خبر قريته وعايزه أعرف رأيكم
عازف بيانو اسمه دانيل بارينوم يهودى اسرئيلى
لم يكتفى بادانه سياسه بلاده واعتبرته الحكومه معادى للساميه ومنعته من ممارسه عمله فى اسرائيل فتحداها وأقام حفلاته للفلسطنين برام الله وهو اليوم يعيش فى برلين وأنشأ ورشه عمل موسيقيه سماها الديوان بالتعاون مع ادوارد سعيد تضم تلاميذ عرب ويهود وألمان وكون فرقته التى تحيي الحفلات فى عواصم العالم
**************
بصرف النظر عن هويه الراجل ده وجنسيته وديانته. اعتبروه واحد من أهل بلدكم
هاتشفوه صح ؟هل الولاء والإنتماء هو انك تمشى تبع بلدك بصرف النظر عن الى بتعمله ولا انك تمشى مع الصح الى انت شايفه ومقتنع بيه حتى لو كان ضد بلدك؟
هل ينفع انك تطرد من بلدك وتعيش بلا هويه عشان تعمل الى انت شايفه صح؟
ولا انك تصبر وتسكت وتمشى مع التيار
التيار الى انت عمرك ما اختارت تمشى فيه
ولا ايه؟
15 comments:
بيتهيألي ان الأبيض بيبان مختلف جدا عن الاسود
والراجل ده بعيدا عن الانتماء حتى مقدرش يختر الاسود حتى ولو كان من بلده
غير انه طرد مش هو اللي اختار الرحيل من بلده
يعي هو مجرد ثائر على وضع خاطىء في بلده وليست فكرة البلد ذاتها
ازيك يا همسات
يا رب تكوني بخير
اما بقي عن رأيي
فمن وجهة نظري يعني اني مخضعش لرؤية البلد و لا الحكومه و لا الريس
طالما كنت بحاول اعمل حاجه مفيده و صح و عايز اغير من واقع زفت عايشينه
يبقي اكمل سكتي و مشواري حتي لو سبت البلد اللي مش عايزه اي تغيير
تحياتي
كل سنة وانتى طيبة يا همسات بمناسبة عيد الحب
وانا مش بقبل اى حد إسرائيلي بغض النظر عن انه قابل لبلده أو رافضها
أرق تحياتي ريال لف
مستنياكي في حفلة عيد الحب عندى وتعليقك انا نزلتها
.......................
ريال لف
السلام عليكم
ولا ايه
في كتير اوي مش بس في اسرائيل بياخدوا مواقف عدائية من المواقف السياسية وكثير من عاش مهجورا في بلدة من اجل مبدا وفكرة وعندما خرج منها اختلفت معه كل الاوضاع ولكنه يبقي اخيرا انه يحمل الجنسية الاسرائلية مهما اختلف مع سياسة الدولة
النهادرة بالصدفة عرفت إن كان فيه في جيش هتلر مسلمين
وهو كان بيجتمع بمفتي القدس وقتها وكان بيسلم على مسلمين كتير
تقريباً لأن هدف الاتنين إنهم بيكرهوا اليهود لكن مش كل اليهود وحشين كدة أو قتلة
هتلر مفهمش ده
تحياتي
طبعا انك تمشى مع الصح الى انت شايفه ومقتنع بيه حتى لو كان ضد بلدك ...
بس برضه التوقيت مهم ... يعني ممكن أأجل رأيي أو موقفي لفترة معينة لحد ما ابقى قادر على تحمل تبعات قراري ده ...
