Saturday, November 21, 2009

احساس مسلوب

هو انا ليه

رغم إني صحيت البطاطين الكسلانه بقالها فصول

وقفلت الشبابيك والأبواب باحكام

ورغم اني شربت الكاكاو وهو سخن اوي عشان احبس جوايا كل بخاره الى كان بيرقص فى الهوا

وفركت ايديا بعنف عشان افجر الحرارة المستخبيه جواهم

ورغم اني كتبت حروف اسم حبيبي ببخار الميه وذكرى المطر على كل المساحات الفاضية من ازاز شباكي

وخليت فيروز تعلى صوتها على اد ما تقدر

وولعت شمعتين عشان يستنشقه البروده اللى فى المكان ويخرجوها دفا وحنان

ليه بقى

لسه بتنفض

وبترعش

وخايفة

ومش حاسة بالدفا

؟؟

19 comments:

رحله البحث said...

ايه الجمال ده؟
الاول ازيك؟ ايه اخبارك؟
انتى فين؟
انا كمان فين من زمان مش عارف
البوست حلو اوى وعنوانه بليغ اوى
انا كمان حاسس نفس البرد
مش عارف طيب الواحد يولع فى نفسه يمكن يدفى
ههههههههه

MISS\GH said...

روعه ..روعه
حلو اوى البوست ده اولا معذره عن غيابى الكبير ده بس الحمد لله رجعت تانى لعالم التدوين اللى فعلا كنت مفتقداه

تسلم ايدك يا قمر ومن نجاح لنجاح بازن الله

Phoenix said...

لان كل اهتمامك كان فى التدفئة الخارجية
و نسيتى تهتمى بالداخل

كئيبة said...

أكيد لإنك مش حاسة بالأمان
بس ازاى متحسيش بالأمان طالما ربنا موجود يحفظك ويحميكى؟
متخافيش من حاجة ...
قل لن يصيبنا إلا ما كتب الله لنا
والله خيرٌ حافظا وهو أرحم الراحمين

مدونة جميلة و ... دافئة
جزاكِ الله خيرا

كيكى عوووووو said...

يمكن عشان مش مؤمنه بلى بتعميلى
(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
*************************

رحله البحث said...

كل سنه وانى طيبه يا شيمو
وعيد سعيد عليكى
بالراحه ع الخروف دا برضه مسكين

واحد من الناس said...

سعدت جدا لمرورى بمدونتك الرائعه
تحياتى
وكل عام وانت بخير

Timo.. said...

بصي يا شيموو..
انا اتعلمت حاجة..
ان البرد الحقيقي بيكون جوانا...مش برانا..!!

Timo.. said...

نسيت اقولك كل سنه وانت بكل الخير والسعادة والهنا

(green eyes) said...

علشان انتي محتاجه دفئ داخلي
كل سنة وانتي طيبة

إحنا شباب النهارد said...

السلام عليكم ورحمة الله وبركاته
تسر رابطة هويتى إسلامية أن تدعوك للمشاركة فى قص شريط إفتتاح أحد أكبر وأهم مشروعاتها وهو مدونة " إحنا شباب النهارده " من خلال تاج هدية من الرابطة .

نتمنى قبول التاج ونشر إجابته بمدونتك مشاركة منك فى افتتاح المدونة

نرجو زيارة المدونة للحصول على أسئلة التاج والإطلاع على كافة التفاصيل حول فكرة المدونة

مع خالص تحيات
أسرة رابطة هويتى إسلامية
فريق عمل إحنا شباب النهارده

صاحب المضيفة said...

لانك عملتي كل ده من غير ما تحسيه من جواكي

كل سنة وانتي طيبة ودافية ديما باللي بتحبيه

sookra said...

دى تانى مره ادخل هنا وموش ناويه تكون الاخيره
بس دى اول مره اعلق هنا بصراحه لقيتنى عاوزه اقولك انك موش لوحدك اللى احساس الدفا دا مسلوب منك فيه كدا ناس كتير
مساكى شيكولاته بلون قلبك

sookra said...

انا بحلم بالعالم بتاعك دا وعشان كدا هاسجل نفسى عضوه من اعضائه

Wish I were a Butterfly ... said...

جميلة أوي كلماتك يا شيمو

:)

مليانة إحساس

Timo.. said...

يا شيمووو مش تتاخري كده تاني علينا (';')

بحب الحكومة said...

جميل جدا يا شيماء
الى الامام

بحبك يامصر said...

انا رايى من رأى كئيبه المسأله ليها صله بعدم الاحساس بالأمان
اسلوبك رائع دائما استمرى
شكرا

arabcooL said...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول