Monday, June 25, 2007

اعترافات هو وهى الجزء 2

كيف تُرى المرأه جميله؟ يحكى البساط
أولا اسمحولى أعتذر لكل حد البوست الى فات ضايقه أو فكره بحاجه جرحته أنا والله مكنش قصدى ياريت تقبلوا اعتذارى
هى:يبدو فى عينيك حزن عميق

هو:اننى أتضرع من الألم أكتم فى قلبى صرخه لو خرجت لملأت الكون أحزاناً وأحبس فى عينى دمعه لو انطلقت لشقت فى الأرض أنهارا
هى:ولماذا تتحمل كل هذا فلتصرخ ولتبكى لتستريح

هو:أجننتى....أنا أبكى!ماذا تظنين فىَّ؟أنا رجل ياسيدتى والرجال لا يبكون ماذا سنترك اذن للنساء والأطفال

هى:مهلاً علىّ ياسيدى فما عدت أفهم لماذا ينتقص البكاء من الرجوله؟.ان الله حباكم كما حبانا فى أعيننا دموعا لنعبر بها عن الألم والحزن
. هو:هكذا تعلمنا منذ أن كنا أطفال كانت المعلمه تضربنا وتترك البنات تبكى ثم تأتى بجانبنا وتحبس دموعنا بقولها اننا رجال والرجال لا يبكون.وعندما كان أبى يعاقبنى أنا وأختى كانت تجلس هى لتبكى أما أنا فكنت أرتب على كتفيها لتهدئتها أو لعلى كنت أحسدها على التنفيس عن نفسها وأحبس دموعى لأنى لابد أن أكون رجل لم أكن وقتها رجلاً كنت طفلاً وتحملت وانت تريدينى اليوم أن أضعف وأبكى؟

هى:عجيباً أمركم تظنون البوح بالحزن والألم ضعفاً وعيباً يشينكم مع أنى أوقن أن فى قلوبكم ما يوازينا من المشاعر والأحاسيس ونحن نبكى ونصرخ بلا أى احساس بجرح الكرامه.أعرف ما كان يحدث ولكنى أعتبرها كأى خرافه قديمه ليس لها قيمه سوى أن تهدئ الطفل ليسكت وينام أنت اليوم لست طفلاً كما قلت فلتقل لى رأيك ولتنسى أنك رجل وأنى امرأه

هو:حسنا فالرجل يملك من المشاعر والأحاسيس ما يوازى المرأه أو ربما أقل لطبيعتها العاطفيه يتألم ويشعر بالحزن مثلها رغم أنه يفتقد البوح لذلك يقال أن المرأه أطول عمرا من الرجل.ولكنى أصدقك القول كثيرأ أو دعينى أقول كل الرجال يبكون عندما يختلون بأنفسهم ويتأكدون من احكام غلق الأبواب وخلو المكان حتى من ذبابه تطيريسكبون الدموع حتى يكادوا يغرقون فيها ولكنهم لا يصرخون لآن الصوت يعبر ألف بابٍ محكم

هى: عدت لطبيعتك ياسيدى وقلت كثيرا من الرجال دون أن تعترف بأنك منهم

صوب الىّ نظره كادت تسحقنى وتركنى ورحل لقد شعر انه اعترف لى بجرم وأنا أسخر منه وسأعيره به ولكن أبداً لم يكن ذلك مقصدى فقط أردت أن أفهم لماذا يحرم البكاء على الرجل وينتقص من رجولته وأغلب ظنى انى لن أفهم طالما يحتفظ الرجل بسر بكائه ويخجل من كشفه متى أرى دموعك أيها الرجل؟لا للشماته والله فقط أردت أن أريحك من الكتمان حتى لا تغرق وحدك فى دموعك ربما أستطع أن ابنى سفينه وأحملك معى لتسير فوق دموعك وأحميك من الغرق
فمتى ياسيدى؟

47 comments:

Anonymous said...

