Tuesday, July 22, 2008

تصفيفه ابنتى

هرولت طفلتى بخطواتها المعوجه قابضه بكفها على فرشاه الشعر وباليد الأخرى ممسكه بشريطه ورديه اللون يتوج رأسها الصغير بعض الخصلات المتناثره كبدايه لشعر اسود يناسب عيونها التى أخذت رسمتها منى ولونها من ابيها وترتدى هذا اللفستان القصير المنقوش عليه فراشه كبيره تحمل نفس لون الشريطه التى تحملها.أتعجب كثيرا كيف تأخد ابنتى أدق تفاصيل حياتى واذواقى فى اختيار الألوان . وصلت أخيراً فراشتى الصغيره بعد مشوار وعناء الى الكرسى الذى اجلس عليه وارتمت تلتقط انفاسها بعد ان اسندت رأسها على قدمى فوضعت ابر التريكو جانباً وحملتها وأجلستها على قدمى وأمطرتها تقبيلاً وضماً فكم هو رائع ان ترى نفسك فى شئ ضئيل وبرئ هكذا رفعت عيناها متوسله: "ممكن تسرحيلى شعرى وتحطيلى الشريطه ده فى النص هنا" وأشارت بكفها الصغير على خصلات شعرها الرقيقه فضحكت فى داخلى مسترجعه صورى فى ألبومى عندما كنت فى عمرها فقد كانت تصفيفتى المفضله كيف عرفت !! يبدو انها حقا انيقه كأمها أمسكت بالفرشاه والشريطه وبدأت امارس مهنتى المفضله فهتفت قبل ان تستقر فى حضنى احكيلى حدوته وبدأعقلى يقلب فى الحكايات القديمه سأحكى لها سنووايت فكم انا عاشقه لهذه الشخصيه ولم امل حتى اليوم من مشاهده رسومها المتحركه سأجعلها تلعب معها بالحمامات وتمرح معها وسط الورود الحمراء ستنتظر معها كثيرا هذا الفارس الذى سيعيد اليها حياتها بعد قبلته الساحره ويأخذها بجانبه على عربته المزينه بكل انواع الورود التى تعشقها لا لا سأحكى لها سندرلا فقد اندمجت فيها حتى اننى استطيع ان اجزم انى أحسست بيده التى تقبض على يدى بقوه وتنزعنى من اميرات الحفل سأجعلها تشعر بيده التى ستلتف بقوه حول خصرها وعينيه التى تغوص حتى ترتوى من عينها سأجعلها تفزع عندما تعلن الساعه الملعونه ان الليل قد انتصف وعليها الرحيل فلتنتظر هذا الذى سيفتش عنها ويتفرغ لعمليه بحث تفوق ضباط المخابرات الأمريكيه للبحث عن قدمها ...أقصد عنها لا لا سأحكى لها الأميره النائمه لا بل الأميره ذات الشعر الطويل
نظرت الىّ وانا غارقه فى ترددى نظره حزينه حمقاء وقالت
انتى ليه مش حكتيلى الحدوته

فأخذت نفسا عميقا وأخرجت معه كل الألم والحزن الذى أحمله ثم قلت لها بجديه لم ترها منى من قبل مش هحكيلك حواديت لأن الحواديت كدابه كلها وانا مش هكدب عليكى من النهارده هحكيلك حقايق صادقه اسمعى حكايتى انا
وانا قدك كنت بحلم اكون فنانه
وأرسم بيت وسط جنينه كبيره
بخطوطى أدى لكل بنوته فستان شيكوأعملها تسريحه جميله
أخليها تعد على دكه وسط الجنينه
تستنى فارس على ركبته يقف قدامها
يديها ورده لون فستانهاويخدها بين ايديه ويرقص معاها
على مزيكا بعزفها من بره اللوحه
ولما كبرت بصيت للوحتى بمراره ورمتها
اأصلى اكتشفت ان الفستان داب
والأشجار دبلت
وأوتار العزف اتقطعت
والفارس لسه مجاش
عرفت يومها ان زمن الفوارس انتهى
معدش فيه فارس بيلاقى اميرته ولا أميره بتستنى فارسها
ثم أعدت تصفيف شعرها من جديد وجدتنى اقسمه ثلاثه أقسام وأبدأ فى غزل ضفيرتها الصغيره
صدقينى ياطفلتى الحبيبه فقد خدعونى قديماً ولن أخدعك مثلهم فتحت دولابى وارتديت احلى فستان عندى ووضعت كل الشرائط الأنيقه وانتظرت كثيرااا فما أتى عدت الى رواياتى ومزقتها علىّ أجده بينهم فما خرج يكذبون جميعا فصدينى انا زمن الفوارس والأميرات انتهى فلا تكررى خطئى

