Saturday, April 19, 2008

الخوف

وقفت أمام البحر فاذا به يرسل أمواجه الىّ لتنادينى تقبل قدمى أن آتى الموج يزداد توسلاً وأنا جامده
أرى كائن صغير يقترب منى يريد يلمسنى,يزداد اقترابا وانا أتقهقر أرجع للوراء فى سرعه لأصتدم بالرمال
أجدها تجذبنى اليها تغوص فيها قدمى فتتثبث بها وترفض أن أرفعها ولكنى بقوه أنزعها
ألمح ضوء القمر يراقبنى من بعيد,يبتسم لى بدلال,يغازلنى بمهارته فبدون أن أجيب ابتسامته أخفض بصرى
أيها البحر:كم أشتاق الى حضنك,كم أتمنى أن يراقصنى موجك ولكنى أخاف أن تقسى علىّ فتغرقنى
أيها الكائن الصغير: الذى لا أدرى حتى ما اسمه أشعر بداخلى شئ يدفعنى نحوك,يجعلنى أتمنى أن أحمل جسدك الضئيل بين يدى المرتعشه ولكن ما ادرانى ربما تكون مسوما فتبث فى يدى سمومك
أيتها الرمال: كم أنت ناعمه ودافئه اعرف انك ستدفين جسدى البارد بين حباتك الذهبيه ولكن هل سأستطع الصعود مره أخرى أم سينتهى عمرى دفينه
أيها القمر: يامؤنس وحدتى وهادى طريقى آه لو استطع ان أغمض عينى وأفتح يداى كالأجنحه وأصعد وأصعد لآجد نفسى بين يديك يحتوينى نورك وتلفنى استدارتك ولكنك ربما لن تستطع حملى فأنزل صريعه على الأرض مفتته
يزداد الموج اصرارا والكائن اقترابا والرمال جذبا والقمر دلالاً وانا ما زلت جامده كالثلج كعروسه من البلاستك لا تخرج عن اطارها لا أفعل سوى الهروب من كل شئ أخشاه
لماذا نخشى فعل كل شئ نريده لماذا تمنعنا توقعاتنا المستقبليه عن الإستمتاع بحاضرنا؟ ياالهى من يزيل هذا الخوف داخلى
الهى
... حتى انت اخشاك رغم حبى لك ويقينى من حبك لى فهل خلق الخوف ليستوطن قلوبنا أم خلقنا لنصارع هذا الخوف كى نعيش؟ أم نحن الذين خلقنا الخوف وكبرناه حتى أصبحنا نخشى ما صنعت يدانا؟

28 comments:

حاجات جوايا said...

أول زيارة واول تعليق
استاهل ايه بقى ؟؟؟؟؟؟؟

تنتابنى هذه المشاعر بين الحين والآخر لكنها لا تلازمنى فى كل وقت وحين

وما تخشين منه اليوم قد لا تخشين منه غدا
وبالعكس ما تطمئنين له اليوم قد يخيفك غدا

ربما يرجع خوفنا لحالتنا النفسية فى ذاك الوقت
وافتقارنا للشعور بالدفء والامان والاحتواء

اتمنى ان يزيل الله خوفك ويبدله لكِ أمنا
دمتى بخير اختى

سالى

Lobna Ahmed Nour said...

فعلا .. كتير اوي بنحس بالخوف وبتتراجع خطواتنا ونكتشف بعدها ان خوفنا مش مبرر
وان الحقيقة ابسط بكتير من الوهم
لكن يظل الخوف سيد كتير من المواقف بداخلنا
.. ابدعتي .. تحياتي

MKSARAT - SAYED SAAD said...

الا بذكر الله تطمئن القلوب
هو خير ملاذ.
تحياتي
سيد سعد

مسلم said...

تعبيراتك جميله

مسلم said...

و الأهم قضيه خوفنا من التجربه

لدرجه إننا ساعات بقرر إنا لم أدخل محل سندوتشات ماكلش حاجه انا كلتها قبل كده؛ و لازم أجرب حاجه جديده

فكره بسيطه

لكنها عودتني إني مخافش من تجربه شئ جديد

بطوط حبوب said...

اولا اسلوبك يهبل بجد
ثانيا
احنا لا خلقنا لنصارع الخوف ولا
خلق الخوف ليستوطن قلوبنا
لكن اظن اننا لو حاولنا ان نختار بين احدى الخيارين فسوف نقع فى دوامه الخوف
دعينا نرفض وجوده حتى لو رأيناه باعيينا
لا نعترف به
صدقينى سيخاف الخوف منا

أحمد بكر said...

