فى أمثال شعبيه باكره أسمعها جايبانا بجد لورا
الى نعرفه أحسن من الى منعرفوش
أد ايه بنضيع على نفسنا فرص طول ما احنا ماشيين على المثل ده.جايز أوى الى ما نعرفوش يكون أفضل 100 مره من الى نعرفه ليه ميكونش عندنا روح المغامره وتقبل الهزيمه فى سبيل اننا نعرف الى منعرفوش.ليه يضيع عمرنا كله واحنا عايشين فى جهل بسبب خوفنا من احتماليه تحمل بعض الخسائر واحنا بنجرب الى منعرفوش
من يتهيب صعود الجبال يعيش أبد الدهر بين الحفر
لاتقرصينى يانحله ولا عايز منك عسل
أكيد حلاوه العسل تستاهل انى أتحمل القرص عشانها. ليه أقضى عمرى من غير ما استمتع بيه عشان مش عايزه أدفع ثمنه
لا تتجوزى الأقرع ولا تأخدى منه نصيحه لو كان ربنا بيحبه كان خلى راسه صحيحه
شىء سخيف انى أحكم على الإنسان بمظهره .الإنسان بشخصيته وأفكاره ده غير انه حرام وتدخل فى خلق الله أستغفر الله
للحديث بقيه
18 comments:
السلام عليكم
كلامك ممتاز وصحيح ميه في الميه
وفي امثال كتير مشابهه لكده
وفي امثال متضاربه كمان
المهم الامثال دي تعتبر حكم بس في ازمنه اخري
ممكن كان ايامهم فعلا اللي تعرفه احسن من اللي متعرفهوش
بس كل وقت يختلف عن غيره
اليوم انا معاكم غدا ذكري
يبقي حكمتي اللي عايش فيها مش هتستمر ابد الابدين
لك كل تحياتي
والحمد لله اني اكون اول واحد يكتب بوست عندك في الموضوع ده
وبلاش تتاخري علينا
مهند المصري
ومن يتهيب صعود الجبال يعش ابد الدهر بين الحفر
لو هتفتحي موضوع وتكتبي فيه البيت دا هيبقي ابلغ من الف كلمة وكلمة
للأسف احنا كمصريين عندنا رواسب قديمة
اللي نعرفه احسن من اللي منعرفوش
سلبية وخلاص...بندفن رسنا في الرملة ونقول خلينا فيي اللي احنا فيه
ويفوز باللذات كل مغامر
اختيار موفق جداااا لسلسلة مواضيع هتبقي جميلة اوي
هرجع اشوفها كلها إن شاء الله
جزاكي الله خير يا اخت شيماء
بوست اكثر من رائع وبليغ جدا
استودعك الله
مرحبا حبيبتي والله اول مرة بسمع المثل هاد تاع الاصل
بس والله الناس الصلعة بتجنن و في كتير صلع بفكرو احسن اصحاب الشعر عفكرة يمكن لانو راسهم بتكون متعرضة لمي والهوا اكتر هههههههههههه
وبستاذنك انو احنا انا والوافي اضفنا وصلة لمدونتك عنا بالمدونة وبنتمنا منك تشريفنا دائما
مع تحياتنا
مدونة الوافي
حسن وحنان
السلام عليكم
والله المثل الاول
عنجد يا ريت ناس كثيرة يراجعوا انفسهم ويفكروا بعقلهم ودينهم
قال تعالي : " يا أيها الناس إنا خلقناكم شعوبا وقبائل لتعارفوا إن أكرمكم عند الله أتقاكم إن الله عليم خبير " صدق الله العظيم
بمقارنة بسيطة نجد ان الاية الكريمة تحثنا على التعارف والصداقة باللي ما نعرفوش ... مش نتقوقع داخل مجتمعاتنا والوسط الضيق اللي وجدنا انفسنا فيه ومن دون اختيار منا
واضيفلك مثل شعبي ثاني غير صحيح بالمرة واجيبلك الدليل من السنة وشعر الحكمة عند العرب قديما
المثل سيء الصيت: بعد ما شاب ودوه الكتاب
والرسول عليه الصلاة والسلام : اطلبوا العلم من المهد الى اللحد,
تعلم فليس المرء يولد عالماً ... وليس اخو علماً كمن هو جاهلُ
ولك مني اجمل تحية وشكر
مهند والراقص مع الذئاب
بجد لو تعرفوا انا بافكر اد ايه عشان الاقى كلام ارد بيه على كلامكم الحلو ده هاصعب عليكم ومش هاتبعتولى حاجه تانى:)))))))
*****************
حنان
انا اول مره اعرف ان الناس الصلعه تجنن:)))))
بس عندك حق تلاقى العلم والخبره بيوقعوا الشعر:)))))
انا الى اتشرفت بوجودى معاكم انا باحب المدونه بتعتكم وضفتها عندى من غير ما أستأذن:)
*******************
الوافى
أشكرك بجد على تعليقك وحلو بيت الشعر ده انا حفظته خلاص :)
كلامك جميل فعلا ومقنع بس تقولى لمين بقى بس برده لايمنع ان فى امثال تانيه كويسه
اكتر حاجه فعلا بضايقنى المثل الاولانى (الى نعرفه أحسن من الى منعرفوش
رخم جدا جدا وفعلا بيضع على الناس ميت فرصه
وميرسيه على زيارتك لمدونتى اسعتدنى فعلا
فعلا عند حق
بالذات المثل الغبي بتاع اللي نعرفه ده
بكره جدا
جدا
جدا
ليه؟
أقولك ليه
لأني لما بسمعه بفتكر واحد مواطن غبي بيرد على مذيع اغبى منه ......