اكملت الضفيره جانبا وأخبرتها ان ما فعلته فى شعرها هى التصفيفه التى تناسبها فنزلت من على قدمى فى استسلام وانحنت تلتقط ضفيرتها وبخطوات متثاقله دخلت حجرتها لابد انها الآن حزينه فقد حرمتها حتى من الحلم الذى حلمته ولكنه أفضل لها من أن تستيقظ على كابوس مزعج ربما تكون ضفيرتى قاسيه ولكن الأيام والدرس الذى ستتعلمه ان غرقت فى بحر انتظار فارس رحال تحتضنه الأساطير سيكون أشد قسوه
نسيت باب حجرتها نصف مغلق فتسللت خلسه واسترقت النظر اليها كنت فى حاجه لرؤيه تأثير كلامى عليها فوجدتها امام مرآتها وبكل الضجر تمزق ضفيرتها وكأنى اسمعها وهى تهتف بغضب
سأحررك من أسر تلك اللعينه

لن أسمح لها ان تقيدك مره اخرى
فطر واستسلم لنسمات الهواء
الهو مع الفراشات وطفو على صفحه الماء
اجرى خلفى وشاركنى ضحكى ومرحى
فانطلق ياشَعْرى لقد حررتك من أسر الضفيره
ساصنع لك بيدى عقدا من الياسمين ازينك به
فانزل ستائرك على وجهى وكتفى
وتوجنى بخصلاتك المتناثره فى عبث متناغم
اعزفلى باوتارك لحنا يغازلنى
فانطلق ياشعرى لقد حررتك من اسر الضفيره
سأهبك للشمس كى تزيدك لمعانا
سأعطيك لحبات المطر فاشتعل صخبا وجنونا
سأسلمك للرياح فكن كالجواد بلا لجاما
فانطلق ياشعرى لقدحررتك من اسر الضفيره
فابتسمت داخلى وسعدت لأنها لم تسمع لنصيحتى فكثيرا ما نقول كلاماً ونتمنى ان يحدث غيره ثم فتحت الباب عليها بعنف فانكمشت فى مكانها وبدأت ملامح الخوف ترتسم على وجهها فدخلت بنظره ثاقبه وأمسكت فرشاتها بقوه و ....وضعت الشريطه فى المكان الذى ارادته نظرت الىّ نظره بابتسامه متردده فابتسمت لها وقبلتها بشده ثم خرجت وأغلقت الباب خلفى لأتركها
.
.
. تنتظره

61 comments:

سندباد said...

اولا اول مرة ابقي اول تعليق شرف ليا ثانيا اسف علي الغيااااااااب الطويل ثالثا وده الاهم كالعادة لا تنضب بنات افكارك وقادرة تبهري اي حديدخل المدونة بتاعتك ويقرا
ومش يقرا وبس لاء يقرا باستمتاع كمان دايما الفكرة جديدة ودايما الاسقاط اللي فيها بيكون رائع
تحياتي لبنات افكارك تحياتي الخالصة واسف مرة تانية علي الغياب

و القادم....أجمل said...

