Wednesday, June 13, 2007

إعترافات هو وهى_ الجزء 1

هو
أخطأت نعم أعترف بخطأى حين أسكنتك قلبى وكتمت دقاته كى لا تسمعيها وحين وقفتى أمامى فأدرت عينى لا ترى صورتك فيها ثلجت مشاعرى كى لا تنصهر أمام سحرك وقاومت قوه الجذب التى تدفعنى نحوك فرجعت للوراء خطوات حبيبتى لا ألومك.فأنا من يستحق أن يلام بل ويعاقب وهل هناك أقسى من هذا العقاب! أن أراكى مع غيرى يرفع عينه فى عينك حتى تخفضيهما خجلاً ويقولها مرارا ومرارا دون أن تملى من سماعها. كل هذا بسبب خجلى,وحمقى تركتك تتسربين من بين يدى والآن أشرب كئوس الندم على فقدك.يكفينى اليوم أن تعرفى أنى أحبك.انه حقك الذى سلبتك اياه وأردت اليوم أن اعيده ورغم أن هذه الكلمه ربما تكون فقدت معناها داخلك. من حقك اليوم أن تطردينى أو تثورى فى وجهى ولكن ليس من حقك أن تكذبينى أو تستهينى بمشاعرى وأرجو منك ألا تمنعينى.فلتتركى نهر حبى يتدفق اليك حتى تجف دمائى أو يمل قلبى من التحرك. يكفينى اليوم أن تعلمى وتسامحينى فقد ظلمتك مره ثانيه بتركك لغيرى وأنا على يقين أنه لن يحبك مثلى وظلمت نفسى بفقدانك يا نبض قلبى
. هى
أسامحك؟؟!! لا ياعزيزى فلن أستطع ليت الظروف هى التى حالت بينى وبينك لكنت تحملت وحافظت على حبك فى قلبى.ولكن أنت الذى جنيت علىًّ وعلى حبى.مددت يدك بكل قسوه ولففتها حول رقبته حتى اختنق من انتظارك.أخذتنى كلمات عينيك الى أعلى الى جوار النجوم وصمتك صفعنى وهوى بى الى سابع أرض.وأنا لا أقبل اليوم فى قلبى عزاء. عندما أتانى وبدأ يحدثنى كنت أغمض عينى كى أرى صورتك وأنا أسمع صوته ولكن هذه خيانه وما كنت أبدا خائنه وأكره من جعل منى خائنه.طويت فى قلبى حبك ودفنته وفتحت عينى لأرى الحقيقه التى ما تمنيتها أبداً. أحببته كما أحبنى وأعطيته كما أعطانى وروى عطشى الى الحب.الحب الحقيقى الذى يطير ويواجه الدنيا . نعم... بطل سحر الكلمه التى تمنيتها زمناً.وما أثرت فىّ فأنا سعيده فى حبى الجديد وحياتى الواضحه, ونهر حبك هذا مهما تدفق فلن يجد له مصبات عندى. وداعا ياعزيزى فكيف آسى على من سلبنى حقى. الحب نور أنت تحب فى العتمه فلتظل فى عتمتك
مجرد أراء ومبادئ معترضه عليها ملهاش علاقه بيه كلها خيالات
.

40 comments:

westtewest said...

البوست رغم انه غامق حبتين بس جميل ومتغلل داخل نفسيه ناس كارهه بعضها
بالنسبه للبلوج الجديد مبروك ولو انى لا احبذ تعدد البلوجات انا بحبنركز فى بلوج واحد ونحط افكارنا كلها على بعض سمك لبن تمر هندى سياسه دين حب اى حاجه كده يعنى

wahed said...

بوست جميل ,مبروك علي المدونه الجديده

The Manager said...

انا زعلان من نفسى من التأخير بتاعى


واضح ان الفترة بتاعة غيابك عن البلوج خلت عندك كلام كتير قوى عايز يطلع , وكله اجمل من بعضه , اللهم لا حسد الواقعية بتنضح من البوست الجديد دة غير الفاظه روعة بجد عجبتنى قوى (تركتك تتسربين من بين يدى) فى كلامه هو

اما موضوع انها ملهاش دعوة بيكى فمضطر اصدق على الرغم من الأحاسيس الجميلة إللى فى الكلام وإللى بتدل على .... على إيه

مش عارف

بس هصدق لأن دى عادة الفنان الموهوب إللى بيخلينا نصدق أن كل كلمة يقولها هى من تجربته ومن واقع هو بيعيشه

ومبروك المدونة الجديدة
وعلى ما تقرى الرد دة اكون إن شاء الله ضفت رأيي هناك :)

•«ρяoιd»•™ said...

