بجرى عشان يلاقينى أول واحده تستقبله
افتح دراعى بشوق استنى أحضانه
مش هممنى ثورة أمى لما هتلاقى هدومى اتبلت
ولا هممنى دور البرد الى هيسيب صدور الناس ويخترق صدرى
إغسل يامطر قلبى ذى ما بتغسل أوراق الشجر
احيي فيا الأمل ذى ما بتحي الزرع والزهر
دوب الحزن جوايا باصرار ورقه ذى ما بتشق الحجر
خلى الدمعة على عتبة عينى تحتضر
نفسى اغتسل تحتك من ذنوبى وتغتفر
قطراتك بتعزفلى لحن من غير عود او وتر
والبرد بيمسك ايدى ويرقص معايا
وانا جسمى بيتنفض
وبترعش
بس مش هاكون ذى العصافير
تجرى تستخبى فى العشش
هأقف استقبل المطر
وأضحك للسما
لإنى رغم البرد الى محاوطنى
.
.
قلبى حاسس بالدفا
47 comments:
جميلة أوي أوي أوي أوي
:)))
بجد أوي
أنا أصلا بحب المطر جدا جدا و كتبت لسة قريب عنه في البلوج :). فعلا من أحلى نعم ربنا اللي بتدينا شعور غريب مش بنحسه غير وقت نزول المطر
تحسي إنك فجأة رجعتي طفلة وعايزة تلعبي و تجري تحته
كلماتك رقيقةو أسلوبك رائع. حسيتها جداااا
دوب الحزن جوايا بإصرار و رقة زي مابتشق الحجر
و رغم البرد اللي محاوطني.. قلبي حاسس بالدفا
بجد بجد... دمت مبدعة ياأحلى شيمو
أنا كمان أول تعليـــــق
:)))
أسألك الدعاء "لو ممكن". شكرا
قلبى حاسس بالدفا
حقيقى إنتى إحساسك رائع
سعدت بمعرفتى لمدونة حضرتك تقبلى تحياتى
دمتى بود وفى سعادة
ياسلام...ياسلام ...ياسلام
ايه الجمال دى
ياستى يا بخت المطر
حلوة اوى اوى اوى
يا ادفا همسات
بس الهمسه دى برد شويه وفيها رائحه المطر الرائعه
وفطره المطر ونقاء المطر
تحياتى
عزيزتى
تحت المطر فيه دفا تانى
دفا جوانى
وكل واحد مننا جواه شئ
بيخليه عاوز يطير
ومنه طيران جوه المطر
تحياتى
سلام
افتكرت قصيدة تحت المطر اللى كتبتها الشتاء الماضي
انا زيك بحب النزول تحت الامطار مهما كانت العواقب بس لحظة المشى تحت الامطار لا تعوض
احساسك عالى فى البوست وكلماتك رائعة
اللــــــــه
جميلة اوى يا شيماء
وحشتينى يا بنتى فينك من زماااااااااان
دمتى مبدعة يا قمر
سالى
كلماتك جميله جدا وتعبيراتك بسيطه وقريبه من القلب انا بحب المطر اوى بس المشكله فى العواقب الى بعد كده دايما بتذكر وانا طفله كنت بجرى تحت المطر وانا لازم اكون باكل اى حاجه كنت بحب ده اوى واجرى اروح اغير هدومى وادفى بعد كده كانت ايام حلوه ..عموما تحياتى اليكى وتمنياتى بالنجاح دائما
ياااااااااة
حسستينى كانى فى شارع مليان مطر
وغسلنى من حاجات كتيرررر جوايا
يسلم احساسك والله بجد بجد
تسلمى
عووووووووووووووووووو
المطر دا شئ جميل بينزل من السماءيغسل قلوب البشر زى ما بيغسل الاشجار وبيحى الزرع من جديد
وبعدين الدفا فيه بيكون احساس صادق بجد بيكون احساسجميل صعب الانسان يوصفه
عارفه وغير الكلام التحفه اللي بتقوليه والاحساس الصادق ده عارفه ايه كمان
صوت المطر وهو بيزل ومفيش صوت غير الصوت ده وهو نازل علي وشك وبتبربشي والواحد مأنفد في نفسه يعني سقعان ههههههه
وضامه نفسك والصوت ينزل علي الارض والهوي واحلي حاجه ان الواحد كان يروح يلاقي الحذاء او الجزمه او الشوز اي حد يختار اللي عاوزه بقي يفضيها من المايه شكلها كانت بلستك ولا ايه
هههههههه
احلي فصل عندي هو الشتا برغم السقعه بس بحبه وبحب كل حاجه فيه وليه ذكريات جميله معايا
تحياتي لاحساسك الجميل
الله
الدفا ده علشان نحسه من جوانا
مش لازم يكون من بره
ده الأهم
ان قلبك دافى
:)
ربما زيارتى الاولى .. لا ادرى .
