Saturday, December 8, 2007

اعترافات هى الجزء 6

كفاك ياقلبى دقا ...سيسمعك وانت تنادى على اسمه
كفاك ياجسدى رعشا...سيهتز أرجاء المكان حوله
وانت ياعينى كفاكى بوحا بحبه
لابد أن يعرف ولكنى لن أعترف لن أستطع ان أكون انا الباديه ولن أتحمل ان يرفضنى
ربما قال انتى لى كأختى أو لعل أخرى تشغله
ولكن
من المحتمل انه لم يرانى بعد,عله مجروج وجرحه يخفينى عنه,عله لا يعرف كيف سيداوى حبى جراحه,كيف سينشر أريج الزهور, كيف يشق فى ظلام اليأس النور,كيف يضرب كالماء الصخور.
سأبوح اليه كما تفعل الفتايات فى دول أخرى حين يكشفن عما بداخل قلوبهن لمن يحبون دون احساس بالإهانه ويقبلها الرجل دون ان يشعر انها سلبته دوره سأثور على مجتمع متحجر التفكير دوما يقيم الفروق بين هو وهى
ولكن
هذا مجتمعى وهو شرقى وحتما سيكره من تسلبه دوره.لا..لن أستطع أن يكرهنى أهون علىّ أن اعيش بحبى خفيا من أن أخرجه فيصفعه بلا رحمه
سأخفى عنك مشاعرى,وسأكتم أنفاسى الفاضحه سأدفن عينى فى نظارتى السوداء لتخفى نظراتى ودموعى المتراقصه على لحن الكتمان
لن أعترف بل سأعيش على أمل أن تشعر..أنى أحبك
هى
كل ما اكتبه من اعترافات ليست فى الواقع تخصنى ولكنها قضايا و أفكار أحاول ان اعرضها بصيغه المتكلم

25 comments:

no chance said...

شوفى يا شيماء هو الكلام محترم واحسن حاجة انك واقعية بس لحد امتى هتفضلى مخبية حبك ليه
وهو اصلا ميعرفش شعورك اتجاهه
طبعا اختيار صعب صح؟

نقطة تانية يا ريت تقبلى اكلمك فيها
هو موضوع انك متقدريش تصرحيله بحبك هو دة بالنسبالك انتى موضوع تحلف المجتمع الشرقى بس يعنى هو الصح انك تصرحى بحبك بس علشان انتى فى مجمع شرقى متخلف حاسة انها حاجة غريبة او مسلوبة من البنت ولا دى فعلا حاجة غلط لان ربنا بينهينا عن كدة
طبعا كلامى دة بعيد عن اختيارك خالص

يا ريت تقولى رايك
تقبلى تحيااااااااتى

walaa said...

بسى يا شيماء لو انسان مؤدب واخلاق يبقى مفيش مشكله انك تعبريله عن الحب ده يمكن يطلع انسان مش كويس ويلعب بشاعرك واحسسيسك لازم نعرف الانسان اللى قدمنا هيقدر ده ولا لاه وبعدين المجتمع مش متحجر ولا حاجه ده هو بيحفظ للبنت كرامتها

mohand said...

السلام عليكم
وفيها ايه لما تعترفله هي؟

مش مساواة بقي

ههههههههههههههههههه

ولــــــــــو said...

انا طبعا مش هاتكلم ولا اعلق على الاسلوب والكلام وكده علشان انا قلت رايي من زمان وكل مره بتثبتي انك تستاهلي اكتر
كمان انا عرفت من زمان انك بتكتبي عن حاله وموقف مش معقول شخصيه واحده تمر بكل اللي اتكتب ف الاعترافات
ليه هو مش فيه غيرها ف البلد؟؟
انا اولا احب اقولك ان موضوع المصارحه مش بيختلف عندي بين ولد وبنت لكن المشكله هي ان اي حد بيحب بيخاف يعترف بحبه علشان التوابع اللي انتي وصفتيها بالظبط وعلشان كده بيفضل انه يحب ف صمت لعل ف يوم من الايام الطرف التاني يحس بالحب ده لكن حتى وان ده حصل بيكتشف انه ضيع وقت طويييييل جدا ف انتظار حاجه كانت هاتبقى احلى كتير لو حصلت وقتها
وعلشان كده انا مع المصارحه بغض النظر على النتيجه ومش لازم نخاف من اللي هايحصل
اصلا الحد اللي مش يقدّر اللي رايح يعترفله بحبه ليه مش يستاهل من الاول انه يتحب
اكيد احنا بنحب اللي يستاهل حبنا ده مش كده ولا ايه؟؟؟

ولــــــــــو said...
This comment has been removed by the author.
media said...