السلام عليكم

مبدئيا البوت تحفه

حالات من الصرا النفسي بين الأتنين

و انتي عبرتي عنها بمنتهي الروعه

ثانياً بقي

مبروك علي البساط السحري

و يا رب يكون سحري بجد

:)

تحياتي

SoRsaRaa said...

السلااااااام عليكممم

بجد بجد بجد..... حقيقى يعنى

حوار جاى فى الصميم زى مابيقولو

ماشاء الله عليكى

اعتقد انى اول مرة ازورك بس سعدت بالتعرف علي مدونتك

تحياتى ليكى

break said...

البوست تحفةة
ومعبر جدا
ومبروك البلوج الجديد

تحياتى

المتوحد said...

هايل انت موهوبة اوى واسلوبك رائع
واناسعيد انى كنت هنا
على فكرة انا كمان بكتب حاجة شبيهة الى حد ما ممكن نسميها اعترافات بس سرية شوية
وياريت تزورينى

sendbad said...

الحب نور
صح
ما ينفعش حد يستهين بمشاعر التاني
صح
التسامح في الحب شئ جميل ،بس عمر المشاعر ما تكون لعبة بين القلوب
صراع نفسي بين المشاعر ، بين المصارحة والصمت
دخلتيني في دوامة الصراع وانا مستني عما يسفر عنه هذا الصراع
تحياتي

محض روح said...

فكيف آسى على من سلبنى حقى. الحب نور أنت تحب فى العتمه فلتظل فى عتمتك

كويس انها عرفت تقول كفايا
بوست لمسني موت
تحياتي بجد

واحدة من الناس said...

westtewest
مرسى على زيارتك بس دول مش ناس كرهه بعضها أنا حرصت انها تقوله ياعزيزى عشان الحب عمره ما هايتحول لكره صحيح هايدبل ويموت بس هايفصل ليه مكان حتى لو كان بعيد
بالنسبه للبلوج التانى أنا معاك فى رأيك بس أنا ان شاء الله مش هاكتب أى أراء أو خواطر ليه هناك كلها وقائع وأحدث والأراء هاستناها منكم أشكرك تانى:)

***********************
واحد
مرسى أوى الله يبارك فيك يارب بس يعجبكم:))

***********************
سليم
فى حد يقدر يزعل من سليم برده؟أشك:)
أنا فعلن جوايا كلام كتير أوى بس هافصل شويه عشان ألحق أتابع باقى المدونات
على ايه؟وبعدين يعنى بس بجد مرسى ده مجرد أراء فى الحب أنا معترضه عليها حتى لو مكنتش حسيتها
هاروحلك هناك:))

**************************
proid
يافندم أنا ليه الشرف ان ده يكون رأيك انت انسان مبدع فعلن وبيعجبنى كلامك أوى:))

***************************
صرصاره
بجد بجد حقيقى يعنى انتى ذى العسل وعلى فكره أنا باروح عندك كتير بس من وراكى :)))))
خلاص هاجيلك قريبا ان شاء الله من قدامك:)تسلميلى يا قمر وأرجو انها متكنش آخر مره:)

**************************
بريك
ياهلا مرسى على أول زياره يارب دايما:)

**************************
المتوحد
دا أنا الى سعيده جدا جدا جدا:)
جايلك فى السكه أهوه:)))

**************************
سندباد
الحب نور وزيارتك كمان نور للبلوج بتاعى ربنا يخليك أنا بيهمنى رأيك جدا:)أشكرك

واحدة من الناس said...

محض روح
الظلم بيقوى
مرسى ليك وعلى فكره بقالك كتير مطنشنى بس أسعدنى وجودك بجد:))

.:.-=- ELGaZaLy-=-.:. said...

مدونة جديدة اه محنا خلصنا امتحنات بقى وفوقنا

ماشى يا عمنا

هقرى البوست برواقة وارد عليك

mohand said...

السلام عليكم
تصدقي
انا اول واحد شاف البوست ده
ومش عارف اعلق اقول ايه
ازاي مش مقتنعه بالاراء دي
هي عندها حق طبعا
هوه اللي جرحها وجاي ندمان
علي ايه
يروح يعمل اي حاجه تانيه
بس البوست ده هيكون جنان مع اغنية شيرين كتير بنعشق
تحياتي
وانا رايح المدونة

gohayna said...