أحمد
هو مش ثائر ذى اى ثائر بس انت عندك حقك
****************
برويد
أهلا
انا كويسه الحمد لله
ووجهت نظرك انا محترماها جدا بس مش اى يقدر يعمل كده:(
مرسى على رأيك قوى:)
ريال لوف
وانتى طيبه ياقمر
بس انتى بتعممى اوى مش ذنب الناس انها اتولدت لقت نفسها تبع دين معين او فى بلد معينه الذنب هو الى بيحصل بعد كده دا رأيي وأشكرك على مشاركتك ودعوتك:)
****************
مهند
وعليكم السلام
أفادكم الله لاء بجد بجد استفد جدا من رأى حضرتك يعنى مش عارفه الحقيقه من غيرك كنت هاعمل ايه مكانش ليه لزوم التعب دا كله
يالا مردودالك ان شاء الله شكرا:)
سندباد
صح هاتفضل الجنسيه ملازماه وهايفضل فى اى بلد يروحها يبقى أجنبى وعمره ما هايحس انها من حقه بيتعاقب على جريمه من غير ما يرتكبها يااما يستسلم ويمشى مع التيار:((
أشكرك على مشاركتك قوى
*************
الأستاذ
ربنا يكرمك انا معاك جدا جدا جدا
وأكبر دليل على كلامك الراجل الى انا حكيت عنه ده جزاك الله خيرا:)
************
محمد
مش عارفه انا اقدر اعمل كده ولا لاء بس اكيد لازم يكون لها تخطيط كتير مرسى على رأيك أكيد افادنى:)
ازيك يا همسات
انا عارف اني متأخر اليومين دول بس شويه تظبيطات
ادعيلي
انا باشوف ان الموضوع مش محتاج
اي انسان عنده اقل درجه من العقل والضمير بعيدا عن العنصريه لازم يتخذ موقف الراجل ده
كونه موجود ف وسط مجتمع عنصري لا يقبل باي اعتراضات ده اللي خلاه يظهر بمظهر المختلف
اما موضوع الانتماء فده بيكون للمكان اوالافكار او الاتجاهات مش للاشخاص او
الشخص ممكن يكون من اشد المعارضين لسياسه بلده لكنه مش بيحارب ويخرب البلد دي لكنه بيحارب الاشخاص المسئولين عن السبب
اتمنى تكوني فهمتيني
السلام عليكم
ههههههههههههههههههههههههههههههههههههههههههههههههههههههههههههههههههههههههههههههههههههه
يا بنتي انتي مش في اخر الموضوع كاتبه اختيارات عديده
وفي اخرها ولا ايه من ضمن الاختيارات
انا اخترت ولا ايه
ولو
الشخص ممكن يكون من اشد المعارضين لسياسه بلده لكنه مش بيحارب ويخرب البلد دي لكنه بيحارب الاشخاص المسئولين عن السبب
____________
أيون هى ده الى كنت عايزه حد يقولها شكرا ياحاتم على وجودك قوى كنت محتاجه تعليقك عجبنى بجد وفهمته
وربنا معاك ويسعدك ان شاء الله:)
******************
مهند
أحسنت الإختيار ياعزيزى:)
للاسف بالرغم من ان معظم الافراد مش راضيه عن تصرفات حكوماتهم وان فى معارضين هنلاقى نوعين الاول بيحارب الحكومه بتدمير البلد نفسها ودة مش بيصلح حاجه دة بيضر اكتر ما بيفيد
والتانى مقتنع ان الكحومه غلط ولازم يكون فى رد فعل بس بيأجله لاجل غير مسمى نظرا لان كل واحد مشغول فى اكل عيشه وهيعمل ايه لبكرة وبيقول لما حد عاقل يتصرف هنبقى معاه واهو احنا مستنيين حد عاقل ومدرك يتصرفلنا كلنا
اما موضوع الاسرائيلى فاسمحيلى يا شيمو انه مهما اعترض ومهما قال هيفضل برضو اسرائيلى ومش هيغير حاجه
وهتلاقى يهود وميسحيين ومسلمين وناس من كل الاديان بتعترض بس عملنا ايه بالاعتراض والشجب وكل دة
ولا حاجه هيفضل كل يوم ناس تموت وناس تتقتل لحد ماربنا يقوينا ونرجع امه مسلمه واحدة ونرجع حقنا بايدنا
أن أن أأأأأأأأأأأأأأن
فية شُبهِة تحريض و فتنة طائفية و تشجيع علي الهجرة :D
الواحد بيحتاج يتمرد عن وضع سيء
بس فية اوضاع مينفعش التعايش معاها
يعني مثلا مينفعش لو قالولوا حارب و محاربش انو يفضل هناك
لو جينا في مصر سواء انتي قصدك مصر او مقصدكيش لاني شايفة وجهة تقارب
اينعم المعظم بيرتشي بس اللي مبيرتشيش ممكن يعيش فيها و الحمد لله
اينعم الشباب ماشي مع البنات بس الشباب الملتزم و البنات الملتزمة لاقيين لنفسهم مكان
اينعم القهر موجود بس فية ناس بتحاول تفلفص و فية امل تفلفص في ظل القهر
انا مش مع البلد و مش مع الهجرة منها
بس في حالة البيانست هناك فرق
و دمتم سالمين
سلاموزة
Post a Comment