Saturday, July 14, 2007

أشياء تتحدث عن نفسها 1_الشمس_

بدونى الكون لن يكون أنا النور, أنا الأمل, أنا قاهره الظلام, ونبض الحياه, قوتى عظيمه تغرق الكون فى الدفء والضياء حتى الأعمى سيشعر بى وان لم يرانى والقمر ما أضاء يوما الا بسبب انعكاس ضوئى عليه ومع ذلك لم أجد من ينصفنى دائما تذكرون القمر, وجماله ,ونوره الذى يشق الظلام, يصفه الشعراء فى قصائدهم, والعشاق فى مغازلتهم يمدحه من سار ليلا ويقول انه هاديه تصبون عليه شكركم مع انى أنا أولى بهذا الشكر فهذا القمر يكسر حده الظلام بشعاع صغير قدر حجمه أما أنا فأكسر ظلام الليل كله وأحيله من ظلام قاتم بائس الى نهار سعيد ملئ بالأمل والضياء لا أخفى جزاء وأضىء آخر أمن أعطاكم شعاع صغير مدحتوه ومن أضاءت لكم الكون هجرتوها أمن هو ضعيف قاتم ينتظر نورى كل يوم شكرتوه ومن حطمت الظلام كله جحتوها تقولون ان القمر يسمح لكم بالنظر اليه والتأمل فيه يسمع شكواكم ويزيل همومكم وأنا أحرق كل من حاول النظر الىّ تبررون فعلكم أنه سمح لكم أن تدوس أقدامكم عليه وأنا لم أسمح حتى بالإقتراب منى مترا واحدا الى كل من ظلمنى لن أتخلى عن عملى ولن أبخل على العطاء حتى القمر سأعطيه شعاعى كلما اشتاق فما أفعل هذا انتظار شكرا منكم أو جزاء طالما تتفتح الأزهار فى وجودى وتدفأ الكائنات فى حضن شعاعى طالما عرف الأمل من تأمل شروقى وانتظرنى الخائف لأحميه فهذا يكفينى أنا لا أستر جبانا أو أخفى شيئا أنا ابين كل شىء على حقيقته بطوله وعرضه ولونه وارتفاعه ومساحته لا أكذب ولاأنافق واليوم لن يهمنى من تمدحون ومن تذمون

كلنا كالقمر له جانب مظلم ولكن من منا يستطع أن يكون كالشمس

36 comments:

Hamza matar said...

lol, well as arabs, the sun for as resumbles HOT SUMMERS. and wrincled eyes and sweating and bad smell from people in the microbusses. lol so we sing for the moon. but in france as the sun is really treating them nicly , not a song of theirs without singing the sun :)

J'ai quitté mon pays, j'ai quitté ma maison
Ma vie, ma triste vie se traîne sans raison
J'ai quitté mon soleil, j'ai quitté ma mer bleue

The Manager said...

ماشاء الله
اهنيكي للوصول للعالمية يا شيماء اولا

وبقى يجيلك ناس تعلق بالأنجليزى

ايوة يا عم :P

انا عن نفسي قمر طبعا :)
وكلنا قمامير برضه اعتقد

ممكن تلاقي حد شمس حقيقية بس قليل جدا

وحتى الشمس زي ما بتشع ضوء بتشع حرارة وممكن دة يكون سبب ان الناس مش حاسه بيها وبفضلها

ويمكن علشان هى شمس فضلها معروف وقوتها معروفة

لكن القمر ... قمر
غلبان ورومانسى وفى حاله
علشان كدة لازم نحبه ويصعب علينا

لأنه زينا :)

حلو الموضوع دة ومهما اكتب
ابقى عايز اكتب تانى

جزاكى الله عنى خيرا :))

وويلكم باك

ولــــــــــو said...

تدوينه اكتر من روعه
فعلا عودا احمد
الشمس بتدي كل حاجه وتظهر كل حاجه وووقتها هو وقت الجد والعمل والسعي
الشمس هى العطاء والجود والنور
الشمس هى الوضوح والصراحه والحقيقه
عشان كده مش فيه حد يقدر يكون الشمس
وللاسف هانكتفي بدور القمر فهو ما يناسب طبيعه البشر

mo'men mohamed said...

(( والشمس تجري لمستقر لها ذلك تقدير العزيز العليم ‏ ))

سبحان الله
قادر على كل شىء
أبدع فى خلقه و أحسن هيئتهم
جزاك الله كل خير
السلام عليكم

Shreef said...