تعرفي أنا لم أعلق علي هذا البوست الا وأطلقت العنان لذهني ليفكر تري هل فعلا كلامك مظبوط وهل فعلا الرجل يخجل من البكاء أمام الغير سواء مان هذا الغير امراه او رجل للاسف بعد تفكير وسؤال اخي كمان رايت ان الرجل فعلا يري ان دموعه لا يجب ان يراها احد فكرت وسالت اخي كمان تري أين تكمن الاسباب ج جائز الرجل يري هذا ضعفا او سحب من رصيد الكرامه أو تقليل لشانه أمام من يلحظونه أثناء البكاء أو ان الرجل مثال للقوة والصلابه والثبات في حين أن البكاء تجسيد للضعف ,لكن انا شايف الرجل ممكن يبكي امام امه او اخته او اخيه أما الغير اعتقد وجائز اكون خطأ فهو يابي ان يبكي امامهم
بوست جميل احييكي عليه

.:.-=- ELGaZaLy-=-.:. said...

اه انتى ناوية تنافسينى بقى يا شيماء

هممممممممممم

نعلق طيب

-------------------------------------

هو:أجننتى....أنا أبكى!ماذا تظنين فىَّ؟أنا رجل ياسيدتى والرجال لا يبكون ماذا سنترك اذن للنساء والأطفال

هى:مهلاً علىّ ياسيدى فما عدت أفهم لماذا ينتقص البكاء من الرجوله؟.ان الله حباكم كما حبانا فى أعيننا دموعا لنعبر بها عن الألم والحزن
------------------------------------
بصى الجزئية دى مستنى بس مش لانها حقيقية بس لانها فكرتنى بان الرسول صلى الله علية وسلم بكى والصحابة بكو..؟؟

انت احسن من دول؟؟

فى رباعية برضه بتحضرنى دايما فى المواقف الى زى دى

يوم قلت اه سمعونى قالو فسد
دة كان جدع
قلبة حديد واتحسد
رديت انا على الايمين وقولت اه والف اه لو تعرفو معنى زئير الاسد


حدك فى دموعك ربما أستطع أن ابنى سفينه وأحملك معى لتسير فوق دموعك وأحميك من الغرق


رهيبة يا شيماء بجد

Anonymous said...

جميل اسلوب هذا الموضوع

ومحتواه رائع حقاً

وللأسف فهم خاطىء ان الدموع تعنى الضعف

هى مجرد ترجمة لمشاعر داخليه بنعبر عنها من خلال الدموع وعمرها ما اقتصرت ع النساء دون الرجال .. فكيف يعبرون عن خشوعهم من الله مثلاً؟؟
وغير كده
الرسول عليه الصلاة والسلام قدوتنا هو نفسه كان بيبكى فى مواقف كتيره ومختلفه
:)
:)

احييك على اسلوبك فى طرح الموضوع
:)

mohand said...

السلام عليكم
اعلمي سيدتي اذا احب الرجل فعلامة حبه انها الوحيده التي يستطيع ان يبكي امامها
ولا يعني البكاء ان يكون ضعف
لكن يمكن للرجل ان يحبس بكائه اكثر من المرأة
سيدتي
ربما يخاف هو من ضعفه
ولكنك تتشرفين بضعفك


تحياتي

همسات دافئه said...

واحد
الرجل رمز الصلابه والقوه والدموع تجسيد للضعف صح بس مش دايما الدموع بتكون ضعف فى تأثر مثلا
على فكره أنا كمان مش عايزه الرجل يبكى قدام أى حد كده وياريت توصل سلامى لأخوك:) أشكرك

**************************
الغزالى
ننافس مين يافندم احنا هانروج جانبك فين
صح دا حتى عمر بن الخطاب رضى الله عنه كان عنده خطين تحت عينه من كثره البكاء يابختهم:)
مرسى قوى يامحمد ربنا يخليك والرباعيه تحفه بس يطلع ايه بقى معنى زئير الأسد
هههههههه

***************************
حاجه عجيبه
:)))
مرسى على أول زياره وربنا يرزقنا كلنا حلاوه دموع الخشوع يارب وأشكرك جدا وياريت تشرفنى على طول:)))

***************************
مهند
وعليكم السلام
تعرف ان ده الإجابه الى كنت باستناها عارف ليه هايبكى قدامها
عشان الرجل مبيحبش حد يشوف دموعه غير نفسه وهى هاتبقى نفسه الى مش هايخجل منها
أشكرك:)

break said...