ايه الجمال دا
بجد وهممممية
أحلى حاجة تعيشي الحلم
و إنتي متأكده إنه صعب يتحقق

الله المستعان

==============

سيبك بأه ايه الجمال دا
لتاني مرة
:D

بنوته و شريطة و فستان
بجد سكرررررر أوي

القصة و الطريقة تحفةةةةة

ما شاء الله عليكي


عايزين تاني بأه

:)

ربنا يسعد أيامك و يوفقك دايما يارب

فى القلب said...

النص الأدبى فكرته جميله و جعلتى أتعايش معهم و كأنى أراهم
ولكن لما لا نعلم بناتنا الأناقه والحريه من غير أنتظار أحد لنفسها أناقتها تسعدها وحريتها تضيف لها ليس المهم وجوده الأهم وجودها سعيده بغير مؤثرات به وأومن غيره ستكون سعيده

وسلم قلمك الأدبى يا جميله

MONDAHESH said...

تجسيد رائع للخلاف الناشب دائما بين القلب والعقل

رائعة رائعة بجد عكست كل اللي جواكي بأسلوب نادر ومميز

واهم حاجة انها انتهت بأمل جديد ورفض الاستسلام للواقع

على فكرة بقيت اخاف اتكلم معاكي بإحباط علشان بيأثر فيكي جامد

خلينا في الأمل لأن من غيره مش هنقدر نكمل


تحياتي لإبداعك المتواصل واتمنى الاستمرار

.:.-=- ELGaZaLy-=-.:. said...

اية يا مبدعنا دة جميلة اوى يا شيماء النهاية والقصة والتسلسل الاسلوب كل حاجة فيها بجد...رهيبة تفوقتى على نفسك المرة دى

blue-wave said...

بجد حاجه تحير
ياترى تعلمهم الحلم اللى ممكن مايتحققش
ولا تحرمهم حتى منه؟
رأيى
حرام نحلمهم من الحلم مهما كانت الأسباب
تحياتى

maha said...

سلامعليكييا شيماء
هيييييييه فرحانه اوي ان البنوتة الصغيرة ثارت علي الحلم اللي كان هيموت قبل ما يتولد
كنت حاسة في بداية القصة بلهفتها علي انها تسرح شعرها و خطوتها السريعة و هي بتجري و صوتها هي بتقول "احكيلي حدوته "
بس بفكر ..هو الاحسن اننا نسيب اولادنا يكتشفوا ان الواقع مش مثالي و ان الواقع اصعب مما يتوقعوا ..لكن ساعتها هيصابوا بالاحباط والياس
و لا نسيبهم هما يواجوا الواقع لكن ساعتها ممكن يكرهونا لاننا قلنلهمش اللي هيقابلوا
اظن اننا نديهم المفتاح و نسيبهم يتحركوا بحذر اكتر
.............
ايه الكلام الكتير ده ؟؟
:)لكن مبسوطة جدا بالقصة جميلة اوي و فرحانه بعالمك الجميل و اول زيارة ليا في مدونتك :)
سلام
مها

حمامة said...

جميلة اوى
احنا اللى بنعلم اولادنا ازاى ميكونوش ازاى وازاى يكونوا احسن
وف الآخر بنفشل

جميلة بجد :)

همسات دافئه said...

سندباد

ازيك ياسندباد وحشنى تعليقك أوى وشرف ليا انا ان حد زيك يقرالى والله
ورأيك بيضفلى كتتتتتتتير اوى ياعزيزى وانا بجد الى بستمتع بوجودك فى مملكتى الصغيره ده:))

**************

ولاءءءءءءءءءء

أحلى حاجه أعيش الحلم آه
طيب ادينى عماله احلم من يوم متولد
مليش غيره دا مش اوبشن يعنى ههههه
ميرسى اوى على رأيك الجميل ده بجد بتسعدينى والصوره الى انتى حاطاها بموت فيها
انا بحبك:)

همسات دافئه said...

