Saturday, November 3, 2007

لن أشتاق اليك

سألنى يوما أتشتاقين الىّ؟ فجاوبته لا
بغمزته قال انكِ تكذبين فلابد أنكِ كما اشتاق تشتاقين
ضحكت ساخره وقلت يالك من مغرور
فأنت رجلاً كالباقين دوما تظنون أنفسكم فرسانا ولنا آسرين
قال بابتسامته الواثقه
وانتِ امرأه كالباقيات تخفين مشاعرك وان كنت من الشوق تحترقين
أخفيت اقتناعى بكلماته الصادقه
واستفززته بسؤالى الى متى تخدع نفسك أيها المسكين؟
قال وقد بدأ الشك يشوب نظرته
وانتِ متى بحبك وشوقك الى تعترفين
جاوبته لن أعترف بما لا أشعر
فقال عذرا ياسيدتى أخطأت حين كنت-بما لا ادرى-على يقين

خيمت سحب اليأس على ملامحه وانتحرت الثقه من عينه ووجدت دمعه ترجوه ان تنطلق فأدار عنى وجهه الحزين وتركنى ورحل
مهلاً ياسيدى
فكيف اشتاق اليك وصورتك قد نقشت على جفونى؟
كيف اشتاق وانت تسبق البسمه الى شفتى,والفكر الى عقلى,والنغم الى وترى؟
كيف وانا آخذك كالشهيق الى رئتى؟
كيف وانت تذوب كالسكر فى فنجالى؟
ما اشتقت يوما ولن أشتاق فأنت معى شئت ام ابيت,وحبك قد استوطن قلبى بعيد كنت عن عينى ام اقتربت
ما اشتقت يوما
.
.
ولن أشتاق

30 comments:

اسكندراني اوي said...

لقد نفذتي ما كنت اليه تهدفين
انتحرت الثقه في عينيه
اهذا ما كنت تريدين ؟؟
ام هي فقط مجرد دردشات مع من تحبين

حلوه اوي على فكره

فكرتها جميله
تحياتي

والربع جنيه المخروم لو سمحتي

ولــــــــــو said...

دايما افتكر كلام مش عارف مين صاحبه بس بيقول لو فيه وقت ممكن تقولي فيه انك بتحبني واذا كنت بتحمل ليا مشاعر جميله فقولي دلوقتي وانا موجود عشان اقدر اعيش الاحساس الجميل ان فيه حد بيحبني ويبقى فيه وقت ان الاحساس ده يكبر ويزيد
دايما قول اللي انت حاسس بيه ف وقتها عشان لما تقرر ان ده بالنسبه لك الوقت المناسب ممكن يكون فات الاوان
ماتخافش انك تعبر عن احساسك وماتخافش على مظهرك قدام الناس
صدقني هايقدروا احساسك ده
كلامك حلو قوي بجد
وسعيد اني عرفت حد كويس زيك

Doba said...

كده وقعتى قلب الراجل فى رجليه
ستات عاوزة تضرب

ههههههههه

بس تصدق هما يستاهلو من آن لآخر كده قرصة ودن

بس بجد يسلم ايديكى
تحياتى
هبة

mohand said...

السلام عليكم

لما انتي بتحبيه ما كنتي قولتليه وخلصتي
بدل وجع القلب ده والتعب

عموما الراجل ده واثق في نفسه مش مغرور

وهناك فرق


المهم يعني مشي وخلاص سبتيه ولا ناديتي عليه ؟



بس الفكرة حلوه

Known as PHYSCO said...

أنا مش عارفة ليه بس تعب القلب ده و التلاعب بالكلام ... يعنى مادامت عارفة قصده و هو ده إحساسها بدل ما تضيع ثقته فى حبها ما تغنى له عجيب حبك لإيمان البحر

بس أسلوبك عجبنى يا مشمش

Unknown said...

ضحكت و قلت يالك من معرور فانت رجلا مثل الباقين

مش عارفة هما مالهم يا بنتى
كلماتك جميلة بجد احييكى عليها

أحمد المصري said...

لا لا لا جامدة جدا فعلا..الأسلوب الجديد في العرض والفكرة..حاجة روعة0

rack-yourminds said...

بوست جميل جدا

تسلم ايدك يا شيماء

sa'7so'7te said...