انا فكرت فى الموضوع دا قبل كدا
مش عارفة فعلا مع انى شايفة ان الدموع مش عار بيخبيه
بس فنفس الوقت مش متخيلة راجل كل ما يتأثر من حاجة يعيط
هيا تربية بئا و ثقافة الواحد اتعود عليها

تحياتى

3abdo me7tas said...

الدموع للرجل مش حرام أو عيب لا أبدا زى ما قال وحيد ان الرجل لا يحب أن يرى دموعه أحد ليس ضعفا أو سحب من رصيد الكرامة كما قال وحيد لاكن انها غريزة داخل الرجل انه لا يبكى ابدا امام احد ويفضل البكاء لوحدة داخل قمقم مش غرفة حتى لا يسمع أحد بكاءة فبكاء الرجل عبارة عن مخزون أشياء ومشاكل كثيرة فمن المؤكد أن يكون أقوى وأقوى من بكاء مائة امرأة تبكى فى وقت واحد
جزاك الله كل خير

The Manager said...

مممممممممممم
مش عارف بصراحة

اعتقد ان الدموع تعبر عن الرقة اكثر ما تعبر عن الضعف

وكل من يشعر ويحس من الوارد ان يبكى

لكن إظهاره او إخفاءه هذا يختلف تبعا لطبيعته

ولكن مش معنى انه بكى لوحده مش غير ما حد يشوفه يبقى هيكون محتاج انه يستريح

لا لا الراحة فى البكاء نفسه سواء امام احد او دون ان يراه احد

ويفيد بإيه انه يبكى امام اى حد؟

جايز دى تكون حاجة خاصة بيا لأنى مش بحب احكى مشاكلى لحد , ولا بمل من كتمانها
:)

جزاكى الله عنى خيرا
موضوع جميل قوى اجبرنى اقول كلام مش بقوله كتير ..

سندباد said...

ازيك
انا قريت البوست كويس اوي وقريت التعليقات كلها
انا مع مهند طبعا لان كلامه حقيقة واحب اضيف حاجة صغيرة مفيش فرق في الاحساس بين الرجل والمراة الفرق في طريقة استخدام المشاعر وطريقة التعبير عنها يمكن انا زي اي راجل اخجل من بكائي قدام الناس بس لما بكون لوحدي . . . . . . . .
تحياتي

yasmina said...

البكاء ليس ضعفا الا في نظر الرجال اما في نظر النساء فهو تنفيس عن مشاعر مكبوتة وعن الام نعيشها
فافعل ما شئت يا سيدي
سيظل تفكيرك غريبا
ونظرتك الى النساء على انهن ضعيفات عجيبة
ولا الومك يا سيدي الشرقي لان هذا ما تربيت عليه وهذا ما تربي عليه اولادك

تحياتي لكي بوست رائع

همسات دافئه said...

break
هو ده المختصر المفيد ثقاتنا وبيئتنا لأن فى ثقافات تانيه وبيئات تانيه مش بتشوف كده خالص وراجل أو بنت اتأثر هايبكى قدام أى حد
تحياتى:)

******************************
محمد

بصراحه أنا شايفاها ثقافه وعادات أكتر من انها غريزه ذى ما رديت على بريك
بس أنا معاك جدا انها أصدق من دموع أى بنت وأشد ألما
وجزاك خير الجزاء
:)
****************************
سليم

البكاء راحه فى حد ذاته سواء كان لوحدك أو قدام الغير صح
بس على حسب الشخصيات فى شخصيات بتحب تحزن لوحدها سواء ولد أو بنت أنا باحب ابكى لوحدى لكن أحيانا باكون محتاجه أبكى فى حضن حد قريب منى بس لو كان الموقف شديد قوى وبكيت قدام الناس مش هاحس بجرح وهو دا الفرق
شكرا ياسليم:)