فى القلب

فكرت فى الموضوع ده كتير اوى
بس مش عارفه حاسه ان الواحد مينفعش يعيش لوحده لازم يعيش عشان خاطر حد
سمعتى نزار وهو بيقول
ارجع فبعدك لا عقد أعلقه
ولا لمست عطورى فى اوانيها
لمن جمالى لمن شالى الحريرا
ضفائرى منذ أعوام لمن أربيها
فما حياتى انا الم تكن فيها
:)
بس
نورتينى اوى واسعدنى تعليقك جدا:))


************

مندهش
على
هههههههههههه
واضح فعلا انك بقيت تخاف
دا انا معرفتكش ياعلى ههههه
لاء متخافش ولا حاجه انا الى ظروفى كانت متنيله وحصلى كام حاجه ورا بعضها كده ولقيتك قدامى رحت بخاهم فى وشك هههه
علق ذى ما انت عايز وبطرقتك رغم كل كلامك بحب اسلوبك فى التعليق:)
أشكرك بشده:)

همسات دافئه said...

الغزاااااااااالى

محمد باشا ربنا يخليك على التشجيع الجامد ده بفرح بتعليقك اوى لإنى متأكده انك مش بتعلق الا على الى يعجبك ميرسى اوييييي

***********

بلو ويف

انا برده قلت كده:))
متابعتك ليا بتضفلى اوى رغم انى مقصره معاك جداااا
أشكرك اوى ياعمرو:)

همسات دافئه said...

مها

دا انا الى فرحانه وطايره ان القصه عجبتك وزيارتك الجميله ده:)
انا بقول اننا نسبهم يكتشفوا لوحدهم يمكن يلاقوا الى احنا ملقنهوش او زمنهم يتغير او يمكن لما يكبروا يستمتعوا بذكرى كان فيها حلم جميل
مرسى اوى يامها نورتى مملكتى الصغيره ده:))

**********


حمامه

هههه
صح عندك حق
وهنفشل وهيحصل الى هم عايزينه
نورتينى ياأرق حمامه فى الدنيا:)

saragebaly said...

شيماء

قصتك جميلة اوي جسدتيها وكاني شيفاهم قدامي

بجد ماشاء الله عجبتني اوي اوي

وعجبني الكلام اللي البنوتة قالته للضفيرة

حتى لو كان زمن الفرسان انتهى فخليها تحلم ،، يعني لا حلم ولا واقع

ههههههه

عايزة اقولك كمان ان اسلوبك فيه تشويق حلو اوي وكمان خالي من الملل

تحياتي لكي ولقلمك المبدع

دمتي بكل الحب

سارة

كاميليا بهاء الدين said...

الله

جميل اوى اننا نرى طفولتنا فى بناتنا ,, نبثهم امنياتنا ,, نحذرهم مما لاقينا,, نتمنى ان يسيرو فى الريق الذى حلمنا به

القصة جميييييييييييييييله اوى

لمستنى اوى

دام قلمك المبدع

تحياتى

أحمد بكر said...

همسه
زمن الفرسان منتهاش بس هيا فين سندرلا
على فكره خيالك حلو اوى و فكره بسيطه و عميقه فى نفس الوقت تحياتى ليكى و على فكره انا كنت اهدتلك تاج يا ريت تجاوبى عليه الى فى البوست الابل الاخير عندى
هستناكى

(green eyes) said...

طبعا لازم تسيبيها تحلم مش يمكن الحلم بتاعها يتحقق ويكون حظها وقدرها احسن من قدرك !!!

موناليزا said...

الحمدلله ان ليها شخصيتها المستقلة لانها كان ممكن جدا تطلع معقدة

آه وكفى said...

ايه الروقان والابداع والجمال والاناقة اللي انتي فيهم دوول
عايل هايل هايل

رائع ان ترى نفسك فى شئ ضئيل وبرئ

معاكي حق تعبير جميل اوي رغم اني لسه مجربتوش بس هنشوف

اما بالنسبه للاناقة اللي ورثتها عنك فطبيعي ده صدقيني منغير متعرف ده فالجينات يا امي

انا بصحى من النوم اهرش في رجلي زي الجربانة .. اتضح ان ده بابا كان بيعمله رغم اني ماعشرتهوش ولا كنت اعرف بس جدتي هى اللي قالتلي

مش بيقولك اللي خلف مامتش

تحيــ لتسريحة شعركم ـــاتي

قلب ينبض لله said...

