Friday, June 13, 2008

اطلالك تطاردنى

أمر على الديارِ ديار ليلى .. أقبل ها الجدار وذا الجدار
وما حب الديار شغفن قلبى .. ولكن حب من سكن الديار
نصحوهم قديما أن يكفوا عن الوقوف على الأطلال كى لا يزداد داخلهم ألم الفراق فحسدتهم لأنهم دائما ما يجدون لحبهم أطلال ان ارادوا النسيان كفوا عن الوقوف عليها أما انا فخبرنى ماذا أفعل وكل ما حولى أضحى لحبك أطلالاً لا استطيع الخلاص منها
فكيف اتخلص من مخدتى التى حلمت بك عليها يوماً

كيف اتخلص من القمر الذى انتظرناه حتى اكتمل شهراً
كيف اتخلص من قلبى الذى يضخ قبل الدم فى شرايينى عشقك
كيف اتخلص من هاتفى الذى سرى فيه دفء صوتك
كيف اتخلص من عيونى التى تشرق فيها كلما أغمضتهما صورتك
أنزل الى الطرقات دوماً لألملمك منها أتامل وجوه الماره لأجد ملامحك تتجمع امامى فعين هذا تشبه عينك وابتسامه ذاك تذكرنى بابتسامتك وصوت هذا قريباً من صوتك.... خبرنى كيف اتخلص من ملامحك التى انتشرت فى وجوه البشر حولى ....لماذا اصبحوا جميعا انت لا ابحث مثلهم عن اطلال أقف عليها فقد أصبحت انا.....
.
.
.
لك طلل

45 comments:

بطوط حبوب said...

نكذب على انفسنا وندعى اننا لن ننسى
ثم نصدق كذبنا ولا ننسى
رغم اننا نستطيع ان نقول لانفسنا اننا سننسى - حتى ولو بالكذب- لكن ربما نحب العذاب

اسلوبك تحفه ومعانيكى مبتكره بجد
جووووووووووووووووووووو اون

casino gambling said...
This comment has been removed by a blog administrator.
روح شرقيه said...

تحملنا الزكريات بعيدا
لما نهرب منه واحيانا اخرى لما ننشغل به فعندما نحب صدقا لا نتمكن من النسيان لاننا نحن من قررنا ذلك
حبيبتى لن تتمكنى من الهروب من عالمك هذا ولكن عليكى ان تجدى مكان لتبدئ جديدا
حياه اخرى لاتتوقف بفراق من جمعنا به ما نسميه الحب
فكل يوم يمر علينا نحب ونكره
ولكن علينا ان نحب ما نحب وان ننسى ما نكره لنتمكن من الاستمرار
كلمات جدا مؤثره فى ذكرتنى بالكثيريين
ولكن سرعان ما نقرر ان نعيش بمن يحبون الحياه معنا
وعلينا ان نبتعد عمن قرروا العيش بدوننا
فانشغالنا بمن لا يهمه امرنا مذله وانشغالنا عن من يهمه امرنا سوء حظ
اتمنى لكى الخير
ودوام الصحه
تحياتى

ayman badr said...

ابو نواس قال
قل لمن يبكى على رسم درس## واقفا ما ضر لو كان جلس
بس انك تتحولى لطلل ده جديد
تحياتى

الراقص مع الذئاب said...

السلام عليكم
لماذا همساتك باردة في أخر موضوعين يا شيماء
حبستي نفسك في قفص الشجن

تحياتي لك

حاجات جوايا said...

حبيبتى الغالية



كلماتك حزينة لكنها جميلة ورائعة وشجية ودافئة رغم برودتها

لا تبكى على اللبن المسكوب
أنظرى للامام حتى لا تتعرقلى فى خطواتك

دمتى بخير حبيبتى

سالى

Unique said...

انا لك طلل !! رائعة

خالص تحياتي

زُمُرده said...