********************************
سندباد
حتى رفضت انك تكتبها!!!
وأنا معاك ومع مهند يمكن العقل بيقول انها مش فارقه طالما احنا الأتنين بشر بس أنا لسه جوايا شىء رافض انى أشوفك تبكى ياسيدى
شكرا يا سندباد

*******************************
ياسمينا
مرسى قوى نورتينى ياقمر
ولكن مهلا ياسيدتى انه ليس تفكير غريب ألا تفضلين الرجل الذى يمسح دموعك عن الذى يسكبها معك كما قلت من قبل أريد رجلى لا يبكى سوى أمامى ويحبس دموعه أمام الناس يمكن يكون تفكير خاطئ بس كلنا اتربينا عليه
وعندك حق جداً فى اختلاف وجهات النظر تحياتى وياريت أشوفك تانى:)

Anonymous said...

عزيزي المدون: ها نحن نفتتح بين أيديكم مجلة إسمها المُدوّن

سعيا منا في المساهمة في إقلاع ثقافي يهدف إلى تحقيق تنمية شاملة، وعلى جميع الأصعدة

المُدوّن
رؤية ثقافية تنقلك إلى آفاق لذة القراءة والمتعة والفائدة

فندعوك لتصفحها.. ونرحب بك صديقا وفيا ومراسلا مثابرا

فأهلا ومرحبا بك

--
مجلة المُدوّن
http://al-modawinmag.blogspot.com

.:.-=- ELGaZaLy-=-.:. said...

يطلع اه يا شيماء

الاسد لما بيزئر

معناه انة بقول اه ,.,,

بس ..فين التحليل بقى؟؟

صاحب البوابــة said...

بوست جميل ومميز للغاية

أتفق معكِِ في معظم النقاط

تحياتي اختاة

mo'men mohamed said...

انت معاك حق اختى
فعلا عندنا هنا الراجل مينفعش يبكى قدام حد لانه بيحس ان ده فيها اهانة لكرامته
انا واحد من الناس من النوع البكاء عندما تصيبنى الهموم
لكننى عمرى ما بكيت قدام حدوعمر ما حد شاف منى دمعة واحده غير حالة واحده او اتنين فى العمر كلة وكان ده بسبب موضوع مستحملتش فأنجرت قدام الجميع
حتى لما كان حد عندنا فى العيلة يتوفى عمرى ما كنت بأبكى مهما كانت معزته لغاية ما اخلوا بنفسى واعيش حياتى بعدها
السلام عليكم

.:.-=- ELGaZaLy-=-.:. said...

طيب بصى يا شيماء انا شايل الرواية لان فى خبر حلو قريب ومحتاج تحليلك ونقدك دة جداا ينفع ابعتلك الرواية على الميل؟

لو ينفع انا ايميلى فى البروفايل...

همسات دافئه said...

صاحب البوابه

أشكرك على وجودك بجد وأنا الى أحييك على تعليقك
*********************
مؤمن

يمكن تكون أفكار خاطئه بس احنا متمسكين بيها وربنا يعينكم على كتم دموعكم دا أكيد شىء قاسى ومؤلم
تحياتى ومرسى قوى على وجودك:)

رينـــــــــــا said...

سبحان الله
انا بشوف ان القوة انك تعبر عن مشاعرك
مش انك تكتمها بحجه انك رجل
عمر البكاء ماكان ضعف

الخيط الرفيع said...

الاعتذار اللي كتبتية في الاول وداني علي البوست اللي فات
انت مش عارفة هو عجبني ازاي بجد تحفة
وحسة انه رسم كلام جوايا مش لحد بعينة بس بشكل عام في حتت فكرتني بيا وبالناس اللي حواليا

اما عن البوست دا سيبك منهم يعيطوا يفوقعوا اكيد هيلاقوا حاجة يخرجوا بها حزنهم
بس السؤال لية الحزن دائما لازم يخرج مينفعش ندفنه ونرسم لوحة حلوة نعيش خواها تكون خيوطها من صنع دماغنا

كائن نورانى said...