الله حلو أوي البوست دا

أنتي وصفتي كل حاجه بكلماتك وصف حي ودقيق
مشاعرك رقيقه أوي وجميله

وفكرة البوست حلو والأحلي منها خاتمة البوست آآآخر كلمة خالص

سلام ياشوشو:(

همسات دافئه said...

ساره
ههههه
على رأيك كفايه علينا الواقع
وانا الى أحب اقولك ان تعليقك من أجمل التعليقات الى جاتلى بجد أسعدنى جدا ويهمنى رأى واحده رقيقه زيك كده ميرسى اوى:))

**********

كاميليا

الله عليكى انتى ياجميله تعليقك بيضفلى اوى انتى الى مبدعه بجد:)
بفرح اوى برأيك جدا شكرا اوى:)

همسات دافئه said...

baker

ما هو مفيش سندلا ولا اميرها ولا الساحره الطيبه الى تعملها موكب يوصلهاله
كله مش موجود مش سندرلا بس ياعزيزى
ميرسى على التاج بس مش عارفه هاجاوبه امتى نورتنى كالعاده يابيكر:))

**********

صاحبه العيون الزرقاء

خلاص ما انا سبتها ربنا يوفقها بقى متزعليش نفسك انتى
وعلى فكره انا معنديش بنات ولا متجوزه أصلاً
أسعدنى وجودك انا وبنتى المستقبليه ان شاء الله:))

همسات دافئه said...

موناليزا

ههههه
لاء الحمد لله متعقدتش ولا حاجه الأم طلعت عاقله بس متخافيش انا لما اتجوز وأجيب بنوته مش هعملها ضفاير خالص:)
ميرسى اوى

*************

نوره
ههههه
ربنا يخليكى ياقمر
هو أكيد احساس رائع بس انا برده لسه مجربتوش وطبعا الجينات أكثر تأثيرا من اى حاجه تانيه:))
اسعدنى تعليقك ياجميله

*************

قلب ينبض لله
حبيبتى ازيك
زيارتك ليا هى الى حلوه اوى ميرسى جدا
لازم انهيها كده عشان اسيب امل تتشعلق فيه:)

أجـمــل قـلــب said...

انا اتشرف انى ادخل مدونة بالجمال ده فى الشكل والمضمون والكتابة وكل شىء

بصراحة حاجه روعة

بارك الله فى صاحبها

وباذن الله لن تكون الزيارة الاخيرة

مع تحياتى

http://a7lam-el7aya.blogspot.com/

كيكى عوووووو said...

عووووووووووووووووووووووووووو انا جيت اتخديتى
............................
الفكرة بجد جميلة اوووى وجواها مغزى كبير اووووووووووى وتسلسل مريح اووووى واد اية شدتينى بجد وانا بقراها
.......................
بس ياترى
هى هتنتظر
لحد
امتى
لحد
ماالعمر ما يعدى
وتكاتشف فى النهاية
ان الاحلام ملهاش لازمة
غير انها بتتعب صاحبها على الفاضى
امممممممممممممممممممممممممممممممممم
الانتظار القاتل
القاتل
والاحلاااااااام
مدمرة
مدمرة
...........................
تحياتى لى فكرك واسلوبك
واحساسك الى بيعبر عن حاجات كتير اووووووووووى
عوووووووووووووووووووووووو

همسات دافئه said...

واحد ميت

انا الى اتشرفت والله بوجودك دا اول واحد ميت يعلق عندى اتمنى مش تكون الأخيره يارب


************
كيكىىىىى

نورتى ياجميله
بس اعملها ايه بقى ما انا نصحتها ومسمعتش الكلام هههه
ربنا يقرب البعيد بقى
مرسى ياجميله:)

Unknown said...

شعر الأمومة جميل و أسمي شعور في الوجود
أسلوبك جميل و رشيق جدا

إنتظارات شاهقة said...

