Saturday, May 5, 2007

رساله الى وردتى

وردتى الجميله ما أروعك! وما أروع ورقاتك الملفوفه فى دقه تدوخنى أدور معها فالى عالم السحر والرقه والجمال تأخذنى. كم تحملين من معا!!ن وكم تملكين من قدره توصيل المشاعرالتى يعجز عنها أبلغ الشعراء وأعذب الألحان وأرق النظرات.رائحتك تسرى فى خلايا الجسد فتذيب برود المشاعر وتفجر نهرا للحب ولونك ينعكس على العين فيضبغها بلون السعاده والجمال.من يدقق النظر اليك ينسى الدنيا وينخرط فى ذاك العالم المسحور الذى تنسجيه يذهب مع كل ورقه فيك ويرجع بحلم جديد ومعنى جديد واحساس جديد. وأنا فى رحابك الامس خدودك الحريريه ويضمنى عطرك ويأسرنى شكلك أغمض عينى فأجد نفسى فوق أعلى سحابه فى الكون أحتضن السماء وأغازل النجوم وأرتمى على صدر القمر فأنظر الى أرض البشر من بعيييد فأراها صغيره دقيقه جدا ما أتعس هؤلاء البشر كيف يعيشون على تلك الكره المتعوجه أما أنا ففى أعلى وأسمى وأكبر ما أسعدنى بجوارك ياوردتى فتحت عينى بعدما نزلت على الأرض لأجد الماء قد هجرك وترك أوراقك جافه لن تتحمل أكثر من لمسه لتتفتت وردتى الحبيبه...لن أقبل فيك عزاء أعرف أن عمرك قصير ولكن ما يفيد طول العمر طالما أديت دورك والآن ترحلى بهدوء وان زعموا انك مت فلن أصدق ما زلت حيه فى ابتسامه الطفل حين رئاكى وفى هديه المحب حين أهداكى وفى قطره الندى التى سلمتيها خدودك وفى الفراشه التى أتعبتيها لعبا ورقصا فلماذا أطالبك بالبقاء الحياه ياحلوتى لا تحسب بالسنوات ولكن بما فعلناه فى تلك السنوات وداعا ياحلوتى
عاشقتك

31 comments:

Arabian GiRl said...

كلمات جميلة ماشاء الله

shermen said...

سبحان الله
ربنا خلق لنا
آيه من آيات الجمال في الكون
وهي الورده
وأكيد له حكمه في كده
وأعتقد إن الحكمه دي
بتقول إننا نحافظ على المخلوقات الرقيقة اللي ربنا خلقها عشان نستمتع بيها ونستفيد منها
ومش الورده بس اللي مثال الرقه في حياتنا ممكن أشخاص يقابلونا في حياتنا
ونكون السبب في تجريحهم وذبولهم
تحياتي للبوست الرائع
متميزة دائما
تحياتي القلبيه لكي

sendbad said...

ايه القدرة علي الوصف ده
فكرتيني بشعراء الجاهلية اللي كانوا بيوصفوا بالشعر اي حاجة تقع عليها عنيهم بصراحة تحفة واحساس رائع
احييكي

واحدة من الناس said...

arabian girl
مرسى على كلامك ويارب متكنش الزياره الأخيره
***************
شيرمين
فعلن فى حاجات كتير فى حياتنا مش بنشوفها ولازم ناخد بالنا منها قبل ما تذبل
ربنا ميحرمنيش من وجودك معايا وكلامك أبدا:)
***************
سندباد
هههههههه
شعراء الجاهليه مره واحده
مرسى بجد على زوقك:)

أحمد سلامة said...

ما ارق كلماتك
بجد رقيقه جدا والله
والجملة دي انا متاكد انك معجبه بيها شخصيا
وأرتمى على صدر القمر
واراهن على ده
يا رب نفسك مفتوحه للدنيا كده على طول

bastokka طهقانة said...

انا شامة ريحة حب


مين عملها


اوروفوار

ShAb 3AdY said...

كلمات حلوة اوى

و بوست لذيد

والصورة جامدة جدا

أحمد العربي said...