جميل اوى اسلوبك يا شيماء

انا اصلن الموضوع دا بيستفزنى الدموع ضعف ولا ؟

بالنسبة لى انا بحس ان دا دليل على الشعور والاحساس

ولا تمس اى كرامة ولا بدنجان خالص

الرجالة بس هم اللى بيتفزلكو

عشان يعرفوا ان احنا دايمن على طبيعتنا ومعندناش كلاكيعو


اسلوبك لذيذ اوى

وهكون متابعه دايمه لبلوجتك

اه صحيح لفت نظرى كمان انك بتحبى الكوتيشن الانجليش زى

بجد شوية كوتيشن توووووووووووحفه

if the girl say she is sad&she doesnot cry,it means that she cry in her heart

سلاموتو

تامر حسين said...

موضوع رائع
تحياتي

MAKSOFA said...

أصعب بكاء يمكن أن يهزني ويقلع قلبي هو بكاء الرجال

mariamagdolen new said...

احساسك قريب اوى وبجد حساكى قعدة جوة قلبى وبتكتبى

همسات دافئه said...

رينا
طرق التعبير عن الحزن مختلفه فى ناس بتصرخ وناس بتكتب وناس بتشكى وفى ناس بتكتم وتدارى حسب شخصيه كل واحد
مرسى ياعزيزتى وجودك بيسعدنى بجد

**********************
الخيط الرفيع
أشكرك قوى بجد
هاود على سؤالك بصلاح جاهين
ياعندليب كتخفش من غنوتك
قول شكوتك واحكى على بلوتك
الغنا مش هايموتك انما
كتم الغنا هو الى هايموتك
ياريت متكنش الزياره الأخيره:)

*********************
كائن نورانى
من بعض ما عندكم واضح اننا متفقين فى حاجات كتير أنا كمان مش هاسيبك أبدا أبدا
تحياتى ياجميله:)

***********************
تامر
أهلا يافنان نورتنى والله وأسعدنى التعرف عليك وأرجو التواصل وهاكون ان شاء الله دايما عندك
مرسى فوى:)

************************

مكسوفه
تصدقى وأنا كمان رغم كل الى قلته ده
أشكرك :))

*************************
mariamadolden new
دا شىء يسعدنى كتير ان شاء الله مش هاخرخ منه أبدا
مرسى قوى شرفتينى:)

كلام لوجيك said...

مبروك النيولوك والبوستات الهايلة دي
انا جيت أبشرك وأقولك ان البنوتة وصلت بالسلامة
وشكرا لسؤالك ومرورك الدائم

خالص مودتى

سندباد said...

حيت اسلم عليكي واشوف في حاجة جديدة ولا لاء

veticohaya said...

salam alikom...
حلو اووي البوست دا...ومدونتك برده حلووة يا "شيماااء"..:)

البكااء والعياط مش عيب خاالص على النوعين..بس المرأة بتاخد البكااء سلاح لها عشان تااخد حقوقها...كالمعتااد..
اما الرااجل يقدر يااخد حقوقه بوساائل تاانية ..

وفي بكااء من القهرة الكل بيخضع ليه...سواء رجل او امرأة...وبيكون على حسب بقى القهرة...ربنا يعافينا..:)

بس انا مش بحب حد خاالص يشوفني وانا ببكي...:)

معلش اني طولت بس عايزة اقوول موقف..
كنا في زيارة لمساكين..مجموعة بنات ومجموعة شباب ...بس كل وااحد لوحده...من غير اختلاط...مع الدكتور بتاعنا...

