Tuesday, January 1, 2008

متى سيؤمر سياف العشق

يقولون ان من العشق ما قتل ولكنهم لم يحددوا ميعاد القتل فانا لا أعرف كم سيكون عمرى عاشقه ومتى سيؤمر السياف بقطع رقبتى ولكن قبل موتى اريدك ان تعرف كل شئ لذا أكتب اليك الآن وسأصف كل شئ حتى تأتينى وترى بعينيك كل ما سأصف أو يأتينى السياف فتقرأ خطابى هذا.
حجرتى بابها فى لون فستان العرائس مقبضها أنيق ذهبى اللون يصر دائما أن يعلن عن وجوده فيصدر صوتا كلما حركته. أول ما سيقع عينيك عليه هو مكتبى أحبه كثيرا فهو معى منذ كنت طفله فاذا سحبت كرسيه وجلست ستجد لوحا من الزجاج فوقه تتوسطه آيه قرآنيه صغيره وقديمه جدا جدا ومتهالكه ولكنى أعشقها فقط أهدتها لى مدرسه الدين وانا فى الصف الثالث الإبتدائى عندما حفظت ما علينا من القرآن ويسارا ستجد العديد من وجوه الأطفال الضاحكه فأنت تعرف كم تأسرنى ضحكه الأطفال
وعلى اليمين تتناثر بعض الكروت تختلف أشكالها وألونها ولكنها تتفق جميعا فى وجود ولد وبنت يرسمهما فنان ماهر فكم تمنيت أن أكون خطوطا يرسمها هذا الفنان ويرسمك بجوارى فلا نفترق أبدا.الى أعلى ستجد صور كرتونيه معلقه تصر على وجودها تلك الطفله البلهاء داخلى
. والآن من حقك أنت وحدك ان تفتح أكبر أدراجى وتنتقى النوته الورديه فتلك مفكرتى الصغيره التى عانت معى أيام انتظارك وشاركتنى فى حبى وشوقى اليك افتحها وستجد نفسك محفورا بين سطورها تحتضنك حروفى وتدفئك كلماتى ويرسمك حبر قلمى وستصادف بعض الأوراق المبعثره بلا هويه ربما لتثبت لك اهمالى ستتعجب ياحبيبى كيف لا تتهاوى أخشاب هذا المكتب الصغير من فرط هذا الحب والحنان والشوق الذى يحمله اليك
والآن قم واستدر يمينا ستجد دولابى الكبير يتقدمه مرآتان كبيرتان وانت تعرف عشق المرأه للمرايا فتلك مرآتى التى صادقتنى دوما فكم رأتنى وانا أتفنن فى ترتيب خصلات شعرى وأضع الأربطه يمينا ويسارا كم شاهدت حيرتى وانا أحاول أن أصل الى التصفيفه المناسبه التى أكون على يقين أنها سترضيك ثم ابتسم ابتسامه المنتصر.اسألها عنى ان شئت فهى تعرفنى جيدا ستخبرك عن حزنى ودموعى التى كادت تنطلق عندما بدأ يزحف حب الشباب الى وجهى وكم كنت اتابعه بالدواء وأتمنى زواله ويوم موافقه أمى ان أكتحل وكيف اشتريت قلم الكحل الأول بنقودى التى ادخرتها وهرعت اليها أزفها الخبر وأبشرها انى أصبحت فتاه جميله وسينطق بجمالى عينى المكتحله وانت بذلك لن تنظر لأخرى لأنى أصبحت أجملهم...يالحماقتى انا لست أجملهم ولكنها أفكار ترضينى لذا دوما أصدقها
تحرك خطوتين وستجد سريرى الساكن فى هدوء يستقبلنى دوما ويأخدنى بأحضانه ويلفنى بغطائه ويطمئنى انك ستأتى يوما وتأخذنى منه وتلك المخده تعرفك جيدا فلطالما شاركتنى فى رسم ملامحك وكم أحرقتها بدوعى الساخنه فجاوبتنى بلامساتها على خدودى.هى دائما مخلصه مطيعه تأتينى وقت احتياجى اليها كأنها تقول لى لن أكن مثل حبيبك الغائب
فليأتى السياف اليوم أو غداً حتى وان أصدر العشق أمرا بقتلى فهل هناك من يستطع ان يقتل العشق !..سيظل حيا فى دفاترى,ستظل مرآتى تعكسه,ومخدتى تحميه وكما قالوا وما همنى ان خرجت من الحب حيا وما همنى ان خرجت قتيلا أنا الآن اطوى ورقتى ولكنى لن أضع طابع البريد أو أكتب عنوان فليس سوى ورقه زائده أضيفها الى مفكرتى الورديه التى أوقن انها ستكون بين يديك يوما ما

27 comments:

mohand said...