المدونه بصراحة كلها عامله زى عالم جمييل
تحياتى

(احمد سكر ) said...

كعادادتك

كلامك رائع يمس القلب حقا

يجعلنا نبحر ونبحر

دواخل جدران احاسيسك

تحيتى لقلمك الرائع

احمد سكر

Anonymous said...

موضوع جميل
دايما بابقى حاسس انك لو استغليتي الشاعرية بتاعتك دى وقريتي كتير حتعملي حاجات رائعة

mohand said...

كلنا نخاف من المجهول
نخاف من الخوف نفسه

الغموض سيدتي هو ما يجعلنا نخاف


اتذكر انني يوم ان خرجت من البيت اول مره وحدي

كنت اخشي ان اخطو بقدمي الي الامام خوفا من عدم قدرتي علي الرجوع


تحياتي

Rushdy Kamel said...

من يخشى الفشل
لا يستطيع الاجتهاد ولا الوصول للنجاح

كثيرا ما تعوقنا توقعاتنا عن المخاطرة
وانا كثيرا ما أميل لما اتوقع
ربما لأني اخشى المخاطرة

وكان البحر هو اكثر الاشياء شبها لهذا

تحياتي لروعتك

la3lahakhier said...

الخوف كتير بيبقى مساعد وحافز على التقدم المهم نعرف نحوله لاتجاهنا مش ضدنا

همسات دافئه said...

سالى
كلامك مظبوط فعلا بترجع للحاله النفسيه لإن فى أوقات تانيه بتحسى انك مش خايفه من حاجه أبدا
نورتى مملكتى الصغيره:)
أسعدنى التعرف عليكى مرسى اوى

***********

يونيك

أيوه صح كتير الخوف بيحرمنا من اننا نعمل حاجات كتير وبعد كده نندم
فمن يزيل هذا الخوف بداخلى
أسعدنى مرورك:)

***********

مكسرات
والله أجمل تعليق
ونعم بالله
شرفتنى:):)

************

مسلم

برافو والى انت قلته ده هو أصعب انواع الخوف هو الخوف من التغيير انا كمان بحاول أعمل زيك لإنى من أشد المحاربين للمثل القائل الى نعرفه أحسن من الى منعرفوش
جزيت خيرا:))

همسات دافئه said...

بطوط عزيزى
ربنا يخليك يارب
احنا نخوف الخوف!!!
ينفع؟
أكيد أحييك بجد على قوتك واصرارك:)
نورتنى ياباشا:)

***********

بكر
وأجمل بتعليقك والله أتمنى زياراتك تتكرر:)

***********

سكر
:))))
كل ده انا بعمله ربنا يكرمك يارب ويخفف همومك ويسعدك ذى ما بتسعدنى بتعليقاتك:))

همسات دافئه said...

مصطفى
بجد يشرفنى جدا ان ده رأى مبدع زيك ربنا يكرمك يامصطفى انا بتعلم من قوه تعبريك ورقه احساسك وجمال روحك بجد:)))

**************

مهند
باحثى العزيز:)
كلنا نخاف ولكن لسنا جميعا يعوقنا الخوف من التقدم
ولسنا جميعا نسمح للخوف أن يتحكم فيينا فيجعلنا نندم على فرص أضعناها
دايما بتضفلى يامهند متحرمش من تعليقك يارب

*************

بيج كود
ربنا يكرمك على ذوقك وكلماتك:)
ولكنى لست معك أن تسمح لخوفك أن يمنعك من الإستمتاع بما تحب اليوم

أحلام عمرنا said...

جميله اوووووي
حسيت بيها
حسيت انك خايفه من حاجه من مجهول من المستقبل خايفه من كل ما هو غامض
بجد عجبتني
ربنا يوفقك
وتحياتي

3abdo me7tas said...

كلماتك جميلة اوى يا شيماء بجد
فى وسط كل اللى انا فيه وانا بجد حسيت بكلماتك بطريقة رهيبة
انا أؤيد ان احنا اللى كبرنا الخوف جوانا
ويا ريت نقدر على عواقبه

همسات دافئه said...

لعله خير
أيوه كده هى ده الناس العاقله
:))
فعلا ذى ما فيه خوف مرضى فيه خوف صحى وده مطلوب جدا أحييكى على تعليقك:)

*************
أحلام عمرنا
ربنا يكرمك يارب أرجو انها متكنش الزيارده الأخيره انت كمان مدونتك جميله:)

************
عبده محتاس
ربنا يهون عليك يامحمد يارب الحمد لله انك حسيت بالبوست أسعدنى وجودك بجد:)

قلب ينبض لله said...