العن ذلك المرض الذى يجتاحنى دائما اسمه النسيان ..
جميل ما كتبتى ايتها الرقيقة جدا الدافئة تحت امطار الشتاء .. الفء فى القلب هو شعور امراه تعلم جيدا ان للمطر احساس وللشتا دفء خاص .. هناك امكثى حواء واجعلى الحياه من السماء الى روحك .. لا تستجيبى لنداء احدهم .. فهنا هو انتى
اعجبتنى المدونه لكى منى وردة :)
فراشتى الرقيقه:)
ربنا يكرمك يارب انتى الى جميله اوى
ومنورانى بتعليقاتك وكلامك دايماً
وربنا يغرق الدنيا مطر عشان خطرك ان شاء الله:)
***********8
محمد
ميرسى اوى بس بلاش حضرتك ده:)
انا كمان سعيده بتعليقك أوى واتمنى يتكرر
************
ممكن
زميلى الغالى:)
كل ده سلامات ههههه
يابختى انا بوجودك عندى:)
تسلم يارب:)
احساس لسه حي
افتقدت تعليقاتك:)
أطير جوه المطر
يمكن
مع ان المنطقى انى أغرق تحت المطر
بس هى فعلا أطير:)
شكرا ليك أوى
**********8
رئيسى الغالى:)
عارفه انك بتحب المطر وفاكره القصيده كويس يمكن عشان كده وصلتلك كلماتى
شكرا ليك اوى نورت بلوجى من تانى:)
************
حاجات جوايا:)
انتى كمان وحشانى كتير الدنيا خدتنى شويتين بس بحاول على قد ما أقدر مسبش مكانى هنا
عارفه انى مقصره معاكى كتير بس سامحينى بقى:)
ميرسى اوى على تعليقك الجميل ده:)
miss g/h
كلنا نحمل ذكريات تحت المطر:)
ميرسى على تعليقك اوى
خاصه مرحله الإنتعاش الى بتعقب سقوطه:)
***********
كيكى حبيبتى
:)
ربنا يخليكى ليا يارب كويس المطره الى جايه نلعب تحتها مع بعض
تسلميلى ياقمر:)
***********
رومنسى
صح كلامك اوى
اقدر اقول انك فهمتنى:)
خصوصا حاله الإنتعاش الى بتحصل فى الجو بعد ما المطر يوقف بحس انى تجديد للكون:)
أشكرك اوى على تعليقك:))
شيماء
انتى عارفة انا بحب المطر قوى
رغم انه من فترة مزارنيش فى اسيوط
زهقت وقررت أزورة انا وبروح القاهرة من فترة وعايز استقر هناك يمكن الاقى المطر اللى بيغسل النفس والروح
مستنى اخلص التجنيد أتفرغ للمطر حبيبى
انا زرته السنة اللى فاتت فى اسكندرية
ولقيته على وده معايا وينقى روحى
جميل هو المطر
والاجمل أن تشعر بجماله
تفيض كلماتك رقة
ليتك تكتبين الشعر
قلت لك أننا جيران
ذلك لأنى سأستقر فى مدينة نصر
واجازاتى فى القاهرة هناك دوما
لحين الاستقرار
ولكن موسم المطر لم يبدأ بعد
كانت مرة من مرات الخريف التنبيهية
نحياتى
يغسلنا المطر من الهموم
يعود بنا الى الطفوله
تحت قطراته البارده
ومع رجفة البرد..والصقيع
نحن ثانيه الى الدفئ
فنعود!
