فى المدرسه
اكتبوا فوق السطر
العبوا فوق السطوح
جاوبوا بصوت عالى
ارفع ايدك لو عايز تقول رأيك
خلى طيرتك أعلى طياره
****
فى الجامعه
اوعوا تمشوا فى المظهرات
اوعوا تعلوا صوتكم على حد مسئول
اسمعوا الكلام وانتم ساكتين
امشوا جنب الحيط مش عايزين مشاكل
****
بقينا بنكتب بالحبر السرى,مشينا جنب الحيطه لحد ما اتخرمت وبقينا وراها,دفنا الطياره فى الرمل وبقينا نلعب فى الجراج
ده خطأ فى التربيه؟
ولا جبن مننا؟
ولا جبن من أهلنا؟
ولا الدنيا هى الى اتغيرت؟
الدنيا الى كانت زمان ملكنا بسماها وارضها والى كنا عايزينه كنا متأكدين اننا هنوصله رغم ان حجمنا كان صغير اوى
دلوقتى حتى اوضه النوم بتعتنا بنحسها وسعه علينا اوى
28 comments:
خطأ فى التربيه
والدنيا اتغيرت
ذى ما قالوا ان القطه لما تقولها بس هتمشى دلوقتى القطط بتقولك بس انت
وقالوا ان الكلاب بتخوفهم ولا عمرى شوفت قطه جريت من كلب
وقالوا النمل مبيطلعش فى الشتا وبشوفه فى عز البرد
حتى الحيوانات اتغيرت!!!
كل عام وانت بخير والى الله اقرب
بس هما بيحولوا يربونا زى مهما اتربوا فاكرين اللى كده صح ثم انهم بيعملوا كده من مبدا التربيه الصح والخوف علينا من اى حاجه وحشه
مش بيقولك مفيش اغلى من الضته
بس هومن الباب ده لاغير
السلام عليكم ورحمه الله
كل سنه وانتى با الف خير يارب
والسنه الجايه فى عرفات قولى امين
السلام عليكم
كل عام وانتي بخير اختي الكريمة
تقبل الله منا ومنك
دوام الحال من المحال يا شيماء
وسعات كتير بنحتاج لحجات احنا مخدنهاش في المدرسة او اتربينا عليها
ودي بقي وظيفتنا في الحياة
موضوع رقيق ورائع وديما بتثبتي نظرتك المختلفة في كل موضوع ليكي
دمتي في خير اختي الكريمة
طيب كل سنة وانتى طيبة الأول
وإن شاء الله يكون اجمل عيد عليكي ويوفقك دايما فى كل حاجة
حلوة قوي فكرتك :)
بس دة طبيعي جدا برضه
لو بسيطي للموضوع بشمولية اكتر هتلاقي ان هي هي برضه
احنا طول عمرنا عندنا حدود معينة (سياسية مثلا ) دة احد الحدود دي
واحنا صغيرين مكناش بيخطر على بالنا نروح للحدود دي فأحلامنا كانت مناسبة للمتاح لينا .. فالدنيا كانت حلوة
إللى لما كبر بقي عايز يتخطي الحدود دي ,جاله احساس انه محبوس وبدأ يسمع الكلام بتاع خليك جنب الحيط والكلام دة
ومش شرط تكون كل الحدود دي غلط
لا لا
فى كتير من الحدود المفروضة علينا فى مكانها المظبوظ
وطبيعي يكون فى حدود
مفيش حرية مطلقة فى اى حاجة
دي وجهة نظري
وكل سنة وانتى طيبة :)
السلام عليكم ورحمة الله وبركاته
بوست متميز من قلم راقى
سعدت بتواجدى فى مدونتك وبين أحرفك
تقبلى تقديرى واحترامى
أخوك
محمد
السلام عليكم
كل سنه وانتي طيبة
دا اولا
ثانيا
العيب فينا
مش في الزمن
عيبنا اننا بنسمع الكلام في الوقت اللي مفروض منسمعش الكلام
والعكس بيحصل
تحياتي
أولا كل سنه وانتي طيبه
احيانا بيكون لينا تحفظات علي كلام الوالدين ..,لكن هما عشان بيحبونا كتير وعاوزين مصلحتنا دايما ينصحونا ويقولو لنا اعملو ده ومتعملوش ده
عشان كده يا بنتي بقولك اسمعي كلام والديكي لانهم في معظم الاحوال بحكم خبراتهم بيكونواعلي صح
فين عديتي بقي هههههههه
تحياتي وسلامي
كل سنة وانتي طيبة وعيد سعيد باذن الله