المهم ...الشباب طلعوا مبلغ وادوه لصاحب البيت...من الاهالي المساكين...الراجل حضنهم واعد يبوس فيهم..من فحته بالمبلغ..والمبلغ بالنسبة لينا لا يذكر...بس معاهم بيفرق...
احد الشباب رااح على جنب واعد يبكي..يبكي ..وعنده 20 سنة..يا الله..
رفعته في نظري جدا..:)
بس برده رااح على جنب عشان محدش يشوفه..:)

سوري على التطويــــــل...:)

one true thing said...

ايه الجمال ده ياجدعان
الله الله ياست
مدونه توحفه ورقيقه اوي
بجد البوست جامد جدا
بس هو في حاجه البكاء ده يساوي ضعف في رأي كتير من الناس ستات ورجاله
وبعدين مين اللي بيربي الرجال مش الست وهي اللي علمته انه المفروض مايعيطش يبقى في لوم برده ع الستات
بس الجميل بجد ان الرجل ده مصدر القوه والصلابه فمش سهل انه يبكي
بس الرجل القوي هو من لايخجل من دموعه ويعتبره شرفا يضيف لا ينقص
تحياتي على المدونه الرائعه

وشوشني said...

هي ده الحقيقه بس انا مش عارفه ليه الحقيقه تفتكري ايه الاسباب يعني هما فاكرين ان ده هيققلل من قوتهم او هيغير وجهة الناس فيهم بس اكيد لا
تحياتي

سابرينا said...

أحساس رائع
ودماغ عاليه
بس أحنا اللي محيرين نفسنا في محاوله للفهم طبيعتهم
مع اننا لو فكرنا شويه هنلأقي
انهم بني أدميين زينا زيهم
مع أختلأف
في بعض التفصيلأت
مهمه بالنسبه لنا جدا
في حين انهم حتي مش بيفكروا فيها ولأبيعطوها أدني أهتمام
ولكن أحنا بنحب نكمل الشكل الخيالي اللي في دماغنا فقط!!!

همسات دافئه said...

كلام لوجيك
بجد بقالى فتره مسمعتش خبر حلو كده ربنا يخليهالك يارب ويباركلك فيها وترجعلهم بالسلامه يارب:))

*********************
سندباد
تسلملى يارب ومتحرمش من سؤالك أبدا معلش انشغلت شويه وان شاء الله هاسافر بعد بكره لما أرجع ان شاء الله هتلاقى حاجات كتيره
شكرا قوى بجد أسعدنى مرورك:))

**********************
vedicohaya
وعليكم السلام
دا انتى الى الكومنت بتاعك حلو قوى الست بتعرف تاخد حقوقها بالدموع؟جديده ده انا شايفه ان البكاء تنفيس عن النفس مش أكتر وعلى فكره القصه الى انتى حكتيها أثرت فىّ قوى مرسى على كلامك وذوقك يارب تتكرر:))

همسات دافئه said...

one true thing
ايه القمر الى دخل مدونتى ده:)))
مرسى قوى على كلامك بس هاقولهالك تانى عادات وأفكار متوارثه وبينى وبينك أنا عايزاها تفضل موجوده رغم رفض العقل ليها

************************
وشوشنى
سؤالك وجيه واجابته آه:))
نورتينى ياجميله

************************
صابرينا
وجهه نظر برده:)
بس غصب عننا هانفضل ندور وراهم ويدوروا ورانا للأبد سنه الحياه ياأختشى:)))

gohayna said...

اولا كلنا يعلم انا البكاء وسيله من وسائل التعبير علي اختلاف معانيها


بالفرح او الحزن او الضعف

وكثيرا ما تستعمل المرأه هذا السلاح للتعبير عن مكنونات صدرها


اما الرجدل فينظر للدموع علي انها رمز من رموز الضعف

مع ان اصعب دموع هيا دموع الرجل

بجد
مفيش راجل بيبكي لامن احسااس جارف بالحزن او القهر يفوق مليون مره احساس المراه


وعمره مكان ضعف ابدا
بس هيا وسيله تدل علي وجود المشاعر و
الاحساس


تسلم ايدكك يا قمر

وبجد الموضوع جميل جدا جدا

تحياتي ليكي

سندباد said...

فينك ليه الغياب ده لعل المانع خير

ومن الشباك said...

