Saturday, September 6, 2008

لغه الصمت

أصبح الصمت هو ابلغ اللغات بينهما حتى قل ان ترن فى بيتهم كلمة فهى تعرف جيدا عدد ذرات السكر فى فنجاله الصباحى وهو يعرف جيدا
عدد القطرات التى تفقدها يدها المرتعشه قبل ان يصل الفنجال اليه
. يعرف كيف تثيرها الجريده الملقاه على الأرض كل ورقه فى جهة وتعرف طريقته الغريبة فى القراءه لم يكف يوما عن طريقته كما لم تكف يوما عن تعبيراتها الغاضبة
. اعتادت صوت شخيره وأصبح النوم لا يأتيها الا على عزف منخاره واعتاد طريقتها الحمقاء وهى تسقى الورود التى يزرعها كلما أحست انها عطشى ولا تعرف ان لكل شئ قوانينه
تأقلمت على تشبثه بالريموت وقناه الجزيرة التى لا تتغير اعتادت عيناها على صور الحروب والدمار حتى انها اليوم ان ترك لها الريموت لن تأتى سوى بقناته المفضلة او لعلها نسيت ان هناك قنوات أخرى
. تأقلم على طريقتها الفاشلة فى صنع الباشامل أو لعله استطعمها أخيراً
. عجز كل منهما أن يفاجأ الآخر بهديه فكل منهما كان يعرف نوع الهدية ولونها وطريقة تقديمها
لم يكن ما بينهما يوما حب او عشق بل كان امتزاج,انصهار ذات باخرى كيان واحد يسرى فى جسدين انصهار يصنعه الزمن او ما يطلقون عليه العشرة. ولكن اليوم سيختلف بعض الشئ فهو يوم يأتى مره واحده فى العام انه عيد زواجهما ولا تذكر كم مر من الأعوام فما عادت الذاكره تحسب او تعى سوى هذا التاريخ الذى نقش على خلايا العقل مند بدء التكوين
. أصرت ان تصنع الترته بنفسها وبنفس المقادير التى وجدتها فى أحدث الكتب لأشهر الطاهيات.لعب نظرها الضعيف ويديها المرتعشتان دوراً بارزاً فى فشل الترته فكوب الدقيق اصبح كوبا ونصف والأربع بيضات سقطت منهم اثنتين خارج الإناء دون ان تعى ولكنها أصرت على استكمال مهمتها ووضعتها أخيرا فى الفرن لتنضج ثم هرولت الى الفريزر لتخفف من آثار الحروق
أخرجت الترته من الفرن وهى تبتسم ابتسامه أختفت معها عيناها وأبرزت بوضوح تلك الخطوط الحمقاء التى تلتف حولهما ثم بدأت فى تزينها بالشيكولاته التى يعشقانها.نقشت بها خطوطاً هلامية كان الهدف منها تكوين كلمه أحبك ربما يستطيع هو قرائتها فقد صار بينهما لغتاً لا يفقهاها سواهما
. وضعت الشمعتان الكبيرتان فوق الترته ووضعتها على المائدة وجلست امامها بعد ان أغلقت كل الأنوار وظلت تنتظره وترجوه أن يخرج من هذا البرواز الذهبى الذى دخل فيه منذ شهر ولم يخرج من وقتها
انتفضت من مكانها وجرت ناحيه حجرتها فقد نسيت ان تتعطر بعطره المفضل وتلبس اول خاتم أهداه لها ثم عادت وعاودت انتظاره ان يخرج من بروازه ويتحسس اناملها ويقبلها كعادته ويستمتع بطعامها
ظلت الشمعتان تحترقان
وتقصران
وتبكيان
وهى تقلب نظرها بين الشمعتان وبين البرواز لقد كانا يوماً مثلهما ينيران معاً ويتراقصان معاً فلماذا انطفأ هو قبلها امتزجت دموعها بدموع الشموع وهوت قطرات الشموع على الترته فتجمدت وخربت
وأغلق الستار على برواز يحتضنه صدر كف عن الحراك وبقايا شموع على ترته غير متزنه المقادير.انطفأ كل شئ وعم الظلام فحتما عندما يأتى موكب الرحيل....سيحملهما معاً

57 comments:

mohamed emera said...