كل حاجة من حولينا بتتغير حتي احنا كمان بنتغير هي دي سنة الحياة هي دي الطبيعة البشرية
كل سنه وانتي طيبه دا اولا
ثانيا مع تقدم العمر والمسؤليات الاعتبارات بتتغير
بس مش معنى كده اننا ندفن الطياره
لااااااااااااااااااااا
كل سنه وانتي طيبة
انا من رأيي انه خطأ في التربية
لان نظام امشي جنب الحيط مينفعش
امشي في مكانك الطبيعي واحترم نفسك
كده تحس انك محترم وتقدر تحاول وتقدر تحقق اللي انت عايزه
ولاء
وانتى طيبه ياجميله
الى انتى قولتيه ده تفسير منطقى جدا جدا هم فعلا بيحاولوا يربونا ذى ما اتربوا بس مش بيرضوا يفهموا ان فى حاجات كتير اتغيرت ولازم طريقه التربيه تتغير معاها للأسف الشديد
أشكرك نورتينى:)
****************
رينا
وانتى طيبه
آمين آمين آمين يااااااارب انا وانتى وكل المسلمين ان شاء الله:)
مرسى يارينا
************
محمد باشا
ذئبى الغالى وعليكم السلام وكل سنه وانت طيب:)
يعنى انت جبتلى اختيار غرهم كلهم اننا نسيب كل الى اتعلمناه ونتعمل بالى الدنيا علمتهولنا يمكن دا يكون حل فعلاَ
سليم
يعنى احنا واحنا صغيرين مكانتش أحلامنا كبيره ولا حاجه؟
يمكن صح احنا دايما بنحب نعدى الحدود بس صدقنى والله فى حدود محطوطه ملهاش اى اساس من الصحه ده الى لازم نكسرها
أشكرك ياسليم اوى على تعليقك اللطيف ده كل سنه وانت طيب:)
*************
أخويا محمد الجرجانى
كل سنه وانت طيب وبجد كلامك أحرجنى ربنا بخليك واعرف رأيك على طول كده أسعدنى وجودك:))
مهند
وعليكم السلام
وانت طيب
يمكن هى ده الإجابه الى ريحتنى او حستها اقرب حاجه فعلا
***********
راك يور ميندز
لاء لاء مش دايما هم الى صح واحنا الى غلط هو دا الى جايبنا لورا
ومش هاديك عديه ها
سندباد
وانت طيب ياعزيزى هى الدنيا بتتغير صح بس للأسف فى ناس ثابته مبتتغيرش
مرسى يا سندباد
************
اسكندرانى اوى
وانت طيب:)
بس سعات هم الى بيدفنوها مش احنا :(
************
زحل الفلكى
وانت طيب:)
كلامك صح المفروض دا هو الى يحصل
بس سعات مبيحصلش:(
عزيزتى
مش لازم صوتنا يكون عالى قوى المهم نتكلم منسكتش ومع الوقت صوت واطى مع صوت واطى هيكون صوت عالى
فهمانى
سلام
كل مدونة وانا طيب
دايما باقول كدة لنفسي لما اصادف حاجة حلوة كدة
فيها فكرة
ومشاعر
وحاجات كتير
بالمناسبة كل سنة وانتي طيبة
واتمنى تشرفيني
همسات
اولا أنا بشكرك على زيارتك الرقيقة عندى
ثانيا أبدى اعجابى بمدونتك الرقيقة مثلك
ثالثا كل سنة وانتى طيبة
رابعا بقى فأكيد احنا جبنا واهلنا جبناء برده
يمكن زمان كنا صغيرين مندفعين لسة فى بداية الحياة ومنطلقين لكن من كتر كلامهم لينا وتحذيرنا لا اراديا مننا بقينا زيهم وخوفهم اتنقل لنا
تحياتى
احساسى لسه حى
فهماك
بس المصيبه ان احنا مبقاش طلعلنا صوت لا واطى ولا عالى ياريت ياسيدى حتى يتسمح لينا اننا نهمس
أشكرك جدا :)
***********
مصطفى
دا انا الى أهنى نفسى بوجودك متتصورش البلوج بتاعك عجبنى اد ايه وانت طيب:)
***********
أميره ويلز
انا الى بشكرك وكل سنه وانتى طيبه:)
يمكن تفسير منطقى جدا وبصراحه انا شايفاها خطأ فى التربيه أشكرك واتمنى أعرف رأيك على طول:)
السلام عليكم ورحمة الله وبركاته
............................
