل صعب انه يسامح لكن المشاعر لاء بالعكس خالص هتستنى تانى معاد بنفس الشوق الى انتظرت بيه الأولانى على ما أعتقد يعنى
انا الى تحياتى ليك

************
مهند
حمدلله على السلامه
وحشتنى تعليقاتك جدا
الإنتظار هو أصوب قرار
أعترف
بدون الإنتظار لن نشعر بجمال اللقاء
وبدون اللقاء لن نتذكر ليالى الإنتظار
لن يكون لشوقنا ذكرى
ولحبنا ذكرى
لن يكون القمر شاهدا على عشقنا
ولن تعرف النجوم ملامحنا
فلننتظر ليكون الكون شاهدا علينا
وعند اللقاء يسعد الكون معنا
تحياتى ليك يامهند نورت المدونه من تانى:)

حزيــــــــــــــــــن said...

قد نستطيع ان نصوغ المشاعر والافكار ولكن من الصعب ان نبتكرها
اجدك دائماً تبحثين عن معان مختلفه وفى الوقت ذاته تجسدين نضارة الواقع
فلا املك الا ان احييك
لكن السؤال هو فعلا البنات بتعض تحضر لأى لقاء او اول لقاء بالشكل دا

حسن توفيق said...

اخى الفاضل -- اختى الفاضلة
ادعوكم للتضامن مع دعوة الداعية الاسلامى الكبير ( عمرو خالد )والانضمام
------ الى ----

( حملة حما يه )
فى انتظاركم ولاتترددوا نحن فى حاجة اليكم
برجاء التواصل للمساهمة وشكرا لكم مقدما....للمزيد يمكنك زيارة مدونتى
او زيارة موقع عمرو خالد مباشرة

همسات دافئه said...

صديقى الحزين
أشكرك على هذه التحيه الغاليه عليا اوى وشهاده واحد بابداعك ليا بتضفلى كتير
وبالنسبه لسؤالك فآه وكل ما بيزيد الإنتظار كل ما بيزيد الإشتياق
اسمحلى اقولك ابيات لنزار الفبانى

كم حيرتنى مكاتيبا سوف ترسلها
وأسعدتنى ورودا سوف تهديها
وكم تمنيت لو للرقص تطلبنى
وحيرتنى ذراعى اين ألقيها
لمن جمالى لمن شالى الحريرا
ضفرائرى مند أعوامٍ لمن اربيها
فما حياتى انا...ان لم تكن فيها
****
شوفت
حتى ضفايرها:)

*************
حسن توفيق
ان شاء الله أشكرك على دعوتك:)

بيقولوا سايكو said...

شيماء ... عجبتنى فكرتها جدا و أسلوبها .. بس لى عتاب صغير حاجة ضايقتنى و انا باقراها .. هى قواعد النحو و خاصة لو حاجة ظاهرة زى ( لم يأتى ) و من المعروف إن لم بتجزم الفعل المضارع .. عارفة إنك طبعا عايزة تقتلينى بس بحق السنين اللى بينا استحملينى .. أصلى طول عمرى باقول إن الناس اللى بتكتب خواطر، قصة، شعر أو أى نوع من أنواع الأدب لازم يكونوا أبعد الناس عن الأخطاء دى

و الله مش فذلكة منى بس لإنى عايزاكى تبقى أحسن

rona said...

يااااااااااااااا إحساسك جميل جدا ورائع والفكره حلوه قوىىىىىى

غربة وطن said...

أنت
يا سارقة ياء النداء من حروفي
لماذا أنتِ مرتبكة ؟
نعم أعنيك أنت
ادعوك للإنضمام للفكرة
فانتِ وحدك .. تلك التي لم تأت
هذا طريق لم يكن يعرفه احد
و لا يعرف احد
طريق لم تعرفه اقدام المارة
و لم تدنسه من قبل عجلات سيارة فارهة وقودها من عرقك و دمي
تعالي معنا و املئي الدنيا بالضجيج
نظرة على اسرار اون لاين لن تضيرك
و مشاركتك تأكدي انها مصدر سعادة لنا
http://asraronline.com/vb/

همسات دافئه said...

بيقولوا سايكو
صحبتى الجميله اشكرك جدا جدا على الكومنت دا
وطبعا انتى عندك حق بس انا بعترف ان اللغه عندى مش قويه صلحت الكلمه الى انتى قلتى عليها ولو لقيتى حاجه تانيه قوليلى انا عارفه قصدك
مرسى ياقمر

***************
رونا
وانتى اسعدتينى بقرايتك ليها اوى اوى اوىىىى:)

***************
غربه وطن
حاااضر بس كده فى السكه اهو:)

Big Code said...

كلماتك وافكارك جميلة على حد سواء
كم يروق لي ان اتخذ من كل شئ قصة وحلم
وابلور كل حدث في رواية جديدة

هذه الزيارة الاولي لي
ولن تكون الاخيرة

:)

همسات دافئه said...

big code
مرسى جدا على تشجيعك
اتمنى بجد انها متكنش الأخيره:)
نورتنى

و القادم....أجمل said...

السلام عليكم
رااائعه يا شيماء
الفكرة جميلة اووووووووي
و تبقي السماء و النجوم و القمر
خير صديق
و أصدق حبيب

احترامي و حبي
:)