السلام عليكم
اول تعليق :)
ابدعتى فى الكتابه بوست رائع
هذه هيا العشره انها انصهار كما قولتى

لم يكن ما بينهما يوما حب او عشق بل كان امتزاج,انصهار ذات باخرى كيان واحد يسرى فى جسدين انصهار يصنعه الزمن او ما يطلقون عليه العشرة
.
فاراهما شخصان تحققت فيهما معادله انسان الكلمه المثنى التى تحمل انس وانس وكيان واحد لكى يجتمعا معا فى كلمه انسان فاصبحا انسان واحد ولكنه الزمن تدخل وبقت الذكرى وما اجملها من ذكرى
بوست جميل وتعبيرات جميله
اشوفك بين حروفك
تحياتى وسلامى

قلب ينبض لله said...

شوشو أزيك ياقمر

ايه العودة القوية الجميله دي

انا أتفاجئت لما لائيته متوفي
بجد مفاجأة غير متوقعة
وزعلت أوي عليها

أد العشرة وبتخلي العمر والحياة جمال

مبدعة طول عمرك ياشوشو

Lobna Ahmed Nour said...

احساس رائع ومعنى رفيع

ابدعتي بحق .. تحياتي

Wish I were a Butterfly ... said...

سبحان الله لسة النهاردة كنت فاتحة البلوج بتاعك وقاعدة أبص عليه نفسي أقوللك وحشتيني بس حسيت إنه مش ينفع أقول كدة وزمانك كمان زهقتي إن كل شوية حد يقوللك فينك

بس عودة ببوست جميل أوي أوي :) و مليان أحاسيس جميلة كالعادة
تعبيرك عن العلاقة بينهم و معنى العشرة رااائع بجد، عجبني أوي كمان اختلطت دموعها بدموع الشمعة

أكيد لسة فيه وفاء كدة بجد في الدنيالحبيب أو عزيز مات.. حتى لو قليل

كلماتك بجد جميلةأوي أوي بتحببني فيكي أكتروأكتر :). تحياتي يا شيمو

.:.-=- ELGaZaLy-=-.:. said...

انتفضت من مكانها وجرت ناحيه حجرتها فقد نسيت ان تتعطر بعطره المفضل وتلبس اول خاتم أهداه لها ثم عادت وعاودت انتظاره ان يخرج من بروازه ويتحسس اناملها ويقبلها كعادته ويستمتع بطعامها
ظلت الشمعتان تحترقان
وتقصران
وتبكيان
وهى تقلب نظرها بين الشمعتان وبين البرواز لقد كانا يوماً مثلهما ينيران معاً ويتراقصان معاً فلماذا انطفأ هو قبلها امتزجت دموعها بدموع الشموع وهوت قطرات الشموع على الترته فتجمدت وخربت
وأغلق الستار على برواز يحتضنه صدر كف عن الحراك وبقايا شموع على ترته غير متزنه المقادير.انطفأ كل شئ وعم الظلام فحتما عندما يأتى موكب الرحيل....سيحملهما معاً
----------------------------

اية العمق دة...اصبحتى تجيدين العزف على اوتار المشاعر فتخرجين منها ابدع الالحان..حقيقة ..
ادمعتى عيننى وابهرتى عقلى..شيماء..ارفع لكى القبعة يا سيدتى العميقة

أحمد سلامــة said...

جميلة قوي قوي يا شيماء
بقالي كتير منفض للقراية في المدونات
رمضان وامتحانات
بس بجد ممتعة قوي
والنهاية صادمة كمان

تسلم ايدك

رمضان كريم عليكي
كل سنة وانتي طيبة

ADMIN said...

i liked so much u make me thinking about my love again

مدحت محمد said...

ازيك ياشيماء ايه اخبارك

كل سنة وانتى طيبة

ورمضان كريم

منى said...

انسان
رايت هنا بشر
لا ادرى ان كنت ابكى حزنا لفراقهما
ام سعاده لوجود تلك العلاقه وهذه القلوب
فكم من بشر نراهم ولا نحس بوجودهم
وكم من رحلوا وفى القلوب مسكنهمم
احسنتى صياغه المشاعر يا شيماء
تحياتى

maha said...

