بعث حبات المطر تعزف على شباكى لحنا منتظم.. يرجونى ان افتح
بصوت الرعد نادى على اسمى, وبنور البرق انار حجرتى المظلمه
اغرانى بمشروبى الساخن ودخانه المتراقص على نغم الرياح
ذكرنى برعشه اطرافى وحمره انفى
وسريرى البارد يحتضن جسدى المنتفض فيصارعه غطائى الثقيل لتدفئتى
رفع مظله السحب فوقى لتحجب عنى الشمس وتحمينى من اشعتها الحارقه
واسقط اوراق الشجر جميعا فغزل لى بساطا اسير عليه
فهل املك سوى ان اقول
مرحبا بك أيها الشتاء:)
35 comments:
السلام عليكم
حمدلله علي سلامته ياختي
وناوي يقعد كتير ولا هيخفف
قوليله يخفف
يا بخت من زار وخفف
بس بلاش يخفف احسن يجيله برد
كركركركركركر
ههههههههههههههههههههههه
مرحبا بالشتاء
انا كمان بحبه
الشتاء ده احساس جميل جدا
كل تفاصيله
كل اللى بيصل فيه بيخلينا نتكلم عنه بالرومانسيه دى
تحيه لك
والله وقعت فى الشرك
أولاً التعبيرات قويه و معبره
الخديعه أنى افتكرتها قصه حب
عموما الشتا برضه حبيب قلبى
مرحبا به... ولكن هل أعددنا له الدموع ككل عام؟
تحياتي من ماناساس البلد
ما اروع مشهد المطر
والاروع ان تكوني جزء من هذا المشهد
من احسن الاحاسيس ف الدنيا
فعلا مرحبا بالشتاء
تصدقى بالله انا ارتعشت من وصفك للمنظر حسيت بلسعه البرد للذيذه
وانا كمان بحب الشتا اوي وبحب كل الحاجات اللي انتي قلتيها دي برغم اني ببقى كسلان ف أوقات كتير منه بس بردو بحبه اكتر من لصيف
فمرحبا ايها الشتاء
:)
الشتا جامد فعلا يا شيماء
جماله بالنسبالي فى النوم
مش ببقي عايز اقوم خالص بصراحة
انتى صورتى حالتى بدقة بصراحة :D
كل سنة وانتى طيبة
وربنا يجعله اجمل شتا عليكي إن شاء الله
------------
انا طبعا مقصر معاكي
وتلاقيكي فكراني بقالي فترة كبيرة مش بدخل
بس والله هو الغباء إللى مودينى فى داهية دة هو السبب
انا اصلي دخلت من فترة ارد عندك فرحت داخل موضوع قديم قوي عندك ورديت عليه على انه اخر بوست ليكي يعنى
هنا :
http://eyelanguage.blogspot.com/2007/02/blog-post_3570.html
وبعد كدة جيت ابص تاني ملقتهوش
كنت هتجنن بقي
وقلت تلاقينى دخلت مدونة غلط ولا حاجة وقلت فيها الكلام دة كله
والله قعدت كذا يوم ابحت عن البوست دة فى كل المدونات إللى اعرفها وفى جوجل
ومفيش اثر !!!