جميلة القصة جدا
وسردك ليها متميز
كمان الفكرة جميلة
فكرتينى بأغنية حنان ماضى امايا يا امى شدى الضفاير شديها يا امى عصبيها وعصبينى

وفكرتك واضحة احلامنا بين القيود


مبسوطةجدا بمرورى عندك

دام قلمك

MONDAHESH said...

اخبارك ايه ؟؟

ومختفية ليه كده ؟؟

مستني الجديد

بس بسرعة بقى



تحياتي

نور الدين (محمد الجيزاوى) said...

اهلا شيماء
كلماتك رائعة وفكرتك عبرتى عنها ببساطة لكنها موضوع شديد الصعوبة
والرائع انك صوغتى هذا فى قصة جمعتى فيها بين الرشاقة والوضوح
لك كل تحية
نور الدين محمود

سندباد said...

جيت اسلم واشوف في جديد ولا لاء
تحياتي

momken said...

يا عم يا عم
ايه الكلام الجميل ده

وبنوته صغنونه وحركات
واحلام وعماله تشتغلينا
ههههههههههه
بهزر
والصراع بين العواطف والمنطق جميل
افكارك حلوة اوى
وبتعجبنى جدا
بس بجد بوست جامد اوى وحلو اوى اوى

تسلم ايدك

تحياتى

الآء said...

اولا أسفه علي الغياب الطويل
لظروف بجد كانت خارجه عن أرادتي
اما ثانيا فالفكره رقيقه
والتصوير عميق
والقاري أكيد كمان بيعيش الحملم ع القصه

تحياتي ليكي ولقلمك

Wish I were a Butterfly ... said...

فظيييييييعة
:)
دي أول كلمة قلتهاأول ماخلصت قراية من غير ماأحس
بجد من غير مجاملات خاااالص دة ممكن يكون من أحلى الحاجات اللي قرأتها في المدونات من ساعة ماعرفتها

أسلوبك راقي أوي ماشاء الله
و طريقة الكتابة جديدةأوي
استمتعت بجد بكل كلمة قرأتها و حسيت كل كلمة وحسيتني سامعة صوت البنوتة وهي بتتكلم
وصفك لردودالافعال دقيق أوي
بجدبجد بحييكي جااااامد
أكتر حاجة حبيتها كان كلام البنت لضفيرتها... فضلت التحرر من كل القيود. بجد روعة
بس لقيتني بعددة كله محتارة أوي!! المفروض فعلا نشوف الدنيا من الشباك عادي من غير مانتخيل قوس قزح معاها؟؟

momken said...

انتى فين من زمان

ولا حد بيشوفك ولا بتسلمى على حد

طيب ربنا يكون فى عونك
بس روحى المنبر وردى على التعليقات الى على البوست بتاعك
علشان ننزل بوست قبل رمضان

تحياتى

مؤمنه said...

السلام عليكم ورحمة الله وبركاته
ان كنا لا لن نستطيع تحقيق الحلم فعلى الاقل لا تحرمونا من ان نحلم به لعل الايام تفاجئنا بتحقيقه ول\ولا الاحلام ما كان الواقع فالواقع بلا شك جزء من احلامنا
دومتى بخير
موضوع جميل اوى وخيال متسع وتصوير عميق ومفصل ومغزى سهل فهمه
وسعدت جدا بالمرور اول مرة واعدك ان لا تكون الاخيره
والسلام عليكم ورحمة الله وبركاته

Gihad N. Sohsah said...

كم انت محظوظة بصغيرتك هذه ... كم هي محظوظة بك
كم اتمنى ان ارى ابنتي الحبيبة حوراء-حور-
كم اتمنى ان احملها بين ذراعي واصفف لها شعرها
واحكي لها الحكايات
عن فارس ذهب وعاد
كم اتمنى ان تاخذ رسمة عينيها مني ولون عين ابيها ... كم ستكون عميقة عينيها ... كعيني طفلتك

وكلماتك

تحياتي لك


مري وانتقي حلما لك ولطفلتك
ولفارسك

Known as PHYSCO said...