بجد من احلى البوستات اللى قريتها بس انتى جبارة برضه حرام عليكى

احساس لسه حى said...

عزيزتى
المراه عندما تشك فى حب الرجل تحاول ان تكتم حبها نحوه لاكن الرجل قبل ان يعرف مشاعرها يصرح لها بحبه
فليس المطلوب من المراه ان تعترف بقدر ما مطلوب من الرجل ان يعترف وان يثبت اعترافه ايضا
لاكن للاسف دائما المراه تعترف وتسرع بالاعتراف ودائما يستغل هذا الاعتراف
فاعترافها هو البدايه لحب حقيقى او خدعه ووهم كبير
تحياتى يا قمر
سلام

سندباد said...

معلش بس دي مش قسوة جميل انه استوطن فؤادك ولكن الاجمل هو التعبير عن المشاعر كلنا نحتاج نسع كلمة الحب حتي الرجالة مش الستات بس
بس هي فكرة حلوة وجديدة
تحياتي

رينـــــــــــا said...

كلامك جميل ربنا يخليكوا لبعض يارب
والفكرة جديدة وجميله كالعادة

همسات دافئه said...

اسكندرانى قوى
لاء ده مجرد دردشه:)))
وهابعتلك الربع حنيه عيونى ياباشا
مرسى على التعليق
نورت بلوجى
:))

***********
ولو
حاتم انا بجد الى مبسوطه قوى انى اتعرفت عليك وعندك حقك جدا انا مقتنعه بالى انت بتقوله ده
start today tomorrow may be to late
ربنا يكرمنى ويكرمك ياعزيزى:)

همسات دافئه said...

دوبا
ههههههههه
يافهمانى انتى ياجميله
دا انتى شكلك مطلعه عين الراجل يالا ربنا يكرمك ياغاليه ويصبرنا عليهم يا أوختى ههههه

************
مهند
;)لاء حضرتك هو لسه مجاش عشان يمشى بس برومس يعنى اول ما ييجى
مممممم
ممممممم
مش عارفه لسه هاعمل فيه ايه:):)
يالا ابقى ادعيله بقى
مرسى على زيارتك اللطيفه ده:)

همسات دافئه said...

بيقولوا سايكو
ايووووى حبيبتى
نورتى بلوجى ياغاليه:)
يعنى لازم شويتين كده عشان ميخدوش مقلب فى نفسهم تعليقك هو الى جميل جدا جدا ربنا يخليكى ليا

************
عاليا حكيم
يالا ربنا يهدينا ويهديهم مرسى قوى على كلماتك اللطيفه ده اسعدنى وجودك بجد

همسات دافئه said...

احمد المصرى
ربنا يخليك مرسى قويييي
دا بس من ذوقك يافندم:):)

************
راك يورميندز
الله يسلمك ويخليك يارب مرسى قوى:)

************
سخسوخه
ههههههه
ليه بس كده دا انا غلبانه قوى ربنا يخليكى نورتى البلوج وان شاء الله زياراتك تتكرر باذن الله:):)

همسات دافئه said...

حسام
دايما كلاماتك بتبقى حكم ياعزيزى:)))
عندك حق فى كل كلمه بس هو ده طبع البشريه هنعمل ايه:):)

**********
سندباد
اجمل من ابحر فى بحر الهوى استاذ ياسندباد والله مرسى على كلماتك الجميله
*************
رينا
يخلى مين لمين ادعيلى ربنا يرزقنى الأول وبعدين يخليه نورتينى ياجميله ربنا يخليكى ليا

gohayna said...

حتي لو مش بتشتاقي اليه لانه علي طول في خيالك برضه لو ركزتي هتلاقيه بيوحشك وهو قدامك

ونفسك تسمعي صوته وهو بيكلمك

الحب رائع اوي يا عزيزتي

ربنا يهني قلبك يا قمر يا رب

تحياتي ليكي اوي

طارق هلال said...

احذرى
فإنه قد يثأر لكرامته
احذرى
فإنه قد يحيرك ويشعلك غيرة

نص جميل
وربنا يعينه على دماغك يا ستى

حنان شلبي said...

