Tuesday, April 24, 2007

الذى حمل السعاده والشقاء

أصبحت اتلهف الى العوده الى حجرتى أفتح "الكمبيوتر"اضغط على ازراره بطرقه آليه وأدخل على موقع الشات تتحرك خلالها أصابعى دون النظر الى "الكيبورد" كأن الحروف هى التى تحفظ مكانها الى اصابعى بدأت انسى كل ما حولى ومن حولى سوى هذا الجهاز المضاء الذى هو وسيلتى الوحيده اليه واستمرت العلاقه وتوطدت داخل قلبينا حتى بدأنا نخرج عن حدود علاقه الصداقه التى اوهمنا انفسنا بها كنت احس ان معدن هذا الجهاز سيذوب من حرقه الأشواق التى نتبادلها قضيت فى رحابه الساعات دون ملل وكنا نفترق بمنتهى الصعوبه والألم عجبا فما اسهل الضغط على زر الإغلاق ولكنه كان بالنسبه لى كزناد المسدس صعب الضغط قاتل التأثير ومثل ما كان يرد الىّ روحى زر الفتح كان يقتلنى ألما الإغلاق أشتقت الى فارس أحلامى واحببت ان اراه وعندما فتحنا الكام وجدته كما تخيلته وجهه عيناه أنفه شفتاه كله طبقا لما كان فى خيالى ولم ينقصنى شىء سوى ان احس بيده وهى تتحسس يدى ويطوق اصبعى دبلته حدث سريعا لا أدرى كيف ووجدتنى فى فستانى الأبيض وحولى الورود والإبتسامات كأنى ملاك تتأهب للصعود الى الجنه ودخلت جنتى ونسيت جهازى فماذا أريد منه الآن؟ وقد اضحى حلمى حقيقه ولن يستطع زر الإغلاق أن يفرقنا كما كان من قبل.وهبت عشى السعيد ما استطعت من راحتى وجهدى ليظل سعيد وأضحى دليل سعادتى يتحرك فى أحشائى وفى تلك الفتره تعبت كثيرا ولكن كل صرخه اكتمها كانت تزيد من حبى لزوجى ومن منه مرت ايام حملى صعبه مؤلمه حتى جاء يوم اشتد على الألم وايقظنى فتحسست زوجى بجوارى فلم اجده تحاملت على نفسى وطفت ابحث عنه واناديه فلا مجيب ولكنى سمعت صوته يضحك ويتكلم تتبعت الصوت حتى وجدته وآه مما وجدته عليه.... ياالهى انها نفس الجلسه نفس الضحكات والنشوه والشوق أكاد اجزم انه نفس الكلام أيتركنى أعانى بسببه ويضع السماعات على اذنه حتى لا يسمع صرخاتى اشتد بى الألم ففلتت صرخه رغما عنى علها اخترقت سماعته لم افق بعدها الى وانا فى المستشفى وقد اخبرونى ان حملى سقط. أجهضوا طفلى كما اجهض هو حبى وعنما بدأت عتابى له واخبرنى انه ليس من حقى ان اتدخل فى حياته كاد يقتلنى بروده حتى هممت ان أصرخ فى وجهه فنهرنى واتهمنى انى أفعل فعلته كما فعلتها معه من قبل وكيف أفعل وقد حقق لى كل أحلامى؟! كيف انتظر كلاما معسولا من أحد سواه ؟ولكن كيف يصدقنى وما عندى دليل أدافع به عن نفسى وأثبت برائتى؟ وعدت...عدت الى حجرتى بورقه طلاقى ونزيفى الداخلى والخارجى انسانه محطمه ضائعه أبصرت جوانب الحجره التى طالما حلمت فيها بحبيبى فوقع بصرى على الكمبيوتر فهرعت اليه وأخذت ادكه دكا وحطمته.....كما حطمنى
من وحى خيالى

45 comments:

الوافي said...