مش عارف إيه التوهان إللى انا فيه دة
شفته لسة دلوقتى والله
كنت دخلته اصلا من الشريط الجانبي عندك وقريته فنسيت الموضوع الأساسي الجديد :)
يلا حصل خير
وربنا يوفقك فى امتحاناتك وحياتك
سلام عليكم :)
احييك على حبك للشتاء
كفصل
والشتا كمطر بلغه الاسكندرانيه ولا مؤاخذه
السلام عليكم
لو يأتي الشتاء بتلك الصورة
التي ابدعتي في وصفها
فاهلا به
:)
بجد جميلة اووووي يا شيماء
التعبير و الوصف اكثر من راااااائع
تحياتي و حبي
:)
الشتاء اجمل فصول حياتي
برتاح نفسيا جدا مع كل تفاصيله الباردة
بوست جه في وقته ومعاده تحياتي
مهند
وعليكم السلام
الله يسلمك ياأخى
لاء انا عايزاه يعد كتير دا فصلى المفضل:)
مرسى اوى
***************
احنا
فعلن بحب احساس الدفا اوى كله رقه ورومنسيه أشكرك جدا جدا
****************
فى القلب
هى ده السياسه هو فى أجمل من الشتا حبيب
أشكرك جدا
you have romantic feelings
your post is very beatiful
the groom
ليه بس كده؟
ان شاء الله ميكنش فى دموع خالص
يبقى كله ضحك وبسمات ربنا يسعدك يارب:)
************
ولو
حاتم باشا
والأروع والأروع انك بتجى تعلق عندى
أتمنالك أحلى شتا السنه ده:)
*************
رئيس جمهريه نفسى
ههههههه
دا من بعض ما عندكم ياأستاذ يارب يكون احلى شتا فى الدنيا:)
ألام وأمال
مممم
هو من ناحيه الكسل مكدبش عليك انا برضه بكون مكسله اوى بس الله وانت قاعد تحت اللحاف وبتشرب حاجه سخنه احساس لا يوصف:)
مرسى اوى على تعليقك
***************
سليم
ياااه ياراجل انا كنت قربت انساك ايه الغيبه ده كلها؟
بس تصدق ضحكتنى ضحك انا مكنتش مصدقه التعليق.شكرا اوى.ولا غباء ولا حاجه بتحصل كتير عادى
يارب يكون احلى شتا عليك انت كمان أسعدتنى للغايه:)
اسكندرانى
بحب الشتاء كفصل وبحب الدنيا لما بتشتى بلغه الإسكندرنيه وتمطر بلغه القاهريه وبكل اللغات كمان
مرسى ليك اوى
***************
والقادم اجمل
مليتى بلوجى ضحك وجمال
ربنا يسعدك يارب وتقضى أحلى شتا دا اروع من الكلمات بكتير
أشكرك جدا:)
سندباد
بحار الرومنسيه
وفصلى المفضل انا كمان يارب يكون احلى شتا عليك
أشكرك اوى دايما كلماتك بعجز عن الرد عليها:)
*************8
قلب ينبض لله
الله على اسم مدونتك جميل اوى:))
ومرسى على كلماتك فى اول زياراتك ياريت تتكرر كتير:))
اهلالالالالالالالالالالا بالشتاء اتمنى ان تزور مدونتى
اسلوبك جميل اوى بجد
مرحبا بك ايها الشتاء
حقا ان الشتاء يمثل لى الامان
حتى رعدة وامطارة وبرقه شئ يشعرنا بقدرة الخالق الجبار
قما قال الرسول
قل خلق الله جميل
صدق رسول الله صلى الله عليه وسلم
كن جميلا ترى الوجود جميلا
اشوفك بين حروفك
تحياتى
welcome winter ...
have a nice time .
welcome winter ...
have a nice time .