مش هتكلم عن اسلوبك لأننا عرفناه وخلاص هنديكي كل الجوايز

سؤالي ياترى احساسك والمك هيستمر اد ايه؟؟؟
النسيان نعمه موجوده
بس احنا اللي بنتمرد عليها

بنقول عايزين ننسى وبننبش ورا كل ذكرى وكل مكان حتى لو كان المكان ده لم يرى شيئا سوى تفكيرنا فيمن نحب

ازرعي ذكرى جديده وحب جديد في كل الاطال

(احمد سكر ) said...

كيف اتخلص من القمر الذى انتظرناه حتى اكتمل شهراً
كيف اتخلص من قلبى الذى يضخ قبل الدم فى شرايينى عشقك
كيف اتخلص من هاتفى الذى سرى فيه دفء صوتك
كيف اتخلص من عيونى التى تشرق فيها كلما أغمضتهما صورتك

متعبه اوى حروفك دى

بجد

اثرت فيا اوى

بس بجد رروعه تعبيراتك

تحياتى

احمد سكر

كيكى said...

مبدعة يابنتى والله

مصطفى الطيب said...

السلام عليكم ورحمه الله وبركاته
أعلم جيدا ان النسيان أمر صعب وفى بعض الاوقات مستحيل ولكن الحياة ستستمر رغما عنكى
فاتمنى من الله أن يرزقك خيرا منه فى الدنيا والاخرة
فلا تجعلى الحياة تضيع من تحت قدمك بالبكاء على اللبان المسكوب
وهناك مقوله عبقريه أعجبتنى وهى
ما منعك الاليعطيك
واحيكى على اسلوبك الجميل
والله الموفق

mo'men mohamed said...

الذكريات شىء جميل
ولكنها سلاح ذو حدين فاحذرى منها
فلو تمكنت منك قتلتك
جزاكم الله كل خير
السلام عليكم

MONDAHESH said...

شرف ليا المرور بس علي كلماتك الرائعة

وازداد فخرا لتعليقي عليها


تحياتي لإبداعك

كاميليا said...

اى .. اى .. ثم اى

المرحلة دى انا عشتها
بكل اشواكها ونيرانها

ولكن فى يوما ما
ستقوى الارادة
ويولد العناد
وينشط التمرد
على الخروج من هذه الحالة

ان شاء الله


تمنياتى بقلب صافى
دوما بالحب دافى

حبنا احنا
وش بيغمز


كل الود

قلب ينبض لله said...

ينفع كدا يعني؟

كان لازم تحبيه اوي كدا اديكي مش عارفه تنسيه
وبعدين اصلا ازاي يسيبك ؟!!
عموما هو الخسران مش انتي:):):)

بوست جميل ياشوشو وكله احساس

blue-wave said...

تحفه يا شيماء انا بجد بقيت بسعد بزيارة المدونه الجميله دى
تحياتى تحياتى تحياتى سيدتى

عـــفـــراء said...

السلام عليكم
احساس دافن, مشاعر نقية توحي بالوجود كلام مميز وتعبير راقى
ولكن كيف التخلص؟!
بالدعاء الخالص لله وحدة كافى ان يخلصك من الحيرة المميتة الكامنة بداخلك
اللهم خفف عنك وحقق لكى ماتتمنى
تحياتى وتقديرى

princess dodo said...

اهٍ من أطلالك المستحيلة
النسيان ياعزيزتى
ما أصعبها
وما أجملها فى الوقت ذاته

.
.

لكنك لو شئتِ لاستطعتِ

.
.

اتمنى لكِ كل السعاده

.
.

دُمتِ رائعه
تحياتى

همسات دافئه said...