الله يخرب بيت كدا بصراحة ايه الجمال ده عجبتني بجد اول مرة حد يتكلم على لسان الشمس و يبين قوتها فعلا و طبعا بما انها الشمس انثى فكانت قوية جدا في كلامها و اللي عجبتني اوي اخر جزء كلنا كالقمر له جانب مظلم ولكن من منا يستطع أن يكون كالشمس فعلا بعد كلامك ده مين يقدر يكون زي الشمس..بجد اهنيكي على الكلام الجميل ده..سلام

rack-yourminds said...

ديما الليل مقرون بسهر المحبين والمجروحين والمشتاقين فديما القمر معاهم بيحكوله عن حبايبهم ويشكوله الناس اللي جرحتهم ويبعتوا مع القمر رساله فيها حب وشوق للناس الي بعدوا عنهم, عشان كده كلنا بنحب القمر ونحكيله والشعراء كتبولنا عن جمال القمر وليه هما عشقينه, عشان كده يا ست شيماء بحب القمر واحب اسهر لياليه مهما كانت الشمس ليه فضل عليه.
هو انتي مسمعتيش اغنيه ام كلثوم ولا ايه؟ اللي بتقول فيها, يا حبيبي يلا نعيش في عيون الليل ونقول للشمس تعالي تعالي بعد سنه مش قبل سنه دي ليلة حب حلوه بالف ليله وليله ,شفتي بقي مش عاوزه الشمس تطلع خاااالص هههههه ,دي اغنيه الف ليلع وليله للعبقري مرسي جميل عزيز

همسات دافئه said...

am falling away
lool so funny
yes u r right it depends tax:)

*******************
سليم
هههههه
حلوه كلنا قمامير ده:)القمر غلبان ورومانسى زينا تعرف انك بتطلع من كلامى حاجات مكانتش فى دماغى وأنا بكتب
مرسى ياسليم قوى:))

***********************
ولو
فعلن صعب اننا نكون شمس ومقدمناش غير اننا نكون قمر تحياتى ليك:)

همسات دافئه said...

مؤمن
وعليكم السلام
وجزاك يارب خير الجزاء مرسى لمرورك كتير:)

********************
شريف
ايه الدخله ده خضتنى هههه الحمد لله انها عجبتك يارب ألأقيك عندى كتير:))

********************
واحد
على فكره متفهمنيش غلط أنا كمان بحب السهر وكلام القمر بس أنا حسيت ان الشمس مظلومه وحبيت أدافع عنها مرسى :))

gohayna said...

تجديد دايما بتفاجئ بكلامك وافكارك بصراحه

حاجه جميله جدا والله

او مره اسمع كلام الشمس وحديثها واقتنع بيه

وجميل جدا الفرق بين القمر والشمس

عن نفسي بعتقد ان قليل جدا من له صفات الشمس اما القمر فمكن يكون فيه ناس زيه
بجد تسلم ايدك يا جميله

موضوعك جديد نوفي

تحياتي

gohayna said...

تجديد دايما بتفاجئ بكلامك وافكارك بصراحه

حاجه جميله جدا والله

او مره اسمع كلام الشمس وحديثها واقتنع بيه

وجميل جدا الفرق بين القمر والشمس

عن نفسي بعتقد ان قليل جدا من له صفات الشمس اما القمر فمكن يكون فيه ناس زيه
بجد تسلم ايدك يا جميله

موضوعك جديد نوفي

تحياتي

mohand said...

السلام عليكم
ايه دا بقي من ورانا
ماشي يا ستي
-----------
انا القمر لا احرق جلودكم
انا من يسهر معكم وانتم تفكروا فيمن تحبون
انا من يضئ بونه الابيض الهادئ الذي يدل علي الصفاء
نعم انا استمد ضوء الشمس الحارق ولكن لاجعله نور هتدئ يسر العين
انا من يسهر وانتم نائمون يشعركم بالحارس الامين حولكم
ارايتي يا شمسي
انني لي فوائد كثيره ايضا

ولعلمك لا تستطيعين ان تمتنعي عن امدادئي بضوئك
لقد خلقك اللله هكذا ولن تستطيعي التراجع عن مصيرك
اليس كذلك؟
;)
تحياتي


حمدلله علي سلامتك
رجوع احمد وحميد

سندباد said...

حلوة المقارنة حلوة الكلمات
حلوة الفكرة حلو الاحساس
والاجمل قوة الشخصية اللي عبر عنها البوست عنك
بس اسمحيلي بما اني سندباد صاحب الفكرة المتواضعة مازلت اعشق القمر لانه الانيس الوحيد الصادق الذي يقف بجانبي كلما احتاج اليه في الليل الطويل الملئ بالارق والسهر والتفكير
تحياتي

شمعة أمـــــل said...

اولا حمد لله على السلامه
بجد سبتى فراغ فى المدونه
ثانيا البوست هايل وعوده رائعه
ربنا يوفقك

The Manager said...