سلام عليكي ياشيماء
كل سنة انتي طيبه :)
هييييييييييييييييييييييييييه
اخيرابوست جديد
.....
جميلة اوي حياتهم سوا
بحب جدا لما اتنين يفهموا بعض اوي كده
يعرفوا كل واحد بيفكر في ايه منغير كلام
فرحت باصرارها رغم ضعفها انها تفرحه
و اتالمت اوي لما لاقيت انه حبيس ذكري و اطار صورة
و رفضها بانه سابها برغم عنه
بس هي متحملتش بعده
الحمد لله انهم دلوقتي سوا
..
برغم النهايةالمؤلمة بس انا فرحانه بيها لاني متحملتش اتخيلها تعيش لوحدها منغيره
جميلةجدااااااااااااااااااااا ياشيماء
:)
سلام يا صاحبة العالم الدافئ
مها

Rushdy Kamel said...

انها حالة فريد من الحب
كما قلتي انه امتزاج

وكانت امثلتك رائعة بحق

تحياتي

همسات دافئه said...

mohamed
وعليكم السلام:)
شرفتنى باول تعليق
أشكرك على كلماتك الطيفه وفهمك لما اقصد وربنا يرزقنا هذا الإمتزاج

**********

قلب ينبض لله

انا بخير الحمد لله ياأجمل قلب:)
ربنا يخليكى ليا يارب ويدوم تشجيعك ليا
العشره بتخلى العمر والحياه جمال وبتخليه واحد كمان
ميرسى ياحبيبت بلوج شوشو:)

همسات دافئه said...

uniqe

ربنا يكرمك يارب
ميرسى اوى نورتينى:)

*********

فراشتى الرقيقة

بيسعدنى مرورك عندى اوى وبفرح بتعليقك جدا
أحبك الله ياغاليه
انا كمان بحب كلماتك ورقتك اوى ميرسى جدا ووحشتينى انتى كمان بجد:))

همسات دافئه said...

الغزالى
سيدى الغالى
رزقنى الله واياك هذا الإمتزاج:)
ربنا يسعدك ذى ما بتسعدنى بتعليقك وتشجيعك وتترفعلك كده يارب قبعات البلد كلها:)
ربنا يخليك يامحمد بتضفلى كتير والله:)

***********

أحمد سلامه

حقيقه المدونات كلها مفتقداك
ميرسى على تعليقك اوى
ملقتش نهايه غير كده
وانت طيب ياعزيزى:)

همسات دافئه said...

شاب اسكندرانى
وهى لايكد يو ذى ما انت لايكد إت:))
أسعدنى أول مرور ليك عندى:)

***********

مدحت

انا كويسه الحمد لله:)
وانت طيب


***********

منى

وكم قد رحلواوفى القلب مسكنهم
الله
صح يامنى
لا تبكى حزنا لفراقهما هم اكيد سعدا عشان برضه مع بعض
أشكرك بجد على تعليقك الجميل اوى ده:)

همسات دافئه said...

مها

ازيك ياجميله:)
وانتى طيبه
ممكن اقولك انك بجد أكتر واحده فهمتى كلامى كل الناس زعلت لفراقهم بس انا وانتى فرحنا عشان هم لسه مع بعض ذى ما قلتى ربنا يسعدك ويرزقنى ويرزقك امتزاج ذى ده:)


*************


بج كود

شكراً اوى
هى حاله فريده آه بس بجد موجوده كتير
أسعدنى تعليقك ياعزيزى:)

بنت القسام said...

الصمت

*
*
*
*
بلغ الجمال بصمته ومزق حروف الضاد بهمسه وسكن في قلب الكلام فشع نورا


تحياتى
جيلاان

MONDAHESH said...

أبدعتي كالعادة وفاجئتيني بنهاية لم تستطع دموعي ان تصمد أمامها

تحياتي

just me said...

بجد التشبيه الاخير حلو بجد
عندما يخرج بصمته من البرواز
تحسى انها صوره مرئيه

إنتظارات شاهقة said...