ياه يا بنت الحلال ايه دا

الحب نور وانت تهوي الحب في العتمه

ميبقاش حب دا ابدا

عمر الحب مكان في العتمه
عمره
ابدا

مسموش حب دا

حافظي علي ضياء قلبك يا قمر

اوعي تتخلي عن ابسط حقوقك

وبعدين ايه يعني مجرد اراء ملهاش دعوه بيا؟

هو الحب تهمه ولا ايه يا قمر

ربنا يحميك يا رب

تسلم ايدك يا جميل

واحدة من الناس said...

غزالى
تقريبا كل ما هاشوفك هاقول حمد لله على السلامه:))))
مرسى وانتظر منى حاجات كتير :)

************************
مهندى العزيز
هههههههههه
كنت فاكره انا بس الى بقرا البوست
وأعلق براحتى بعدها بيومين
فعلن ماشى مع الأغنيه وهى عندها حق ياصاحب القلم الصامت:PP

************************
جىجى الغاليه
بجد بفرح قوى لما ألاقيك عندى:)))
ياستى الحب مش تهمه ولا حاجه بس أنا لسه معرفتوش أو تقدرى تقولى خايفه أعرفه ينطبق على أغنيه خايف انى أحب وخايف ينسى الحب يوم يقابلنى
تسلميلى يارب:)

مرمر said...

ازيك ياشيماء انتى شخصية لذيذة اوى انا بشكرك على ذوقك ودعواتك ليا ربنا يخليكى يارب واطمنى من ناحية المغات انتى محجوزلك سلطنية بحالها
ميرسى على سؤالك وانشاء الله سمسم هيطمنك قريب

سلام ياقمر

3abdo me7tas said...

البوست جميل جدا
مع انه ممكن يكون فى الواقع بشكل كبير بس هى دى الحقيقة وانا شايفها الحقيقة

الوردة السوداء said...

انتى كان ممكن تكتبى الاراء دى فى شكل عمل محدد اكتر من كدة

بتهيقلى كان هيبقى احسن بكتير اوى
يعنى هى فكرة لسة خام اوى

bastokka طهقانة said...

حالة رصدتيها بهدوء و صدق
احييكي
مبروك المدونة الجديدة

اوروفوار

واحدة من الناس said...

مرمر

نورتينى بجد انتى انسانه جميله فعلن ربنا يطمنا عليكى ان شاء الله وبعدين سيبك منه أنا هاعرف أخبارك منك احنا خلاص بقينا صحاب:))

***************************
عبده محتاس

ياهلا مرسى يافندم هو فعلن ده كلام العقل أشكرك ويارب أسمع رأيك على طول
:)
***************************
وردتى السوداء

هى فعلن فكره خام أنا مش أديبه أنا بس بقول رأيي بس ياريت توضحيلى أكتر ايه الأفضل أنا بيسعدنى رأيك فعلن مستنياكى:))

***************************

طهقانه

وحشتنى زيارتك ياجميله مرسى على كلامك وذوقك:)اورفوار

بيقولوا سايكو said...

حلوة يا شيماء ... هو : أنا باشوفها أنانية كبيرة ان حد يعترف للتانى بحبه بعد فوات الأوان ... طيب هيستفيد بكدة إيه غير انه يشغل بال اللى قدامه لو اللى قدامه مش عاقل، و هيستفيد إيه انه يترفض فالجرح يزيد، يمكن علشان ب=يتاكد ان صفحة من حياته انطوت ؟ طيب له اللى قدامه مش عاقل ليه يسببله ألم و بلبلة فى حياته

هى: عجبتنى، عاقلة و عارفة هى عايزة من نفسها إيه

صاحب البوابــة said...

بوست رائع

يحمل وجهتين نظر متناقضتين

تحاول كل منهما اثبات تفوقها على الاخرى

تحياتي لقلمك المبدع

الملتقى said...

ندعوكم للمشاركة معنا فى
( الملتقى )
ملتقى امدونين
ملتقى الافكاروالاراء
فى مدونة واحدة تجمع افكارنا
تسعدنا مشاركاتكم معنا

Dalia said...

البوست ده فظيع اوى ... قاسي جدا

ممكن الصمت و الخجل يضيع الحب
:((

واحدة من الناس said...