رائع يا عزيزتي
كلمات متوافقة وترتيب يوضح مدي الفهم للتنسيق
أكثر من رائع

bastokka طهقانة said...

انا شامة ريحة حب؟
صح؟

زحل الفلكي said...

انا اتبنجت
كلام يخلي الواحد يهنج وهو قاعد على الجهاز
بجد

واحدة من الناس said...

أحمد سلامه
من بعض ما عندكم يا أستاذى ربنا يخليك أسعدنى وجودك:)))
******************
طهقانه
:)))))
آه انا بحب الناس والدنيا والورد والطبيعه
لكن لو اللى فى دماغك ده انتى هاتشمى ريحه شياط حضرتك:)))
*******************
شاب عادى
نورتنى وأسعدنى وجودك اللطيف ده وياريت متكونش آخر مره:))
*******************
أحمد العربى
أشكرك بشده ومرسى بجد على ذوقك:))
****************
زحل
نورت المدونه ما هى ده السياسه أبنج اللى قدامى فا ميعرفش يعترض:))
بعد الشر عليك من التهنيج انت كمان مدونك حلوه جدا جدا:)

Té la mà Maria said...

irreverent e iconoclast

http://telamamaria.blogspot.com

Thank

The Manager said...

اوبس
هو انا جيت متأخر ولا إيييييييييه
:(

عجبنى كلامك قوى ومشاعرك وإحساسك الدافئ

السهل الممتنع بجد

لأنى حسيت انى اقدر اكتب بالجمال دة وانا بقرأ كلامك لكن طبعا معرفتش اعمل حاجة !

الإحساس عالى قوى و خلانى عمال ابص للوردة واطبق كل كلمة عليها

ياريت مش تحرمينا من الروائع دى

وكمان مش تغيبى الغيبة دى كلها لو سمحتى

جزاكى الله خيرا

khaled said...

لا بجد الكلام
سو سو سو بيوتوفول
انا لما بمسك ورده ما بقدرش اسيبها غير لما تسود

:]

كلام لوجيك said...

الله عليكى وعلى كلماتك المتناغمة فى انسجام هادئ
كل الكلام ده عشان خاطر ورده؟؟
بوست جميل وحساس وكله عذوبة ورقة
استمتعت فعلا بقراءته

واكثر جزأ حاز على اعجابى هو

أن عمرك قصير ولكن ما يفيد طول العمر طالما أديت دورك والآن ترحلى بهدوء وان زعموا انك مت فلن أصدق ما زلت حيه فى ابتسامه الطفل حين رئاكى وفى هديه المحب حين أهداكى وفى قطره الندى التى سلمتيها خدودك وفى الفراشه التى أتعبتيها لعبا ورقصا

لقد تفوقت على نفسك فى تلك التشبيهات الجميلة

احييكى على هذه الكلمات

ومنتظرين للمزيد
دمتم جميعا بخير

واحدة من الناس said...

سليم
أيوه سعادك جيت متأخر ومكانش المفروض أدخلك من غير ما تدفع غرامه تأخير بس أعمل ايه بأه بتحرجنى وتضحك على بذوقك دايما:)
يافندم انت تيجى بدرى متأخر براحتك المهم تنورنى وخلاص
حلوه أوى حكايه انك تبص فى الورده وتطبق ده :)))
وجزاك
*******************
خالد
دا انت الى سو سو سو جنتل:)))
*******************
كلام لوجيك بحاله عندنا نورتنى ومرسى على الكلام الحلو ده :))

gohayna said...

يا بخت الورده يا ستي


كل دا علي الورده

ولا الي ماسك الورده؟


عيني في عينك كدا


كلامك جميل ووصفك اجمل والله بجد حسيت بمدي جمال اورده الي شيفاها

تسلم ايدك يا اجمل ورده

وجاوبي علي السؤال من غير تزويغ

تحياتي يا قمر

قلمي الحر said...

السلام عليكم ..الورد ده أحلي حاجة خلقها ربنا , بأحس أنها تخلقت عشان تخلينا نحس بالنشوة والسعادة ولو حتى لفترة قصيرة
كلماتك رائعة ..بجد تحفة
أنا بحب الزهور جدا , ونفسي القي وردة لونها أزرق ..لوني المفضل

واحدة من الناس said...