الجزء الى كتباه اول تعليق جميل اوى ليه مضفتهوش للبوست ؟
على العموم البوست فوكيرته حلوة لكن مش كله خطأ تربية ولا الدنيا اتغيرت
احنا من جوانا كمان اتغيرنا
والظروف اتغيرت
الحاجة الوحيدة الى مش بتتغير هو الريس احم احم قصدى ال... ما علينا بقى :D
على العموم احنا نحاول تربى نفسينا على الى احنا شيفينه صح ونربى ولدنا على الى هما واحنا نجتمع على انه صح ..فهمة منى حاجة ؟ ههههههه
على العموم تحياتى ليك وان شاء الله مش اول واخر زيارة اكيد هصدعك تانى
تخياتى
كل سنه وانتى طيبه ويارب يكون عيد سعيد عليكى
ده غلط فى التربيه بتقتل الراى ومبتخهليش حد يعبر عن نفسه ولا بتخلى حد يتكلم تربيه قائيمه على الخوف والقهر الا ماندر
يااااااااه صدقينى السؤال ده انا سألته لنفسى كتير بس ملقتلوش اجابه
يعنى هو ممكن يكون خوف من الاهل علينا زياده عن اللزوم
جزاكى الله خيرا على البوست الجميل ده
بسم الله
دة جبن وجهل من اهلنا
تحياتى
جبتى المفيد
دة اللى بيحصل فعلا
تحياتى ليكى بسنة جديدة سعيدة
يوسف المصرى
وعليكم السلام ورحمه الله وبركاته
ههههههه
أشكرك على مرورك اللطيف اولا ويمكن دا السبب فعلن وفهمت الحمد لله
**********
رئيس جمهريه نفسى
وانت طيب:)
صح معاك جداااا أشكرك
***********
فدا الإسلام
يعنى برضه ملقتلهوش اجابه:(
طيب يمكن اجابتك تكون صح بس انا شايفاها برضه تربيه خاطئه
***********
نو تشانس
ماشى
أشكرك على اجابتك أكيد صح واكيد فى حاجات تانيه
**********
مروه الزراع
كل سنه وانتى طيبه ياجميله:)
وياريت تكررى زيارتك كتير
السلام عليكم
عوامل متشابكة تصوغ علي واقعنا ذلك الظلام
خطأ في التربية وجبن وانعدام شخصية الجيل وتفاهة الاهتمامات وحاجات كتيير
وربنا يعافينا كلنا
تحياتي
السلام عليكم
كل سنة و إنتي طيبة يا شيماء
و ان شاء الله السنة الجاية نكون
جميعا علي عرفات
====================
بالنسبة للموضوع
انا مش عارفه الصراحه
حاسة انه خوف شديد علي الابناء
بيخافوا لتاخدهم السياسة
و كلنا عارفين
ما يتبعه من نتائج
الام اللي ربت
و الاب اللي شقي
متهيألي معذورين
لما يخافوا علي ولادهم
انا من رأيي ان التربية تكون بحيادية
و اعتدال
و ترك الابناء اختيار طريقهم للحياة
مع الملاحظة و التوجيه
دا الصراحه وجهة نظري
:)
دمتي بخير
ربنا يحفظك
:)
Post a Comment