بيقولوا سايكو

أصعب حاجه هو الى بعد فوات الأوان فعلن وساعتها ميلومش غير نفسه هى يمكن تكون عاقله بس أكيد هى مجنى عليها
مرسى ياحبيبتى ربنا ميحرمنيش منك:))

*************************
صاحب البوابه

أشكرك ياأخى العزيز وتحياتى لتعليقك الذى يسعدنى كثيرا:))

*************************
الملتقى

أشكر دعوتكم كثيرا ويسعدنى الإنضمام بكل تأكيد

**************************
داليا

أيتها الرقيقه الخجل والصمت يقتل الحب هاكررهالك تانى الحب كالشمس الكل لازم يشوفها حتى الأعمى هايحس بوجودها لو مشافهاش
تحياتى:))

ومن الشباك said...

كل هذا بسبب خجلى,وحمقى تركتك تتسربين من بين يدى والآن أشرب كئوس الندم على فقدك


الموقف دا حصل معايا
:>)

بس خلاص الحمد لله شفيت وعفيت

مدونة حلوة والناس بتقولك هيا مدونة جديدة فأنا بقولك مبروك على المدونة اللي بيقولوا انها جديدة

محمد شبل

3abdo me7tas said...

فقد ظلمتك مره ثانيه بتركك لغيرى وأنا على يقين أنه لن يحبك مثلى وظلمت نفسى بفقدانك يا نبض قلبى

الجملة دى جامده بحد

واحدة من الناس said...

ومن الشباك

طب حمد لله على سلامتك
_________
ههههههه
انت لقيت الناس بتقول مبروك فقلت أقول أنا كمان وخلاص ياسيدى مرسى بس مش ده المدونه الجديده :)المهم انت الى بجد الى مدونتك تحفه ياريت تفضل منورنى على طول:)

*********************
عبده محتاس
ياهلا شرفتنى يافندم وأرجو التواصل بجد ويارب يفوك حوستك ان شاء الله:))

3abdo me7tas said...

هنتواصل
هنتواصل باذن الله طالما انا لسه محتاس إذا يوجد سلوك كثيرة للتواصل
بجد مدونتك جميلة وشدتنىوعشان كده أنا بعملك شوية دعايه أهو أى خدعة

.:.-=- ELGaZaLy-=-.:. said...

السلام عليكم فينك يا شيماء

وكدة


اخبارك اية يارب تكونى بخير


صحيح النهاية نزلت

واحدة من الناس said...

محتاس
مرسى يافندم على جمايلك الى مش عارفه أردها ازاى:))

****************
الغزالى
كويسه الحمد لله فى الدنيا وكده
النهايه اتقرت:))

fanan fa2eer said...

علي فكرة أنا استغربت جدا انك مش مقتنعة بالآراء دي
دي مش أراء دي حقايق
الجرح والظلم بيأسي القلب مهما كان الحب لسة موجود

واحدة من الناس said...

فنان فقير
عندك حق أنا ياريت كل (هى) تقدر تعمل كده وكل(هو)ميعملش كده
مرسى على أول زياره ياريت تتكرر:))

medo serag said...

السلام عليكم ورحمة الله وبركاته
اختى شيماء
البوست حلو بس غااااامق
الحب جميل
بس الجرح صعب
بس انا اعرف ان اللى يحب يسامح
مش كده ولا ايه .............. ؟
تحياتى

واحدة من الناس said...

ميدو
أول مره أسمع تعبير غامق ده ههههه
الى يحب بيسامح آه صح
بس مش كل خطأ نسامح عليه لآن فى أخطاء لا تغتفر وبتيجى بعد فوات الأوان
start today tomorrow maybe too late
:)thx

medo serag said...

السلام عليكم
عشان كده انا كتبت فى تعليقى فى الموضوع اللى قبل ده فى ردى عليكى
انى اخليه نايم احسن
عشان مش اى حاجه ممكن نسامح فيها




تحياتى

medo serag said...
This comment has been removed by the author.
medo serag said...

هستنى زيارتك ليا فى المدونتين
http://medoserag.jeeran.com/
http://some-body-else.blogspot.com/

تحياتى

ادم المصرى said...

بجد بجد انا اسف عشان مجتش من ساعت دعوتك سورى على تئخيرى بس ليا تعليق لون البوست واوعى تزعلى انا رئيي بصراحه مش ظريف غيريه وشوفى ون حلو شويه شوشو اياكى تزعى منى اوكى وحشتنى زيرتك ليا مدونتى

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