Thursday, June 4, 2009

شبح فى منتصف الليل

فى منطقة وسطى بين الصحيان والنوم ركدت انا,أحسست أن أشياءاً تحدث حولي ولا أدري هل أغمض عيني أكثر لأنه حلم أم أفتحهما أكثر لأنه حقيقة.استرحت للاحتمال الأول وشددت غطائي بشدة فتسرب ناحيتي أنفاسا أحسست بسخونتها على وجهي وبذبذباتها في أذني خشيت أن أتحرك ولم أجرؤ على فتح عيني لو كان لصا لقتلني فليسرق ما يسرق وليرحل عني.

كانت الأنفاس تقترب أكثر ولكني لم أشعر بالخوف فقد كانت مريحة بشكل أثار فضولي وكانت رائحتها تؤنس أنفاسي وتداعبها أخذت اتخيل ان كانت أنفاسي حمراء وتلك الأنفاس صفراء وتداخلا واندمجا كما يتداخلان الآن فحتما سيتصاعد اللون البرتقالي الذي أعشقه ويحوطني ويملأ حجرتي بعطره وبهجته أعجبتني الفكره حقا فابتسمت داخلي وأخذت نفسا عميقا عليًّ استنشق عطر امتزاج الأنفاس.

ترجعت الأنفاس قليلا فبدأت أشعر بالقلق وفجأة انقطعت وأحسست بشئ يصطدم بجبهتي فتزايد قلقي وأخذت قرارا بإزاحة الجفون عن عيني لإنهاء هذا الحلم أو مواجهة الحقيقة.

ربما كان قرارا متأخرا فعندما فتحت عيني وجدت شبحا يبتعد بخطوات عن سريري لم أتبين هيأته فقد كانت الحجرة مظلمة إلا من بصيص ضئيل تسرب إليها من النافذة زادت نبضات قلبى ووجدتني أصرخ

"مين"

فاستدار الشبح وبدأ يقترب مني وقال بصوت هامس

"صحيتك.. أنا أسفة"

سرى صوت أختي الصغيره داخلي فأبطأ دقات قلبي التي تسارعت وأدركت على الفور انها لم تكف بعد عن عاداتها في تقبيلي وأنا نائمة .ظلت واقفة أمامي صامته آآه لو استطعت أن اسلط كشافا الآن على عينها لأرى نظرة الندم والإعتذار التي يكحلها. قلت بمكر:

"في حاجة"

فجاوبتني بنبرة حزينة

"لأ...بس كنتي وحشاني"

اعطيتها ظهري واحنضنت وسادتي واستسلمت للنوم.

***

فتحت عيني مستجيبة لطرقات نور الصباح عليها واستعدت ما حدث فتحسست جبهتي بأناملي المتكاسلة لأتأكد من وجود قبلة أختى مكانها. انها تقبلني كثيرا ولكن لا أدري لماذا أتأثر بتلك القبلة تحديدا ربما لأني أشعر انها أصدق القبلات لأنها لا تبغي التعبير لي عن مشاعرها قدر ما تبغي ارضائها بالتنفيس عنها فهي القبلة الوحيده التي تسعدها حتى ولو لم أشعر انا بها

مررت على حجرتها فدفعني شوقي إلى إدارة مقبضها والدخول على أطراف أصابعي.

يقولون دوما أنها تشبهني سأعذرها إذن ان كنت بتلك الرقة والعذوبة وانا نائمة

اقتربت منها ووضعت قبلتي برفق على جبهتها وابتعدت فوجتها تفتح عيناها ببطء وتبتسم لي فقلت وغمزتي تسبقني

"صحيتك..تستاهلي ... واحدة بواحدة

18 comments:

قلب ينبض لله said...

لا لا مش معاكي خالص ياشوشو بئي أختك الصغيرة القمر الجميلة دي تقولي عليها شبح

ربنا يخليكوا لبعض ومايحرمكوش من بعض ابدا ابدا

وحشاني جدا

حمامة said...