جميل سردك شيماء

هو لم يمت عزيزتى تبقى ذكراة العطرة تملأ قلبها وروحها

يبقى اعتيادها على مفردات يومة يملأ عليها ساعات اليوم

اما عن علاقتهما التى لم تكن حبا او عشقا
العِشرة ايضا نوعا من الحب ربما يكون اقوى ...

دومت بخير

عايش... ولكن !!!! said...

حقيتى وصفك رائع
فهذا ما يسمونه العشره
وغلبا ما تكون اقوى من اى شىء
دمتى موفقه
علاء

ولــــــــــو said...

هو ينفع كل مرة اقل مش هالاقي درجة اعجاب اكتر من المرة دي اعجب بيها بالكلام الاقي المرة اللي بعدها يعجبني الكلام اكتر واكتر
البوست امرة دي تحفه بجد
كمان الكلمات فيها عمق ومعني كبير
حاجة تخليكي تعيشي مع الكلمات وتتصوريها بنفس الصورة اللي ابدعتي ف وصفها
تسلم ايدك بجد
كل مرة تفاجئينا بتدوينة ارق واحلى من اللي قبلها

كل سنة وانتي طيبة

YHYيــوســف الـمصـرى said...

رائع :)

تحياتى
:)

همسات دافئه said...

gelaan

ما اروع كلماتك أحلى من البوست بكتير بجد:)
أشكرك جدا نورتينى:)

***********


مندهش
على:)
ربنا يخليك ويديم تشجيعك ليا كالعاده:)

**********

مش لست ادرى .عايزه اسم تانى

ميرسى على اول زياره وسعيده ان فى حاجه عجبتك فى انتظارك دايما:)

همسات دافئه said...

أحلام اليقظه

صح كلامك هو حيا فى مفردات يومه ولكنه سجين البرواز
ربنا يخليكى على كلماتك الجميله:)

*************


عايش ولكن

أهلا نورت بلوجى وشكرا على تعليقك الجميل ده وفعلاً مفيش اقوى من العشره:)


***************

ولو

حاتم عزيزى:)
انا خلاص مش بقيت بعرف ارد عليك مش بعمل غير انى استنى تعليقك وافضل اقراه كل شويه
ربنا يخليك ياحاتم ميرسى على كلامك خالص:))

همسات دافئه said...

يوسف
:)أهلا بعد غياب
تعليقك هو الى رائع والله:)

الســـاحر said...

كل سنه وانتى طيبه
وانا بجد اسعدنى زيارتى لمدونتك الرائعه بجد
بجد انتى عندك طريقه سرد نتشد
وتوصل افكارك للقلب بجد
بجد موضوع هايل
وفى النهايه سلامى وربنا يوفقك
وتانى كل سنه وانتى طيبه

Anonymous said...

يا ألهى

جميل ذلك التكثيف الرائع لتراكمات من العواطف فى لحظة

قص ممتاز ولغة سلسة مرنة مؤدية

وصور بسيطة موحية

جميلة ورائعة

تحياتى الحارة

انت من مدينة نصر لذا فنحن جيران

بس بعد العيد ان شاء الله

اخوك عرفة فاروق

أحمد بكر said...

ازيك يا همسه و كل سنه و انتى طيبه بالعيد قولت اقولك اول واحد

بحبك يامصر said...

كل سنه وانتى طيبه

Hossam said...

ماشاء الله
بوست حلو اوى
واختيارك للصور اكتر من بسيط
تقبلى مرورى
سلام عليكم

همسات دافئه said...

الساحر
وانت طيب
اشكرك بجد على كلماتك الرقيقه ده بتمنى أشوف تعليقك دايماً
ربنا يخليك
وانت طيب تانى:)


**************

الأخ عرفه
جارى العزيز
أشكرك اوى على الكلام الكبير عليا ده:)
ربنا يخليك سعيده ان القصه عجبتك واتمنى اشوف تعليقاتك دايماً
أسعدنى مرورك:)أيها المحارب

همسات دافئه said...

بيكر

وانت طيب
انت فعلاً اول حد ربنا يخليك:)

************

بحبك يامصر

وانت طيب:)ميرسى اوى


**********

حسام

ميرسى ليك اوى
أسعدنى مرورك:)

محمد فاروق الشاذلى said...

يا الله
كم هو رائع أسلوبك فى السرد، لم أتخيل أنه مات كنت أظن أن القصة ستنحو نحواً آخر لكنك فاجئتنى وأبدعتى فى قصتك.
تقبلى تحياتى فى زيارتى الأولى

الازهرى said...

صديقتى العزيزة

عندما يصير الصمت هو اللغة المستخدمة بينهما وعندما يمتزجان ويصيران واحد فالموت والحياة لا يحدثان فارقا كبيرا لانه لا يعنى اكثر من تغيير للمكان

تحياتى كلمات جميلة وحضور قوى

كل سنة وانت طيبة

كـــيــــــــارا said...

الللللللللله فكرتيني بجدي وجدتي


بوست هاااااااايل

-----------

كل سنه وانتي طيبه

عيد سعيد عليكي

Anonymous said...

السلام عليكم

كل عام وانت بخير

أ / أحمد عبد المنعم said...

بسم الله الرحمن الرحيم
كل عام وأنت بخير
وكل زائرى مدونتك
وتقبل الله الصيام
والقيام
والزكاة
وجعله عيد يمن وبركة عليكم
وأدعوك لزيارة مدونتى " أمــــى "

romansy said...

كل سنه وانتى طيبه
عيد سعيد عليكى وعلى المسلمين جميعا
باليمن والخير والبركات

(احمد سكر ) said...

السلام عليكم

كل سنه وحضرتك طيبه

عيد سعيد عليكم يارب

احمد

الراقـــص مع الذئـــــاب said...

السلام عليكم
كل عام وأنت بخير وصحة وسلامة
وفي طاعة لله عز وجل

Anonymous said...

اللهم يا سامع النداء
ومجيب الدعاء
امنح قارئها راحة البال والخاطر
ونجه من المخاطر
وكن له ساتر
وبلغة الفطر مجبور الخاطر

عيد سعيد عليكم
وكل سنة وانتوا طيبيين
مستنى تهنائتكم بعيد ميلادى على المدونة

اول ايام عيد الفطر

فى القلب said...

رائعه رائعه وتمس شغاف القلب

هكذا الدنيا أشتعال أنصهار فناء

دمتى متألقه دافئه

Wish I were a Butterfly ... said...

كل سنة و انت طيبة يا شيماء

عيد سعيد

الراقـــص مع الذئـــــاب said...

السلام عليكم
بعد السلامات والتحيات يا صاحبة ادفئ همسات
انا قرات موضوع الاخ غزالي المتهكم علي مهند
انا للأسف كنت اقل حظ منه لأني مشفتش حاجة من المسلسل ولا تشرفت بمعرفة مهند عن قرب
لأني بصراحة مليش في الحجات ديه
طبعاً اغلب البنات والنساء مصابين برقة المشاعر ودي حاجة مش وحشة بس لو اتوظفت في مكانها هتبقي جميلة يا شيماء
انا لا بكره مهند ولا بحبه....انا اتكلمت عن موضة شغلت ناس كتير بدون فائدة تزكر
ومش معني ان المسلسل (نظيف) علي حد قولك دا يعطينا حق المشاهدة وضياع الاوقات من اجله...أو من أجل غيره

كل سنة وانتي طيبة
وربنا يرزقك بولد شبه مهند وهو صغير...بس لما يكبر يبقي راجل وميبقاش شبه مهند
عشان احنا محتاجين رجالة ....

همسات دافئه said...

قلب مصرى

أشكرك اوى على اول زياره وميرسى اوى على كلماتك المشجعه ده اتمنى دوام التواصل ان شاء الله:)

************

الأزهرى

الله على تعليقك لخصلى البوست كله
كل سنه وانت طيب:)


*************

كيارا

وانا كمان اتأثرت بجدى وجدتى اوى
وانتى طيبه ياجميله:)

همسات دافئه said...