رغم إن البوست كله مطر وبرد بس حسيت إن دفئ كلماتك تجاوز اى احساس برد او مطر
تحياتي لك
و يسعدني زيارتك لمدونتي
الشعور تحت المطر رائع جدا ولا يمكن مقاومته
أحييك على البوست ده وعلى المشاعر اللى فيه
قطرات المطر
مقابلتها وهي آتية من السماء
لها احساس مختلف
انا عن نفسي احبة
تحياتي
سيد سعد
السلام عليكم
شيماء صاحبة الهمسات الدافئة
اما اليوم فهي همسات شتوية ممطرة
كعادتك دائما يا شيماء
احسنتي في هذا الوصف وكأنها صورة رسمتهيا بكلماتك الجميلة
دمتي في خير
و يا سحاب حقق أمانيها
و انزل يا مطر
و بشويش علينا
و لا أقولك
ايه رأيك تمطر حب؟
لولي مع ورد و فل
يليق بأميرة
هادية و جميلة
هقولك تاني
بشووويش عليهااا
همسات دافئة
و هي فعلا كده
متتصوريش انا أعده فاتحة الصفحة
يمكن ساعة
عماله أعيد و أزيد و أقرأ
راااائعه
كلام ملينا بالبراءة
و عمرك مهتكتبي الكلام دا
الا اذا كنتي فعلا كده
بجد حسيت بكل كلمة فيه
إنتي بجد جميلة
ربنا يسعدك دايما
و يوفقك
(F)
(F)
حلو اوى بجد احساسك بالمطر بالشكل الجميل ده
قلمك رقيق و فياض
كل تقديرى و احترامى
ياااااااااااااااه
نفسى زيك و اكون كمان حافى و العب فى الطينه و الميه تغرقنى
بحب المطر اوى
و حبيت البوست ده اوى
ايه دا كله ايه دا كله
ازيك الاول عاملة ايه
معلش انا عارف انى مقصر فى دخولى البلوج بتاعك
المهم
ايه الكلام الجامد ده هى دى شيماء يا رجالة
بجد كلماتك جميلة وانا عن نفسي نفسي فى شوية مطر من اللى انتى بتقولى عليهم
شيماء
اعتذر عن التأخير
ارجو ان تكوني بحال جيد
دائما في تميز
لكن عندك ما هو أفضل
تحياتي وارجو تقبل اعتذاري
مندهش
اهلا بك ...ننتظر تعليقاتك على ما نكتبه من بوستات فى مدونتنا ونذيع الموضوعات والتعليقات فى حلقات برنامجنا ويوجد
بعض الحلقات فى بوكس الأرشيف على اليسار يمكنك الأستماع الى اى حلقه فيها
برنامجنا يذاع يوميا صباحا تسعه وعشره على اذاعة البرنامج العام اى الأذاعه الرئيسيه لمصر عدا الجمعه ويوجد رابط فى
موقعنا تضغط عليه وتنتظر وقت الأذاعه فتسمعنا الرابط الى اليسار تحت الساعه والموقع هو
http://dear.to/cairo
لو زرته ستعرف كل شىءعنا وعن ما نفعله ...صوت وصوره
المدونه
http://netonradio.blogspot.com
جميله اووووووووووي بجد
جميل
ومعبر
تحياتي
كل سنة وانتي طيبة وبخير دايما
ان شاء الله
وياريت تطمنينا عليكي
تحياتي
تدوينه جميله
استمتعت بالمرور من هنا
تمنياتي بالتوفيق :)
رائعة بحق تلك الكلمات وذلك الاحساس
تحياتي
انت فين يا شيمو؟؟
يــارب تكوني بخير
بس قلت أعدي أسلم عليكي عشان وحشتيني أوي
السلام عليكم
اول زياره ليا للمدونه الرائعه دي
ايستايل جميل اوووي و انا من محبين المطر جدا
اتمني لك المزيد من التفوق و الأزدهار
و اتمني زيارتك الي مدونتي المتواضعه
جميله جدا جدا
المطر بيغسل الارواح
ولازم يرسم بسمه جميله على الوشوش
ما اجمل المطر
ومااجمل احساسك
انتى فين من زمان
وحشتينا اوى اوى اوى
ارجعى يا بنتى محدش هيعملك حاجه
تحياتى
يارب دايما قلبك يحس بالدفا
كل سنة وانتي طيبة
وكل حباية مطر وانتي اطهر وانقى
تقبلي مروري
شيماء
رقيقة قوي همساتك ديه حسيت فيها معاكي بالدفا
هو ليه كل اللي بحبهم في العالم دة بيختفوا كدة؟؟
مش بقيت بحب العالم دة زي زمان :(. كل شوية حد يبعد ومش أسمع عنه تاني
ياريت تطمنينا عليكي يا شيماء
لو يهمك
لك كل الحب
ما اجمل ان يغسل الانسان همومه
يغسل احزانه وشتات افكاره
ليعود صافي الذهن
حاملا كل ما يشغل باله في صندوق محكم الغلق
لكل منا طريقته
وطريقتك غاية في البساطة , شديدة الفاعلية
ما احلي ان يعيش الانسان لحظة يتحرر فيها من قيود الدنيا
تحياتي لك علي هذا الكلام الصافي
فينك
يا رب تكونى بخير
طيب ايه مش هانسمع منك قريب
جميل البوست وفعلا الواحد محتاج المطر يغسل حاجات كتير لكن للاسف مش بتمطر هنا
اتمنى تكونى بخير واسف على الانقطاع وطمنينا عليكى
طيب ايه مش هانسمع منك قريب
جميل البوست وفعلا الواحد محتاج المطر يغسل حاجات كتير لكن للاسف مش بتمطر هنا
اتمنى تكونى بخير واسف على الانقطاع وطمنينا عليكى
اسلوبك جميل جدا وكمان انا باحب المطر جدا لانه غامض وباحس انه بغسل العالم
http://mohamedadel.dmon.com/
Post a Comment