هو انا ليه
رغم إني صحيت البطاطين الكسلانه بقالها فصول
وقفلت الشبابيك والأبواب باحكام
ورغم اني شربت الكاكاو وهو سخن اوي عشان احبس جوايا كل بخاره الى كان بيرقص فى الهوا
وفركت ايديا بعنف عشان افجر الحرارة المستخبيه جواهم
ورغم اني كتبت حروف اسم حبيبي ببخار الميه وذكرى المطر على كل المساحات الفاضية من ازاز شباكي
وخليت فيروز تعلى صوتها على اد ما تقدر
وولعت شمعتين عشان يستنشقه البروده اللى فى المكان ويخرجوها دفا وحنان
ليه بقى
لسه بتنفض
وبترعش
وخايفة
ومش حاسة بالدفا
؟؟
18 comments:
ايه الجمال ده؟
الاول ازيك؟ ايه اخبارك؟
انتى فين؟
انا كمان فين من زمان مش عارف
البوست حلو اوى وعنوانه بليغ اوى
انا كمان حاسس نفس البرد
مش عارف طيب الواحد يولع فى نفسه يمكن يدفى
ههههههههه
روعه ..روعه
حلو اوى البوست ده اولا معذره عن غيابى الكبير ده بس الحمد لله رجعت تانى لعالم التدوين اللى فعلا كنت مفتقداه
تسلم ايدك يا قمر ومن نجاح لنجاح بازن الله
لان كل اهتمامك كان فى التدفئة الخارجية
و نسيتى تهتمى بالداخل
أكيد لإنك مش حاسة بالأمان
بس ازاى متحسيش بالأمان طالما ربنا موجود يحفظك ويحميكى؟
متخافيش من حاجة ...
قل لن يصيبنا إلا ما كتب الله لنا
والله خيرٌ حافظا وهو أرحم الراحمين
مدونة جميلة و ... دافئة
جزاكِ الله خيرا
يمكن عشان مش مؤمنه بلى بتعميلى
(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
*************************
كل سنه وانى طيبه يا شيمو
وعيد سعيد عليكى
بالراحه ع الخروف دا برضه مسكين
سعدت جدا لمرورى بمدونتك الرائعه
تحياتى
وكل عام وانت بخير
بصي يا شيموو..
انا اتعلمت حاجة..
ان البرد الحقيقي بيكون جوانا...مش برانا..!!
نسيت اقولك كل سنه وانت بكل الخير والسعادة والهنا
علشان انتي محتاجه دفئ داخلي
كل سنة وانتي طيبة
السلام عليكم ورحمة الله وبركاته
تسر رابطة هويتى إسلامية أن تدعوك للمشاركة فى قص شريط إفتتاح أحد أكبر وأهم مشروعاتها وهو مدونة " إحنا شباب النهارده " من خلال تاج هدية من الرابطة .
نتمنى قبول التاج ونشر إجابته بمدونتك مشاركة منك فى افتتاح المدونة
نرجو زيارة المدونة للحصول على أسئلة التاج والإطلاع على كافة التفاصيل حول فكرة المدونة
مع خالص تحيات
أسرة رابطة هويتى إسلامية
فريق عمل إحنا شباب النهارده
لانك عملتي كل ده من غير ما تحسيه من جواكي
كل سنة وانتي طيبة ودافية ديما باللي بتحبيه
دى تانى مره ادخل هنا وموش ناويه تكون الاخيره
بس دى اول مره اعلق هنا بصراحه لقيتنى عاوزه اقولك انك موش لوحدك اللى احساس الدفا دا مسلوب منك فيه كدا ناس كتير
مساكى شيكولاته بلون قلبك
انا بحلم بالعالم بتاعك دا وعشان كدا هاسجل نفسى عضوه من اعضائه
جميلة أوي كلماتك يا شيمو
:)
مليانة إحساس
يا شيمووو مش تتاخري كده تاني علينا (';')
جميل جدا يا شيماء
الى الامام
انا رايى من رأى كئيبه المسأله ليها صله بعدم الاحساس بالأمان
اسلوبك رائع دائما استمرى
شكرا
Post a Comment