مشاعر الخوف دي عند كل الناس بس بدرجات متفاوته

اتما الزياده والمبالغه في اي شيء مش كويسه

يعني فيها ايه لما نخاف يكون خوفنا بحذر
يعني انا مثلا خايف اعمل حاجه معينه
أقوم مثلا لما أجي اعملها أعملها بحذر وبتأني
وبكدا يكون خوفي مامنعنيش من اني اعمل الحاجه اللي انا عاوزاها

واهم طريقه لللقضاء علي الخوف
هو مواجهته
سارع الي ماتخشاه


تقبلي مني كل الود والاحترام غزيزتي شيماء

و القادم....أجمل said...

أتلك كلمات أم خطوطا اجتمعت
لترسم لوحة فنية
تبحر بنا في عالم آخر
نتأمل و نتأمل
لنكتشف إننا في رحاب مدونتك الرائعه
دمتي مبدعة


~*~~*~~*~~*~~*~
~*~~*~~*~~*~~*~

أما عن الخوف
فهو ظاهرة صحية
تدفعنا للتحدي
و التفكير و التأمل
لنصل إلى قرار إيجابي
و

*ألا بذكر الله تطمئن القلوب*

إحترامي و حبي
:)

Mohamed Hesham Safa said...

نحن الذين خلقنا الخوف وكبرناه حتى أصبحنا نخشى ما صنعت يدانا ...

واحنا برده اللي نقدر نشيله من دماغنا

حاجات جوايا said...

ايه ده ؟
انتى لسه خايفة يا همسات
سيبيها على الله بقى
ونزلى البوست الجديد
منتظرينك يا قمر

دمتى بخير
سالى

سندباد said...

حاجات كتير اوي ممكن تضيع من ايدنا لاننا بنخاف من التجربة بنخاف من المستقبل رغم ان بكرة بايد ربنا سبحانه وتعالي فعلا انتي عندك حق احنا اللي نبصنع الخوف وبنخلقه جوانا وبيمتلكنا وبيتحكم فينا وفي خطواتنا وقرارتنا رغم ان احيانا بتبقي الامور واضحة جدا لينا بس برضه بنخاف بس اكيد لو قربنا من ربنا اوي واصبح عندانا يقين بالقضا والقدر وشوية ثقة في النفس ممكن تنغلب علي الخوف افكارك مدهشة دايما
تحياتي الخالصة

Oma said...

ente ra2e2a awee

shadne style el blog elroooz :)

رئيس جمهوريه نفسى said...

الخوف خلق لنستشعر لذه التغلب عليه
بس بجد رسمك للوحه اكثر من رائع بجد وان نم ينم عن فنانه بدرجه قديره جدا

الآء said...

كثبرا ما يقف الخوف امام اعيينا
امام رغباتنا
امام احلامنا
واحيانا يكن الدافع للعيش والتقدم اولبقاء

همسات دافئه said...

قلب ينبض لله
كلام جميل كلام معقول مقدرش أقول حاجه عنه:):)
ياريت كلنا نقدر نواجه لإن فعلا مفيش حاجه هتتحل بالخوف:)أشكرك ياجميله

*******************

والقادم أجمل
حبيبتى وربنا يعلم
مرسى على كلماتك الى بتضفلى كتير اوى
والخوف أكيد ف أوقات بيدفع للأحسن بس مش دايما فى سعات بيمنعنا اننا نتقدم خطوه
اشكرك على كلماتك نورتينى ياغاليه:)

******************
محمد
:)تحليل منطقى
أسعدنى مرورك الجميل ده

همسات دافئه said...

سالى
ربنا يخليكى على سؤالك انا مشغوله بس اوى والوحى مش موجود:)
ان شاء الله قريب ...ادعيلى

**************

سندباد
بحارى العزيز الى غايب بقاله كتير:)
كلامك صح احنا المفروض نقرب من ربنا ونؤمن بالقضاء والقدر ونتوكــــــــــــل ربنا يرزقنا الإيمان الى يعننا على كده مرسى ياسندباد اوى:)

**************

اوما
وانتى جميله مووت:):):)
يالا بدل شدك غيرى السواد الى عندك وخليكى فى الفواتح:)

*************
رئيسى الغالى
ياااه لذه التغلب عليه
يعنى احنا نكون البحر الى يغرقه والكائن الى يبث السموم فى ايده
والرمل الى يدفنه
صح
جميله أوى جملتك أشكرك جدا على تشجيعك الدائم ليا:)

**************
ألاء
مظبوط
انا عايزه الجمله الأخيره ده ربنا يعننا ونفذ مرسى يا لولو ربنا يخليكى ليا:)