لو الناس صدقتني لما أقولها
ان الدنيا بتلمم نايها المكسور من جوايا
و بتنفخ على عتبة قلبي الصاخب
ورقة كتشينة خسرانة بتتدارى من خبتها وسط الورق
وطيارة بحبل أبيض شنفها حبل غسيل فى ميدان عام
على مرأى ومسمع من السحب والشمس والعصافير
ودعوات الأمهات إلى في طريقها للسما
والأطفال إلي حضن تراب الشارع نسيج هدومها
عشان تبقى عبره لكل إلي يفكر
يعلن عصيانه على الأرض إلى بتشد لتحت
ويطيـــــــــــــر
****
وكمان بترص حسرة عقد فل كاره البياعة الساذجة
إلي قررت تتخلى عنه عشان نص جنية
جنب ورقة ظل غلبانة محدش فهمها إلا لما الشمس مصت خضارها
وولد شاعر لسه مقتنعش إن الناس كلها مش شعرا
وداير بالقصيدة على مفرش دنتيل يتحايل على كل صحابه يحسوها
****
لو يصدقوني لما اقولهم
إن الدنيا لساها مصرة تنور شمعتها جنب ستاير روحي البريئة
وبتستغرب أوي لنا أتنفض من لسعتها
ودموعي تنزل تطفيني
وكتير بتشيلني هموم مش ملكي
وتصب في عيني دموع متخلقتش ليها
****
يمكن سعتها بس مش هيستغربوا
لما أحط السماعات على وداني
واضغط عليها أوي
مع إني مش موصلاها بمحطة راديو
ولا ب إم بي ثري
بس جوايا أغاني كتير
وقعت في محطة مشوشة
واتمنعت تتذاع برايا
20 comments:
إن الدنيا لساها مصرة تنور شمعتها جنب ستاير روحي البريئة
وبتستغرب أوي لنا أتنفض من لسعتها
ودموعي تنزل تطفيني
وكتير بتشيلني هموم مش ملكي
وتصب في عيني دموع متخلقتش ليها
الله الله روعه بجد
كلامك جميل وبيملى الدماغ
تسلم ايدك
تحياتى
ممكن:)
بجد انا مش عارفة اقولك ايه
انا سعيدة بوجودك جدا
شكرا اوي على ذوقك وتشجيعك:)
كتير بتشيلني هموم مش ملكيوتصب في عيني دموع متخلقتش ليها
يمكن سعتها بس مش هيستغربوالما أحط السماعات على ودانيواضغط عليها أويمع إني مش موصلاها بمحطة راديوولا ب إم بي ثريبس جوايا أغاني كتيروقعت في محطة مشوشةواتمنعت تتذاع برايا
ويمكن دى احلى خاطره قرتها لغايه وقتنا هذا
بتمنالك السعاده والابتعاد عن الصخب ويارب ينعم علينا كلنا بالهدوء
اخوكى ف الاسلام على
بس جوايا أغاني كتير
وقعت في محطة مشوشة
واتمنعت تتذاع برايا
****************
متهيلى دة حال جيل!!!
مش عارفة اقولك قد ايه الجمله دى أثرت فيا
الله علبكي
بجد تحفة فنية
انا اتفاعلت معاها جدا
على فكرة انا بحط السماعات على وداني برضه منغير ماشغل حاجة
علشان مسمعش الضجيج اللي حوالي
لكن مبينفعش
بوست رائع
وبعدين في لسع الشمع دة
مش كفاية واحنا صغيرين كانوا بيلسعونا بيها
كمان لما نكبر
:))
هي الدنيا كدا
هتلاقي فيها كتير إللى عايش وبيتعامل مع اللى حواليه على انهم نسخ منه بيفرحوا ويحزنوا معاه
كلنا هذا الرجل
بس الحل إيه !!!