كنت بقول ان البنت لما تحب تسنتى ان الولد الي بتحبة يجي ويحس عل دمة ويقولهالها الاول
لكن لو هي بتحبة ممكن تعبرله عن حبها باسلوب مؤدب وهو اكيد هيحس ويعترف بحبها او يبعد عنها
بدون ما يسبب لها احراج

همسات دافئه said...

no chance
أولا شرفتنى فى اول زياره وأول تعليق
سؤالك الأول بقى مش هاجاوب عليه لآنى قلت انى مش انا البنت ده
سؤالك التانى جميل جدا وعندك حق فيه
وعلى فكره انا مش شايفه المجتمع متخلف ولا بيظلم البنت خالص بالعكس دا بيحافظ عليها وعلى احساسها جدا
طبعا مش صح ان البنت تصرح ولو انا البنت ده عمرى ما هاعملها
من ترك شيئاً لله عوضه الله خيرا منه
أشكرك جدا وأكيد ده نقطه مهمه:)
*******************
ولاء
المجتمع مش متحجر ولا حاجه وبيحافط للبنت على كرامتها صح جدا انا معاكى اوى
بس انتى شايفه انه على حسب البنى آدم الى قدامى هاعرف اقول ولا لاء مممممممممم
أحترم رأيك
أسعدنى وجودك بجد:)

همسات دافئه said...

مهند
يامهند ارحمنى من تعليقاتك الى مش بفهم منها حاجه ده
انا عايزه اعرف رأيك هل البنت ده تصرح بحبها ولا لاء؟وهل الولد هيقبل يتاخد دوره ولا لاء
مستنيه رد افهمه يا بتاع المساواه

**************
حاتم باشا
اولا مرسى على ذوقك تانيا انت مش عارف بيجرالى ايه من تحت راس البلوج ده معلش لازم اقول انها مش انا
عندك حق فى موضوع الإعتراف بعد فوات الأوان ده وانا فعلن ذكرته فى اول اعترافات ليه بس برضه انا لسه شايفه ان الولد مش ذى البنت يعنى الولد لو أخفى حبه يبقى ظلمها وظلم نفسه لكن البنت لأ
قولى انت بقى لو بنت جت قالتلك انها بتحبك وانت مش حاسس نحيتها باى حاجه هتعمل ايه؟وهى هيبقى شكلها ايه؟
دايما تعليقك بيضيف للمدونه مرسى ياحاتم اوى:))

***************
لولا
مممممممممم
مسكتى العصايا من النص ومش هاعرف ارد عليكى ماشى ياستى هى التلميحات فعلن ممكن تنفع مع الى بيحسوا:)))
نورتينى:)

ولــــــــــو said...

بس هيّ تيجي وشوفي انا هاعمل ايه
جاتنا نيله ف حظنا الـ
ولابلاش
هههههه
المسألة مش مسأله شكل بس اكيد ده هايخلي الطرف اللي حاسس بحب ناحيه حد معين انه يعرف حقيقه شعور الطرف التاني
هايخليه يصحى من الحلم بتاعه ويدور على الشخص اللي يستاهله بجد
والاحساس عمره ماكان عيب
شكلك تفكيرك رجعي وهاتتعبيني معاكي

كل سنه وانتي طيبه

mohand said...

السلام عليكم

حسيت انك عايزه تقتليني من ردك علي تعليقي

هو الصراحه
بصراحه
صعب علي البنت انها تعترف
بس هي عندها عيونها تعترف بيهم براحتها

لان لغة العيون ابلغ من الكلام

اما بالنسبة لتقبله
كل بني ادم وتلافيفه
مش عارف هيتقبل ولا لا

عمر بوك ستورز said...

زورونـا تجدون ما يسركم


قااائمـة كبيرة ومتنوعة وشاملة من الكتب الأدجبية والثقافية والتاريخية بأسعار لا تقبـل المنافسـة

تحت سقف واحـد ...

rack-yourminds said...

شوفي يا ست شيماء, فيه ناس بتقوول المرأة لغز كبير

يمكن الناس دوله بيقولوا كده عشان مش فاهمين طبيعة المراة

احنا بقي المفروض نشكرك انك بتفهمينا طبيعة المراة ههههههه

بوست جميل كالعاده

تسلم ايدك

همسات دافئه said...

حاتم
ههههههههههه
بص هو من ناحيه تفكيرى رجعى فده ممكن يكون صح بس هو عندى مش مجرد تفكير
فى حاجات حتى لو ممكن تتعمل انا شخصيتى متقبلهاش ومقدرش اعملها يعنى فى بنت اختارت حل وسط وقالت تلمح وهو يبقى يفهم بصراحه هى ممكن تكون فكره كويسه بس انا عن نفسى لا ممكن ابداااااااااا
وبعدين ماله حظك دا ذى الفل ان شاء الله:)))
أسعدنى وجودك ياعزيزى

****************
مهند
أيوه كده هو دا التعليق الى افهمه ناس مبتجيش غير بالزعيق صحيح
:P:P
نورتنى يامهند

*************
عمر
حاضر ان شاء الله مرسى:)

*************
راك يورميندز
شوف ياسى واحد
شكلك كده بتيجى عندى مصلحه عشان تفهم بس ولا يهمك انا رغم حبى الشديد للمرأه وعشقى للى الرجال شايفينه فيها عيوب برضه فى حاجات معترضه عليها وشايفاها مش صح
مرسى ياواحد وابقى طمنى على اخبارك:)

سندباد said...