بعد السلام والتحية

لا اعرف هل اهنيك ام اعزيك

اهنيك بالخلاص من هذا الانسان الذي بالتأكيد خسرك ولا يستحق مشاعرك الصادقة ام اعزيك على فقدان طفلك ومن قبلها مشاعرك الثمينة ووقتك

ولكن لا انسى ان اذكرك بان اللوم لا يقع على جهاز الكمبيوتر
وبالتأكيد ليس هو من حطمك ولكن الخيانة والغدر موجودان منذ الازل في طباع البشر

ارجوا منك الاطلاع على موضوع قد سبق ان كتبته له علاقة بنفس الموضوع
بعنوان : حب النت
http://alwafy.blogspot.com/2007/03/blog-post_2811.html

اتمنى ان لا نسبب لك هذه التجربة فقدان للثقة في كل ما يأتي عن طريق الانترنيت من صداقات او مشاعر انسانية صادقة وفي النهاية الانترنيت ما هو الا وسيلة اتصال وتواصل مثلها مثل الهاتف او البريد واللوم يقع على البشر واسائتهم لاستخدامه وليس على الوسيلة

الى اللقاء

حنان شلبي said...
This comment has been removed by the author.
حنان شلبي said...

عزيزتي واحدة الناس
بصراحة لامست قصتك تلك القطعة العميقة بقلبي التي نادرا ما يلامسها اي كلام
وبصراحة تاثرت كثيرا لدرجة اني رايت ذلك الانسان امامي وتمنيت لو اقتلع عينيه
ولكن بعد ان دخلت هنا للتعليق عدت لطبيعتي وهي حنان العقل والانسان فاتريكينا من المشاعر
وبصراحة لو كنت بموقفك سواء كان زوجي من حب الانترنت او من حب الزواج التقليدي او من اي حب كان
سأتأثر كثيرا لخيانته كما اسميتها
ولكن بنفس الوقت تبقى الخيانة خيانة سواء احببته ام كان زوجي بدون حب
بكلا الحالتين ساغضب ولكن هنا انا اضع لوما عليك فكيف هوة زوجك واحببته قبل الزواج وتمنيته ووووو وتركته يذهب هكذا عند اول مفترق للطرق بينكما
كيف ضحيتي بحبيبك بسهولة بغض النظر عن ألمك او صدمتك بمن احببتي ولكن اول فكرة خطرت ببالي هية هذا الشخص الذي يخونني الان بالانترنت مع غيري يفعل ما فعل معي منذ زمن هوة نفس الشخص الذي صدقني الوعد بحبه وتزوجني واثبت انه جاد واعتذر على هذه الكلمة ولكنها واقع انه ايضا هوة نفس الشخص الذي بالنهاية يرجع لي لبيتي ولسريري ولحبي
هنا انتي تسرعتي بالحكم الذي اتخذته فلو انكي شاورتي عقلك وقلبك قليلا وهداتي لاسترديتي ما هوة لكي من البداية
بقليل من العقل والحكمة كنتي لتستردي حبيبك ووالد طفلك بقليل من الصبروالمحاولة والعقاب كنتي لتحتفظي بما هوة لكي
عزيزتي ليس كل الرجال ملائكة وليست كل النساء ملائكة ولكن هناك ما يسمى الاخد والعطاء الصبر والتضحية لا اطلب منك الصبر والتسليم بواقع خيانته ولكن لم تكن المحاولة لتفقدك شيئا بالعكس كانت ستكسبك ماء وجهك امام الجميع فاقل كلمة تسكعيها الان انت الي جبتيه لنفسك وهذا اختيارك تحمليه
وبعدين الزواج متل البطيخة سواء من النت او غيره
كل شيء نصيب وقد يكون هذا الاختيار رغم تسرعه هوة بداية جديدة لكي فلا تلقي باللوم علي الكمبيوتر فليس سوى جهاز نحن من يقوده ويسيره
مع تحياتي لكي وبجد قصتك راااائعة وفيها الكثير من الواقع ولكن كنت املت لو انها احتوت القليل من الحلم والصبر وعدم التسرع

واحدة من الناس said...

لاااااااااااااااا
حرام عليك ده قصه من وحى خيالى ملهاش أى علاقه بالواقع ده بس اعتراض على الشات بطريقه غير مباشره
انا لا اتجوزت ولا اتخطبت ولا مرتبطه بحد أصلن بس برده مش معاك ان يبقى فيه حوار خاص بين واحد وواحده ميعرفهوش غيرهم لأن هايخلى فيه فرص يقول الى هوه عايزه من غير ما يخجل من حاجه

واحدة من الناس said...