الحمد لله بعد الغيبة الطويلة عنك لقيتك كاتبة فكرة من أجمل ما تكون .. حلوة يا مشمش

سندباد said...

انتي فين

حمامة said...

أين انتى

طمنينا عليكي :)

Saadya Arafat said...

جمييييييييييييل جدا البوست

واحساس وتعبير ولا اروع من كده

احيكى عليه

ومش هقول غير لو بطلنا نحلم نموت

تقبلى مرورى

تحياتى اليكى

:)

Rushdy Kamel said...

دائما نسعى ان لا نجعلهم يقعون في نفس خطأنا
ولكن ربما ننسى انه ربما ذلك هو الطبيعي

ولا أعتقد ان الامر سيتوقف عند حد الروايات والحواديت

تحياتي

momken said...

انا جاى اعيد عليكى واقولك كل سنه وانتى طيبه وبالف خير

تحياتى

ولــــــــــو said...

دلوقت انا فاتح بقى وباقول واااااااااااااااااااااو
فظيعه فظيعه
لا لا
عزيزة عزيزة هههههه

بجد ماشاء الله عجبتني اخر حاجة
كل سنه وانتي بالف خير

كيكى عوووووو said...

حبيبة قلبى بجد واحشنى مووووووووووووت
انتى فين مختفية لية
كل سنة وانتى دايما بخيررررررررررررررر
عوووووووووووووووووووووووووو

YHYيــوســف الـمصـرى said...

السلام عليكم ورحمة الله وبركاته
............................
بوست رائع :)
كل سنة وانت طيبة رمضان كريم
:)

همسات دافئه said...

عاليا
أكيد يالولو ومسؤليه برضه كبيره اوى تخيلى اما تبقى انتى مسؤله عن بناء حياه بنى آدم
ربنا يرزقنى انا وانتى الشعور ده ان شاء الله:)
ميرسى اوى على كلماتك

************

أحلام اليقظه

أسعدنى مرورك جدا ونورتى بلوجى والله
هى فعلا فيها من الأعنيه ده كتير
انا مبسوطه اكتر:)

**********

مندهش

ليت الأمر بيدى
شكرا على سؤالك
انا كمان اتمنى انى اكتب قريب

همسات دافئه said...

نور الدين

ربنا يخليك على كلامك الجميل ده أسعدنى ان القصه تكون عجبتك ومعناها يكون وصلك واتمنى زياراتك تتكرر:)

************

سندباد

ربنا يكرمك على سؤالك هاحاول ارجع اكتب تانى انا اتمنى انك تلاقى عندى جديد:)

***********

ممكن

زميلى العزيز
ايه ده ايه ده
حضرتك داخل تعاكس ولا ايه
هههههه
ميرسى ياممكن اوى على ذوقك وتشجيعك الدايم ده نورتنى ياغالى

همسات دافئه said...

ألاء

انا دلوقتى الى واجب عليا الإعتذار
نورتينى يالولو ورأيك دايما بيسعدنى والله
لازم نعيش الحلم...صح كده حتى وان ايقنا انه لن يتحقق:)

************

فراشتى الرقيقه

وده أحلى تعليق جالى من ساة ما كتبت
ربنا يخليكى يارب بجد سعدت بيكى جدا

**********
ممكن

معلش مشاغل
وبعيدن ...يالا بقى خلينا ساكتين
انا صابره عليك بس لحد آخر رمضان

همسات دافئه said...

مؤمنه

يعلم ربى كم ينشرح قلبى لرؤيه تعليقك
أعرف انى لم أعلق عندك يوما ولكنى حقا أرتاح حين اراك تعلقين
وكلامك جميل اوى كده انتى فهمتينى:))
يارب متكنش المره الأخيره فعلاً:))

************

صانعه الأحلام

الله ايه التعليق الجميل ده
اوعى تكونى صدقتى انها بنتى بجد..ياريت
ربنا يرزقنى ويرزقك
ونسبها تحلم ونحكلها حواديت:))
نورتينى

همسات دافئه said...