السلام عليكم
ايه الانهزامية اللي انتي فيها دي
منتظره السياف

عموما ان شاء الله مفيش قتل ودم وافلام رعب

بس حلو الوصف ده

نفسي في اوضة زي دي
بدل اوضتي اللي بقت قديمة بيا
صحيح اوضه بناويتي
تحياتي

اسكندراني اوي said...

الله الله
والله ما فيش احلى من سيف الحب
وربنا ما يجيب دم ولا حاااجه
وصفك لغرتك جميل ورقيق اوي

اما موضوع الاجنده ده فنصيحه بلاش
ليكون خطل وحش ولا حاجه


تحياتي

احساس برضوا حى said...

عزيزتى
كل سنة وانتى طيبة وعام سعيد عليكى اكيد من الذى نظنه عشق ما قتل فالعشق لايقتل بالعكس هو الذى يحي القلب والعقل والروح فكيف يقتل
فسياف العشق الذى يتكلمون عنه ليس سياف للعشق بل سياف للغباء وعدم النظر للحقائق الذين يخدعون انفسهم بعشق وهمى ينتظرون سيافه العشق بتاعهم اما من يعشقون بحق وحقيقه فلا سياف ابدا
تحياتى يا افندم
سلاام

مصطفى السيد سمير said...

مش حيلاقي قلب يطاوعه
يقتل
كل الحب
والحنين دة

جميلة قوي يا شيماء

بيقولوا سايكو said...

جميلة يا شيماء .. مش عارفة أوصف إيه اللى جميل بس عجبتنى

ملحوظة على جنب .. عجبتنى أوى صورة البنت اللى شايفة انعاكسها فى المراية و معاه فارسها

على الطريق said...

آه لرقة قلبك وخصوبة مشاعرك .. وهل يمكن أن يؤمر السياف بقتل تلك الشمس المنيرة بالحب؟

أتعلمين؟ كلنا بنات حواء هذه الفتاة التي وصفتيها

تحياتي

Rosa said...

اذا وجدت فييوم من الايام فهو يستحقها
اما اذا لم يستطع الوصول اليها فابدا لم تكنمن حقه
-----------
ستتعجب ياحبيبى كيف لا تتهاوى أخشاب هذا المكتب الصغير من فرط هذا الحب والحنان والشوق الذى يحمله اليك
-------------
بجد بوست رقيق جدا جدا
وحساس
تحياتي

فى القلب said...

يا رب ما يفوت العام الجديد

ألا وتجديه ينظر بعينيه فى كل ركن فى حجرتك وهوسعيدبقربه منك يا جميله

و القادم....أجمل said...

عالم وردي مليء بالأحلام و العشق
أراني أتجول في كل ركن
من أركان الكلمات
و أري فتاة رقيقة الملامح
تكتب بماء الورد
أجمل المشاعر

دمتي بتألق
و ابداع
و حب
و نقاء

تحياتي و حبي

:)

أحمد سلامــه said...

ومن العشق ما قتل
انتي مش محتاجة السياف يجي ولا حاجة
انتي مقتولة عشقا من غير سياف
:)
ربما يحميكي
كل سنة وانتي طيبة

همسات دافئه said...

مهند
وعليكم السلام:)
انهزاميه مره واحده مش هتبطل كلامك الكبير ده هههههه
وبعدين مش انهزاميه ولا حاجه بالعكس انا متفائله جدا ان شاء الله مش هيبقى فى قتل ولا جرح
وربنا يرزقك بأوضه أحلى من بتاعتى
مرسى يامهند

**********
عزيزى اسكندرانى
مممممم
صحيح ممكن ميعجبوش الخط طب كويس انك قولتلى ألحق أغير مكانها بقى ههههه
مرسى على وجودك اللطيف ده ياباشا

************
احساسى برضه حى
يعنى أقولك ايه دايما تعليقك بيضيف لكلامى وبتحلله بمنتهى الروعه مرسى على وجودك قوى انا بحب كلامك جدا:))

همسات دافئه said...

مصطفى
انت الى تعليقك جميل اوى بجد ربنا يخليك:):)بيسعدنى وجودك فعلا يادرش

*************
بيقولوا سايكو
أيوى بأه مش عارفه هى حلوه ليه أقولك أنا
ان عيونك قرتها
واديكى داست على الكيبورد عشان تكتبيلى
عرفتى السبب
بعكسك بعكسك
:)

***************
على الطريق
أحرجتينى والله مش عارفه أقول ايه انتى الى رقيقه ولطيفه اوى واسعدنى انى اتعرفت عليكى:):)

همسات دافئه said...