مهند
ياااه انت أخيراظهرت
وانت طيب يامهند
يارب يكون عيد سعيد عليك ان شاء الله:)

***********

أحمد

وانت طيب ربنا يتقبل منى ومنك يارب:)
جزيت خيراً


*************

رومنسى

وانت طيب
ربنا يجازيك كل خير:)

همسات دافئه said...

أحمد سكر

ولنت طيب ربنا يخليك:)


**************

الراقص مع الذئاب

وانت بخير يارب
ربنا يتقبل منك يامحمد يارب:)

***************

المحارب المتيم

آمين يارب
كل سنه وانت طيب
يارب السنه ده كل ايامك عيد ان شاء الله:)

همسات دافئه said...

فى القلب

ياريت الدنيا تبقى كده:)
ده الدنيا الى انا بتمناها بجد:)

**********

فراشتى الرقيقه

وانتى طيبه ياقمر ويارب يكون سعيد علينا كلنا:)

************

الراقص مع الذئاب

طيب انا هاجى أرد عليك عندك عشان واضح انى معبرتش عن نفسى كويس:))

Hanan Said said...

بجد انا مش عارفه اقولك ايه والله
بجد بوست اكتر من رائع
ونهايته بجد صدمتني جداااا وخلتني ماقدرتش امسك دموعي
انا كنت عايشه شويه احساس الحب الي بقى يجري في الدم مع العشره ( حب العشره)
وشويه زعل على ان ممكن يجي وقت والحب يبقى مافهوش جديد ..
واحساسي وانتي بتوصفي عملها لتورته بجد كنت حاسه فيه باحساس جميل اوووي
لكن مع اول ماقلتي انه مستنيه خروجه من البرواز بجد اتصدمت
مش عارفه اقولك ايه
بس تسلم اديكي فعلا
وسوري بجد على تاخيري عليكي

حزيــــــــــــــــــن said...

روعة المفاجأه اوجدت العمق والدهشه
لى قصه مشابهه
--
تحياتى

Anonymous said...

شيماء

جارتى العزيزة

منذ فترة لم تغيرى هذه التدوينة

اتمنى أن يكون المانع خير

فى انتظار قلمك

تحياتى

Unknown said...

جميل اوى لما درجة الترابط بين اتنين توصل لانهم ما يحتاجوش للكلام

اسلوبك جميل فيها اوى

(green eyes) said...

بجد بجد حلوة جدااااااااااا
اسمحيلي فعلا اني احييكي
البداية متوحيش ابدا ان دي هتكون النهاية
رائعة.

همسات دافئه said...

حنان

ميرسى اوى اوى انتى الى تعليقك مليان احساس مش كتير لما الاقى حد يحس بكلامى زيك كده اشكرك اوى بجد:))


***********


حزين

أحمد الغالى
ربنا يكرمك يارب
وتعليقك اوجد المعنى لكلماتى:)


***************

المحارب المتيم

ميرسى على سؤالك المانع خير الحمد لله
بس قلمى مكتبش جديد
قريب ان شاء الله:)

همسات دافئه said...

عاليا

ده جميل اوى:)
لما يصمت كل شئ فتتحدث العيون والمشاعر:)
شكراً اوى على تعليقك اسعدنى :)


*************

العيون الخضراء

بجد انتى الى جميله اوى
اى صدمه تعالى علـ طول:)
ربنا يخليكى نورتينى:)

Abd El-Baky Hossam "Bedo" said...

ياااااااااااااه
أنا بقالى كتير أوىى مدخلتش على المدونات لأسباب قهرية
المهم البوست بتاعك ده فرحنى أوى وزعلنى أوى أوى
فرحنى لإنى مكنتش متخيل ان فى ناس لسه بتحس كده وبتخلص كده وبتوفى كده
وكمان لإن كامك فى البوست ده كان مؤثر أوى
ودايما اللى بيطلع من القلب بيوصل للقلب على طول
وزعلنى أوى لإنى ضيعت بوستات كتير مقريتهاش
أنا هقعد أقلب فى صفحات مدونتك ( ده بعد إذنك طبعا ) عشان استعيد اللى فاتنى
خالص تحياتى أهديها لكى
Bedo_Pasha