بيقولوا سايكو

طب الحمد لله
نورتى ان شاء الله تلاقى حاجه تانيه تستاهل انك تقريها

************

حمامه

انا موجوده اهو ربنا يخليكى على سؤالك مشاكل كده ورجعت تانى اهو:)

************

جوايا شئ نفسه يشوف النور

اولا انا الى احيكى على اخيار اسم المدونه
ثانيا ميرسى اوى على كلامك وتشجيعك ده اتمنى زيارتك تتكرر فلنترك أحلامنا تحلق بعيدا:))

همسات دافئه said...

بج كود

صح
برافو
هو دا الطبيعى
مهما حاولنا
ولكن هل نفهم نحن ذلك ام سنظل نفعل ما هو غير طبيعى!!
اسعدنى وجودك شكرا اوى:))

********

ممكن
وانت بألف خير يارب كل سنه وانت طيب ربنا يتقبل مننا جميعا يارب:)

**********

ولو

وانت طيب ياحاااااتم
ربنا يكرمك يارب
بلوجى بيفرح بوجودك اوى بجد
تسلملى ياحاتم:)

همسات دافئه said...

كيكييييييي

وانتى طيبه ياقمر
انا رجعت اهو ربنا ميحرمنيش من سؤالك ياغاليه:)

***********

يوسف

ماشاء الله
يوسف بحاله عندنا يامرحبا يامرحبا:))
وانت طيب ودايما بخير يارب:)

,.-~*'¨¯¨'*•~mr ,.-~*'¨¯¨'*•~monshed said...

بجد تشبيه اكثر من رائع وادبيا جميل جدا بجد هايل انا بشكرك جدا علي البوست الرائع
وكل سنه وانتى طيبة
ورمضان كريم

mohamed emera said...

السلام عليكم
حبيت اقول اولا كل سنه وانتى طيبه يااااارب
ورمضان كريم
وراجع اقرى البوست تانى
تقبلى تحياتى
اشوفك بين حروفك
سلااااااام

همسات دافئه said...

monshed
ميرسى يامنشد نورت البلوج ربنا يخليك
وانت طيب
رمضان كريم علينا كلنا يارب:))

************

محمد

وانت طيب:))
ربنا يتقبل مننا جميعا ان شاء الله
سيبك بقى من البوست ده
ابقى اقرا الى بعده
اسعدنى وجودك:)

Anonymous said...

تجسيد ...رائع لا يعقله ولا يتفهمه إلا صاحب الحس المرهف والذوق الرفيع

فـُتات مشاعِر said...

الواضح فعلا إن المدونات ستظهر إبداعات ومواهب ..قد طمستها أساليب التعليم في بلادنا



أنتي الأفضل دائما

المتبهدلون في الأرض said...

أديبة ...أديبة والنعمة
من يومك يا حسنات ...أقصد يا فتكات دافئة


"صورة واحد بيهزر ..طبعا

فارس بلا جواد said...

عجبتني الفكرة قوي
لكن شايف ان من حق الطفله انها تعيش احلامها حتي لو كانت الام خايفه عليها من الوهم .. لان ساعات الخوف علي الابناء من انهم يمروا بظروف قاسيه عاشها الاباء بيخليهم يخنقوا الاحلام في اطفالهم
اما بالنسبة للاسلوب الادبي فهو اكثر من رائع
احييك بشدة علي قلمك المميز
وكل عام وانتي بخير

همسات دافئه said...

زرزور
ربنا يخليك يارب ايه كل الكلام الحلو ده:)


***************

الى شايل همه

شكراً اوى ده حاجه على قدنا كده
مبسوطه انها عجبتك:)

همسات دافئه said...

زرابيح ابو الليل

ماشى ..ماشى
متشكرين يازرابيح
أختك فتكات

*************

فارس

طبعا لازم تعيش حتى لو صحيت على وهم ذى الى قبلها يمكن تيجى معاها هى ولو مجاتش مش معقول يعنى يبقى لا حلم ولا حقيقه:))
أسعدنى تعليقك للغايه بجد ميرسى اوى:)