جىجى
يابختى انا انك قريتى كلامى:)

ياسيتى لو حطيت عينى فى عينك للصبح مش هتلاقى حاجه برده لسه محدش قدر يحرك الأوتار اياها;) ده عشان خاطر الورده انا بعشق جمالها ورقتها وأكيد لو فيه هاقولك:)))
مرسى أوى أوى على كلامك
****************
قلمى الحر
باحسك رقيقه أوى:) فيه فى الدنيا حاجات جميله كتير ربنا خلقها عشان تسعدنا بس للأسف مش بنشوفها
أشكرك بجد وياريت تفضلى تشرفينى على طول:)

whiteangel said...

لن أقبل فيك عزاء أعرف أن عمرك قصير ولكن ما يفيد طول العمر طالما أديت دورك والآن ترحلى بهدوء وان زعموا انك مت فلن أصدق ما زلت حيه فى ابتسامه الطفل حين رئاكى وفى هديه المحب حين أهداكى وفى قطره الندى التى سلمتيها خدودك وفى الفراشه التى أتعبتيها لعبا ورقصا فلماذا أطالبك بالبقاء الحياه ياحلوتى لا تحسب بالسنوات ولكن بما فعلناه فى تلك السنوات

الجزء ده اد ايه رقيق ويوصل لأعمق جزء داخل الانسان
كلمات رقيقه جدا يا شيمو بحييكى عليها وعلى اسلوبك البسيط الراقى فى انتقاء الكلمات

تسلمى يا قمر ويارب دايما سعيده ومحبه للحياه والناس
دمتى هكذا دوماً بإذن الله

خواطر شاب غاضب said...

كلمات رقيقه جدا

الوردة السوداء said...

ياااااااااااااه
مش ممكن كل ده عشانى

مكنتش اعرف انك بتحبينى كدة

انتى ازيك

واحدة من الناس said...

white angle
تسلميلى..ودايما مشجعانى كده
انتى الى رقيقه وجميله أوى ربنا يخلينا لبعض:))

****************
الشاب الغاضب
ياسيدى الله يرققك:)))
مرسى على أول زياره يارب تتكرر:)

****************
الورده السوده
ههههههههههه
شوفتى انك مكنتيش حاسه بيه:))))
انا كويسه بس متبقيش تتأخرى على
وياريت تفوكك من السواد ده:)))
مرسى أوى:)

.:.-=- ELGaZaLy-=-.:. said...

ياه رقيقة بجد

وجميلة اوى كلماتك ربنا يكرمك يارب

أشرف حمدي said...

أشكرك كثيرا علي ترشيحك لموضوع "كسر الحلقة" كأفضل موضوع اجتماعي
أتمنى زيارتك الدائمة لمدونتي المتواضعة
مع خالص حبي واحترامي

david santos said...

Thanks for you work, is very nice, and have a good day

lawer of Islam said...

i wanted to put some poetry but to bad i dont have enough time. though good luck

mohandat said...

السلام عليكم
انا اسف جدا لعدم التواصل بس ظروفي والله
مبارك شكل المدونه الجديد
جميل فعلا
اما كلماتك جميله بجد
بس يا تري لمين
:P:P:p:p
مهند المصري

واحدة من الناس said...

الغزالى
الله يرققك ويخليك يارب:)
بس متبقاش تتأخر علينا كده
*******************

أشرف حمدى
يافندم لا شكر على واجب مدونتك عجبتنى فعلن وأشكرك على الزياره اللطيفه ده:)
*******************

David
Thanks ur visit makes me happy:)
*******************

lawer of islam
sure it is enought for me 2 read my work and say good luck:)
*******************
مهند
وعليكم السلام
حتى أنت يامهند حتى أنت:(
طب دا أنا كنت باقول انك بتفهمنى مكانش العشم يا أستاذ ماشى ماشى على العموم الورده ده لكل واحد قرا البوست ده من غير ما يشك فىّ:P

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

Unknown said...

رائع جدا 😍