:):)

عثولتين خالص

عجبتنى اوى دى


أخذت اتخيل ان كانت أنفاسي حمراء وتلك الأنفاس صفراء وتداخلا واندمجا كما يتداخلان الآن فحتما سيتصاعد اللون البرتقالي الذي أعشقه ويحوطني ويملأ حجرتي بعطره وبهجته أعجبتني الفكره حقا فابتسمت داخلي وأخذت نفسا عميقا عليًّ استنشق عطر امتزاج الأنفاس.


وحشتيني على فكرة

احبك ف الله :)

Sweet Violet said...

ربنا يخليكوا لبعض ويدوم المحبة بينكم ولا يحرمكوا من بعض

^_^

همسات دافئه said...

أحلى قلب
ويخليكي لينا يارب:):)
انتي كمان وحشاني كتير
ربنا يديم وجودك يارب:)


****************

حمامة

أيتها الرقيقة الشفافة
أحبك الله الذي أحببتني فيه
ربنا الى يعلم انا كمان بحبك اد ايه


*****************
sweet violet

آمين آمين آمين يارب
ويخليك:)

Wish I were a Butterfly ... said...

:)

جميلة أوي أوي بجد
أنا كمان عندي العادة الغريبة دي مش عارفة ليه:) بس محدش يعرف يعملها معايا لأني بصحى لو حد عدى على بعد 5 متر مني

كلماتك رقيقة أوي أوي:).ربنا يخليكوا دايما لبعض وتحبوا بعض أكتر ياشيمو

بعدين إيه مزيج الألوان دة؟؟جامدة
;)

حلم بيعافر said...

جميلة
بالتوفيق ف اللى جاى

3abdo me7tas said...

اولا ازيك يا افندم عاملة ايه
يا رب تكونى بخير
ثانيا انا عايز اعرف حاجه انتى عملتى زيها عشان تكون فعلا واحده بواحده ولا عشان هى فعلا وحشاكى

متألقة دايما يا شيماء
ربنا يكرمك يا رب

maha said...

سلام عليكي يا شيماء
الله جميلة اوي
ربنا يخليكوا لبعض
:)
سلام
مها

Unknown said...

بصراحة احساس حلو وجميل لما تلاقي حد بيحبك ويدور عليكي وانتي نايمة كمان ربنا يخليكو لبعض
حسيتها بانها قصة

حزيــــــــــــــــــن said...

عندما تتفرق كل منكم فى بيتها مع ابنائها سوف تدركى جيدا كم تساوى تلك القبله وتلك الايام

momken said...

ماشاء الله

كلامك دميل
وعلاقتكوا ماشاء الله روعه

ربنا ميحرمكوش من بعض

دائماً انتى رائعه


تحياتى

Rushdy Kamel said...

بوست جميل اوي
عجبني اسلوبك :)
جدااااااااا

ابو على said...

لا شىء معى سوا الكلمات ولكن مع كلمات كهذا لا التزم سوا الصمت
كلامتك رائعه بجد

همسات دافئه said...

فراشتي الرقيقة:)

ميرسي ياقمر ويخليكي لينا يارب واستمري فى الحركةده انا حبتها خلاص:)


***
محمد

أسعدني وجودك وتعليقك:)

همسات دافئه said...

عبدة محتاس

يااااااااولكوم يافندم انا تمام
حمدلله على السلامة
مممم
عشان هي فعلا وحشاني :$
ربنا يخليك يامحمد أسعدنيوجودك:)

****

مها

شكرا ياصديقة المدونة العزيزة
ربنا يخليكي يارب:)

همسات دافئه said...

بنبوني

أكيد احساس رائع
ربنا يرزقه لكل الناس يارب:)
ووجودك عندي برضة احساس أروع:)

****

حزين

لا تقلق
فقد ملأت لي من حنانها ما يكفيني اذا افترقنا:)

همسات دافئه said...

ممكن

أروع الله أيامك:)
وانت دايما بتشجعني وبستناك
ربنا يخليك يارب
شكرا جدا:)

****

بيج كود

فرحت بعودتك
جداااااااااااا:):)

همسات دافئه said...

أبو علي

أسعدتني بأول زياره
وبتعليقك الرقيق ده
أتمي دوام التواصل:)