بطوووووووط

نورتنى ياباشا حمد لله على السلامه طبعا كل حاجه بتتنسى الزمن كفيل انه ينسى كل حاجه ده مجرد خواطر كتبتها فى وقت امتحانات وانت عارف كل الأحاسيس الى بتيجى سعتها:))
ربنا يوفقك ويسعدنى ويسعدك:))

************

روح شرقيه

اد ايه تعليقك جميل وعجبنى جدا:))
بس عقلانى اوى تفتكى لغه المشاعر تعرف اللغه الى اتكلمتى بيها ده؟
بس انتى عندك حق طبعا انا عن نفسى قد اصدرت القرار
سوف أحيا بعقلى
واترك القلب للورق
:)
اسعدنى وجودك اوى اوى اوى

************

ايمن
عزيزى
ايه رأيك أكيد لازم اقول حاجه جديده مش معقول هنتوقف عند ابو نواس:))
بس تصدق كان نفسى اعيش ايامهم واركب الهودج كده وحبيبى يجبلى ميه من البير
يالا ما علينا البيت الى انت قلته حلو اوى:))

همسات دافئه said...

ذئبى الغالى
:((
كده يامحمد ...انا بقيت بارده!!
لاء خالص محبستش نفسى ولا حاجه هى حاله كده بتيجى وبتروح ان شاء الله هتروح بسرعه اسعدنى وجودك يامحمد

********

سالى الغاليه

مرسى على رأيك اوى بجد بيضفلى كتير متتصوريش انا بحب المثل اد ايه ومؤمنه بيه جدا متخافيش انا لا ابكى عليه ولكنى احيانا ابكى حزنا على فتره وجوده ورحيله لا عليه هو
نورتينى

************

يونيك

ربنا يكرمك يارب اكيد انتى اروع:))اتمنى زيارتك تتكرر:)

ولــــــــــو said...

كعادتي دائما لما اجي عندك
مش الاقي تعليق يناسب الكلمات

تحفففففففففففففففففففة

نوره الخشن said...

طب اعمل فيكي ايه ها قوليلي
انا قولت هاجي الائيكي عملة بوست يخرجني من اللي انا فيه
لئيتك كملتي عليا

اهئ .. طبطبي عليا بئى عشان بعيط
وصفك يئهر وجايبة بيت شعر منيل بستين نيلة هما بتوع الجاهلي كده اطلالهم تبكي بجد

همسات دافئه said...

زمرده
أكيد مش هيستمر ان شاء الله كل حاجه بيكون ليها وقتها وبتخلص
وطبعا لازم نزرع فوق الأطلال ذكرى جديده وحب جديد
ربنا يسعدك ويسعدنى:))
تعليقك أجمل بجد

***********

أحمد سكر

انا اسفه انى تعبتك:(
ومرسى اوى على زيارتك وكلماتك أكيد بتضفلى كتير:))

***********

كيكى

ازيك ياجميله ربنا يخليكى دا من ذوقك بس اسعدنى وجودك جدا:))

همسات دافئه said...

مصطفى الطيب
:)مفيش حاجه مستحيله ياعزيزى واكررها لك لا ابكى على اللبن المسكوب ولكن احيانا يأتى الحزن لرحيله وفراقه بعد ان كان موجودا جانبا
اشكرك جدا على تعليقك الجميل دا وطبعا ما منعك الا ليعطيك
ربنا يعطينى ويعطيك ان شاء الله:))

**************

مؤمن محمد

لاء ان شاء الله مش هيبقى فى قتل ودم ورغم كل ده برده ذى ما انت قلت أكيد الذكرى شئ جميل:))

**************

مندهش

طب يعنى دلوقتى ايه الى مفروض يحصل لما انت تقول كده انا أقول ايه
ربنا يكرمك اوى بجد انا مش عرفه ارد على التعليق الفظيع ده
:$:$:$:$

همسات دافئه said...

كامليا
اهلا اهلا:))
طبعا بحبكم انتم جدا يابنتى احنا ملناش غير بعض
وحتما فى يوم ستقوى الإراده وهننسى كل الأشواك والآلام ومش هيكون فاضل عير ذكرى جميله بنبتسم واحنا بنفتكرها:))
اسعدنى تعليقك للغايه هقولك ليه بعدين:)

************

قلب ينبض لله

لاء بقى ما هو الا انتى مين دا الى انا حبيته اوى دا احنا دفنينه سوا:))
وطبعا هو الخسران هههه
مرسى ياقمر:))

************

بلو ويف

ومدونتى بتسعد بيك جدا جدا جدا
اشكرك اوى ربنا يخليك:)

همسات دافئه said...