روزا
صح عندك حق لو لقاها تبقى من حقه
مرسى على رقتك وكلامك:):)

**************
فى القلب
:):):):)
السنه ده يعنى
طب اما نشوف
مرسى اوى:):)

*************
والقادم أجمل
مبعث تفاؤلى ايه النور دا كله ربنا يخليكى ياجميله دا من بعض ما عندكم:):)

*************
أحمد
هههههههههههه
هههههههههههههههههههههه
قتلتنى يامفترى خلاص
بس بجد أجمل تعليق مرسى يادوك

rack-yourminds said...

الله علي هذا البوست الجميل الرقيق

انا بعتقد انه اجمل بوست قريته عندك

ايه اخبار المذاكره؟ ولا مطنشه هههه

تحياتي وسلامي

كائن نورانى said...

ايه الجمال دا؟

اسلوبك رائع جدا

حجات حواليكى كل يوم وحسا بوجودها معاكى اوى


احساسك بمرايتك بمخدتك

بمكتبك

بابسط الاشياء حواليكى

بجد تسلم ايدك يا شوشو

فينك من زمان

ربنا يقويكى وطمنينا عنك

DR.HAMAS said...

بصراحة لا أستطيع أن أعلق

فقط

أصفق تقديرا و احتراما و اعجابا بالكلمات
و بالصياغة

ما شاء الله

أكرمك الله



د.حمـــــاس

قلمي الحر said...

مش مهم السياف هيجى امتى ولافين ..المهم أنه لما يجى يمون العشق اللي عشقنا يستحق أن نعطى رقابنا لهذا السياف

نقطة مية said...

عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم

رينـــــــــــا said...

وصفك للحجرة جميل
وخطابك اجمل
يارب يقراه ويشوفه
ربنا يهنيكى ويسعدك

احساس لسه حى said...

عزيزتى
مستنى زيارتك والتعليق على اخر بوست للاهميه تعليق واضح وصريح يا ريت
سلام

رئيس جمهوريه نفسى said...

بغض النظر عن اعتراضى لانتظار السياف بس بجد حلوه اوضتك ووصفك ليها كان رائع انا كنت بشاهد واتامل الغرفه مش بقرى وصفها

قلب ينبض لله said...

البوست دا تحفه
انتي تلاقئيه أوي في كلامك
ودي حاجه حلوة في الانسان

همسات دافئه said...

راك يور ميندز
مرسى ياباشا ربنا يخليك
لاء بذاكر اهو مش مطنشه ربنا يسهل
ههههههه
نورتنى

*****************
كائن نورانى
ده جمال القمر الى بيقرا
مرسى اوى انا كويسه الحمد لله ادعيلى اخلص امتحانات على خير وانتى كمان ان شاء الله:):)

*****************
د حماس
أحرجتنى هو فى اجمل من كده تعليق ربنا يكرمك وتتكرر زياراتك اللطيفه ده:):)

همسات دافئه said...

قلمى الحر
تقتكرى؟؟؟
نديله رقابتنا يموت العشق دا كله انا عن نفسى هقاوم
أسعدنى وجودك أشكرك:))

*****************
رينا
صديقتى الجميله
ربنا يتقبل دعوتك الجميله ده ليا
ويسعدك انتى كمان ويهون عليكى غربتك
مرسى جدا:):):)

****************
احساسى لسه حى
زرت وعلقت تعليق واضح وصريح كعادتى:):)

همسات دافئه said...

رئيس جمهريه نفسى

انا كمان معترضه دا كلام انت بتصدق هههههههه
أسعدنى وجودك جدا:))

**************
قلب ينبض لله

والأحلى ان الإنسان يلاقى حد زيك يعلق عنده :):)أشكرك جدا

زُمُرده said...

شيمو الرقيقه جداجدا
ايه يابنتي ده
ده قمة الرومانسيه في البوست ده
مشاعرك جمييييييييييله وشفافه اوي

يابنت انت عاشقه للنخاع
ولذلك اصدرنا قرار بمنع السياف عنك
حراام علينا
بس الاهم ان المعشوق يستحق انك تموتي بالشكل ده في عشقه
وإلا سيكون للسياف شأن كبير معه

همسات دافئه said...

زمرده
هههههههه
انتى عاينوكى قاضيه ولا ايه
بس على العموم ياحضره القاضيه روحى شوفى شغلك مع المعشوق الى لسه مجاش ده
ورينا شغل سيافك بقى
مرسيييييييي اوى ياجميله دا من بعض ما عندكم:)
نورتينى