كل الرجال يبكون عندما يختلون بأنفسهم ويتأكدون من احكام غلق الأبواب وخلو المكان حتى من ذبابه تطيريسكبون الدموع حتى يكادوا يغرقون فيها ولكنهم لا يصرخون لآن الصوت يعبر ألف بابٍ محكم

كلام جميل كلام معقول مقدرش اقول عنه حاجة ابدا

أحمد سلامــة said...

جميلة جدا جدا يا شيماء
فكرتني بفلسفة فنجان
وبرضو كتاب الحب من قبل ومن بعد
بيتهيألى الرجل بيحاول يخفي دموعه بنفس القدر اللي بتتساهل فيه الانثى بترك دموعها
هي طبيعة بشرية لا اعتقد ان الموضوع اكبر من ذلك
بوست حساس وممتاز

Rosa said...

رائعــــــــــــــــــه

Hassan Laithy said...

برافو .. بس عارفه انا شخصياً بابكى بس وانا لوحدى .. لأن البكا مظهر من مظاهر الضعف .. حتى لو كان بيريح ... تحياتى

mohand said...

السلام عليكم
عزيزتي شيماء
لقد تركتي فراغ في المدونات
نرجوا من الله رجوعك بالسلامه
وانا بحسدك بحسدك بحسدك :P:P

يا تري انتي فين دلوقت؟

Hamza matar said...

am sitting here in this boring room, am a sitting duck without a groom , am losing ma talents as am quitting druggs, my writings now about flys and bugz.


what^if

Hamza matar said...

wut the hell am sayiong, am just in the middle of vacation, very boring one., so am reading and ill be beACK WITH more better work,

thats the secret . to write something good, u gotta read so alot, bad stuff good stuff, then u write, so ill be back,,
whiskeypuzzler or what^if or wut the hellll

همسات دافئه said...

جيجى
فعلن أصدق وأقسى دموع هى دموع الرجل
تحياتى ومرسى على مرورك:)

********************
سندباد
أنا جيت أهو أسفه على التأخير وبجد بيسعدنى جدا سؤالك:))

********************
ومن الشباك
تعليق جميل تعليق معقول مقدرش أقول حاجه عنه:))

********************
أحمد
مش كل أنثى سهل انها تترك دموعها أكيد محدش بيحب يكون ضعيف بس لو حصل مش بتخجل
شكرا:)

*******************
روزا
مرسى ياجميله ربنا يخليكى:)

*******************
حسن
عارفه:))
مرسى على أول زياره ياريت تتكرر:)

********************
مهند
الله أكبر الله أكبر الله أكبر
فينك يامامتى تيجى تبخرينى
مردودالك قريب ان شاء الله:pp

**********************
am falling away
hey really i miss ur comments take ur time i'm waiting for a good writing hope 2 find it soon
thx:))

Mustafa Şenalp said...

çok güzel bir site.

medo serag said...

السلام عليكم ورحمة الله
اختى البوست جميل
بس فى حاجه الراجل بيحبس دموعه قدام اى حد الا واحده بس طبعا اكيد عارفاها ......؟
واكيد عارفه ليه
واكيد ان الراجل يرفض ان يبكى او ان تنزل دموعه امام الغير
كلامك مس فيا حاجات كتير
بس الدموع مش ضعف والله
مش كده ولا ايه ........؟
تحياتى

همسات دافئه said...

ميدو
عارفاها
وطبعا مش هاتكون ضعف لو كان قدامها
هى بس
دا رأيي:)

medo serag said...

السلام عليكم
فعلا
ولو لوحده كمان مش ضعف
انا بحترم رأيك

تحياتنى

Ahmed said...

كلنا نبكى رجالا كنا ام نساء سيدنا محمد صلى الله عليه وسلم بكى كثيرا
المهم على من سنبكى

بالنسبه لى يستحيل ان ابكى على امرأة احببتها ولم اتزوجها بينما استطيع البكاء على زوجتى لو رحلت مهما طال بى العمر