طيب هاتى ربع جنية بقى

علشان الفايدة إللى بتقع منى فى المدونات كدة وانا مش واخد بالي ...



حد ينزل موضوع جامد زى دة فى اول الشهر العربي
ومفيش قمر فى السما خالص :D

one true thing said...

بجد مش عارفه أرد أقولك ايه
بس حسيت معاكي الحاله أوي
يابنتي بجد أسلوبك بسيط ورقيق وقوي
عاجبني أوي الفكره الشمس وهى تتحدث عن نفسها
بس بصي مهما كان القمر جميل عمرنا مانقدر أنا ننسى جمال الشمس
من غير الشمس فعلان مكانش في قمر
عاجبني أوي الشمس وهي بتتكلم عن نفسها ثقتها حتى لو الناس ظلمتها ومااخدتش بالها من جمالها وهي باقية
طول ماأقدره ترسم دف وحنان وسعاده في وجودها
معنى جميل أإوي ياريت نتعلموا من الشمس
اني طول مأنا اقدر اعطي هعطي علشان انا عاوز اعطي مش لاني مستني شكر
(إنا نعطمكم لوجه الله لانريد جزاء ولا شكور)م
معني جميل لو كلنا عيشنا بيه
تحياتي يافندم
موضوع جميل

همسات دافئه said...

جيجى

ربنا يخليكى ليا يارب مرسى قوى لكلامك الحلو ده
تحياتى:))

**************************

مهند

لن أستطع حضرتك بتهددنى وبعدين ايه الحركات ده أكتب أنا ايه دلوقتى فى الجزء التانى
بس تصدق.... حلوه قوى
انا استمد ضوء الشمس الحارق ولكن لاجعله نور هتدئ يسر العين
جامده ياباشا تسلملى
:))
************************

سندباد

أهلا أهلا
انا مقولتش انى مش بحب القمر بالعكس هو أقربلى من الشمس لأنه ذى مقلت شبهنا أنا بس حسيت ان الشمس مظلومه معانا
مرسى شرفتنى:)

همسات دافئه said...

angle_bero
الله يسلمك مرسى قوى على ذوقك ربنا يخليكى:)

********************
سليم

طب انت واخدها تهريج الفايده بتاعتك ده لو استغلتها هاتعمل مشروع هايل هههه
بما ان مفيش قمر اليومين دول فالشمس خدتها فرصه عشان يمكن عايزه تتكلم من غير ما حد يرد عليها
يالا كل سنه وانت طيب على أول الشهر
:)

************************
وان ترو سنج
كل الكلام صح جدا المتعه فى العطاء مش فى الأخد أو الجزاء
تحياتى ومرسى كتير:))

ياسر سليم said...

كلنا كالقمر له جانب مظلم ولكن من منا يستطع أن يكون كالشمس


ده سؤال !؟

أنا شايف ان الإنسان لو حط فى دماغه الموضوع ..

يعنى انه ما يبقاش ليه جانب مظلم هيقدر

الإنسان ممكن يغير من نفسه ويوصل لدرجه الكمال

على مر السنوات

ويبقى كالشمس

Hamza matar said...

well i agree, going 2 the movies alone is bnoring but i was escaping all my friends that night, any ways thx 4 visiting, c ya

الطائر الحزين said...

والله كنت لسه بقول لناس
الشمس دى مظلومة بقى الناس عمالة تمدح فى القمر وان نورة ما هو الا مدد من الشمس
ده كلام!!!!!!!!!

والقمر قدرناه منازل حتى عاد كالعرجون القديم

همسات دافئه said...

ياسر
ياريت حد يقدر بس أنا شايفه ان طبيعه الإنسان مش هتقدر توصل للكمال بس طبعا لازم نحاول
أشكرك على زيارتك وكلامك:)

**********************
am falling away
:))
wellcome

*********************
الطائر الحزين
لاء طبعا دا مش كلام دا تهريج مش لازم نسكت أبدا هههههه
مرسى موت على زيارتك ياريت تتكرر
:))

.:.-=- ELGaZaLy-=-.:. said...

حلوة يا شيماء وعجبتنى اوى الفكرة بجد جميلة اوى...

أحمد سلامــة said...

كلنا كالقمر له جانب مظلم ولكن من منا يستطع أن يكون كالشمس
-----------------------

تسلم ايدك
بجد عجبتني الفكرة قوي
فعلا
من منا يستطيع ان يكون كالشمس

صاحب البوابــة said...

جميلة كما كنت اتمنى

صياغة رائعة واسلوب اروع في التعبير

تحياتي

Hamza matar said...

hey why dont u sign upo for adscene with this number of visitors 2 ya site u will make good money monthely,, open my page u'll find the link, sign up and add htmls to ur page w ed3eely :D

www.whiskeypuzzler.blogspot.com

الراقـــص مع الذئـــــاب said...