حنان
أنا بجد أسفه بس والله مكانش قصدى ألمس القطعه العميقه من قلبك الحنين ده دى مجرد قصه خياليه أحداثها وشخصياتها من وحى خيالى انا الحمد لله حياتى سعيده ومفهاش مشاكل ولا حاجه
بس تعرفى ده يثبت انى مؤلفه هايله :)))
انا أسفه انى ضيعت وقتك فى التفكير فى الحلول وتعبتك
أرجو ان تقبلى اعتذارى انتى و الوافى

mohandat said...

السلام عليكم
تصدقي بالله
انا كنت قربت اصدق
لولا انك كتبتي من وحي الخيال
سردك للاحداث غاية في التناغم
بجد بجد موضوع رائع رائع رائع
احييكي
واتمني المزيد طبعا
ما شاء الله عليكي
اخوكي مهند المصري

أحمد سلامة said...

بس برضو توحى بأنها حدث حقيقي
يمكن عشان انتي واثقه من قوة اسلوبك استخدمتي جمله من وحي خيالي في اخر البوست
بس برافو
في الجول

واحدة من الناس said...

مهند
ربنا يخليك نورتنى ومرسى على تشجيعك انا فعلن مكنتش كتباها بس اتخضيت من التعليق الأول والثانى فكان لازم أتصرف بسرعه:)))

************
أحمد
حدث حقيقى ايه ياأخى؟
أنا الحمد لله ذى الفل والكمبيوتر شغال أهوه:))))

The Manager said...

الشات دة مشكلة فعلا ان اى حد ممكن يرسم شخصية غير شخصيته بسهولة جدا بمجرد حروف على الكيبورد والحقيقة مختلفة خالص

والشباب كمان على فكرة بتخدعوا اكتر

اما الأسلوب والسرد فأنا مكنتش عارف اصدق أو لا لأنى متخيل أن واحدة من الناس دى صغيرة شوية مش تلحق تعمل كل دة !!

وبعدين أضطريت اصدق بس وانا فى النص كدة قلت لأ بقى أبص فى الأخر أكيد دى تجربة حد تانى غيرك
وطلعت خيال اصلا
الحمد لله

وبصراحة مقنعة جدا جدا

حنان شلبي said...

حبيبتي واحدة من الناس انا بعرف من البداية وكتبت تعليقي وانا بعرف انو الحكي هاد قصة ومو عنك وقد تكون خيالية او واقعية تنقليها عن شخصيات اخرى ولكن انا احب التعامل مع مثل هذه القصص التي تلامس القلب بقليل من الحقيقة وان كانت خيال

sabrina said...

الحمدلله
انها من وحي خيالك!!!!!11
هي الحكايه ناقصه!!!!!!1
أسلوبك حلو وبسيط

واحدة من الناس said...

the maneger
مش مسأله خداع وكده حتى لو كانوا صادقين الفكره انه ازاى هايثق فيها وهى هاتثق فيه؟
اه والله انا لسه صغيره على الشقا ده كله:)))))
***********************
حنان
انتى صح ياريت كل الناس تفكر بالعقل ومتنقادش ورا المشاعر حتى يكون القرار سليم أشكرك بشده:)
**********************
صابرينا
مرسى ياجميله نورتينى

WHISKEY PUZZLER said...

am workin in a poem for ur copetetion, nice idea, say hi to all ur friends from me

david santos said...

Thanks for you work and have a good weekend

متغيرة شوية said...

الحب زي أي حاجة تانية بيموت لو مخدناش بالنا منه
الانترنت مجرد وسيلة العيب في الشخص السيء مش في النت.

واحدة من الناس said...

whiskey puzzler
v nice:) waiting 4 u and hope u will enjoy it:)
but i do nothing u should thank mohannad and sara:)
********************
david
thx 4 ur viste hope not 2 be the last:)
********************
متغيره شويه
معاكى ان الحب هايموت لو محافظناش عليه والعيب فى الناس
بس انا كان قصدى انه مش هاينفع يبقى فيه ثقه متبادله بينهم
مرسى على رأيك وزيارتك نورتينى:)

sendbad said...

برافو ممتازة اسلوبك في سرد التفاصيل البسيطة جميل جدا احييكي بشدة وان كنت اعتقد ان في شئ من القصة حقيقي ! ده راي

WHISKEY PUZZLER said...

well then, u thank them for me i donno who they r, and thx u too

Tamer Nabil said...