المشاعر بتبان وبتظهر سواء عند البنت او الولد خاصة لو كانت صادقة ومفيش مقياس ثابت لاي حاجة في الدنيا لاختلاف الطباع والمعتقدات كل واحد سواء البنت او الولد يقدروا يحددوا طبقا للظروف والاسباب والجو المحيط مين يعترف لمين مفيش حاجة ثابتة ده راي
تحياتي

šσяšαяαα said...

السلااااااام عليكممم

والله موضوع صعب مش عارفه اقول فيه ايه

بس افتكر لو الولد كمان بيحبها يبقى اكييد هيبدأ ويعترف رسمياُ بهذه المشاعر

بس ساعات كتير بيكون الولد محرج برضو زى البنت انه يبدأ ويقول الكلام دا

انا بقول تتقل وتستنى الاول

وربنا يوفق الجميع

مدحت محمد said...

شيماء
وجهة نظرى هو تصريح البنت للولد بالحب
شىء انا برفضه
لكن اكيد اللى بيحب حد اوى
بيقدر يوصله حبه
من اقل فعل
بيتعامل فيه بصدق
خالص تحياتى
وكل سنة وانتى طيبة

الطائر الحزين said...

ارى ان الفجوة التى بيننا وبين آباءنا لها دور كبير

وفقدان دور الاهل فى تزويج بناتهم

ومساعدتهم فى اتخاذ السبل الشرعية

كما ان لذكاء الفتاه وتستعمل حدسها فى الاستشعار باحساس من حولها


بارك الله فيك
تحياتى

Yahia said...

فكرة الانثى في المجتمع الشرقي والعادات والتقاليد التي تتحكم في تعاملتها قضية لها العديد من الجوانب، بس أنا هقول رأئي هو ان الواحد لازم يتعامل الاول من خلال الدين يعني حرام او حلال وبعد كده العرف والتقاليد. بمعنى أوضح نسأل أنفسنا لو أعترفت بالحب ده يبقى حرام ولا حلال وبعد كده نشوف المجتمع وعاداته وأعتقد أن حكم الدين بيكون أقوى بالاخص مع الناس اللي بتفهم

تحياتي

Mohamed Hesham Safa said...

والله مش عارف أقول ايه ؟؟
بس الموضوع يختلف من شخص لآخر ومش لازم البنت اللي تقول انا بحبك ايصلها انها وحشة او اعتبر ده اهانة ليها... بس ناس كتير عكس كده ...

عموما

أنا مش عارف انا بعد ما قريت البوست عندي رغبة جامدة جدا اني اسمع أغنية (حيرت قلبي ) لسيدة الغانء العربي


... ولي عودة ان شاء الله

والسـ ختام ــلام

همسات دافئه said...

سندباد
وانا بحترم رأيك جدا رغم انى برده لسه مش مقتنعه بالظروف الى تخلى البنت تقولها الأول
أشكرك ياعزيزى:)

**************
صرصارتى
نورتينى ياجميله
وعندك حق ده رأيي أنا كمان:)

همسات دافئه said...

ضحى
وانت طيب على فكره انا كمان رفضاها ومش مقتنعه بيها كمان بس اكيد وذى ما انت قلت اكيد الطرف التانى هيفهم من غير مصارحه
أشكرك :)ونورتنى

**************
الطائر الحزين
والله انا اسفه اوى مش فاهمه التعليق:(
ايه دخل الفجوه بتاعت اهالينا فى الموضوع

همسات دافئه said...

يحيي
خلاص هقول ايه بعد كلامك بس توضيح صغير انا مع المجتمع وعاداته ده جدا ومش شايفه فيها ظلم للمرأه اطلاقا
جزيت خيرا
وياريت زياراتك تتكرر:)

****************
محمد هشام
:):):):)
ماشى اسمع الأغنيه براحتك وفى انتظار عودتك
بس انا عن نفسى ضد البنت الى تصرح بحبها وبعتبرها اهانه وبترخص نفسها ده رأيي ومستنيه رأيك
أشكرك ياعزيزى:))

Anonymous said...

كل سنه وانتى طيبه وعيد سعيد

Mohamed Hesham Safa said...

والله الصراحة راحة ... انما الكتمان ده صعب ..

انا شايف انه مافهاش اي حاجة يعني ده شئ عادي ... خصوصا ان الدنيا اتغيرت كتير ...


وعيد سعيد


والسـ ختام ــلام

همسات دافئه said...

west
وانت طيب مرسى اوى:))

*************
محمد
والله مش عارفه دا رأيك وانا محترماه بس بصراحه مش مقتنعه
وكل سنه وانت طيب:)
والسـ ختام ـــــــلام
:)