السلام عليكم
ايه الفلسفة الجميلة ديه يا شيماء
جميل اوي حديث الشمس عن نفسها
وجميل اوي الخاتمة الجميلة في اخر سطر

كلنا كالقمر له جانب مظلم ولكن من منا يستطع أن يكون كالشمس

ومش هعلق دلوقتي وهدافع عن القمر غير لما اشوف القمر علي لسانك هيقول ايه؟؟

عشان القمر مزكر والشمس مؤنثة....طبعاً
:)

مرة تاينة خاطرة جميلة واستمري في هذه السلسلة اللي هنتظرها كل اجازة كل اسبوع

دمتي في خير اختي الكريمة

همسات دافئه said...

الغزالى
مرسى قوى يارافع معنوياتى دايما كده تسلملى:)

*********************
أحمد

تسلم ياباشا
للأسف محدش

*********************
صاحب البوابه

أشكرك أخى العزيز دا من ذوقك بس:)

*********************
am falling away

thx so much i like this & i'll try 2 do it if i have proplem i'll ask
really thx so much

*********************
الراقص مع الذئاب

أهلا يامحمد نورتنى والله قوى قوى قوى
مرسى على كلامك وتشجيعك يارب أقدر أحافظ عليه
وحكايه القمر ده فى دماغى بس هاحاول ان شاء الله
هاستناك كل أسبوع:))

3abdo me7tas said...

إيه الجمال ده بس يا بنتى
دا انا هعيط منك والله
بصراحة كلام مقنع جدا مع انه ليه هدف
يعنى انتى المفروض بتتكلمى عن موضوع تانى خالص غير الشمس والقمر بس كل ده تشبيه يعنى
بجد مفيش حد كامل الا الله عز وجل
جزاك الله كل خير وربنا يكرمك

رينـــــــــــا said...

بصى بئا ياستى
انتى عندك حق يا شمس وكل حاجة
بس انتى الصراحه بتبقى حر اوى فى الصيف عاااااااااااااااااااااااا
اى نعم بدفينا فى الشتا
بس القمر بئا صيف شتا بيعيشنا جو جميل
ورقيق
انا الصراحه مش بحبك اوى
بس كلامك انهاردة خلانى ارجع فى كلامى

تحياتى ليكى يا جميله
لا مش الشمس
انتى يا واحدة من الناس
بوست بجد مختلف :D

عروس البحر said...

البوست رائع

همسات دافئه said...

محمد
مرسى ربنا يخليك من غير عياط بس:)طبعا مفيش حد كامل بس دا ميمنعش اننا لازم نسعى للكمال
شكرا:)

**********************
رينا
ايه الرقه الى انتى فيها ده ربنا يخليكى على ذوقك مرسى ياقمر:))

**********************
عروس البحر
وتعليقك أروع مرسى قوى نورتينى:)

medo serag said...

جميل الكلام
بس القمر اجمل
الشمس ليها فوائد
بس القمر اكتر
الشمس مش هتسهر معانا
مش هنحكيلها عن اللى جوانا
مش هتفكر معانا فيمن نحب
مع ان الحب اجمل شئ فى الدنيا
وبالنسبه للشعاع اللى بتيه للقمر متقدرش تمنعه لان ربنا خلقها كده
ولا ......... ايه !!!!!!!!!؟
تحياتى

medo serag said...

ايووووووووووووووه
نسيت
والنبى قوليلها تخفض درجة حرارتها احسن هنتحرق ههههه
مش كده برضه ولا انااااااا ؟
البوست جميل والله
تحياتى

همسات دافئه said...

ميدو
هههههه
تصدق انا من ساعت ما كتبت البوست ده والقمر واخد على خاطره منى مش عارفه خالص اتكلم بلسانه ولا أخليه يدافع عن نفسه عماله أصالح فيهوهوتقلان عليه آخر حاجه
مش هاقول أكتر من الى الشمس قالته
تحياتى الشديده جدا:)

medo serag said...

السلام عليكم
اولا : القمر ميقدرش ياخد على خاطره منك
ان كان هو منور طريقنا وبنحكيله عن اللى جوانا
انتى منوره المدونات كلها ومواضيعك بتنور عقولنا وبتفكرنا بحاجات كتير كنا هننساها
ثانيا : زى ما قدرتى تكتبى عن الشمس اكيد هتكتبى عن القمر
وكلام جميل اوى كمان

ومتخافيش ياستى هصالحكم والله

تحياتى الشديده جدا جدا جدا

رئيس جمهوريه نفسى said...

انه علم الفلك بطريقه ادبيه راقيه وجذابه والحكمه الى فى اواخر البوست روعه بجد