بوست رائع للتعبير عن واقع نعيش فية الان ولكن صوابع ايدك مش زى بعضها

وانا اعرف قصص حب ناجحة عن طريق الشات كانت المعرفة

ودى مش قاعدة

بس اريد ان اقول ان اختلاف الانسان عن الانسان الاخر حسب التربية والبيئة التى تربى فيها تفرق كتير

ولكن انسان فكر وشخصية مختلفة عن الاخرين

تحياتى

واحدة من الناس said...

سندباد
أسعدنى وجودك حقا ولكن صدقونييييييييييي ليس لها أساس من الصحه أشكرك وأرجو ألا تكون الزياره الأخيره:)
***************
تامر
عندك حق كلامك مظبوط جدا بس انا كنت عايزه أركز على نقطه الثقه بينهم
أسعدتنى زيارتك:)

gohayna said...

تصدقي انا قريت البوست اكتر من تلات مرات

من غير ما اقرء اخر حته

انها من وحي خيالك

حرام عليكي يا شيخه

نشفتي دمي

علشان انا عندي كتير من صحابي اتعرضوا لمواقف مشابه
قولت في نفسي حتي انتي كمان
؟
بس الحمد لله طلع خيال

وبهنيكي عليه علشان هيا فكره جديده خالص

مش مستهلكه قبل كدا

وطريقه التعبير عنها برضه جديده

والله جامده

تسلم ايدك

نورهان مفيد said...

ايه الجمال ده
انا يمكن اول مرة ادخل عندك
بس بجد بهرتيني باسلوبك وبخيالك الواسع واسلوبك الشيق جدااا

معقول انا بجد اتاثرت ولاني بميل للنوع ده من القصص واحكايات حسيت انها بجد
ده اعتراض غير مباشر علي الشات السخيف واللي بيحصل عليه

بس بجد اسلوب مختلف سهل ممتنع تحيلتي ليكي بجد تحفة
وتحياتي

ibn nasser - ابن ناصر said...

من وحي الخيال فعلا!؟
تحياتي

واحدة من الناس said...

جهينه
:))) بعد الشر على دمك الى ذى السكر ده ومرسى على تشجيعك ربنا ما يحرمنى من زياراتك اللطيفه ده
**************
نورهان
نورتينى بجد انا مبسوطه أوى بوجودك معايا ومبسوطه أكتر برأيك وكلامك يارب متكونش الزياره الأخيره:))
*************
ابن ناصر
طب يعنى أنا أعمل ايه عشان تصدقوا والله كله خيال فى خيال
أسعدنى وجودك حقا:)

mohandat said...

السلام عليكم
الله علي الشكل ده
مش عارف ليه حاسس ان المدونه وسعت كده
بس ارتحتلها نفسيا

--------------------
يا ريت تيجي تصنفي البوست بتاعك في مدونة البيست بوست
اخوكي مهند المصري

yamen said...

مممممممممممممم......

هي حلوة قوي

القصة نفسها والفكرة والسرد

بس تعرفي..

انا كنت متوقع انها في النهاية هاتدخل الغرفة وتلاقي الكمبيوتر وتفتحه وتبدا الدورة من جديد

بس طبعا انا مش هاكتب القصة علي مزاجي

و النهاية اللي انتي عاملاها صادمة بس حلوة برضه

وبعدين بصراحة القصة حلوة

ماتحاولي تكتبيها في قصة اطول من كده شوية مع اضافة بعض التفاصيل

تحياتي

t3ban said...

القصة أكتر من راثعة
بس مش بعد كل دة
تطلع من وحي خيالك
.....حرام
أنت متعرفيش الواحد بيتعب قد أيه علشان يقرالو سطر
(:

واحدة من الناس said...

yamen
تعمل ايه؟تبتدى من جديد!!! ليه؟؟ بعد ما أهانها وطلقها وقالها انه مش بيثق فيها تبتدى تانى!!! ده تبقى معندهاش دم
هى فعلن كانت قصه أطول بس انا اختصرت عشان محدش يمل منى
أسعدنى وجودك جدا جدا ومرسى على تشجيعك ونصحتك بس فكر فيها بالعقل وانت هتلاقى ان ده انسب نهايه
مرسى أوى بجد
**********************
تعبان
يافندم احنا أسفين ضيعنا وقت سعادك الثمين فى قصه خياليه:)))
بس أنا كنت عايزه رأيك فى فكره الشات
أسعدنى وجودك يارب دايما

Rosa said...