عفراء
تصدقى بفرح بجد لما الاقى اسمك عندى
جميل تعليقك اوى اشكرك عليه بجد ربنا يتقبل دعاكى ويعدك ويسعدنى:))

************

برنسيس دودو

مرسيييييي ياجميله على كومنتك التحفه ده نورتينى بجد:))

************

ولو

حاتم باشا بذات نفسه ليك وحشه ياراجه:))
انت الى تعليقك تحففففففففه وبيسعدنى جدا جدا وبيخلينى كده فرحانه ومهيصه و مممممم حاجات كتير كده تانيه

**********

نوره

والله انا مكسوفه منك جدا مش عارفه اقولك ايه طب مش هقولك انها آخر مره لما اكتب بوست فرايحى هاجى اعزمك بنفسى ههههه
نورتينى ياقمر ومش تعيطى طبطبتى وصلت ولا لسه
أسعدنى وجودك جدا والله:)

Tamer Nabil said...

بوست مميز ياشيماء

وسرد رائع

تحياتى

كوارث said...

جميلة ومؤلمة جدًا هذهِ الكلمَات
فعلاً الحب أكبر من انه يتنسى بعدم الوقوف على الاطلال ولو لميت قرن قدام
بس بيتنسي
سينسحب من حياتك رويدًا رويدًا
فقط مارسي ذات الأشياء
اسلوبك جميل جدا والبوست معبر رغم اسره وفيه حكمة عجبتني !

كوارث said...

جميلة ومؤلمة جدًا هذهِ الكلمَات
فعلاً الحب أكبر من انه يتنسى بعدم الوقوف على الاطلال ولو لميت قرن قدام
بس بيتنسي
سينسحب من حياتك رويدًا رويدًا
فقط مارسي ذات الأشياء
اسلوبك جميل جدا والبوست معبر رغم اسره وفيه حكمة عجبتني !

Oma said...

يعني بيجري في دمك .........

لو عايزه ممكن تغيري دمك...بس هي مخاطره

اسلوبك تحفه ياجميله اوووي

نوره الخشن ــ آي و كفاية said...

يا انت لقد أكلني العذاب

يا انت لما تركتني للغياب

لما ابئى انزلها كامة ابئي تعالي جري عيطي انتي كمان ايه رأيك ماهو مايصحش لازم اردهالك

Wish I were a Butterfly ... said...

فقد أصبحت أنا لك طلل
حسيتها أوي دي

راااائع أسلوبك. بجد مش عارفة أقول أي تعليق عليه. بس رائع و تحفة و يجنن وكل الكلام دة
:)

تحياتي

.:.-=- ELGaZaLy-=-.:. said...

كيف اتخلص من القمر الذى انتظرناه حتى اكتمل شهراً
كيف اتخلص من قلبى الذى يضخ قبل الدم فى شرايينى عشقك
كيف اتخلص من هاتفى الذى سرى فيه دفء صوتك
----------------------------

اية دة يا شيماء...بتهرجى كدة

جامدة جداا يا بنتى...بجد

وحتت ضخ العشق دى رهيييييبة ..

اية يا بنتى ..دة

همسات دافئه said...

تامر

ربنا يكرمك يارب الأروع ان تقرا كلماتى والله شرفنى وجود جدا:))

*************

كوارث

:)طب ارد اقول ايه بعد كل الكلام ده مرسى اوى اتمنى اعرف رأيك على طول كله بيتنسى ياعزيزى:)

**************

اوما

ممممم
مفيش حل تانى يعنى!:)
حتى لو عيشى فى خطر احسنلك
نورتينى:)

همسات دافئه said...