انا جيت اسال واطمن
مرحبا ومرحبا ومرحبا
انا بحب الشتاء جداا
وكتبت عنة
الكل يجرى ويستخبى الا انا دة فى نزول المطر
ربنا يوفقك ويكرمك
تحياتى
عزيزتى
طبعا مرحبا بيه يغرق حياتنا بمطره الجميل حتى برودة جوه بوجودنا مع بعض احنا واللى بنحبهم بندفا اصل الشتا بيقولنا اتجمعوا ع بعض دفوا بعض
تحياتى
سلام
يمكن يكون الناس كلها بتحب الشتا
سبحان الله
خلق فأبدع
سبحانه
عجزت عقول الخلق ان تدرك حكمته وقدرته
ولا ينبغى التسبيح الا له
تخيلى لو كان ربنا مخلقش الشتا؟
بصراحه مفيش احلي من الشتا
كله احترام كدا وكلفته ودفا
ربنا يخليه بصراحه
انا فعلا بحبه
رغم انه بيعذبني اوي
انما بحبه بقي اعمل ايه
ابقي اتوصي بالسخن واعملي حسابي معاكي لو سمحتي يعني
تحياتي ليكي يا قمر
السلام عليكم ورحمة الله وبركاته
ازيك يا شيماء
اخبارك ايه؟
انا بقي كنت زمان بحب الصيف وبكره الشتاء
بس بعد الجيش بقيت بحب الشتا اوي...عشان الشمس فظيعة...فظيعة ...فظييييييعة
كالعادة...كلمات رقيقة يا شيماء
دمتي في خير اختي الكريمة
ولاء
وأهلالالالا بيكى عندى ياجميله ان شاء هازورها حالا مرسى ليكى اوى:)
*************
محمد
أيون هى ده بيمثل الأمان بجد حتى فى برده والناس بتتلم جنب بعضها عشان تتدفى
الله على احساس الشتا:))
مرسى يامحمد اوى:)
*************
محمد هشام
ياولكوم بيك انت كمان:)
يارب تقضى شتا سعيد ان شاء الله:)
سندباد
ربنا ما يحرمنى من سؤالك بس مشاغل بقى شويه وهانزل قريب ان شاء الله:)
مرسى ياسندباد
*************
رينا
ومرحبا بيكى ياجميله هايكون احلى شتا فى الدنيا ان شاء الله:)
*************
تامر
بجد انت كل كلامك بيفوقنى من غير شك هدور على البوست بتاعك وهاقراه ان شاء الله:)
احساسى لسه حى
اتجموا مع بعض دفوا بعص)
يس هو ده ياباشا احساس بالصحبه والأمان والفا رائع أشكرك اوى:)
****************
حزين
طب وليه كده بس الحمد لله انه خلقه تخيل انت بقى ان فى ناس مبتستمتعش بالشتا؟
أشكرك :)
*****************
جيجى
وهو كمان بيحبك اوييييييي
نورتينى بجد ربنا يخليكى ويسعدك :)
محمد
وعليكم السلام ورحمه الله وبركاته
انا كويسه الحمد لله ادعيلى بقى عشان امتحناتى قربت
ازيك انت بقى؟ وايه كلللللللللل التأخير ده
وبعدين ازاى متحبش الشتا أديك عرفت قمته:):):)
أى حاجه عندى أهون من الحر ولسعه الشمس ده
مرسى يامحمد اوى ودايما منور بلوجى كده:)
ااااااااااه من الشتا وسنينه
الدنيا برد يا بنتى اهلا ايه وبتاع ايه
اهلا وسهلا ومع السلامة
شرفتونا وهتوحشونا
ده اللى لازم يتقال للشتا تحديدا
تصدقى نفسى قوى اسافر اسكندرية فى الشتا - روحتها مرة واحدة فى الشتا ونفسى جدا اروح تانى
تسلم الايادى ومتغيبيش كده يا شريرة
تحياتى
هبة
وأنا كمان
الف الف مرحبا ايها الشتاء
وحشني جدا والله
واخيييرا جه
مش عارف هي تنفع ولا لاء بس انا بحب اقولها :
كل شتا وانتي طيبة
تشبيهاتك جميلة قوي بس على سبيل الفزلكة الهايفة البرق قبل الرعد يعني بردو تشبيه البرق يكون قبل تشبيه الرعد
:P
سلامي
دوبا
ليه كده بس دا جميل
استمتعى بالمطره والمشروبات السخنه كده وانتى هتتبسطى ان شاء الله
منورانى دايما يافمر
**********
أحمد
ياسيدى ده أجمل فزلكه خلاص حاضر المره الى جايه هاحطهم بالترتيب عشان آخد الدرجه النهائيه:))))))
وكل شتا وانت طيب:)
Post a Comment