خيال مبدع
تحياتي :)

shermen said...

لأول مرة أتجول داخل مدونتك
والله العظيم إنها من أجمل المدونات التي أعجبتني
------------------
وصفك للحكاية أكثر من رائع انتي فعلا موهوبة كلامك شدني جدا إني أقرأه وأعيد قرائته
كأن الحروف هى التى تحفظ مكانها الى اصابعى
الجملة دي بجد ملهاش حل
تعبيراتك المعكوسه جميله أوي أنا لازم أستفيد منك
وأقرألك كتير عشان أتأثر بأسلوبك
بجد والله أكثر من رائع
أتمنى لك المزيد من التوفيق
واتمنى ان نصبح أصدقاء من خلال المدونة بلاش شات ياستي
عشان ما تزعليش
-------------------
نقاشك لقضية الشات بالطريقة دي في منتهى الذكاء
ربنا يحميكي

واحدة من الناس said...

rosa
مرسى على زيارتك الرقيقه ده يارب متكونش الأخيره انتى بجد مدونتك حلوه أوى
:)
shermen
لاء انا مش أد الكلام ده كله ده من بعض ما عندكم ياأمر مرسى اوى على زوقك ورقتك وكلامك احنا خلاص بقينا صحاب:))

شريف said...

جميلة اوى اوى اوى
اكيد انتى رومنسية اوى
ووحي خيالك واسع
اهنئك بالبوست الهايل دة
ويارت تشرفينى

طهقان said...

سواء الجواز جه عن طريق الكيبوبورد
او عن طريق ام سلمى الخاطبة



النتيجة في الأخر واحدة

لا تحزني

كلنا لها.

whiteangel said...

أجهضوا طفلى كما اجهض هو حبى وعنما بدأت عتابى له واخبرنى انه ليس من حقى ان اتدخل فى حياته كاد يقتلنى بروده حتى هممت ان أصرخ فى وجهه فنهرنى واتهمنى انى أفعل فعلته كما فعلتها معه من قبل وكيف أفعل وقد حقق لى كل أحلامى؟! كيف انتظر كلاما معسولا من أحد سواه ؟ولكن كيف يصدقنى وما عندى دليل أدافع به عن نفسى وأثبت برائتى؟ وعدت...عدت الى حجرتى بورقه طلاقى ونزيفى الداخلى والخارجى انسانه محطمه ضائعه أبصرت جوانب الحجره التى طالما حلمت فيها بحبيبى فوقع بصرى على الكمبيوتر فهرعت اليه وأخذت ادكه دكا وحطمته.....كما حطمنى

يااااه على الإحساس اللى وصلنى من القصه دى
احساس مش هعرف اقوله بالكلام وعجزت انى الاقى مفردات تترجم إحساسى دلوقتى بعد ما قريت .. مؤثره جدا عشان منتهى الاسى والشقاء انك تمنحى انسان كل حياتك وتوهبيه قلبك وعقلك وكل كيانك ويطلع مش يستاهل حتى انك تحطى ايدك فى ايده وتسلمى عليه .. منتهى الإشمئزاز ومااعرفش اللفظ ده خانى ولا ايه بس بجد هو ده اللى لازم يتقال مع واحد أنانى ومش مقدر مشاعر انسانه وهبته كل حياتها

قصه فى منتهى الروعه والإبداع يا شيماء
بحييكى عليها وبجد برافو برافو عليكى
اسلوبك البسيط والمعبر وصلها بطريقه كادت ان تكون واقعيه او هى بالفعل هكذا ويوجد منها نماذج كثيره فى حياتنا وللأسف الأكثر

تسلمى يا شيمو والبوست ده عجبنى جدا
اختك ولاء

whiteangel said...

نسيت اقولك آسفه لو كنت طولت فى الرد
بس هى تستاهل اكتر من كده

تحياتى ليكى

REEMOO said...

العيب مش على الكمبيوتر اكيد
عارفه ان القصه من وحى خيالك
لكن اللى متعرفهوش ان حصلت حقيقه فعلا لناس اعرفهم
لدرجه انى بدات افقد الثقه تمام فى تعارف النت
مش عارفه اذا كان لسه فى تعارف بجد عن طريقه وعلاقه ممكن تستمر ولاكله مجرد كلام مش اكتر بيضيعو بيه وقت بعض
القصه عجبتنى جدا
عجبنى اسلوبك
مدونتك جميله
تحياتى

أميرة said...