نوره الجميله:))

طب خليكىانتى أحسن..بس ماشى ماشى هاجى اعيط عندك لما تنزليها
ربنا يسعدك ويسعدنى يابنتى وميجبش دموع ابدا يارب:))

************

فراشتى الرقيقه

كل ده ومش عارفه تقولى ايه:)طب كويس لحسن كنت قربت اعيط منك انتى الى تحفه وتجننى بس قوليلى
هو انا ليه مش بقيت عارفه افتح البلوج بتاعك؟

************

الغزالى

ايه يامحمد التشجيع الرهيب ده:))
ربنا يجبر بخاطرك أكيد حد ذيك لما يقولى كده لازمن وحتما ولابد آخد فى نفسى مقلب كبيير ومحدش يلومنى بقى
اسعدنى وجودك اوى ..بجد:)

saudi romantic said...

السلام عليكم

اعتذر عن الازعاج..ولكن اتشرف بتمريري الواجب اليك

شكراً سلفاً

الواجب

http://arabromantic.blogspot.com/2008/06/blog-post.html

أمل فتحى عزت said...

اسعدنى المرور بمدونتك وأتمنى لك التقدم والمزيد من الاهداف النبيلة


كما أدعوك لزيارة مدونتى والتى محتواها


تعالوا نسافر المسافات الى زمن من المحبة لاينتهى


كما أدعوك لقرأة قصتى


(بكل لغات العالم أحبك)

مدحت محمد said...

Oma said...
يعني بيجري في دمك .........

لو عايزه ممكن تغيري دمك...بس هي مخاطره

اسلوبك تحفه ياجميله اوووي

انا برضه بتفق معاها
جدا

مش ان اسلوبك تحفة وبس وتغيرى دمك

لا وتبيعى تليفونك كمان ههههههه

عارفة ياشيماء فى هذه الحالة بجد بيبقى النسيان صعب

حمامة said...

فخبرنى ماذا أفعل وكل ما حولى أضحى لحبك أطلالاً لا استطيع الخلاص منها

جميلة الجملة دى واخر جملة خالص
فقد اصبحت انا لك طلل

عندما نفقد من نحب نراه فى كل الوجوده وكل الأبتسامات وكل النظرات وكل اللمسات هذا هو الفراق بعد الحب عزيزتى

:)

Anonymous said...

السلام عليكم ورحمة الله وبركاته
من فريق حبا فى رسول الله نأسف لعدم الاستئذان ولكن وجب التنوين فبعد اذن صاحب المدونة نرجو التوجه لمدونة la3lahakhier_2 للمشاركة فى التطبيقات العلمية للحملة
جزاكم الله عن نبيكم كل الخير
مع دعائنا وشكرنا لصاحب المدونة
فريق حبا فى رسول الله

همسات دافئه said...

مدحت
ههههه وتليفونى كمان
مفيش حاجه صعبه كله بيخلص ويعدى مرسى ياباشا اوى نورتنى


**************

حمامه

مرسى اوى هذا هو الفراق بعد الحب:))
شكرا ياحمامتى الغاليه بيسعدنى تعليقك كتير:)

ادم المصرى said...

نكذب ولا نعرف ما نقول واذا عدا يوم ننسا ما قد قلنا يوم غد المؤمن يزنى نعم يسرق نعم يكذب لالالالا رواه الطبرانى معانى البوست بجد جميله اوى اوى تسلم الايادى

و القادم....أجمل said...

نراه في كل مكان
نتذكرة دوما
ندعو الله أن يمن علينا
بنعمة النسيان


دُمت ِ بود

:)

Psycho Hanem said...

إنه الحب الحقيقي
الحب الذي حينما تدق ساعة فراقه .... ونفارقه

يصبح فراقه حزن كلهيب الشمس يبخر الذكريات من القلب ليسمو بها إلى السماء فتجيبه العين بنثر مائها لتطفيء لهيب الذكريات .....

adel said...

راااااااااائعه
ادمعتنى

الله يسامحك بقى

نهى عادل