بيسألة هو ليه انتخب مبارك
يقوله
...ويفقعني
يابيه اللي نعرفه احسن من اللي مانعرفهوش
منتهى الغباء المصري
اللي نعرفه حتى لو احسن فاحنا عارفينه ومخنوقين منه ومليناه خلاص
والله اللي منعرفوش احسن حتي ولو اسوا بس اي حاجه لى سبيل التغيير
طب انا عايز عسل من النحله واهو اخد بالي يمكن اخد عسل من غير قرص
وان اتقرصت مفيش متنع العسل يستاهل
انا بضو مع اللي مش بتحب تتجوز الاقرع لانه فعلا مالوش زنب يعيش مع انسانه محدوده الفكر -بين قوسين متخلفه يعني- زيها
الي نعرفه احسن من الي منعرفوش
انتي مش عارفه المثل دا عامل في حياتي ايه دلوقتي
والله لو كنت اعرف مين الي قاله لكنت قتلته
بس ارجع واقول انا الي غلطانه اني اخدت بالمثل
يلا ماعلينا
تحياتي يا قمر
kalam gameeeeel, c ya
www.whiskeypuzzler.blogspot.com
سندريلا
مرسى على كلامك وفعلن فى أمثال تانيه كتير كويسه جدا ومفيده هاحطها فى البوت الى جاى ان شاء الله
*********************
human
براحه بس على الكى بورد هاتتخلع فى ايدك:))))
عندك حق أكتر كلمه مناسبه فعلن هى انه غباء
**********************
أحمد
مرسى على مرورك بس هوه لازم ندفع ثمن حلاوه العسل معلش هوه برده يستاهل
**********************
gohayna
أنا مش عارفه أقول ايه انا سعيده جدا انك معايا بس حاسه انى قلبت مواجع انا اسفه
بصراحة
موضوعك ده مهم جدا
عارفة ليه؟؟
لإن الامثال دي بتدي فطرة سيئة جدا عن الشعب المصري
انا مش هتكلم عن النوع الاول من الامثال اللى انتى اتكلمتى عليها والتى تظهر السلبية الدفينه فى المجتمع المصري
انا هتكلم عن النوع التانى من الامثال
زي مثلا
ان كان ليك حاجه عند الكلب
اللى ييجى منه احسن منه
وغيرها وغيرها
والتى تظهر الشعب المصري على انه شعب انتهازي ومنافق
انتى فتحتى موضوع مهم جدا جدا
ولازم نعمل فلترة للأمثال المصرية سيئة السمعه
كما فى القوانين سيئة السمعه تماما
اسف للإطالة
قبل ما انسى.... عاوز احييكى على الجهد الواضح فى مدونتك فى زيارتى الاولى
خالص تحياتى
ودمتى بألف خير
ههههههههههه
فى حاجات اول مرة اسمعها للأسف
زى بتاع العسل دة
انا معاكى فى اغلب الأحيان اكيد التجربة والمغامرة احسن ... ولكن مش الأمثلة دى لو غرضها التأنى فى اـخاذ القرار بس تبقى مهمة واحيانا فعلا بيكون إللى نعرفه احسن لكن بعد ما نجرب الجديد برضه
كلام لوجيك
انا الى مرسى على رأيك ومشاركنك فعلن ذى ما انت قلت لازم نعمل فلتره وبجد أسعدنى ان فى ناس كتير ضد الأمثال ده وكده هايساهل علينا عمليه الفلتره ده
*************************
the manager
مختلفناش لازم نجرب والتغيير مطلوب حتى لو كان للأسوأ
والله انتي سكر
كلامك صح جدا
الأمثال دي هيه اللي جابتنا ورا
تحياتي للمبدعة دائما
شيرمين
الله يسكرك ويخليكى يارب:)))
هاهاها
حلو قوي المثل الاخير دا
بس ايه علاقة الصلع بالنصيحة؟
بالعكس
انا شايف ان كل العباقرة ..
لامواخذة يعني
في الطراوة من فوق خالص
Post a Comment