برافو عليكي .. فكرة جميلة وأسلوب أكثر من رائع .. وان كانت النهاية مؤلمة جدا

•«ρяoιd»•™ said...

ابدعتي بجد

رغم انها طويله نسبياً

بس شدتني اقراها للآخر

و تفاعلت معاها بجد

عرفتي ترسمي بالكلمات احساس انتي اساسا متخيلاه

و هي دي قمة الإبداع

تحياتي

واحدة من الناس said...

شريف
مرسى على زيارتك اللطيفه ده ربنا يخليك ويارب دايما تنورنى
***************
طهان
ليه بس التشاؤم ده :))
بس انا هاحزن ليه وانا مالى انا مبسوطه ومتفأله وسعيده الحمد لله
:)))
***************
ملاكى الأبيض
طولتى ده ايه دا انتى اسعدتنى رأيك عجبنى بجد وانا مقتنعه بيه جدا ومدونتك كمان عجبتنى :))
ان شاء الله دايما هاوحها:))
***************
أميره
معلش أول مره أقبلك نكون فى نهايه مؤلمه بس مفيش حل غير كده اللى يبدأ غلط ميستناش انه نتهى صح
أسعدنى وجودك:))
***************
priod
مرسى على رأيك رغم انه كبير على حبتين بس والله وجودك أسعدنى انا معرفتش أختصر أكتر من كده المره اللى جايه ان شاء الله:))

Eman Eltaher said...

دى أول زيارة ليكى بجد مدونتك جميلة و مواضيعك أجمل

البوست ده فوق الرائع و قد ايه كلامك معبر لدرجة انى افتكرتها انها قصة واقعية حقيقية ليكى و الحمد لله اللى خرجنى من الصدمة جملة " من وحى خيالى " بحييكى بجد على اسلوبك الرائع ده ف سرد القصص

أتمنى تشرفينى ف مدونتى و ياريت لو تكونى صديقة ليا و صديقة لمدونتى و تأكدى انه دى مش آخر زيارة لانى هبقى حابة أقرالك علطووول و هعمل لينك ليكى

يارب مدونتى أنا كمان تعجبك و الأهم مواضيعى تعجبك

ايمى

صاحب البوابــة said...

رائع

كل كلمة رائعة فعلا

تحياتي

قلمي الحر said...

السلام عليكم, رائع ما كتبيته , ولااعلم إذا كان حقيقا ام قصة , ولكن قي كلا الحاليتن هو الذي خسر لانه لم يقدر الإنسان التي أحبته , أحيانا نحب ونعشق , ولكن يفقدنا الحب أننا مازالنا نعيش في عالم به شياطين وملائكة وممكن أن نقابل الشيطان قبل الملاك
أهديك هذه الابيات من تأليفيأمل أن تعجبك وتمشي مع سياق الكلام
************************
عندما يصبح حبك أسمي أمالي ,
وتحطم أنت الأمال
فلقد منحتني الفرصة
منحتني القوة
لكي أقاومك
وأمنعك بشدة
أن تعود لي
أحببتك يوم أن كنت
إنسان له قلب
اليوم من أحببت مات
وأصبحت أنت صنم
وأنا لاأهوي الأصنام

واحدة من الناس said...

ايمان
مرسى على زيارتك وكلامك اللى ذى السكر ده وانا كمان دايما هاتابعك:)

*************
صاحب البوابه
يارب دايما منورنى بتشجيعك ده:))
************
قلمى الحر
قصه والله
أبياتك جميله ومعبره أصبحت صنما وأنا لا أهوى الأصنام اد ايه عجبتنى أتمنى انك دايما تساندينى كده:)

حزيــــــــــــــــــن said...

انا مشرف فى منتدى ما وكانت بتواجهنى مشاكل كتيرة من هذا النوع وبيتهيألى ان كلامك ده هو افضل رد
اشكرك على المرور على مدونتى
ارجو التواصل دائما
انت انسانه مؤدبه

واحدة من الناس said...

حزين
ده مشكله فعلن وللأسف بتزيد
أشكرك على تواجدك وربنا يسعدك يارب:)