تحياتي الك اول شي

تانيا بصراحة بصراحة بصراحة ابدعتي وكتير حكيك معبر وصادق

اول فقرة قراتها حسيت انك بتحكي عني لانو بالعادة هيك الشباب منفوخين وشايفين حالهم ولو طنشتيهم بفكروكي ميتة بدباديبهم

بس ما علينا كمان الفقرة التانية بتجنن وحسستني كمان بحالي لاني بعيشها فعلا

وضلك عم تكتبي هيك اشياء بتعقد

تحياتي الك

http://kasperb4.blogspot.com/ said...

جميلة اوي والله المعنى كمان عالي اوي

تسلم ايدك

سندباد said...

جيت اطمن واسال
تحياتي

كائن نورانى said...

ازيك يا شوشو وحشتينى جدا والله

اخباراتك ايه يارب تكونى تمام

ايه البوستات الجميلة اوى دى

بس يعنى هو لازم تتعبى قلبه

ولا التقل زى ما بيقولو


البقين اللى فى الخر حلوين اوى

تسلم ايدك ياقمر

فى انتظار حجات رائعه دايمن

يلا سلاموتو

mohamed emera said...

السلام عليكم
دى كانت اول مرة ادخل مدونتك الجميله
واقرا الكلام اللى فعلا جميل جدا ومعبر جدا بجد برافو
وان شاء الله هكون من الزوار الدائمين
اهنيكى على الحب والكبرياء
تحياتى

Anonymous said...

اولا اسمحيلى بجد اقولك ان البوست دة اكتر من راااااائع
كل كلمه فيه بتعبر عن معنى جميل و تفكير اجمل
وبصراحه انا بتفق مع ان المفروض ان الراجل هو اللى يعترف بحبه وان البنت مفروض تحتفظ باعترافها دة لحد الوقت المناسب
عامه الشاب لما البنت بتعترف بحبها ليه بيحس انها خلاص بقت ملكه ومش فارقه معاه بقى
المهم
انتى بجد كلماتك دى عجبتنى ويارب تكتبى حاجات زى دى على طول
على فكرة انا اول مرة ادخل البلوج بتاعك بس البوست شدنى قووووووى
وعلى فكرة كمان انا اسمى شيماء زيك:D

همسات دافئه said...

جيجى
انتى رقيقه وجميله اوى بجد وكلامك مممم
راقى
فعلا بتشرف انك بتقرى ليا حاجه
:))

***************
أرابيك اى دى
ههههههههه
مالها دماغى بقى وايه احذرى احذرى لا متخافش البنت بتعرف امتى تقطع وامتى توصل
سر المهنه بقى
مرسى يافندم على وجودك أسعدنى للغايه:))

***************
حنونه
تسلميلى ياغاليه على ها الكلمات الى تجنن ولازم طبعا نخليهم مش يخدوا فى نفسهم مقلب
مرسى ليكى اوييييييييي

همسات دافئه said...

آلآم وآمال
تسلملى ياعزيزى ده بس من ذوقك شرفتنى بجد واتمنى زيارتك تستمر

************
سندباد
ربنا ما يحرمنى من سؤالك ياغالى انا متسوحه آخر حاجه دعواتك ياعزيزى

************
كائن نورانى
الله يخليكى ياجميله مرسى اوى اه طبعا لازم تتعبيه شويه عشان ميخدش فى نفسه قلم تسلميلى ياقمر على كلماتك الرقيقه

همسات دافئه said...

محمد
يافندم بلوجى نور مرسى على وجودك ويارب فعلا مش تكون آخر مره أسعدنى تعليقك:)

**********
ضى القمر
شيموووووو
الله بجد كلامك حلو موت ووصفتى الى انا عايزاه بالظبط احييكى بجد وكان نفسى أقرالك انا كمان ياريت بجد تيجى كتير:)

Anonymous said...

فظيعهٌ
جميلة قوي ما شاء الله
الفكرة و الاسلوب
و دمتم سالمين

سلاموزة

سمكه واحده said...

فظيعه يا شيمو بجد
ماشاء الله عليكي
لما شوفت اخر بوست قررت اشوفك كل التدوينات اللي فاتت
ممكن انتي متشوفيش التعليق ده
بس انا كتبته عشان عجبني اوي اوي
ربما يوما ما تشوفيه
احيكي يا احلي همسه وادفي همسه
عبرتي فيه بجد ان استعباط الستات وعندهم
وعن غرور الرجاله
سمكمك