ممكن السماعات
وممكن التعايش بقي وخلاص
ونخبط في الدنيا وتخبط فيينا
:))
بس
أبو علي
شكرا جداا
أسعدني تعليقي بجد:)
********
كيكي
ربنا يخليكي ياصحبتي:)
انا حاسة بكدة فعلا برضه
شكرا اوي:)
متشائمة بعض الشيء
في افكارك
سماعات الاذن
هو هروب من العالم الى الداخل
حيث الأمان
و لكننا نحتاج أن نسمع الآخرين حتى يسمعوننا
تحياتي
لا جدال و لا نقاش علي احساسك يا همسات
والله زمان
تحياتي
لو يصدقوني لما اقولهم إن الدنيا لساها مصرة تنور شمعتها جنب ستاير روحي البريئةوبتستغرب أوي لما أتنفض من لسعتهاودموعي تنزل تطفينيوكتير بتشيلني هموم مش ملكيوتصب في عيني دموع متخلقتش ليها
بجد مش لاقى تعليق يعبر عن روعة احساسك بالكلمات
تحياتى
يمكن سعتها بس مش هيستغربوا
لما أحط السماعات على وداني
واضغط عليها أوي
مع إني مش موصلاها بمحطة راديو
ولا ب إم بي ثري
بس جوايا أغاني كتير
وقعت في محطة مشوشة
واتمنعت تتذاع برايا
تحياتى يا شيماء على اجمل جزء فى اللى كتبتيه
الناس كلها بقى حاطة همها فى ودنها
مش عاوزة تسمع
البعض هربا من اللى حواليه
و البعض خوفا من اللى حواليه
و البعض منظرة على اللى حواليه
و البعض على سبيل اللامبالاة
مع ان الام بى ثرى بقى ارخص من البطاطا
تحياتى و موفقة دائما
منتظر مرورك على مدونتى الجديدة
ال يعنى فالح فى القديمة
بجد تحفة
كلام ليه مغزاه
مش حروف مرصوصة و خلاص
بجد مش عارفة اقولك ايه
بحييكى بحرارة
تسلم ايدك
ازيك؟ ايه اخبارك
على الرغم من حاله الشلل الدماغى اللى مصاب بيها الا انى حسيت البوست ده
عجبتنى اوى
ودموعي تنزل تطفيني
وكتير بتشيلني هموم مش ملكي
وتصب في عيني دموع متخلقتش ليها
وكمان دى
بس جوايا أغاني كتير
وقعت في محطة مشوشة
واتمنعت تتذاع برايا
مش عارف اعلق بكلام كتير بس بجد بوست محتاج يتحس اوى لانه بيعبر عن احساس موجود عند معظمنا
تحياتى
انا مصداقاكي
لان كلامك من القلب
Big coｄe
تعددت الأسباب والفعل واحد:)
شكرا لوجودك أوي نورت بجد
****
سليم:)
مش عارفه أقولك ايه بس دايما بحس انك فاهمني:)
شكرا ياسليم أوي
أسعدني وجودك:)
وجه جديد
أيوه صح انا متشائمه فعلا
وهو هروب فعلا
ولازم نتخلص منه فعلا
شكرا جدااا
*****
برويد
والله زمان فعلا
أسعدني رجوعك:)
الوجه المبتسم
ربنا يخليك بجد انا الى سعيده بتعليقك كتير وكلامي كان محتاج حد يحسه على فكرة
*****8
pink paradise
هربا
خوفا
منظره
صدقت
هاعدي حاضر على القديمه والجديده:):)
عازفة الأوتار
أسعدني انشادك عندي ياجميله
ربنا يخليكي
*****
رحلة البحث
قبل ما تكتب التعليق بيوم كنت فى بالي على فكرة:)
انت دايما بتحس بكلامي ايه الجديد يعني:)
شكرا اوي أضفت لكلماتي الكثير بتعليقك:)
العيون الخضراء:)
وانا كنت محتاجاكي
عشان تصدقيني
شكرا ليكي اوي اوييي:)
ما شاء الله لاقوه الا بالله مازال في بلدنا احياء الله اكبر الله اكبر الله اكبر ولله الحمد
Post a Comment